kylie 發表於 2005-8-30 17:44:13

香港話=/=廣東話

我一直以爲香港人同廣東人都係講同一种語言，不過而加覺得唔係喇，香港人所講嘅"廣東話"有9個音，廣東人嘅廣東話只有6個音。。點解我都唔清楚，不過真係聽得出有咩唔同。。。唔識點講， 你地有無人知架呢？em6:

wai 發表於 2005-8-30 18:48:52

Re:香港話=/=廣東話

香港嘅粵語好有特色，加入咗好多英文，好得意。

香港嘅粵語標咗6個音。但係廣州嘅粵語標咗9個音。

itxu2k 發表於 2005-8-30 19:41:08

Re:香港話=/=廣東話

kylie在2005-08-30 09:44:13說道：我一直以爲香港人同廣東人都係講同一种語言，不過而加覺得唔係喇，香港人所講嘅"廣東話"有9個音，廣東人嘅廣東話只有6個音。。點解我都唔清楚，不過真係聽得出有咩唔同。。。唔識點講， 你地有無人知架呢？em6:

音调系标准问题...就好似大陆用简体,香港用繁体一样,本质系一样
(呢个比喻似乎唔系太恰当 =.= )

我冇发现香港嘅粤语同广州嘅粤语有乜本质分别,加之两交流频繁,回归前造成嘅用词习惯差异而家都趋同化

『“九声六调”的粤语：有九个不同的声调：阴平、阳平、阴上、阳上、阴去、阳去、阴入、中入、阳入，但只有六个不同的调值。』

香港嘅粤语权威认为系九个声调,而广州嘅将"阴入、中入、阳入"划入"阴平、阴去、阳去",仅此而已

wai 發表於 2005-8-30 20:24:23

Re:香港話=/=廣東話

itxu2k在2005-08-30 11:41:08說道

音调系标准问题...就好似大陆用简体,香港用繁体一样,本质系一样
(呢个比喻似乎唔系太恰当 =.= )

我冇发现香港嘅粤语同广州嘅粤语有乜本质分别,加之两交流频繁,回归前造成嘅用词习惯差异而家都趋同化

『“九声六调”的粤语：有九个不同的声调：阴平、阳平、阴上、阳上、阴去、阳去、阴入、中入、阳入，但只有六个不同的调值。』

香港嘅粤语权威认为系九个声调,而广州嘅将"阴入、中入、阳入"划入"阴平、阴去、阳去",仅此而已

嗰個比喻幾好呀。

香港唔係將“陰入、中入、陽入”劃入“陰平、陰去、陽去”咩？粵拼都係將“陰入、中入、陽入”劃入“陰平、陰去、陽去”。

廣州一直都係標九聲呀。

kitata 發表於 2005-8-31 01:00:18

Re:香港話=/=廣東話

kylie在2005-08-30 09:44:13說道：我一直以爲香港人同廣東人都係講同一种語言，不過而加覺得唔係喇，香港人所講嘅"廣東話"有9個音，廣東人嘅廣東話只有6個音。。點解我都唔清楚，不過真係聽得出有咩唔同。。。唔識點講， 你地有無人知架呢？em6:


粵語區有分好多地區，每個地區總有少許分別，如果係廣州，就比較最接近香港話了。

kitata 發表於 2005-8-31 01:53:47

Re:香港話=/=廣東話

仲有，香港話絕對係==廣東話 em11:

highyun 發表於 2005-8-31 03:34:56

Re:香港話=/=廣東話

kylie在2005-08-30 09:44:13說道：我一直以爲香港人同廣東人都係講同一种語言，不過而加覺得唔係喇，香港人所講嘅"廣東話"有9個音，廣東人嘅廣東話只有6個音。。點解我都唔清楚，不過真係聽得出有咩唔同。。。唔識點講， 你地有無人知架呢？em6:

港粤语同省粤语系有分别，不过呢啲分别主要系用字用词分别，以及由香港正音运动所引起嘅少量读音分别，而唔系你所讲嘅几多声调嘅分别。
粤语可以分为9声（如果细分第一声阴平为高平高降，实际有10声），九声中嘅最后三个入声，调值实际同第一声阴平，第三声阴去，第六声阳去一样，因此亦可以划分为六声。你所讲嘅“港9声，省6声”之说唔知从何得嚟。
香港语言学会最权威嘅嘅粤拼方按就系用6声嘅，广州出嘅《广州话正音字典》就系用9声嘅。

Anl 發表於 2005-8-31 03:54:43

Re:香港話=/=廣東話

正如 highyun 所講，香港同廣州嘅粵語確實有分別，係用詞以及香港正音運動所產生嘅唔同區別。喺聲調上絕對係冇區別，即係聲調上係一樣。
標準嘅廣州話(香港亦屬廣州話)係“九聲六調”。
九聲分爲：陰平、陰上、陰去、陽平、陽上、陽去、陰入、中入、陽入。
而九聲當中後三者(陰入、中入、陽入)實際調値同“陰平、陰去、陽去”調値一樣。
所以雖然係九聲，但實質就祇有六調，即所謂“九聲六調”之說。
香港、廣州嘅粵語都屬“九聲六調”嘅範籌。而唔係樓主所講香港嘅就9個音，廣東嘅就6個音。

kitata 發表於 2005-8-31 04:40:00

Re:香港話=/=廣東話

其實正音運動無乜太大影響力
至今大部份(可能是99.9%)的港人，乃然使用懶音！
個人覺得只要講得自然就是了

Angeline 發表於 2005-8-31 21:37:57

Re:香港話=/=廣東話

都係高手

顺德水蛇粥 發表於 2005-8-31 21:56:47

Re:香港話=/=廣東話

中华大地，地大物博，村头同村尾都有唔同嘅口音啦，有咩奇怪啵？！睇得电视多，而家广东好多后生仔女都好中意夹集住英文讲嘢，以示时务。
而家佛山啲后生都唔识讲传统佛山话啦，全因资讯发达所至。

许苑树 發表於 2005-8-31 22:23:32

Re:香港話=/=廣東話

香港的语调和广州人说话的语调不一样~
至少我去广州听当地人讲粤语的时候感觉和平时听hk明星讲话感觉不一样

kitata 發表於 2005-8-31 22:59:07

Re:香港話=/=廣東話

许苑树在2005-08-31 14:23:32說道：香港的语调和广州人说话的语调不一样~
至少我去广州听当地人讲粤语的时候感觉和平时听hk明星讲话感觉不一样

你所指既唔同，會唔會係指音速既分別？
有可能香港普遍地既人都講野講得好快！
慢慢個音速都快起來(至少比60年代以前快左)。

desmond 發表於 2005-8-31 23:11:03

Re:香港話=/=廣東話

我覺得「香港話」語速快，亦導致連音、輔音脫落嘅現象更加厲害。

kitata 發表於 2005-8-31 23:40:13

Re:香港話=/=廣東話

呢首歌唱得都粒粒音皆清
http://yz.5iyp.com/yy/117.mp3

em12:

顺德水蛇粥 發表於 2005-8-31 23:58:01

Re:香港話=/=廣東話

kitata在2005-08-30 20:40:00說道：其實正音運動無乜太大影響力
至今大部份(可能是99.9%)的港人，乃然使用懶音！
個人覺得只要講得自然就是了
40岁以下懒音者居多，具体数字未经统计。星爷就好标准，所以我都中意听佢讲嘢

霍春恒 發表於 2005-9-1 02:19:08

Re:香港話=/=廣東話

顺德水蛇粥在2005-08-31 13:56:47說道：中华大地，地大物博，村头同村尾都有唔同嘅口音啦，有咩奇怪啵？！睇得电视多，而家广东好多后生仔女都好中意夹集住英文讲嘢，以示时务。
而家佛山啲后生都唔识讲传统佛山话啦，全因资讯发达所至。
我就系佛山,我同周围好多廿零岁d朋友们都经常讲佛山话啊.

余OK 發表於 2005-9-1 05:29:42

Re:香港話=/=廣東話

15樓：唔係啩？！星爺的確係偶像，但要承認佢都有懶音，佢就係將gwo音講成go音嘅代表。

樓上：廣州、佛山來往實在太密切嘞，佛山話畀廣州話完全同化逐漸成咗不爭嘅事實。我就聽唔到佛山舊城區家陣重有後生仔女曉講佛山話嘞，最多係帶些少佛山話語調同個別佛山話詞彙（可能呢種語調同詞彙就係你所認爲嘅“佛山話”，其實唔係地道嗰隻）。想聽後生人講佛山話，走去石灣或張槎一帶啦，喺舊城區你祇能聽到爲數甚少嘅老一輩人曉講佛山話，建議你走去東華里，嗰處重保留住佛山最傳統嘅民宅建築以及地道嘅佛山話。。。

Anl 發表於 2005-9-1 06:00:51

Re:香港話=/=廣東話

余ok，我同你傾偈都講過唔少啦，時下肯定有唔少細路仔識講佛山話。
之前我已經講過我有一個佛山嘅契妹，佢成口都係佛山話，而且佢根本發唔準廣州音。佢係一個好好嘅例子。
有時有啲嘢，自己未聽過唔代表冇，唔好唔承認自己見識少，呢個世界重有好多嘢你未見過。

顺德水蛇粥 發表於 2005-9-1 06:10:30

Re:香港話=/=廣東話

18楼，识讲佛山话嘅后生仔女肯定有，不过就越来越少，最毙响佛山讲佛山话会畀朋友仔笑咖。
17楼，你讲星爷发懒音嗰个字我唔晓系边个，可唔可以用汉字表示？唔该。
頁: [1] 2
查看完整版本: 香港話=/=廣東話