[建議]群策群力完善粵語嘅步操隊列口令體系
今日突然發現我哋步操嘅時候啲口令一係係普通話(大陸)一係係英語(香港)，偏偏冇粵語口令，大家諗諗點樣嗌會簡明、響亮？Re:[建議]群策群力完善粵語嘅步操隊列口令體系
连香港都冇人噉用，就算谂咗出嚟，有冇实际价值呢？唔好怪我泼冷水啊 em12:我都系就事论事咋～～
Re:[建議]群策群力完善粵語嘅步操隊列口令體系
唔理依家有冇用，呢個都係功能上嘅缺陷，有缺陷就應該彌補。中英兩語依家同為香港嘅兩種官方語言，其中嘅中文係指乜並無明示。香港依家用英語口令，將來會唔會改用中文呢？如果改用中文又用點樣嘅中文呢？噉樣作為香港兩種官方語言之一嘅中文係點樣嘅中文？粵語重係咪香港嘅官方語言？
Re:[建議]群策群力完善粵語嘅步操隊列口令體系
我記得細個嘅時候，體育老師教我哋“121”踏步口令，係用普通話，但就講明“1”表示“踏左腳”，“2”表示“踏右腳”。不過硬係就有啲人唔識踏。而喺呢個時候，個老師就用粵語講“左～左～左右左”，呢種情況正如英文嘅“left～left～left right left”。
所以我推薦如果用粵語嚟步操，就講“左～左～左右左”。講“121”反而無謂。
Re:[建議]群策群力完善粵語嘅步操隊列口令體系
“左右左”用粵語嗌比較響亮，確係適合粵語用。用普語就唔得響亮，所以就改用"121"。但係其他口令呢？向左、右、前看齊；向左、右、後轉；向前看；立正；稍息等，點嗌先簡單清晰、響亮好聽？
頁:
[1]