有个问题，睇下边位大佬帮手解答下
平时讲嘢，即係口语嗰阵，不时会有“咯?”、“咯咧”、“咯啫”之类嘅尾音（里面嗰个“咯”发音係类似普通话ge1咁嘅，细佬揾唔到粤语拼音点拼法，唯有将就下借用普通话）。嗰问题係，呢个揾唔到点拼又经常会出现嘅音到底係点回事？係因为读得唔准而“变”出嚟咯吖，定还是本来就冇呢个音嘅，只不过係因为受普通话影响，融入借用咗？如果係前者，咁呢个走咗样嘅音原本应该点读？有冇相对应嘅字？粤语里头又点拼？多谢。Re:有个问题，睇下边位大佬帮手解答下
「咖喎」、「咖哩」、「咖啫」都係粵語固有嘅句末語氣詞。呢個語氣詞嘅可接受寫法係「㗎(o架)」、「咖」或「架」，
粵語拼音係 gaa3。
Re:有个问题，睇下边位大佬帮手解答下
“咖”字我知，事实上我宜家好多时打字都係用佢代嗰个音，但其实两者发音係唔同咯?，以普通话嘅相近音嚟睇，就係“嘎”同“咯”嘅分别，虽然相近，但係唔同，普通话里面"e"呢个音我喺粤语拼音里面亦揾唔到，但其实包含呢个音嘅字暂时我都只係发现上述所讲嘅“咯”啫，所以我都怀疑其实係咪我哋平时唔觉意将啲普通话音融咗落去（事关我听好多朋友讲嘢嗰阵都係“咯咩”、“咯咧”，而唔係“咖咩”、“咖咧”，你讲多几次都觉得唔顺嘞）。Re:有个问题，睇下边位大佬帮手解答下
我由細到大都未受過正式嘅普通話教育，普通話應該對我影響較細。你話「咖喎」、「咖哩」、「咖啫」呢啲粵語句末語氣詞發音似普通話ge，
我諗係因為我哋好多時都輕讀句末語氣詞（因為詞意冇咁重要），
gaa3 音弱化成近似普通話ge，所以原本嘅詞仍然係「咖gaa3」。
粵語輕讀同普通話輕聲有唔同，粵語輕讀唔會影響詞意，
而普通話輕聲就會影響詞意（比較「東、西」同「東西」）
Re:有个问题，睇下边位大佬帮手解答下
同意desmond嘅讲法，呢个音系由“0架”字轻读而变过嚟嘅，所以应该用返“0架”、“咖”或“架”表达。
頁:
[1]