Re:“佢”字只有一种写法？
事但啦，店用我都唔紧要噶．Re:“佢”字只有一种写法？
漢語詞彙本質係冇性別之別，呢個係漢藏語系語言嘅特性。而屬印歐語系嘅歐洲語言嘅名詞就大至分為陽性、陰性同中性屬格，代名詞就自然會有「他」「她」之分，普通話嘅「他」「她」「牠」等字係後起字，係為求與歐洲語言對釋而造嘅。
Re:“佢”字只有一种写法？
我嘅原则系兼学兼用Re:“佢”字只有一种写法？
補充一句﹐劉半農提倡用「她」﹐不過呢個字係佢借用﹐唔係佢造嘅。「她」係「姐」嘅古字﹐即係「母」。《說文》﹕「蜀謂母曰姐。」《集韻》：「姐，子野切，古作毑，或作她、媎。」
按﹕《說文》分開「姐」（蜀謂母曰姐）同「姊」（女兄也）。
Re:“佢”字只有一种写法？
可以參考漢語的方式，建議分別使用：佢、姖、𤝙。
Re:“佢”字只有一种写法？
“佢”係中文特色，广州话而家重保留。冇必要下下学西方！我觉得一个字代替晒都几好吖，人哋唔知你讲係男定女，有神秘感。
就算搞多几个字，都只不过係字型唔同，读音完全一样。听落去咪一样分唔清。但人哋外国唔係过喔。
Re:“佢”字只有一种写法？
广州话嘅“佢”就系得一种写法，已经够用啦无需盲目抄袭西方
人哋英文系有分he she it，但系佢哋唔单单系文字上有分别，而且发音都有分别
而我哋，表示第三人称，用口讲出来，边个知道系男系女定系畜生甚至系神啊？
如果真系要改成“佢、姖、？”，最好就连音都改埋，一了百了啦
追加：原来我个观点已经有人早一步讲咗
不过都无所谓，长气啲讲多少少
其实台湾无分“他、她”，一律用“他”，但系就有分“人兽神”嘅第三人称
个人觉得几好，根据物种来分
无性别歧视，企人边本身就表示人，包含所有性别，点解煲冬瓜要独独指男呢？如果系人妖按身来区别定系按心来区别呢？变性人系咪要分过去式同现在式呢？ em8:
分开表示禽兽，呢样煲冬瓜都有
神都分开表示，可能出于对神嘅敬畏，唔主张宗教就系迷信
Re:“佢”字只有一种写法？
desmond在2005-12-22 21:21:33說道：漢語詞彙本質係冇性別之別，呢個係漢藏語系語言嘅特性。而屬印歐語系嘅歐洲語言嘅名詞就大至分為陽性、陰性同中性屬格，代名詞就自然會有「他」「她」之分，普通話嘅「他」「她」「牠」等字係後起字，係為求與歐洲語言對釋而造嘅。
你的說法有問題，
的確，現代漢語的“她”是後起字，
但並不代表古漢語沒有性別之分，
如“伊”，就是古代的“她”，是女性的第三人稱，
“为伊消得人憔悴”，
“所謂伊人，在水一方。”
語言的進化特點之一就是詞匯的分工漸趨細緻準確，
片面追求語言的純潔性而拒絕其他語言的優點並不可取，
“佢、姖、𤝙、𥘹”可以在不改變粵語本身的口語使用習慣的基礎上達至精確細緻，
不失為一個好方法，
至於有人說把其他第三人稱改變發音，
由於這需要改變我們平時的口語習慣，
難度很大，成功的可能性極低。
當年魯迅先生就曾引入古代的“伊”字作為女性的第三人稱，
但由於不符合現代漢語的口語習慣，
結果最終不敵與“他”字發音相同的“她”。
Re:“佢”字只有一种写法？
夢星羽在2006-4-1 14:18:42說道：的確，現代漢語的“她”是後起字，但並不代表古漢語沒有性別之分，
如“伊”，就是古代的“她”，是女性的第三人稱，
“为伊消得人憔悴”，
“所謂伊人，在水一方。”我唔識「古漢語」嘅定義﹐不過我直覺到「伊」表示女性係近代嘅事。
①《國語辭典》﹕「第三人稱代名詞，相當於彼﹑他。詩經‧秦風‧蒹葭：『所謂伊人，在水一方。』宋‧柳永‧蝶戀花‧佇倚危樓風細細詞：『衣帶漸寬終不悔，為伊消得人憔悴。』」
②http://www.booker.com.cn/big5/paper40/1/class004000023/hwz116285.htm
「文言裏間或有『伊』字看見，這是真理；但若說那些『伊』都是女人，那卻不免委屈了許多男人！」
③http://www.china.org.cn/firbry/2002-02-08/2002-02-08-14.htm
「中國的文言中，第三人稱代詞多用『伊』或『他』字，但其中並沒有男女性別區分。在『五四』新文化運動之前，『他』字兼稱男性、女性以及一切事物；在此前後一段時間，一些文學作品中，『伊』字被用來專指女性第三人稱。」
④http://big5.chinabroadcast.cn/gate/big5/gb.chinabroadcast.cn/3601/2005/07/26/342@636801.htm
「本來，在中文裏，表示第三人稱單數的代詞，除『他』字之外，文言中較常用的還有一個『伊』字。尤其是在吳方言區，『伊』字在口語中的使用還甚為流行。不過，該字卻並不具有明確的性別區分含義。這一點，從1874年上海人曹驤出版的《英字入門》一書中將he、she、it統統譯成『伊』字，將they譯為『伊們』，可見一斑。
晚清以降，隨著中西語言交流的不斷深入，人們不得不努力去創造一些新字（如有些化學元素），或改造一些傳統漢字的用法，以適應中西語言詞彙對應的需要。1878年，廣州人郭讚生翻譯出版英文語法著作《文法初階》一書，就在『伊』字的女性專用限定方面，邁出了具有創造性的一步。書中不僅多次自覺地將『伊』與『他』在性別上加以區分使用，明確譯he、him為『他』；譯she、her為『伊』，it為『彼』；譯his、her、its為『他的、伊的、彼的』（見該書40頁，90頁）；還在一些涉及到she和he字的具體語句的翻譯時，注意對兩者加以區別，如he is in the garden, but she is in school就被譯為『他在園內，但伊在書館』（見該書48頁）。不僅如此，書中還有一段譯文清楚地寫道：『男人意思是（he）他，乃是屬陽類的；女人意思是（she）伊，乃屬陰類的；小子意思是（he）他，是屬陽的；女子意思是（she）伊，是屬陰的』。值得注意的是，此書出版於香港，作者也並不屬於吳方言區人，可見這種創造使用的地域範圍，可能比想像的還要廣泛一些。」
Re:“佢”字只有一种写法？
佢字就“佢”，改唔改唔係我哋粵語協會話事。我哋所做嘅嘢，係反映當前粵文化嘅狀況，喺古籍等地方探索我哋用字淵源。
我哋目的都係想大家佮手佮腳統一粵語用字。
Re:“佢”字只有一种写法？
ngf在2005-11-28 19:35:44說道：字面寫法都係寫“佢”。因為“佢”字係第三人稱代名詞，包含咗(他，她，它，牠，祂)等意思。
我而家唔係问你点解，而係问你点办。
Re:“佢”字只有一种写法？
dada在2005-12-14 7:43:17說道：無論邊個語言﹐都梗有詞不達意嘅時候。如果有一篇叫《他們和她們》嘅文章﹐英文都冇法子直接翻譯。虽然“他们”、“她们”英文分唔清，但係满大人可以分得清，从呢方面睇满大人就比英文完善咗啲。
重有，你意思係唔係话：反正人哋都有一只手残废咖啦，我哋两只手都唔喐得又有乜嘢所谓。
Re:“佢”字只有一种写法？
anl在2006-4-4 17:47:24說道：佢字就“佢”，改唔改唔係我哋粵語協會話事。我哋所做嘅嘢，係反映當前粵文化嘅狀況，喺古籍等地方探索我哋用字淵源。
我哋目的都係想大家佮手佮腳統一粵語用字。
你噉讲係乜嘢意思？大石碛死蟹啊？噉叫讨论咩？
传统？以前骑马，够传统嘞啩，点解你而家又要开车？搭飞机？
有咗把一字螺丝批係唔係就唔使要十字螺丝批？点做嘢啊？文字同样都係工具啫。
我哋嘅语言文字如果唔改进，就会越嚟越少人用，就会死咖喇。
而家可唔可以好明确噉回答我：《他和她》点译？相信呢个问题好多人平时都会经常遇到，例如写信、icq倾谒，当同时讲到“他”同埋“她”嘅时候点办？
Re:“佢”字只有一种写法？
highyun在2005-12-22 8:52:36說道：芬1012在2005-12-21 19:03:13說道：点解而家会有咁多字呢？係因为人类文化发展嘅结果。我唔知你哋嘅年纪係几大，如果你哋对粤文嘅改革与发展係咁抗拒嘅话，我都无嘢好讲嘞。
而家係电脑时代，中文係要有相应嘅代码至可以显示嘅。就算我哋想造字，如果电脑上冇呢个字嘅代码，我哋都冇符。而家好彩嘅係，“姖”“犋”都有代码，我哋点解唔用呢？
唔系抗拒，而系咩嘢都要有根据，有理由，而且应该为大众接受，唔系你话系噉就噉架。有代码就可以用？噉字库重有好多生僻字都唔知咩意思，岂不是可以乱咁用嚟取代一啲有音冇字嘅粤语字？
我嘅意思係话，电脑代码都係一种资源嚟嘅，如果某啲代码长期冇人用，就有可能取消咖喇，以后可能我哋就算想用都冇得用咖喇。
有嘅时候唔珍惜，冇嘅时候后悔就迟咖喇。 —— 就好似我以前嘅女朋友噉。
其实有啲嘢唔係怕冇人用，
最怕就唔好用。
如果有人用咗，
其余啲人又觉得好用，
自然就会好多人用。
Re:“佢”字只有一种写法？
我曾經喺一個文字論壇睇見好多偏激嘅話。有人話﹕中國人連個「鎔」字都打唔出﹐所以美國有《紐約時報》﹐中國冇《北京時報》。又有人話﹐你哋咁鍾意傳統字﹐不如寫返甲骨文喇﹗我唔講偏激嘅話。
「他們和她們」係漢語﹐我寫漢字唔覺得失面。
粵語有啲字寫唔出﹐但我唔認為粵語兩手殘廢。國語分唔出「藍」同「蘭」﹐但我冇認為粵語比國語優勝。
一句話﹐我認為恢復同提倡粵語正字﹐比造啲新字有意義、有效用。
Re:“佢”字只有一种写法？
dada在2006-4-12 1:15:44說道：我曾經喺一個文字論壇睇見好多偏激嘅話。有人話﹕中國人連個「鎔」字都打唔出﹐所以美國有《紐約時報》﹐中國冇《北京時報》。又有人話﹐你哋咁鍾意傳統字﹐不如寫返甲骨文喇﹗我唔講偏激嘅話。
「他們和她們」係漢語﹐我寫漢字唔覺得失面。
粵語有啲字寫唔出﹐但我唔認為粵語兩手殘廢。國語分唔出「藍」同「蘭」﹐但我冇認為粵語比國語優勝。
一句話﹐我認為恢復同提倡粵語正字﹐比造啲新字有意義、有效用。
我呢个帖係问“点办”，其它嘢可唔可以先唔倾啊？
Re:“佢”字只有一种写法？
“问题”始终都係问题，无论点回避都喺度。呢个问题我哋始终都有机会遇到，除非，除非我哋唔再用粤文写字或者打字。
Re:“佢”字只有一种写法？
芬1012在2006-4-11 23:47:38說道我嘅意思係话，电脑代码都係一种资源嚟嘅，如果某啲代码长期冇人用，就有可能取消咖喇，以后可能我哋就算想用都冇得用咖喇。
有嘅时候唔珍惜，冇嘅时候后悔就迟咖喇。 —— 就好似我以前嘅女朋友噉。
其实有啲嘢唔係怕冇人用，
最怕就唔好用。
如果有人用咗，
其余啲人又觉得好用，
自然就会好多人用。
就算电脑有呢啲字，都唔一定系噉用就啱架。有冇必要噉用，应该由大众决定，唔系一个人话系点就点。我相信呢度就算搞投票，都系支持只用一个“佢”字嘅人多。
Re:“佢”字只有一种写法？
芬1012在2005-11-28 18:08:50說道：喺英文同埋“满大人”里边嘅第三人称都有唔同嘅写法，she,he,it,她，他，它。而我哋粤文就只有一种写法，大家谂吓应该点办。
譬如“她和他”，我哋应该点讲？
其实可以噉讲：佢哋两个（联系上下文就可以知道系公定系乸）
其实得一种都无乜所谓
因为呢个系第三人称，文章唔会一开始就用到，都系先提人名再用
下面嘅佢一联系上下文就知道男女——千祈唔好当读者系白痴
如果开头提到一对男女，之后讲佢哋之间嘅事，就按口述习惯，一个讲佢一个讲名，或者两个讲名，如果两个系同性就算写文都要噉做啦——呢样最好参考小学生作文
虽然煲冬瓜喺文章里面分得清，转用口述，都唔会讲“ta和ta……”
写多几个字啫，电脑时代，无相干啦
你话《他和她》点译？
如果系作为题目，又使乜译？
就噉《他和她》咪得啰，有时唔需要样样都译啩？
好似系咪任何“不”都要译作“唔”呢
煲冬瓜有区分嘅，有必要咪借用先啰
讲到尾，汉语系唔够英文嘅逻辑性强嘅
如果你真系想用粤语成文，自己揾啲字来区分唔同类型嘅第三人称亦无不可
毕竟，路系人行出来嘅
（好耐未试过打咁多字，好攰……）
Re:“佢”字只有一种写法？
你噉讲係乜嘢意思？大石碛死蟹啊？噉叫讨论咩？传统？以前骑马，够传统嘞啩，点解你而家又要开车？搭飞机？
有咗把一字螺丝批係唔係就唔使要十字螺丝批？点做嘢啊？文字同样都係工具啫。
我哋嘅语言文字如果唔改进，就会越嚟越少人用，就会死咖喇。
而家可唔可以好明确噉回答我：《他和她》点译？相信呢个问题好多人平时都会经常遇到，例如写信、icq倾谒，当同时讲到“他”同埋“她”嘅时候点办？
=========================================
確實要講討論，我覺得冇乜必要再爭論。
先聽聽我觀點好唔好？
你認爲粵語文章用一個“佢”，表達唔出“她”和“他”。呢個係寫出嚟嘅事。正如superjill所言，讀者唔係白癡，一睇就知邊個“佢”係指男還是指女。
反而，普通話當中亦都有“他”同“她”發音一樣，如按你所言，雖然寫出嚟可以區分，但讀起身就區分唔到，係咪有必要先將我哋全國通用語言學人哋英文噉，男嘅“他”同女嘅“她”，要分開唔同讀音？
我覺得語言之間總會有啲互相表達唔到嘅地方，一種語言一直喺度變化、進化，粵語協會嘅目的就係希望帶領語言文化向好方面進化，將正確嘅訊息記錄低。
假如你一個人嘅能力可以做到令普通話“他”同“她”讀音有別，我相信粵語協會眾多人手都可以做得到將“佢”字分開“佢”同“姖”。明未？
文字係大眾公認，若然群眾冇異議，我哋粵語協會亦會鼎力支持。