随手涂鸦之 "中厨厨师铲晒D头发,中国至有救"
今年年夜饭,老妈订咗某酒楼,点知去到先知老妈畀人呃咗，我地姨妈姑爹加埋大大细细九个人，酒楼先畀张六人台我地，于是我是要求换张大台。点知一换就乱晒龙，个酒楼上来上去都上唔到菜畀我地食，我地成棚人坐晒响处，噪音啦、服务质量差啦就有得你食。
催咗N次之后，我地等得唔耐烦喇，就叫埋单走人，咁无几耐至有得食，重要系冻嘅添。
我地从晚上7点几到达一直扰攘到九点几，D菜都未上得齐，最后个酒家单方面cancel咗两个菜，同我悭返几十蚊，餐年夜饭至成功食完。
以上陈述全部都系前言。
我最想讲嘅系，我地成十点等埋单果时，我去洗手路过，见到D厨房仔个个摊晒出来厅面坐，等收工，个个好似死半截咁，无厘神气唔在讲，畀我见到佢地个样，潮呀！个个D头发又长又jell起晒，绝对动漫。噫！好彩我忍得住无呕到，十分之「意利」。
所以我话中国人不思长进，要求实在低，D头发咁长来做厨师都可以忍受得到，犀利。畀着我做酒楼老板，我叫佢地一系就铲晒D头发去，一系就走人。
千祺唔好话我变态+专制啵，你睇下人地Pizza Hut，一个意大利烧饼够胆死踩埋来我地地头卖一百几十蚊一个，重成日升价添；M记一个垃圾鸡肶包卖到十二蚊一个，你睇下佢地D厨师够唔够胆污污搲搲？！一百几十蚊，响中餐厅，摱下手斑仔都有得你食呀。
所以话我地D中国人，真系cheap到无朋友，几时D中厨厨师铲晒D头发喇，咁中国就有救喇。a le lu ya. 柳尋風啲獨特文風:lol:lol :lol :lol M記係美国一個雞包賣一蚊啫陰公.........
有次我同幾個朋友跟团去九寨沟玩,路過成都係飯店吃飯,導游随口問:"點啊,D嘢合口味嗎?"有條友仔随口答:"碗炸醬面唔够地道。"導游入咗厨房反映,好快出嚟換咗一碗炸醬面比佢,條友仔本无意佔此便宜,不過食得唔好晒........點知食完上咗飛機疴到面无人色,仲发埋熱,班厨房佬真係无良:@ 回覆 4# 雨夜街燈
燈爺講得啱，食完之前千祈唔好得罪啲廚房佬，否則實喺你嘅碟頭加料。 :@ 我都试过啦，点菜，人地都上台，我都仲未到，嫌我地食嘅菜CHEAP，吾上菜住。:@ M記係美国一個雞包賣一蚊啫陰公.........
有次我同幾個朋友跟团去九寨沟玩,路過成都係飯店吃飯,導游随口問: ...
雨夜街燈 發表於 2010-2-23 09:14 http://bbs.cantonese.asia/images/common/back.gif
M記同K記啲嘢食系全球通價嘅，你講嘅一文系USDDOLLAR，呵呵所以，中國就賣幾文個啰~~~ 可能係租貴，人工低，啲人做嘢自然冇心機。
你都成日去啲高檔嘅酒樓食飯啦，尋風，貴嘅地方自然質素好啲。
唔好舉外國人嘅快餐做例，洋快餐食品非常垃圾！毫無營養價值可言！多食一定百病纏身！ 可能係租貴，人工低，啲人做嘢自然冇心機。
你都成日去啲高檔嘅酒樓食飯啦，尋風，貴嘅地方自然質素好啲。
唔好舉外國人嘅快餐做例，洋快餐食品非常垃圾！毫無營養價值可言！多食一定百病纏身！Jake_ct 發表於 2010-3-2 11:23 http://bbs.cantonese.asia/images/common/back.gif
系喔，D高级果D酒楼投资大、风险大，系唔敢得罪D客咖。。。
頁:
[1]