由“紧”谂到嘅
粤文里边嘅“紧”如果用喺动词嘅后边，就表示嘅个动作係“进行时”，相当于英文嘅“ing”。“紧”字就相当于一个动词嘅后缀，一种时态。呢种语法喺“满大人”里边係完全冇嘅。去紧 keoigan going
食紧 sikgan eating
做紧 zougan doing
对于粤文嘅拼音写法，我哋係唔係重未研究完呢。譬如可唔可以唔用数字作为音调呢？用一个或两个特定嘅字母表示音调得唔得呢？用词组合成单词得唔得呢？
有咗拼音字，我哋粤文有啲字就唔使绞尽脑汁、挖空心思噉谂一啲“像形”文字出嚟嘞。而且方块字喺电脑上用嘅时候係需要代码嘅，如果电脑上冇呢个代码，我哋想创新发展都好难。
好希望有机会同大家一齐面对面噉讨论一吓粤文拼音字啊。
Re:由“紧”谂到嘅
粤语拼音文字我始终极度反对嘅，舍两千年传统嘅汉字而改用拼音文字，系对祖先嘅一种忤逆。Re:由“紧”谂到嘅
粵語拼音文字？我諗過嘞。去呢度睇吓啦︰http://input.foruto.com/ocj/yuetyuelomaji/
實驗文章︰
http://yuetyuelomaji.blogspot.com/
Re:由“紧”谂到嘅
極力抵制粵語拼音代替漢字。Re:由“紧”谂到嘅
中國文字不可丢棄,噉搞法始早連中文字都唔識寫,喐下諗唔到就拼音代替Re:由“紧”谂到嘅
highyun在2005-11-29 09:21:09說道：粤语拼音文字我始终极度反对嘅，舍两千年传统嘅汉字而改用拼音文字，系对祖先嘅一种忤逆。冇人讲过要用拼音字代替传统字，而係两者兼用啫。
而且用拼音字有利于传播粤语，因为见音识字係最容易学嘅。
我哋唔同满大人，人家有绝对权力嘅支持，有铺天盖地嘅人海。我哋呢？乜都冇，我哋就要谂办法，变通。
两千年文化？如果以后有一日，我哋粤语变到好似一啲非洲嘅土著话噉，净係得一两个人识讲，我哋都变成咗考古佬嘅生化石，得闲冇事就“请”我哋上吓电视，叫我哋讲几句粤语听吓，然后啲观众就笑吓。最后我哋几个冇牙佬带埋我哋嘅粤语默默噉埋入棺材。到嗰阵时，两千年文化又点啊。
可能有人会话：有冇咁夸张啊？
我哋而家可能重未感觉到危机，但係我哋可以从而家嘅一啲现像睇趋势。而家全世界讲粤语、学粤语嘅人係多咗抑或少咗？而打压紧我哋嘅满大人呢？係多咗抑或少咗？呢种趋势係唔係加速紧？
Re:由“紧”谂到嘅
而且而家好多好多人都用紧手机等通讯工具，但係所有、手机都唔可以显示粤文嘅。当我哋用唔到粤文嘅时候，好自然就会用满大人嚟代替（因为冇其它办法），正所谓此消彼长啊。喺呢种情况下，粤文会变得越嚟越冇用，就连新新代都将粤文抛弃，后继冇人，死梗，死得重快。
我哋而家首先要谂办法令到更多人识讲，讲嘅人多嘞，自然就会有更多人识睇识写。正所谓“语文语文”，先有“语”然后至有“文”咖。
Re:由“紧”谂到嘅
highyun在2005-11-29 09:21:09說道：粤语拼音文字我始终极度反对嘅，舍两千年传统嘅汉字而改用拼音文字，系对祖先嘅一种忤逆。如果我哋最后连粤语都保唔住，我哋又好对得住祖先咩？
Re:由“紧”谂到嘅
每个国家，每个民族都有自己嘅文化体系，我地可以去学习他国语言去促进国与国之间嘅交流，文字係文化体系嘅一种直观嘅表现方式，汉字亦然。作为炎黄子孙绝对不应忘记自己祖先嘅文化，所以我绝对反对以拼音代替文字。至于楼主提出嘅拼音与文字并用，虽无不可，但一经实施却十分繁琐。
Re:由“紧”谂到嘅
系咪实现拼音文字同保唔保得住粤语冇关系，所以我反对拼音文字唔等于我对唔住祖先，就算粤语最终一日不保，亦绝唔系因为我反对推行拼音文字嘅原因。恰恰相反，我而家做嘅嘢，就系保住祖先嘅文化遗产，使中国传统文字以及优秀嘅粤语尽可能得以保存。你试下调查大部分人，睇吓识睇汉字嘅人多定系识拼音文字嘅人多。又睇吓下面啲字：
“嘅”ge3
“唔”m4
“咁”gam3
……
接受前面嘅人多定系接受后面嘅人多？
Re:由“紧”谂到嘅
粤语和汉字都系祖宗的遗产，边样都唔可以偏废．反对粤语拼音化．
頁:
[1]