廢俊龍
乜個「費」字做姓氏嗰陣唔係讀「秘」音咖咩點解新聞個個都讀「廢俊龍」？
Re:廢俊龍
以前有個官員叫“費孝通”，我聽粵語新聞“費”都係讀返“廢”喎。讀“秘”從何談起？！Re:廢俊龍
噉“仇”做姓够话读“求”啦，又有几个人会噉读。Re:廢俊龍
highyun在2005-10-14 20:58:00說道：噉“仇”做姓够话读“求”啦，又有几个人会噉读。我有個朋友就糾正我哋讀「求」。
Re:廢俊龍
余ok在2005-10-14 19:52:01說道：以前有個官員叫“費孝通”，我聽粵語新聞“費”都係讀返“廢”喎。讀“秘”從何談起？！新聞報道可以讀錯咗，中學教出師表嘅「費禕」這個人物，就係讀「秘」。
Re:廢俊龍
姓“費”有啲名氣嘅重有一个歌手“費翔”，我諗古人名係讀“秘”囉，現代人就唔肯定。講眞我都係第一次知姓“費”係讀“秘”，可能普語對應嘅拼音係：mi。可惜喺內地，呢類字嘅粵音冇幾個會曉，有時重需要通過普語估吓粵語點發音，重唔知啱唔啱添，覺得幾可悲。好細個嘅時候，阿爺嗰輩冇乜邊個字唔曉粵語點發音，可惜而家。。。至於“仇”好細個就知做姓時讀“求”，類似嘅重有姓“樸”讀“嫖”（好搞。。。）
Re:廢俊龍
讲起个“费”我又谂起啲嘢。我呢拍落三水啲农村，当地人唔少人将“交费”讲成“交fei3”好有可能呢个ei韵先接近古读；而又知道古代冇f音，所以“费”字古代系声母“b”嘅，因此，极有可能呢个“费”字古代只有一个“bei3”音。Re:廢俊龍
highyun呢種推測極有可能。應該話事實就係古有bei3音。所以用做姓嘅時候，讀“秘”。有時唔一定要按廣州話嘅發音去研究，有啲發音雖然係廣州音，不過嗰個廣州音實質可能係變咗質，有啲地方發音先更準確。
有一個廣州話詞發音係“又餿又臭”，可能大家會以爲正寫就係“又餿又臭”。但呢個詞如果從新會四邑話中，可以推測應該正寫“又餿又嗅”。我亞媽四邑話經常講“又餿又嗅(hau3)”。呢個發音即何文匯講已經唔用嘅‘香夠切’。
何文匯祇識研究廣州話，唔識四鄉話，所以根本就唔識得用四鄉音嚟做論證。
嗅嘅“香夠切”依然保留喺四邑話當中。
廣州人除咗講“嗅(hung3)吓嗅(hung3)吓”同“嗅(cau3)覺”呢兩個音，hau3音根本上用唔着。所以何文匯就理所當然認爲粵語已經冇咗“嗅”(hau3)音，天眞兼垃圾教授之證。
Re:廢俊龍
唔通我成日聽人哋講嘅[麥俊龍]就係[費俊龍]~~但[麥]都唔同[秘]啊~~唔通我聽錯?~講起[又餿又嗅(hau3)]~我亞爺都會講[一陣嗅(hau3)ceoi4(隨)]~我問佢咩係hau3~佢話即係[臭]~
我爺爺問我[食唔食]啲乜嘢都係講成[睺(hau1陰平高降)唔睺]~~其實會唔會就係個[嗅]字?~
Re:廢俊龍
嗅應該冇“hau1”呢個音Re:廢俊龍
我都係第一次知姓“費”係讀“秘”，至于“仇”读“求”音我就有听过。。。不过一直都改唔到。。。因为太少遇到。。。ps:yucky，你讲嗰个hau1字好可能係另有其字。
Re:廢俊龍
yucky讲嗰个hau1应该系“睺”，表示“虎视耽耽噉睇实”。Re:廢俊龍
其實按照姓氏嘅起源，姓“費”有人讀“秘”，有人讀“廢”。呢個要視乎佢個“費”字嘅起源係喺邊度。呢個網址有講解：http://www.chinalane.org/life013/bookstore/name/00002377.html
Re:廢俊龍
“任”做姓讀“淫”。Re:廢俊龍
「費、廢」﹐我讀pai3。Re:廢俊龍
九唔搭八在2006-01-16 14:34:15說道：“任”做姓讀“淫”。未聽過“淫劍輝”噉講噃
Re:廢俊龍
更加冇人聽過“任達華”讀成“淫達華”啦。 <p>之前聽過一個故仔，想同大家分享吓...</p><p>知唔知個「費」字做姓氏果陣讀「秘」音ga... <br/>差人：差人查身分證.... 叫咩名..... <br/>路人：費密 (秘密) <br/>差人：差人做野呀..... 咪玩la..... <br/>費密：都話費密 (秘密) 咯...... <br/>差人：仲玩？！阻差辦公呀..... 拎身分證o黎！ <br/>費密乖乖畀身分證差人..... <br/>差人：哦.... 原來係費密 (廢物) ..... <br/>費密：唔係呢... 係費密 (秘密).... <br/>差人：費密 (廢物) 就費密 (廢物) la.... 秘乜鬼密丫..... <br/>神神秘秘咁.....係就係核突Ｄ...... <br/>費密：........</p>
頁:
[1]