[求助]請教幾個親屬稱謂
唔好意思﹐我想請教幾個親屬稱謂。第一代 我亞爺 乙（我叔公） 丙＝乙妻舅
第二代 我亞爸 … 丁＝丙之子
第三代 我 … 戊＝丙之孫
我點稱呼丙、丁、戊呢﹖表舅公、表舅父、表弟﹖戊又點稱呼我亞爸﹖
Re:[求助]請教幾個親屬稱謂
dada，请睇呢篇文章：http://www.cantonese.asia/school/canbasic/ungoo/practical2.asp
我一直唔肯将呢篇文章发上网，系怕好多无耻嘅人攞咗嚟周围贴，当系佢自己嘅成果。
Re:[求助]請教幾個親屬稱謂
多謝提供。好多嘢睇。第一代 我阿爺 乙（我叔公） 丙＝乙妻舅
第二代 我阿爸 己 丁＝丙之子
第三代 我 庚 戊＝丙之孫
己係我堂叔﹐庚係我堂弟。
「阿婆、阿嫲的兄弟﹕舅公」﹐即丙係我堂弟嘅舅公﹐又即係我嘅舅公﹖
丁係己嘅表弟（兩兄妹嘅仔）﹐即丁係我堂弟嘅表叔﹐又即係我嘅表叔﹖
戊係我堂弟嘅表弟﹐亦即係我嘅表弟﹖
另外﹕「姑婆、姨婆的丈夫﹕丈公」。原來真係有「丈公」﹖上幾個月﹐喺一個家庭聚會﹐我哋覺得「丈公」冇意思。我返嚟查字典﹐見到「姨公﹐稱謂。稱姨婆的先生。」所以我提議將「丈公」改為「姨公」﹗
Re:[求助]請教幾個親屬稱謂
頭都大埋~~~~我不嬲都唔識叫呢啲稱謂...次次都係婆婆叫我地小朋友嗌乜就乜,
重記得細個時,
有一次, 婆婆指住個同佢差唔多年齡既婆婆, 要我地嗌八婆, 搞到我支支吾吾都嗌唔出,剩係得傻笑,原來婆婆唔係太鍾意個親戚(好似係公公既排行第八既妹妹) em2: em2:
Re:[求助]請教幾個親屬稱謂
我好多都識叫，事關我都有唔少祖輩代嘅親戚，不過而家過咗身嘅已經七七八八嘞。而家嘅家庭多數祇生一個細路，確實少咗好多親戚關係。。。Re:[求助]請教幾個親屬稱謂
我之所以识咁多，系因为我阿妈嗰边屋企有12兄弟姐妹，啲关系好复杂。叫我“表叔”嗰啲，年纪大过我，呢啲人叫我老窦就系叫“丈公”喇。呢度未听过“姨公”呢种讲法，其实“姨丈”、“姑丈”都有个“丈”字，所以综合呢两个称呼，叫“丈公”非常适合啊，去到咁疏嘅关系，冇必要分“姑公”定“姨公”喇啩？
各位兄弟姐妹，有冇更多亲戚关系补充啊？
Re:[求助]請教幾個親屬稱謂
姨公、丈公嘅叫法都有，其實都唔算太複雜。我廣州嘅丈公前幾年先過身，佢就係我老竇嘅親姑丈；至於姨公就係阿嫲個姐夫或妹夫，我都係噉叫。。。Re:[求助]請教幾個親屬稱謂
kathy話﹕「次次都係婆婆叫我地小朋友嗌乜就乜。」而家係我哋嘅責任喇。 em8:Re:[求助]請教幾個親屬稱謂
我屋企人嘅叫法同余ok嘅一樣。亞媽嗰邊嘅家姐叫“姨媽”，佢老公叫“姨丈”。
亞爸嗰邊嘅家姐叫“姑媽”，佢老公叫“姑丈”。
“姨丈”同“姑丈”嘅老竇我都未曾叫過，所以亦未曾嗌過。
即使係去到咁疏嘅關係，稱謂呢家嘢都要分得好清楚。
舊時老人家派請帖就用“尊稱”嚟寫。我認爲應該分開嗌“姨丈公”同“姑丈公”。
頁:
[1]