基督教密宗經典Zohar選譯

libran 發表於 2009-3-15 19:56:22

譯自英文版Zohar: http://www.kabbalah.com/k/index.php/p=zohar/zohar&vol=2&sec=27 參考資料： 《聖經》中英對照： http://www.o-bible.com/b5/int.html 希伯來文《聖經》： http://www.fourmilab.ch/etexts/www/hebrew/Bible/ 猶太《聖經》： http://www.hareidi.org/bible/ ----------------------------------------------------- 《光輝之書》（Zohar），卷1-BeresheetA 6."要有空" 一切存在之中，有三種唔同嘅靈性能量。透過隱喻，Zohar將呢三種能量等同於右脈、左脈、中脈。 右脈同正之力相應，渠嘅物理顯現系質子； 左脈表示負之指控，顯現為電子； 中脈表現為中子，係正負極之間嘅橋梁。 就好似燈泡入邊嘅燈絲系產生光嘅實體咁，中脈就系實體嘅宇宙之力---空；空嘅實體產生光。 陽光照射喺一樣嘢上邊，都需要反射來幫渠釋放光能。 呢種激發靈性之光同物理之光嘅模式，存在於我哋每個人嘅體內。 我哋嘅左邊對應於負極，對應於我哋接收到嘅欲望； 右邊代表正極，即系：共享我哋靈性中[神聖寶藏]嘅願望； 我哋嘅心、意，對應於中。呢個系我哋嘅自由意志。透過渠，我哋可以選擇克服我哋接收到嘅欲望、養育共享（神聖）嘅意願。呢個選擇，會喚醒靈性之光。 Zohar嘅呢一段，畀咗我哋克服自身欲望嘅力量。渠強化咗我哋嘅中脈，即系我哋嘅自由意志。 我哋受到咗祝福，所以我哋會有能力將我哋生命中兩種對立嘅力量融為一體。我哋會成為對立雙方之間嘅橋梁，咁樣我哋就可以化解衝突同對抗。 Kabbalah啟示：眾生唔融合歸一，就系仇恨同暴力之源，無論邊個啱邊個錯。 44. 「Elohim話，水之間要有空」（舊約．創世記（Beresheet）1:6）。呢句話隱喻一個精細嘅重組---被分成上下兩部分嘅水，根據左之奧秘而進行嘅重組。喺呢度，與左之奧秘相應嘅爭端產生咗。直到呢一刻之前，即系第一日，渠係指右；而到咗第二日，渠係指左嘅統治嘅秘密。因此，響第二日，左右之間爆發咗爭端。左希望完全廢除右嘅統治力量，而右亦希望完全廢除左嘅統治力量。右，即系CHESED嘅秘密，係第一日，係一切事物嘅完美狀態。因為咁，喺第一日，一切都寫曬入右裏面。咁即系話，（創世嘅）全部七日，即系七個SFIROT，都系由渠浮現而出，並喺渠嘅內部被影射。因為每一個完美都依賴於右邊。 左嘅統治被激發嗰陣，渠同右之間就發生爭端，爭端之中，怒火亦變得猛烈。由呢個爭端，產生咗Gehenom。所以話，左喚醒、創造咗Gehenom，然後Gehenom黐住咗左。咁即系話，想強化左嘅人，應該墮入源於左嘅GEHENOM。 45. Moshe以渠嘅智慧觀察呢件事、學習創世嘅工作。喺創世嘅工作中，有一個左同右之間嘅爭端；喺呢個由左挑起嘅爭端入邊，Gehenom被創造並被左把持。而中脈，即系TIFERET，喺第三日進入渠哋之間，中止咗爭端，並使雙方達成一致。於是，Gehenom離開左，並降落；左同右合併，咁就到處都和平喇。 46. 一場相似嘅、左同右嘅爭端，亦發生喺Korach同Aharon之間。 Moshe研學咗創世之後話：「我就系可以消除左、右之間爭端嘅人。」MOSHE盡渠最大嘅努力去和解渠哋，但系左唔肯和解，於是Korach變得更強大，然後壓倒咗AHARON。 47. MOSHE話，由於左嘅反對之力，Gehenom必然會依附於渠，就好似喺創世嘅工作裏邊咁樣。 KORACH唔想歸附於上方神聖嘅改良、並好似高處嘅左咁樣同右融合，所以，由於渠猛烈嘅憤怒，渠必然要下降到GEHENOM。就好似喺創世工作中發生嘅事咁，GEHENOM出咗來並黐住左。 MOSHE早知，以KORACH嘅憤怒之力，KORACH會下降到GEHENOM並附著於渠。 48. 因為咁，Korach（左）唔想Moshe調停呢個爭端。渠唔會（以純潔嘅意圖）為上天著想，渠完全唔尊敬上蒼嘅榮光--既系SHECHINAH，並且拒絕感謝創世之恩。咁即系話，渠否決咗中脈嘅改良方案，喺創世工作中製造咗左同右之間嘅爭端。渠淨系想左獲得統治權。 Moshe一意識到渠響度否定緊創世之工，且正被逐出神聖之外，"Moshe就更加嬲喇"（舊約．民數記（Bemidbar）16:15）。 49. "Moshe就更加嬲喇"，因為KORACH及其夥伴拒絕承認渠而且唔畀渠調停呢個爭端。經云「更加」，係因為渠哋否定咗對創世之工嘅感恩，因此Korach否定咗上蒼ZEIR ANPIN入邊所有嘅嘢，亦否定咗喺上蒼之下嘅所有靈魂入邊嘅嘢。經曰：「喺渠哋向Hashem爭鬧嗰陣」（舊約．民數記（Bemidbar）26:9）---呢個系ZEIR ANPIN嘅奧秘，因為渠所造成嘅傷害既到達咗上蒼嘅ZEIR ANPIN，亦到達咗上蒼之下嘅MOSHE。於是，KORACH黐住咗渠應該黐住嘅嘢，渠到達咗GEHENOM。正如經文所述：「渠哋......生勾勾咁墜入SH'OL」（舊約．民數記（BEMIDBAR）16:33）。 50. 據上，另一個爭端被平息咗。另一個昇起而唔降落、基於寬容嘅爭端，係發生喺Shammai同Hillel之間。 SHAMMAI系高高在上嘅左，而HILLEL系神聖嘅右。神，賜福者，調停並認可咗渠哋。咁即系話，SHAMMAI同HILLEL之間嘅差異同爭端由上蒼嘅中脈到達咗渠哋，而呢個中脈就系神，賜福者嘅秘密。呢個爭端系為咗上天，而所有天堂，即ZEIR ANPIN，調停咗呢個爭端，使兩者都得以建立。因此渠哋嘅光明得以續存。呢個爭端就好似創世工作咁。渠類似於中脈為建立創世之工所做嘅嘢。但系，Korach否定咗創世之工嘅建立，渠嘅爭端系針對上天，即系ZEIR ANPIN，亦即做緊調解嘅中脈。渠仲想否定Torah（即系ZEIR ANPIN）之道。呢個爭端同否定系Gehenom努力嘅必然結果，渠嘅審判之力黐住咗KORACH，而渠亦黐住咗渠。因此，渠降落到咗GEHENOM。 51. 呢個秘密響《Adam之書》入邊顯現。當黑暗被喚醒以取得控制權嗰陣，渠喺自己所有嘅力量中浮現並創造咗Gehenom，而Gehenom喺爭端之中黐住咗渠。等到憤怒同GVUROT之力平靜番嗰陣，又產生咗另一種形式嘅爭端：愛之爭。 52. 有兩次爭端，一次發生於始，另一次發生於終。呢個就系正義（右）之道，渠嘅開頭艱難、充滿苦難，但終將到達和平。 Korach作為左，係充滿凶與怒嘅左右之爭嘅肇始。（相鄰嘅）雙方都想減弱對方嘅光明。喺呢度GEHENOM浮現，然後Korach黐住咗Gehenom。 Shammai亦系左方，但處於左右之爭嘅終點，喺嗰度，怒已被淡忘，愛之爭已經啟動，以接收上天（即調停爭端嘅中脈）嘅認可。 53. 呢個就系「水之間要有空，將水分為上下......」（舊約．創世記（Beresheet）1:6）呢段經文嘅密義。呢個系生於怒與力嘅第一次爭端，爭鬥嘅雙方都想壓倒並廢除對方，而神，賜福者，希望消除呢個爭端。 Gehenom被喚起，直到憤怒與攻擊性冷卻。然後經文曰：「Elohim就造出咗空氣並分開咗......」（舊約．創世記（BERESHEET）1:7）。呢個分離系攜同愛與友善嘅爭端，渠支橕住世界。根據呢個秘密，（亦即通過愛之爭）呢度發生嘅系Shamai同Hillel之間嘅爭端，亦即「ELOHIM就造出咗空氣並......」所指嘅、處於爭端之末嘅分離。另一方面，KORACH之爭系怒之爭，就系「水之間要有空......」所指嘅、爭端之始嘅分離。所以，SHAMMAI與HILLEL之爭系為咗所有天堂，喺嗰啲天堂度，口傳嘅Torah，亦即陰之律，同愛一齊進入咗書面嘅Torah，即系被稱為所有天堂嘅ZEIR ANPIN，然後渠哋進入完美嘅統一之中。 54. 分離淨系應用於左，就如關於第二日嘅經文所述：「將水分為...」（Ibid.6），而對於KORACH，經云：「此豈為小事，Yisrael嘅Elohim將你哋分離出來...」（舊約．民數記（Bemidbar）16:9）經又曰：「嗰陣時，Hashem將Levi部族分離出來...」（舊約．申命記（Devarim）10:8），所以喺第二日，呢個分離必然發生於左。 55. 你或者會問，如果分離真系發生喺第二日，咁點解呢個分離要提及YA'AKOVA嘅第三個仔Levi呢？應該同YA'AKOV嘅第二個仔Shimon關聯，咁先啱啵。個答案系：雖然Ya'akov當Levi系渠嘅第三個仔，但實際上渠系第二個仔，因為REUVEN不被認為系LEAH嘅第一個仔，喺嗰陣時YA'AKOV認為姖（她）系RACHEL    。於是，呢個分離永遠都喺第二入邊，因為分離發生於第二之後，所有嘢都自然咁順著一條完美嘅通道流暢運行。咁系因為通過分離，光包裹住彼此，並完善咗彼此。 56. 喺Shabbat之末進行嘅Havdalah（分離之祈禱），係為咗將一星期中佔主導地位嘅力量，由Shabbat期間佔主導地位嘅神聖嗰度分離出來。 Shabbat一結束，Gehenom嘅一部分就出現喇。渠系意欲統治世界嘅邪眼，就如Yisrael嘅後裔所講：「噢，請令我哋嘅雙手之工繁盛...」（舊約．詩篇（Tehilim）90:17）。渠由彼側嘅層級-左-嗰度浮現，通過控制神聖之盟，渠想同Yisrael嘅種子混合，並獲得懲罰Yisrael嘅力量。 57. 當Yisrael嘅後裔，以長春花（希伯來文Hadas）、秘之酒、Havdalah（分離之祈禱）之念誦，作戒律之行，彼側離開咗渠哋。彼側被壓低，並進入Sh'ol內、Korach及其同伴所在之處，如經文所述：「渠哋同所有屬於渠哋嘅嘢一齊生勾勾咁墮入Sh'ol」（舊約．民數記（Bemidbar）16:33）。可見，喺Yisrael同渠哋分開之前，KORACH及其同伴尚未降落到GEHENOM，如經所述：「你哋離開呢啲會眾...」（舊約．民數記（Bemidbar）16:21）。同樣，喺SHABBAT之末，喺YISRAEL重組HAVDALAH之前，彼側亦未去到GEHENOM。 58．所以，Havdalah（分離）永遠發生喺第二日，即系左脈。呢度所指嘅事已經被解釋過，即系，就算喺SHABBAT之末嘅HAVDALAH，都想分開嗰個延伸自左脈嘅彼側。就喺嗰個爭端--由左嘅侵略性同憤怒激起、尚未平復嘅爭端--之始，產生咗Gehenom，然後又產生咗所有呢啲天使，渠哋指責自己嘅主人--神、賜福者、在上者、中脈之秘。渠哋唔同意主嘅調解，並向左傾，於是，火將渠哋燒盡。而另一啲被廢除並失去支援嘅天使，亦被火所燒。呢啲，都系來自第二日嘅起始之爭嘅火之力量。與此類似，Korach墮入GEHENOM而被焚燒，就好似嗰啲被火河之火焚燒嘅天使咁樣。然後，所有事亦以同樣嘅方式進行；呢種方式，係延伸自挾帶怒火嘅爭端之初。 59. 「要有空...」呢句話畀我哋知，水被空分成上下兩份，喺呢兩部分之間發生咗一個擴張。下邊嘅水擴張咗，上邊嘅水亦擴張咗。來自空之上嘅ELOHIM（ALEPH-LAMED-HEI-YUD-MEM）呢個名入邊，El（Aleph Lamed）系屬於右邊。即系話，El隱喻CHESED之名，而CHESED即系右邊。大名El已經由BINAH之水擴展、分離而出。咁即系話，由於呢個空，大名El已向上散佈，並離開咗其餘嘅水 --- 即系呢三個字：HEI-YUD-MEM。咁系為咗完善El呢個名，並通過擴張，包容上下二水。 Elohim入邊嘅El亦擴張咗，剩番呢三個字：Hei-Yud-Mem。跟住，Hei-Yud-Mem喺空之下擴展，變成下方嘅水：Yud-Mem-Hei。呢個就系成就第二者嘅擴張，即系從HEI-YUD-MEM到YUD-MEM-HEI嘅擴張。上方嘅水系Hei-Yud-Mem，如經曰：「嗰度有海，又大又廣（Hayam，Hei Yud Mem）」（舊約．詩篇 (Tehilim) 104:25）。因此，Hei Yud Mem系上方嘅水。如果HEI-YUD-MEM呢幾個字嘅順序掉轉，變成Yud-Mem-Hei，咁就系下方嘅水。等YUD-MEM-HEI呢啲字一復原，渠哋就昇到空之上，與大名EL合併，然後返回大海之結合體（希伯來文 HAYAM），即系HEI-YUD-MEM。於是，所有嘢：EL 同HEI-YUD-MEM，都合為一體，變成一個名 ---  ELOHIM。而ELOHIM呢個名伸展到咗好多地方。 60. 上方嘅水系陽，下方嘅水系陰。起初，響渠哋尚未被牢固建立之前，渠哋系混合嘅，但之後渠哋分離咗，以區分上下兩部分嘅水。而且，為咗區分，渠哋一個被稱為Elohim，即系BINAH；另一個被稱為Adonai，即系MALCHUT。一個系YUD-HEI-VAV-HEI呢個名入邊上方嘅Hei，即系BINAH；而另一個系YUD-HEI-VAV-HEI呢個名入邊下方嘅Hei，即系MALCHUT。如經曰：「Elohim就造出咗空氣......」（舊約．創世記（BERESHEET）1:7）。呢個擴張采用咗ELOHIM，因為經文「Elohim就造出咗」指出，HEI-YUD-MEM嘅擴張返到咗EL，並與ELOHIM呢個名及上方之水融合。因為ELOHIM呢個名系上方之水，而Adonai呢個名，即系ZEIR ANPIN嘅陰之律，係陰之水。不過，由於陽之水，即系HEI-YUD-MEM呢幾個字，衹能由陰之水（即系ZEIR ANPIN嘅陰之律）去完善，所以Elohim呢個名擴張到咗所有地方，包括陰之水。 61. 雖然喺第二日，上下二水分開咗，但右同左，即系ALEPH-LAMED同HEI-YUD-MEM之間嘅爭端，直到第三日先停息。第三日，即系TIFERET，平息咗呢個左右之爭。於是，ALEPH-LAMED同HEI-YUD-MEM二脈互相包裹，一齊被妥善建立於其處所。由於呢個爭端，雖然世界存在於其上，但對於第二日，經文無話：「咁繫好嘅。」因為響呢一日，個工作仲未完成。所以，喺啲水分成兩份之前，上下二水系混埋一齊，而且喺世上未有後代嘅。直到分開之後，渠哋先產出後代。 62. 雖然上下二水嘅分離發生喺第二日，但EL，即系右，同HEI-YUD-MEM，即系左，之間嘅爭端並未解決。衹有第三日調解咗渠哋，令兩者合一而統一成為ELOHIM呢個名。第三日，即系ZEIR ANPIN，就系令上之水BINAH等同於下之水MALCHUT嘅名號，呢個名號上邊，銘刻著Hei-Vav-Hei。因為HEI-VAV-HEI呢幾個字，就系中間含有VAV嘅兩個HEI嘅秘密：上方嘅Hei系BINAH，而下方嘅Hei系MALCHUT。中間嘅VAV就系ZEIR ANPIN，渠完善並照亮咗兩邊，包括上邊嘅BINAH同下邊嘅MALCHUT。Yarden（約旦河）之水嘅分離就系象徵呢件事 --- 喺嗰度，上方嘅河水堆積起身，而唔流落死海。呢個就系YUD-HEI-VAV-HEI呢個名裏面上邊嘅HEI，即系BINAH，嘅密義。另一方面，下之水，即系下邊嘅HEI --- MALCHUT --- 嘅秘密，向下流入死海；而死海就系下邊嘅HEI嘅秘密：MALCHUT。而Yisrael，即系VAV字之秘，進入咗YARDEN嘅上下二水之間，因此，YISRAEL，即系YUD-HEI-VAV-HEI入邊VAV嘅秘密，從上方嘅HEI接收豐盛，並將渠賜予下方嘅HEI。 63. 喺第二日，空被提及五次，而世界之命，即系ZEIR ANPIN嘅YESOD，穿過渠哋並透過渠哋引導世界。渠哋全部都互相包含。如果唔系中脈調停咗個爭端，渠哋就唔會互相容納並變得協調。呢五個空相當於生命之樹，即系ZEIR ANPIN，喺世上產出後代同果實嘅五百歲。 Beresheet嘅所有水，即系由Beresheet流出嘅MOCHIN之王，亦即ARICH ANPIN，都畀渠分成上下二水。 David王，即陰之律嘅秘密，從ZEIR ANPIN接收一切，然後散佈到下方嘅BRIYAH、YETZIRAH、ASIYAH世界。如經曰：「渠喺人群之中，喺群眾入邊分發......」（舊約．撒母耳記下（II Shmuel 6:19））。經又曰：「你畀渠哋，渠哋就攞」（舊約．詩篇（Tehilim 104:28））。「未到黎明姖就起身分發食物......」（舊約．箴言（Mishlei 31:15））。 64. 當左嘅凶暴激起爭執嗰陣，火之霧增加並具有咗壓倒性嘅力量。喺呢個霧入邊產生嘅靈即刻凝固，變到幹曬、無曬水分。呢啲有陰有陽嘅靈，產出咗一大班邪靈。由此，喺所有嗰啲強大嘅靈之中，顯現出不潔之靈嘅全部力量。呢個就系包皮嘅Klipah嘅秘密。呢啲靈嘅污穢畀暴烈之魔強化。呢啲魔有兩種，一種叫毒蛇，另一種叫大蛇，渠哋已經合二為一。毒蛇每七十年產一次後代，而大蛇每七年就產一次後代。由於渠哋系連埋一齊嘅，所有嘢都會返到大蛇嘅七年嗰度。因此，毒蛇實際上好似大蛇咁樣每隔七年就生產一次，渠哋變成如同一體。 65. 呢度隱藏著Gehenom嘅秘密 --- 渠有七個名同埋邪惡嘅傾向，而呢個邪惡傾向亦有七個名。從呢度，污穢以各種等級擴散到世上。然後，來自左之秘、包含好與壞嘅所有嘢，令世界變得可以居住。呢個就系由十八個字母銘刻嘅聖名嘅秘密。就系呢個聖名用慷慨嘅大雨喂養大地，以惠施於人類、賜福畀我哋、並令世界適於居住。 

[ 本帖最後由 libran 於 2009-3-26 21:00 編輯 ]

libran 發表於 2009-3-15 20:09:45

註釋 * Elohim -- 神之名。神嘅其祂名仲有 Hashem、 Adonai、YUD-HEI-VAV-HEI、Jehovah、YHWH 等。通用版英文《聖經》中，呢啲名出現嘅地方已全用 LORD、GOD 代替。 * Torah -- 摩西五書 * Zohar 引用之經文來自希伯來文《聖經》，因此某啲地方與通用版英文《聖經》有差異。希伯來文《舊約》與英文版《舊約》各章名稱對照如下： Beresheet -- Genesis -- 創世記 Shemot -- Exodus -- 出埃及記 Vayikra -- Leviticus -- 利未記 Bamidbar -- Numbers -- 民數記 Devarim -- Deuteronomy -- 申命記 Yehoshua -- Joshua -- 約書亞記 Shoftim -- Judges -- 士師記 Rut -- Ruth -- 路得記 Shmuel -- Samuel -- 撒母耳記 Melachim -- Kings -- 列王記 Divrei Hayamin -- Chronicles -- 歷代記 Ezra -- Ezra -- 以斯拉記 Nechemyah -- Nehemiah -- 尼希米記 Ester -- Esther -- 以斯帖記 IYOV -- Job -- 約伯記 Tehilim -- Psalms -- 詩篇 Mishlei -- Proverbs -- 箴言 Kohelet -- Ecclesiastes -- 傳道書 Shir Hashirim -- Song of Songs -- 雅歌 Yeshayah -- Isaiah -- 以賽亞書 YIRMEYAH -- Jeremiah -- 耶利米書 Eichah -- Lamentations -- 耶利米哀歌 Yechezkel -- Ezekiel -- 以西結書 DANIEL -- Daniel -- 但以理書 Hoshea -- Hosea -- 何西阿書 Yoel -- Joel -- 約珥書 Amos -- Amos -- 阿摩司書 Ovadyah -- Obadiah -- 俄巴底亞書 Yonah -- Jonah -- 約拿書 MICHAH -- Micah -- 彌迦書 Nachum -- Nahum -- 那鴻書 Chavakuk -- Habakkuk -- 哈巴穀書 Tzfanyah -- Zephaniah -- 西番雅書 Chagai -- Haggai -- 哈該書 Zecharyah -- Zechariah -- 撒迦利亞書 Malachi -- Malachi -- 瑪拉基書 

[ 本帖最後由 libran 於 2009-3-26 20:21 編輯 ]

libran 發表於 2009-3-18 15:56:37

翻譯不當、不佳之處，敬請各位指正。多謝曬。

[ 本帖最後由 libran 於 2009-3-26 20:19 編輯 ]

cantonian 發表於 2009-3-24 16:33:00

將宗教經典譯成粵文，呢種嘗試非常之好。
 
一種語言文字，必須成為神聖知識嘅載體，先可以長久流傳。

乜哥發表於 2009-7-23 18:57:27

真系令人驚喜！Kabbalah 網站上邊連中文版都未有嘅猶太教密典 Zohar，竟然已經有部分被譯成粵文！粵協真系藏龍臥虎！

광동왕국-08 發表於 2009-7-24 01:14:55

KABBALAH

本帖最後由 광동왕국-08 於 2010-8-29 22:13 編輯


<A id=aimgMain href="http://hk.wrs.yahoo.com/_ylt=A3OyCEWeaXpMGoYA14O.ygt./SIG=132h72mjo/EXP=1283177246/**http%3A//store.higherheart.com/shopimages/products/normal/kabbalah-guidebook.jpg" target=_top><IMG style="MARGIN-TOP: 3px; WIDTH: 219px; HEIGHT: 271px; MARGIN-LEFT: 26px" id=imageMain title="" alt="View Image" src="http://store.higherheart.com/shopimages/products/normal/kabbalah-guidebook.jpg" width=199 height=250></A>
 
佢花好多心思及精力先至完成翻譯工作,值得鼓掌,也值得我地粤人引以為榮,雖然我對"(KABBALAH)卡巴拉"認識不深,所以冇發
 
表任何意見,但從翻譯工夫嚟睇,有一定嘅造詣才可完成,亦覺得LIBRAN兄對希伯萊文有一定嘅認識,對於知識追求嘅人,本人甚為
 
欣賞.

阿森發表於 2010-9-30 22:16:13

喀巴拉係猶太教神秘主義主流唔系基督教密宗

penkyamp 發表於 2010-10-1 04:37:34

甚幸。
请翻译 kuzari

광동왕국-08 發表於 2013-4-7 15:35:33

本帖最後由 광동왕국-08 於 2013-4-8 20:29 編輯

קבלה
KABBALAH：The Tree ofLife

http://www.tarotofthepomegranate.com/kabbalah/b-419248-Understandings_of_Kabbalah.gifhttp://www.tarotofthepomegranate.com/kabbalah/Kabbalah6.jpg

期待已久，卡巴拉神秘哲學終有粤語聲頻，對其初步討論；各位對神袐主義有興趣嘅朋友，請登入以下YOUTUBE網站細心聆聽，資料珍貴，不容錯過：
http://www.youtube.com/watch?v=48BU-QOVb1Y

.

광동왕국-08 發表於 2013-4-10 02:25:17

請登入以下條LINK收聽，更加清晰！

http://farumradio.com/avatar-guy/avatarguy_ep45/

http://farumradio.com/logo.png [*]主頁[*]聯絡我們[*][*]節目主持[*][*]Youtube Channel[*][*]討論區
ep45 – 卡巴拉與生命之樹
主持：Cousin 嘉賓：紫秤、Aprilhttp://farumradio.com/wp-content/uploads/2012/06/620x371-avatar02-ep45-tibet.jpg

______________________________________________________http://farumradio.com/wp-content/uploads/2012/06/blkdQ2f3BP6h9cOHS_ZMOw.jpg

.

광동왕국-08 發表於 2013-4-21 20:50:20

本帖最後由 광동왕국-08 於 2013-4-21 21:03 編輯

譯自英文版Zohar:參考資料：《聖經》中英對照：希伯來文《聖經》：猶太《聖經》：------------------------
一切存在之中，有三種唔同嘅靈性能量。透過隱喻，Zohar將呢三種能量等同於右脈、左脈、中脈。
右脈同正之力相應，渠嘅物理顯現系質子；左脈表示負之指控，顯現為電子；中脈表現為中子，係正負極之間嘅橋梁。就好似燈泡入邊嘅燈絲系產生光嘅實體咁，中脈就系實體嘅宇宙之力---空；空嘅實體產生光。
陽光照射喺一樣嘢上邊，都需要反射來幫渠釋放光能。
呢種激發靈性之光同物理之光嘅模式，存在於我哋每個人嘅體內。
我哋嘅左邊對應於負極，對應於我哋接收到嘅欲望；右邊代表正極，即系：共享我哋靈性中[神聖寶藏]嘅願望；
我哋嘅心、意，對應於中。呢個系我哋嘅自由意志。透過渠，我哋可以選擇克服我哋接收到嘅欲望、養育共享（神聖）嘅意願。呢個選擇，會喚醒靈性之光。
libran 發表於 2009-3-15 19:56 http://bbs.cantonese.asia/images/common/back.gif
此靈修概念，似乎來自天竺嘅瑜伽修行方式，有啲共通點！睇吓以下幅圖研究吓！

http://t1.gstatic.com/images?q=tbn:ANd9GcSjW5FoDTaZg7uqoOziqhXkofHX6SDabL9ZCs2n830uE0abiT3Rhttp://t0.gstatic.com/images?q=tbn:ANd9GcTGu6MnZOPpo5qHIPXmYyycHk_fJBk1itgpXMiEfFcDYtCFG_xC

.

canton_rights 發表於 2013-11-16 07:23:13

本帖最後由 canton_rights 於 2013-11-16 07:28 編輯

呢個生命之樹同人體脈輪嘅對應關係，有好多種版本，請睇：

http://upload.wikimedia.org/wikipedia/commons/1/19/Tree_of_Life_2009_large.png

頁: [1]

粵語協會's Archiver

基督教密宗經典Zohar選譯

KABBALAH