[求助]无关紧要嘅人好困!
本人嘅廣東話書寫能力比較低，有好多字唔識寫，好祈嗰“cei lei fei”（國語：無關緊要嘅人）同埋嗰“好gui”（國語：好累）唔識寫，請教下大家。仲有嗰"無"同埋"冇"有乜區別,"乜"同埋"咩"嘞?
唔該! em13:
Re:[求助]无关紧要嘅人好困!
cei lei fei： 茄喱啡（粵拼ke1 le1 fe1）好gui： 好攰，攰（粵拼gui6）
「無」與「冇」係聲調唔同，無mou4，冇mou5
乜，粵語用呢個字表示「甚麼」嘅意思，讀mat1音，組詞「乜嘢」，合音爲me1音，好多人會用「咩」字表示，但此字不屬規範用字。
另：「乜」國語讀mie1，意爲斜眯著眼，粵語原讀me1音，現讀me2音，「歪斜」之意，表示「甚麼」嘅意思大概係同音借用嘅結果。
Re:[求助]无关紧要嘅人好困!
jumpsey在2005-08-07 15:51:41說道：組詞「乜嘢」，合音爲me1音，好多人會用「咩」字表示，但此字不屬規範用字。噉你認爲規範用字係邊個字？Re:[求助]无关紧要嘅人好困!
我本來都有用“咩”呢個字表示“乜嘢”嘅，只係喺睇咗下便呢個討論之後先放棄咗“咩”嘅呢個用法，此其一。http://www.cantonese.asia/bbs/topic.asp?l_id=2&t_id=1219
“乜”字本身就有me1嘅讀音，並且已包含“乜嘢”嘅意思，就冇必要整多個“咩”字啦。下便係我推測嘅“乜”字嘅演變過程，供各位討論，睇下有冇道理。
1）粵語發音「mat1je5」表示「甚麼」嘅意思—>「mat1je5」合音「me1」—>同音借字“乜me1”—>分音造字“乜mat1嘢je5”，“乜”有了新讀音「mat1」
2）“乜me1”，意爲「眼睛略眯而斜着看」—>詞義範疇擴大，表「歪斜」義—>讀音演變「乜me1」變為「乜me2」
以上純屬個人推測，僅供討論。
Re:[求助]无关紧要嘅人好困!
喺我哋鄉下﹐無論點樣快讀﹐都係讀成「me1也」﹐唔會縮成單音me1。所以我都同意me1就係「乜」。Re:[求助]无关紧要嘅人好困!
我都同意“咩”就系“乜嘢”嘅快读呢种讲法。从音嚟讲“乜嘢”读mat je，快读时入声t好容易省去，变成maje->mje->mie->me
Re:[求助]无关紧要嘅人好困!
highyun在2005-08-08 23:42:45說道：我都同意“咩”就系“乜嘢”嘅快读呢种讲法。从音嚟讲“乜嘢”读mat je，快读时入声t好容易省去，变成maje->mje->mie->me
存在唔一定就係正确，我哋应该尽量避免将“乜嘢”讲成“咩”。
Re:[求助]无关紧要嘅人好困!
用乜字發"咩"音. 如果句子比較特殊,就難發音。乜唔得乜？(你點讀？)“咩唔得乜”“乜唔得咩”？
都唔知你想講乜，你想講“乜唔得嘅咩”，定係“咩嘢唔得到咩嘢”(結論)。
個句子變咗兩個意思。
乜唔係噉嘅乜“咩(嘢)唔係噉嘅咩(嘢)”“乜唔係如此的嗎？(又係有兩層意思)”
乜乜物物會唔會讀成"咩咩物物"?
乜=咩，引起閱讀負擔，由得“咩”同“乜”自然分工，清清楚楚，唔係更好“咩”(疑問，與“乜”無關)？
Re:[求助]无关紧要嘅人好困!
睇到我頭都暈,有時啲口語造就咗唔同人對唔同字嘅唔同理解Re:[求助]无关紧要嘅人好困!
“乜嘢”“咩”应共存，都啱！充分体现粤语嘅丰富Re:[求助]无关紧要嘅人好困!
我從來都冇話要用「乜」代替「咩」做語氣助詞，而係用「乜」專注表示「甚麼」嘅意思，而「咩」專做語氣助詞，噉樣正係要體現「乜」「咩」嘅分工。「乜」作疑問代詞，表示「甚麼」嘅時候以讀mat1為主，亦可以讀成me1e5（無論點快，我都冇辦法將「乜嘢」讀成me1，總係要帶埋個拖音e5結尾），而「咩」係句末疑問語氣詞，無實義，只可以讀me1，相當於普語嘅「嗎」「麼」等。當然「乜」重可以作句首疑問引導詞，相當於「唔通」「難道」嘅意思，此時應讀mat1。
樓上所舉嘅例子，
“乜唔得嘅咩？”嘅意思應寫成“乜唔得咩？”
“乜唔得乜”（應該講“乜得唔到乜”）應該理解成“乜嘢唔得到乜嘢”（其實講成“乜嘢得唔到乜嘢”更合習慣一啲）。
同樣，“乜唔係噉嘅乜”應理解成“乜(嘢)唔係噉嘅乜(嘢)”，而“乜唔係如此的嗎？”應寫成“乜唔係噉嘅咩？”
如果用「咩」表示「乜嘢」因為分唔清“乜唔得咩”“乜唔係噉嘅咩”當中嘅「咩」到底係「乜嘢」嘅意思定係語氣詞「嗎」「麼」，反而更加容易誤會。
Re:[求助]无关紧要嘅人好困!
两词通用，共存，用嘅机会差不几。Re:[求助]无关紧要嘅人好困!
jumpsey在2005-08-14 12:10:15說道：我從來都冇話要用「乜」代替「咩」做語氣助詞，而係用「乜」專注表示「甚麼」嘅意思，而「咩」專做語氣助詞，噉樣正係要體現「乜」「咩」嘅分工。「乜」作疑問代詞，表示「甚麼」嘅時候以讀mat1為主，亦可以讀成me1e5（無論點快，我都冇辦法將「乜嘢」讀成me1，總係要帶埋個拖音e5結尾），而「咩」係句末疑問語氣詞，無實義，只可以讀me1，相當於普語嘅「嗎」「麼」等。當然「乜」重可以作句首疑問引導詞，相當於「唔通」「難道」嘅意思，此時應讀mat1。
樓上所舉嘅例子，
“乜唔得嘅咩？”嘅意思應寫成“乜唔得咩？”
“乜唔得乜”（應該講“乜得唔到乜”）應該理解成“乜嘢唔得到乜嘢”（其實講成“乜嘢得唔到乜嘢”更合習慣一啲）。
同樣，“乜唔係噉嘅乜”應理解成“乜(嘢)唔係噉嘅乜(嘢)”，而“乜唔係如此的嗎？”應寫成“乜唔係噉嘅咩？”
如果用「咩」表示「乜嘢」因為分唔清“乜唔得咩”“乜唔係噉嘅咩”當中嘅「咩」到底係「乜嘢」嘅意思定係語氣詞「嗎」「麼」，反而更加容易誤會。
就講一講“乜”表示“什麼”嘅意思時，可讀“咩”。
其實呢種情況可以接受，不過而家嘅用法，係將單音觀念加於“乜”字上。
講翻上例，我就以你修正嘅句子爲例“乜得唔到乜”，此句理解爲“什麼得不出什麼”。字面上係可以理解，但如果照套公式“‘乜’解作‘什麼’時可讀‘咩’”。
即係我可以將解成“什麼”嘅“乜”字，讀成“咩”又得，唔讀“咩”又得。
噉我就第一個唔讀“咩，第二個讀”咩。
句子就讀成：“乜得唔到咩”。而呢句話係噉讀，寫返轉頭就變咗“乜得唔到乜”同“乜得唔到咩”。令聽者覺得，普遍係想問“是不是得不到了”，而不會理解成“什麼得不出什麼”。
語言嘅分工，將“乜”限於“mat7”音，將“咩”限於“me1”音。講起身唔會誤會，聽者亦唔會誤會。“咩”字由原本冇“乜嘢”嘅意思，引申出有“乜嘢”嘅意思。
“乜嘢”，合音爲“咩”，即原本嘅“乜(me1)”(什麼)。由“咩”代替，文字、語言上溝通都唔會產生誤會，而當“咩”出現於句末，則一律解作疑問語氣詞。並無不妥。
Re:[求助]无关紧要嘅人好困!
jumpsey在2005-08-14 12:10:15說道：「乜」作疑問代詞，表示「甚麼」嘅時候以讀mat1為主，亦可以讀成me1e5（無論點快，我都冇辦法將「乜嘢」讀成me1，總係要帶埋個拖音e5結尾），而「咩」係句末疑問語氣詞，無實義，只可以讀me1，相當於普語嘅「嗎」「麼」等。當然「乜」重可以作句首疑問引導詞，相當於「唔通」「難道」嘅意思，此時應讀mat1。
先从调值理论回应你呢点，“乜”调值为5（或55），“咩”调值为53，而“嘢”调值为13，因此，“乜嘢”快连读嘅音可以变成me，呢点你都认同，而调值变成513，一般快度嘅时候都系头尾两个调素比较明显，而中间嘅好容易弱化，因此中间嘅1被省略，而整个“乜嘢”就被快读成me53，呢个音正好同“咩”嘅音完全一致。
頁:
[1]