芬1012 發表於 2005-11-29 02:08:50

“佢”字只有一种写法？

喺英文同埋“满大人”里边嘅第三人称都有唔同嘅写法，she,he,it,她，他，它。
而我哋粤文就只有一种写法，大家谂吓应该点办。

譬如“她和他”，我哋应该点讲？

NGF 發表於 2005-11-29 03:35:44

Re:“佢”字只有一种写法？

字面寫法都係寫“佢”。
因為“佢”字係第三人稱代名詞，包含咗(他，她，它，牠，祂)等意思。

superjill 發表於 2005-11-29 07:19:55

Re:“佢”字只有一种写法？

一种写法有何不可？
唔一定要人有我有

highyun 發表於 2005-11-29 17:27:02

Re:“佢”字只有一种写法？

满大人读呢三个字都系得一个音。
实际上，“它”应该有“牠”“祂”“它”三个字，“牠”指非人生物，“祂”指“上帝，主”“它”指死物。

蟲子 發表於 2005-11-29 20:26:12

Re:“佢”字只有一种写法？

highyun在2005-11-29 09:27:02說道：满大人读呢三个字都系得一个音。
实际上，“它”应该有“牠”“祂”“它”三个字，“牠”指非人生物，“祂”指“上帝，主”“它”指死物。
家下簡體中文好似全部都係"它"噃,係方便啲,不過唔清唔楚.

余OK 發表於 2005-11-30 03:14:51

Re:“佢”字只有一种写法？

普語嘅“她”好似都係後屘先加上去嘅。。。

desmond 發表於 2005-11-30 07:56:10

Re:“佢”字只有一种写法？

她 字 係見到外語有分男女，後嚟為咗對譯而新興嘅字。

Anl 發表於 2005-11-30 21:08:14

Re:“佢”字只有一种写法？

有男有女嘅“他們”都係用“他”，似乎呢個“他”唔專係用喺男性。
所以“佢”都可以指男指女。

Yucky豕 發表於 2005-11-30 23:50:47

Re:“佢”字只有一种写法？

噉個[姖]字咩意思啊~?~

dada 發表於 2005-12-1 01:20:15

Re:“佢”字只有一种写法？

「姖」係山名、姓、「姬」。

我認為同時有男有女嗰時用「他們」﹐係因為以男性為主。法語都係噉樣。

「她」同「它」字﹐係劉半農所創。《劉半農與“她”的故事》http://www.china.org.cn/firbry/2002-02-08/2002-02-08-14.htm﹕
　　首先，從翻譯和閱讀外國文章的角度，提出了創造“她”字的必要。他舉出閱讀中的一個例子：
　　“他說，‘他來了，誠然很好；不過我們總得要等他。’”
　　這種語言方式，在外國文章，尤其文學作品中使用很多。但倘若按照“他”字表示一切第三人稱的話，就會出現上面的使人摸不清頭腦的問題。但是，用一個女性的“她”字，一切便會顯豁了：
　　“她說，‘他來了，誠然很好；不過我們總要等她。’”
　　這樣一來，說這句話所牽涉的三個人的角色，基本弄清楚了。這是一個顯明的例子。

「她」字真係好用。不過法語連動詞或冠詞都分開男女﹐其實冇必要嘅。

同時﹐造一個特別字表示一個特別情況﹐要適可而止。漢語以前認為個「馬」字太廣泛﹐要造一個「驤」字嚟指後右腳白色嘅馬﹐整到漢字越嚟越多。英語而家重繼續噉做。有一次我喺一個英語論壇解釋「舐犢」係舐veal。有個人話千祈唔好叫母牛舐veal﹐因為veal係牛仔肉﹐唔係牛仔。

highyun 發表於 2005-12-1 02:46:03

Re:“佢”字只有一种写法？

她 字真正嘅美妙之处系形容一啲拟为母性嘅值得人爱事物，例如国家、河流、建筑物，等等。

芬1012 發表於 2005-12-13 07:26:03

Re:“佢”字只有一种写法？

建议用：佢，姖，犋

jumpsey 發表於 2005-12-13 07:56:59

Re:“佢”字只有一种写法？

無啦啦整個女嘅她，好似幾尊重女聲噉，但係喺有男有女嘅時候又淨係用個男嘅他，視女性爲無物，倒不如就係用一個佢包含晒，無分你我噉樣比較好。

highyun 發表於 2005-12-13 17:24:10

Re:“佢”字只有一种写法？

其实本身一个“他”唔分男女，反而更公正，因为系“人”字旁，可指男又可指女。但而家分开咗，反而有啲唔公平，因为以“人”表示男，好似表明男嘅地位高过女噉。

Anl 發表於 2005-12-14 07:27:54

Re:“佢”字只有一种写法？

係咪從字面上講明咗“男”嘅先係人，女嘅唔係人，係“女”。

芬1012 發表於 2005-12-14 10:44:11

Re:“佢”字只有一种写法？

highyun在2005-12-13 09:24:10說道：其实本身一个“他”唔分男女，反而更公正，因为系“人”字旁，可指男又可指女。但而家分开咗，反而有啲唔公平，因为以“人”表示男，好似表明男嘅地位高过女噉。

你哋又扯咗去边度啊。
我只係讲写作需要，有时喺写嘢嘅时候，将男女嘅“佢”字分开写係有需要咖。
点解我哋对个“佢”字咁唔重视，唔係因为我哋嘅祖先好讲男女平等，而係因为佢哋从嚟就好少用粤文认认真真写过嘢，所以佢哋根本就冇谂过将个“佢”字分开男女係唔係会好啲。但係我哋粤文如果要发展，就必须完善同埋创新（而且都唔算创新啊，人家英文同埋满大人都已经係噉啦）。
譬如：我哋真係要翻译一篇叫《他和她》嘅文章，成篇嘢都係讲“他”同埋“她”嘅，你谂吓你可以点译？唔通全部都用个“佢”字？噉叫人哋点睇啊。
突破传统，完善自己，噉我哋粤文至可以进步咖嘛。

dada 發表於 2005-12-14 15:43:17

Re:“佢”字只有一种写法？

無論邊個語言﹐都梗有詞不達意嘅時候。如果有一篇叫《他們和她們》嘅文章﹐英文都冇法子直接翻譯。

顺德水蛇粥 發表於 2005-12-18 04:21:44

Re:“佢”字只有一种写法？

就得一个，佢

芬1012 發表於 2005-12-22 03:03:13

Re:“佢”字只有一种写法？

点解而家会有咁多字呢？係因为人类文化发展嘅结果。
我唔知你哋嘅年纪係几大，如果你哋对粤文嘅改革与发展係咁抗拒嘅话，我都无嘢好讲嘞。

而家係电脑时代，中文係要有相应嘅代码至可以显示嘅。就算我哋想造字，如果电脑上冇呢个字嘅代码，我哋都冇符。而家好彩嘅係，“姖”“犋”都有代码，我哋点解唔用呢？

highyun 發表於 2005-12-22 16:52:36

Re:“佢”字只有一种写法？

芬1012在2005-12-21 19:03:13說道：点解而家会有咁多字呢？係因为人类文化发展嘅结果。
我唔知你哋嘅年纪係几大，如果你哋对粤文嘅改革与发展係咁抗拒嘅话，我都无嘢好讲嘞。

而家係电脑时代，中文係要有相应嘅代码至可以显示嘅。就算我哋想造字，如果电脑上冇呢个字嘅代码，我哋都冇符。而家好彩嘅係，“姖”“犋”都有代码，我哋点解唔用呢？
唔系抗拒，而系咩嘢都要有根据，有理由，而且应该为大众接受，唔系你话系噉就噉架。有代码就可以用？噉字库重有好多生僻字都唔知咩意思，岂不是可以乱咁用嚟取代一啲有音冇字嘅粤语字？
頁: [1] 2 3
查看完整版本: “佢”字只有一种写法？