粵版神獸
<DIV style="FONT-SIZE: 16px">近日網絡流傳草泥馬等十大神獸，但均以普語諧音出之，粵人讀之一時三刻難解其意。今余無聊而作粵版神獸，只為博君一笑~ <BR><BR>其一：貂狸 <BR>喺茫茫雪山之上，生活住兩種動物，一種叫雪貂，另一種叫雪狸。由於生殖隔離，所以喺正常情況之下兩種動物係唔會雜交嘅，但凡事都有例外，當呢兩種動物正值發情期，又搵唔到配偶，都會頂住檔解決咗燃眉之急先嘅。而佢哋雜交所產之子就謂之貂狸。由於好難得先有雜交種產生，所以貂狸嘅數量十分稀少。然而，佢哋嘅皮毛卻係非常好嘅保暖材料，因而遭到唔少唯利是圖嘅不法份子嘅捕殺，導致原本數量已經夠少嘅貂狸變得更加稀少，瀕臨絕種，急需我哋嘅保護。細隻嘅貂狸正式係叫做毛都未生齊，一般唔會遭到獵殺，而成熟嗰啲佢哋嘅皮毛被剝落嚟，稱之為貂狸老毛，聽講係越老嗰啲保暖效果越好。所謂千里之行始於足下，尤其係對於喺雪山打獵嘅獵人嚟講，對腳嘅保護更為重要。所以當地嘅獵人多數會將打到嘅貂狸老毛製成鞋，叫做貂狸老毛鞋。據聞喺寒冷嘅冬天着住佢，腳上面連一粒蘿蔔仔（凍瘡）都唔會生，所以非常受當地人歡迎。然而，製成嘅鞋同原料嘅毛唔同，唔係越老越值錢，啱啱相反，當地人稱着舊咗嘅貂狸老毛鞋叫做老鞋，啲老鞋着得人非常之唔舒服，所以一般人都唔鍾意老鞋。 <BR>後來有個從外地調嚟雪山嘅新領導。佢上台之前係自己用禾稈草織鞋賣嘅，嚟到之後佢以權謀私，大肆推廣佢嗰啲禾鞋，就係噉，佢啲禾鞋漸漸取代咗貂狸老毛鞋。不過話又講返轉頭，呢啲禾鞋又確實係幾好嘅，用啲人唔要嘅禾稈草為原料既環保又襟着。而且最重要嘅係救咗啲可憐嘅貂狸，都算係個狗官做咗件好事嘅。 <BR><BR>其二：福鰩 <BR>鰩係一種生活喺海洋深處會放電嘅生物又叫電鰩。而嚟自大西洋嘅福鰩則係堪稱鰩中之王，至於佢嘅真面目就似乎冇乜人真正見識過。對於佢呢個咁怪嘅名嘅來由就更係眾說紛紜。有話係因為最早發現佢嘅人個名有個福字；有話係因為佢放出嚟嘅電形狀似個福字；亦有講法係話因為佢極之罕見，所以見過佢嘅人都係非常之有福氣嘅。然而，喺研究佢嘅人當中卻大多數持另一種特別嘅見解，佢哋認為呢個福其實係一個避諱嘅講法，就好似我哋叫空屋做吉屋，叫通書做通勝噉，之所以叫佢福係因為佢一啲都唔福，唔係福不但止，反而係禍，因為據聞出現呢種福鰩嘅地方好容易會引發海嘯（tsunami），呢個可能係同佢哋放出嚟嘅電波有關。不過呢種講法只係一種傳聞，至今重未得到證實，千祈唔好為咗見吓福鰩一眼就走去搵海嘯嚟睇啊~ <BR><BR>其三：岸鳩 <BR>與高爾基筆下不畏風雨嘅海燕相比，岸鳩就顯得怕死好多，只敢喺岸邊徘徊，唔夠膽出海。 <BR><BR>其四：蹦螲 <BR>水蛭，係一種專吸人畜血液嘅軟體動物，而蹦螲因為彈跳力極強，所以可以輕易跳到人畜身上去吸血，防不勝防，危害更為嚴重。 <BR><BR>其五：霹狼 <BR>速度如霹靂一般的狼…… <BR><BR>其六：獅狒龍 <BR>三棲動物，因擁有雄師嘅威武，狒狒嘅矯健，同埋龍一般上天落海嘅本領因而得名。 <BR><BR>其七：多膠魚 <BR>生活於鹹淡水交界處，肉質鮮美，富含膠原蛋白、不飽和脂肪酸ω3，長期食用有美容健體嘅功效（當然，亦都係好易肥嘅），係法國大餐嘅必備原料。 <BR><BR>其八：伸高虎 <BR>於非洲大草原之上，為獵食高大嘅長頸鹿，迫於環境，只好不斷使自己伸高。 <BR><BR>其九：避刃兔 <BR>因長期穿梭於荊棘叢生嘅灌木叢中，因而練得一身敏捷嘅身手。對刀槍劍擊等利器尤為敏感，難以捕捉。避刃兔因此得名。 <BR></DIV><DIV style="FONT-SIZE: 16px"> </DIV>
<DIV style="FONT-SIZE: 16px">其十：車頭海狗身嘅怪物 <BR>傳說中一怪物，頭大如車頭，身壯如海狗。據現存記載，僅於歲晚朝曾出現過。 <BR><BR>神獸之王——第十一大神獸：鯉鵬 <BR>北冥有魚，其名為鯉。鯉之大，不知其幾千里也。化而為鳥，其名為鵬。鵬之背，不知其幾千里也。怒而飛，雙羽一振，壓下無數浮雲~ <BR><BR>（以上內容純屬虛構，如有雷同實屬巧合）<!--v:2.2--> </DIV>
<DIV style="FONT-SIZE: 16px"> </DIV>
<DIV style="FONT-SIZE: 16px">歡迎大家繼續補充</DIV>
<DIV style="FONT-SIZE: 16px">轉載請註明出處：<A href="http://user.qzone.qq.com/264160563/blog/1237295166">http://user.qzone.qq.com/264160563/blog/1237295166</A></DIV>
[ 本帖最後由 羊城惜花人 於 2009-3-22 15:08 編輯 ] 有埋圖就好嘞！ <P>做一个粤语嘅版本～大家继续发挥创造力想像力！哈～</P> <P>原帖由 <I>外外星人</I> 於 2009-3-22 14:48 發表 <A href="http://bbs.cantonese.asia/redirect.php?goto=findpost&pid=135956&ptid=15602" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 有埋圖就好嘞！ </P>
<P>你唔係第一個提呢樣嘢嘅~</P> 樓主神人也<br> 好搞嘢，尤其係第一段：貂狸。 <P>章光羚</P>
<P>吊李化蟹</P> <P>泥老鵡<IMG alt="" src="http://bbs.cantonese.asia/images/smilies/default/lol.gif" border=0 smilieid="12"></P>
<P>奶犀<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> </P>
<P>潮蛆<IMG alt="" src="http://bbs.cantonese.asia/images/smilies/default/tongue.gif" border=0 smilieid="7"> </P>
<P>諸如此類……</P>
[ 本帖最後由 成日笑 於 2009-3-22 20:41 編輯 ] <P>銜稼羚</P>
<P>生活喺新疆烏魯木齊以北大草原嘅銜稼羚，原本叫邯加羚，係賽加羚羊嘅近親。由於邯加羚長期以偷食莊稼為生，且該種羚羊時常口銜莊稼作咀嚼狀，故又稱銜稼羚。銜稼羚非常罕有，且全身係寶，其羊角堅固無比，做出嚟嘅羊角鏟係用嚟強行拆毀賴死唔走嘅「釘子戶」房屋嘅主要工具，故又稱謂銜稼鏟。另外，以羊嘅大腸有奇特嘅藥用價值，以其為主要原料提煉製成嘅神藥「銜稼腸」，足以令你闔家安康。</P>
[ 本帖最後由 UngooChan 於 2009-3-22 20:51 編輯 ] <P>超级強大嘅lz!!!!!!!!!掌聲!!!</P>
<P>真係笑鬼死</P>
<P>轉了..</P> <P>幾正.<IMG alt="" src="http://bbs.cantonese.asia/images/smilies/default/lol.gif" border=0 smilieid="12"></P>
<P> </P>
<P>見你寫得咁正,送幅正圖過你.<IMG alt="" src="http://bbs.cantonese.asia/images/smilies/default/lol.gif" border=0 smilieid="12"> </P>
[ 本帖最後由 蔡蔡子_ 於 2009-3-23 20:25 編輯 ] 原帖由 <I>ray</I> 於 2009-3-23 20:07 發表 <A href="http://bbs.cantonese.asia/redirect.php?goto=findpost&pid=136079&ptid=15602" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 超级強大嘅lz!!!!!!!!!掌聲!!! 真係笑鬼死轉了.. 喂~大佬~你幾時過嚟噶？之前唔多覺眼你喺呢個論壇嘅存在嘅…… <P>原帖由 <I>羊城惜花人</I> 於 2009-3-23 21:35 發表 <A href="http://bbs.cantonese.asia/redirect.php?goto=findpost&pid=136095&ptid=15602" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 喂~大佬~你幾時過嚟噶？之前唔多覺眼你喺呢個論壇嘅存在嘅…… </P>
<P>但係我好覺眼你係呢個論壇嘅存在啵...</P>
<P>你嗰篇 心中的紅綠燈 令我十分欽珮</P>
<P>新仔嘛...咪不太活躍咯..我正后悔太遲髮現粵協了.........</P> 出埋logo仲好 <P> 非常好！！</P> <P>其實第九大神獸有段故：</P>
<P> </P>
<P>此兔原本係叫「湖繭兔」，傳說生于湖邊一石繭，因吸收天地之靈氣，日月之精華，因而破繭而出。此兔所到之處，必前呼后擁……</P> 有图为证更好。
頁:
[1]