[討論]广州嘅地名发音又有啲唔同正常嘅发音噃。
係广州有两嗰地名，请比较一下发音。罗冲围，螺涌围。我觉得两嗰音好似一样囉。讲开又讲，广州嘅地名发音又有啲唔同正常嘅发音噃。
十三行路嘅行就读航，行走嘅行就读恒。
流花路嘅花就读化，花园酒店嘅花就正常发音。
署前路嘅署就读暑，行政署就读处。
黄沙嘅黄读枉，黄花岗嘅黄就正常发音。
如果大家发现重有其他类似咁嘅字，请大家发贴喇。。。。。
顺便讲句，原嚟广州都有嗰狮子山喎，係石井嗰边嘅。。。 em12: em12: em12:
Re:[討論]广州嘅地名发音又有啲唔同正常嘅发音噃。
行 可以读 hang4 又可以读hong4，好正长啫。黄沙 系转调，都系粤语嘅一种现象，例如叫人 黄伯，我地肯定读[枉]wong2，唔读[皇]wong4。
Re:[討論]广州嘅地名发音又有啲唔同正常嘅发音噃。
浆栏路栏读阴平
Re:[討論]广州嘅地名发音又有啲唔同正常嘅发音噃。
龍洞，洞讀懂。。。Re:[討論]广州嘅地名发音又有啲唔同正常嘅发音噃。
鹤南，读学南。Re:[討論]广州嘅地名发音又有啲唔同正常嘅发音噃。
知用中學，知有人讀智。。。Re:[討論]广州嘅地名发音又有啲唔同正常嘅发音噃。
廣州番禺有一條村叫“都那”，“那”當地居民讀“羅”；有一個鎭叫“石碁”，“碁”其實讀“棋”，但民眾誤作“基”音；而喺佛山南海桂城附近有一個地名叫“鄱陽”，偏偏同鄱陽湖唔同讀音，“鄱”當地居民讀成“盆”。。。Re:[討論]广州嘅地名发音又有啲唔同正常嘅发音噃。
鹤南，读学南。----------------------
有咩唔同？
Re:[討論]广州嘅地名发音又有啲唔同正常嘅发音噃。
"冲"同埋“涌”又点同啫？“行”字有两种读音，“行行出状元”读“巷”
广州话古怪，都有两种音嘅，唔同场合发唔同嘅音：
“楼”字喺“二楼”中读“搂”，喺“楼上楼下”中读“漏”。
Re:[討論]广州嘅地名发音又有啲唔同正常嘅发音噃。
"冲"同埋“涌”又点同啫？涌 係读chong1. 例如沙涌。同“冲”同音。
补充：太和，同和，人和，信和广场，联和，呢嗰“和”係读wo2；
鹅掌坦，坦读谭。
大沙地，沙读sa4；沙涌，沙读sa1。 em12: em12: em13:
Re:[討論]广州嘅地名发音又有啲唔同正常嘅发音噃。
superjill在2006-2-6 23:43:20說道：鹤南，读学南。----------------------
有咩唔同？
鹤南，读学南。丹顶鹤，读he4。 em12: em12: em13:
Re:[討論]广州嘅地名发音又有啲唔同正常嘅发音噃。
首先，廣州係冇“螺涌圍”呢個地方，增步橋以西係“羅沖圍”。羅沖圍分三大區，松北、松南、螺涌。
係某啲人誤作“螺涌圍”。
鵝掌坦，坦係讀“袒”taan2
『大沙地，沙读sa4；沙涌，沙读sa1。
鹤南，读学南。丹顶鹤，读he4。』
好明顯就唔係粵語音標。等我更正妳。
大沙地
沙涌
鶴南
Re:[討論]广州嘅地名发音又有啲唔同正常嘅发音噃。
又谂到几个沙河、河沙（其中河字可读可音）
坦尾（坦字读炭，我愿意炭可能系坦字本读）
想问下雅风，你讲嗰啲音喺边处听翻来？
“鹤南，读学南。丹顶鹤，读he4。”
其实丹顶鹤个鹤字读音先至有变化，而鹤南读学一啲都无变到
Re:[討論]广州嘅地名发音又有啲唔同正常嘅发音噃。
流花路讀流「化」路Re:[討論]广州嘅地名发音又有啲唔同正常嘅发音噃。
岗顶『deng2』顶唔顺『ding2』
Re:[討論]广州嘅地名发音又有啲唔同正常嘅发音噃。
浆栏路栏读阴平
**********
类似"猪栏""牛栏","栏"都读阴平,系粤语嘅升调变读,粤人
中意变调令一个词发音容易啲,呢类似乎冇乜规律可言.
=================================================
知用中學，知有人讀智。。。
**********
庐陵欧阳修曰：“勇力，人所有，而能知用其勇者少矣。”
呢个知用中学嘅"知"系假通字,本来应该读"智"先啱.
=================================================
廣州番禺有一條村叫“都那”，“那”當地居民讀“羅”
**********
人家系读啩,"那"古音系读"挪"
=================================================
岗顶『deng2』
顶唔顺『ding2』
**********
所谓文白读..."顶"系做部分名词时会读成『deng2』
=================================================
“鹤南，读学南。丹顶鹤，读he4。”
其实丹顶鹤个鹤字读音先至有变化，而鹤南读学一啲都无变到
**********
又系一个升调嘅特例,"丹顶鹤"嘅"鹤"字升为(阴上调嘅入声),同"壳"阴去调嘅入声,即中入调系有分别嘅
多数系名词先会升调,类似嘅有"玉"升为(未听人升过"肉"字),eg,小玉妹妹; "月"升为,eg.赏月
btw,"鹤"同"学"都系读,完全同音.
中入同阳入真系好难分清,我就已经一头雾水...
Re:[討論]广州嘅地名发音又有啲唔同正常嘅发音噃。
分轻音同埋重音嘅读法，我谂係由于为了使白话更加动人，更加适合于公共场所，有啲香港制作嘅电脑教程音频文件都係讲得好娇嗲，使人听起来好舒畅咁。。。Re:[討論]广州嘅地名发音又有啲唔同正常嘅发音噃。
itxu2k嘅论述好详细，我写嗰篇文章可以参考吓你写嘅嘢。Re:[討論]广州嘅地名发音又有啲唔同正常嘅发音噃。
superjill在2006-2-8 0:47:32說道：又谂到几个“鹤南，读学南。丹顶鹤，读he4。”
其实丹顶鹤个鹤字读音先至有变化，而鹤南读学一啲都无变到
见到有人引用我呢句先发觉我呢度其实系讲错咗
其实“丹顶鹤”呢个词里面鹤字读"学"，音无变化
如果话：嗰度有只鹤。
呢个时候“鹤”字就读hok9“(阴上调嘅入声)”
我觉得岗顶个顶嘅读法平时都好常见，好似山顶、顶楼，名词就系噉读
頁:
[1]