重編粵語字小字典
哋們: 我哋(我們); 你哋(你們)
有點兒: <用法: 單字疊詞+哋> 暈暈哋(有點兒發暈); 凍凍哋(有點兒冷)
音譯字: 爹哋(爸爸/英文daddy的音譯詞)
【人哋】 別人/他人, 不作「人們」解
<錯別字: 哋>
佢
他/她/牠/它/祂: 佢哋(他們/她們/牠們/它們/祂們)
搵
1. 尋找: 搵工(找工作); 搵嘢(找東西) 2. 賺取: 搵食/搵錢/搵銀(賺錢)
【搵笨】 欺騙, 尤指在金錢或利益上, 字面解作找愚笨的人來欺騙: 畀人搵笨(被別人騙了); <用法: 搵+代詞/名詞+笨> 搵你笨(欺騙你); 搵啲遊客笨(欺騙遊客)
【搵餐晏仔】 賺錢, 字面解作找一個午飯
【搵老襯】 同「搵笨」, 老襯解作愚笨的人 <用法: 與「搵笨」相同>
揾
同「搵」
重
1. 還: 重有(還有); 重要(還要); 重要唔要(還要不要); <用法: 名詞+重+形容詞+過+名詞> 你重老過我(你比我還老) 2. 更加: 你重老(你更老) 3. 和普通話的「重zhong4」字相若，解釋從略
和普通話的「重zhong4」字相若，解釋從略
和普通話的「重chong2」字相若，解釋從略
<注意: 千萬不要把「重有、重要」等詞錯寫成「仲有、仲要」, 因為「仲」字只有「兄弟排行次序二」和「在當中的」兩個意思，而「重」字才有「再次」的意思。>
<錯別字: 仲>
攰
疲倦/疲勞: 眼攰(眼睛疲勞)
<字形解構: 「攰」是一個會意字, 當一個人體力透支, 就會覺得疲勞, 因此「攰」字是由「支」和「力」兩個字組成的>
攞
1. 拿: 攞住(拿着); 攞嚟畀我(拿來給我) 2. 用: 攞支筆寫字(用筆來寫字) 3. 拿走/奪取: 攞你命(奪走你的性命)
【攞嚟】 1. 拿來 2. 自討苦吃
【攞嚟衰】 自討苦吃
【攞嚟賤】 同「攞嚟衰」
【攞命】 要命
嬲
生氣/憤怒: 嬲爆爆(生氣)
<字形解構: 「嬲」是一個會意字, 兩男一女的三角戀愛關係會令三個人都感到不快和憤怒, 因此「嬲」字是由兩個「男」字和一個「女」字組成的>
靚
1. 美麗/漂亮/帥: 靚仔同靚女(帥哥和美女); 扮靚(打扮); 貪靚(愛美) 2. 好/優良: 茶葉靚(茶葉品質好); 靚位(好座位)
<注意: 千萬不要把「僆仔」錯寫成「靚仔」, 因為「靚」字沒有「乳臭未乾」的意思>
靓
同「靚」
睇
看/見: 睇吓(看一下); 睇戲(看電影)
【睇水】把風
【睇頭】看點
【冇眼睇】 看不下去/不想看了, 字面解作沒眼睛看
啱
1. 正確: 你講得啱(你說得對) 2. 適合/合適: 呢種生活啱我(這種生活方式適合我) 3. 合心意: 啱晒我心水(非常合我心意); 唔啱傾到啱(不滿意的話, 討論到合心意為止) 4. 剛好,剛才: 咁啱(剛巧); 啱啱(剛剛)
<錯別字: 岩>
諗
1. 思索: 諗計(想法子); 唔想諗(不想去想) 2. 考慮: 等我諗吓先(讓我先考慮一下) 3. 認為/推測: 我諗我已經鍾意咗你(我認為我已經愛上你了)
【諗頭】 主意/點子
<注意: 在粵語中，「諗」字有「思索、認為」等意思, 而「想」字只有「打算、希望」等意思, 要特別注意>
谂
同「諗」
想
打算: 我想去旅行(我打算去旅遊); 2. 希望: 想讀多啲書(希望多唸點書)
<注意: 普通話的「想」字有「思索、認為、打算、希望」等意思, 但是粵語的「想」字卻只有「打算、希望」等意思, 要特別注意>
嘅
的: 最耐嘅(最久的); 我哋嘅(我們的); 邊個買嘅書(誰買的書); 食嘅着嘅(吃的喝的)
語氣助詞, 嘆息的語氣: 都得嘅(也行); 點解會咁嘅(為甚麼會這樣)
<錯別字: 既,旣>
乜
1. 甚麼:
巧
1. 剛巧: 咁巧(這麼巧) 2. 法子/點子: 條巧幾好(這個法子不錯)
<錯別字: 橋>
僆
Re:重編粵語字小字典
係 是: 唔係(不是); 就係(就是); 確係(確是); 即係(即是)係 【一係】 <用法: 一係++一係+>
係 <錯別字: 系,繫,喺>
系 同「係」
----------------------------------
喺你 = 當你
Re:重編粵語字小字典
desmond在2005-11-03 02:21:15說道：哋們: 我哋(我們); 你哋(你們)
有點兒: <用法: 單字疊詞+哋> 暈暈哋(有點兒發暈); 凍凍哋(有點兒冷)
音譯字: 爹哋(爸爸/英文daddy的音譯詞)
【人哋】 別人/他人, 不作「人們」解
<錯別字: 哋>
紅字部分何解?~
Re:重編粵語字小字典
係 錯別字：地，我打錯Re:重編粵語字小字典
到底"fing頭丸"嘅'fing' 字點寫?Re:重編粵語字小字典
個人意見，“𢫕頭丸”。Re:重編粵語字小字典
喺網上睇到好多人將 "kup 嘢" (偷窺) 嘅 "kup" 字寫成『盵』.查過中大粵音網, 『盵』粵音 "氣" (hei3), 是姓氏.
請問 "kup 嘢" (偷窺) 嘅 "kup" 字, 係唔係應該寫成『目及』?
Re:重編粵語字小字典
我見過兩種寫法一個係𥄫另一個係𥅴唔知邊個先啱？？
個人覺得應該係第一個比較形象
頁:
[1]