高第街,廣州
<P><FONT face=PMingLiU> 高第街,位於廣州市越秀區內,鄰近北京路&海珠廣場。而家嘅高第街，喺一條專賣底衫褲、睡衣、襪，嘅批發商業街。喺一條咁嘅商業街內，有好多巷仔，例如，玉帶濠，積銀巷……。而素波巷內，可以搵到學校---廣州市第十中學，而由10中行出去，可以搵到「維新橫巷」..維新路冇咗，好在重有個維新橫巷；更加可以搵到許氏家族嘅蹤影--許地。</FONT></P><P> </P>
<P><FONT face=PMingLiU>高第街名稱嘅由來</FONT></P>
<P><FONT face=PMingLiU><BR> 舊時，有一條街度住住一位財主，佢以「善人」自稱，日日都煲一大鑊粥,攞出門口，分畀啲乞兒食。負責分粥嗰個妹仔叫做阿香。啲乞兒見到阿香年輕貌美，就乘機搏懵,搞到阿香縮都縮唔切,分又唔係,唔分又唔係。有個後生尐嘅乞兒叫高弟,睇唔過眼,就鬧其他乞兒:「人哋好心分啲粥畀我哋,你哋重咁做,實在太過分，太無品喇,等我嚟分。」講完，就幫咗阿香分粥畀啲乞兒。阿香好感激佢，以後就等高弟幫佢分粥畀啲乞兒。</FONT></P>
<P><FONT face=PMingLiU><BR> 阿香見高弟雖然係瘦咗尐，但係都幾靚仔，而且又有正義感喎，於是乎就慢慢鍾意咗高弟，成日靜雞雞將啲好食嘢塞畀高弟。點知畀其他乞兒發現咗呢單嘢，就恥笑佢，話佢係「高弟妻」。好衰唔衰，呢件事畀財主佬聽到咗，財主好嬲，話阿香敗壞門風，監生打瓜咗阿香。財主嘅阿媽知道咗，諗住嚟阻止，點知都已經太遲。因為阿香平時服侍得佢好好，佢都好惜阿香，所以佢就將自己嘅一對金耳環偷偷哋放喺阿香身上，當陪葬品。</FONT></P>
<P><FONT face=PMingLiU><BR> 仵作抬住阿香嘅棺材到咗下塘山頭，啱啱掘咗幾下啫，就烏雲密布喇，就嚟落狗屎，個仵作好唔負責任咁即刻抌低個鋤頭，擗低阿香，嗱嗱聲跑落山避雨兼返屋企食飯算數，由阿香副棺材喺山上風吹雨打....<BR> 高弟知道阿香死咗，好鬼傷心，：「阿香係因為我先至會畀人打死嘅，我要送佢最後一程！」於是乎，佢跑去下塘山頭，嗰時已經落緊狗屎，高弟都唔理三七廿一喇，一見到副棺材就衝埋去，跪喺塊地度，喊住咁講：「阿香，對唔住，係我連累咗你..」突然間，聽到棺材入面好似有尐聲，「唔通係阿香尸變？！唔會嘅，一定係阿香未死..！！」佢即刻攞起啱先仵作佬抌低嘅鋤頭，將個蓋撬開，扶起阿香。原來，阿香真係未死，休克啫。阿香見到呢個時候嘅高弟，同埋周圍咁嘅環境，就知道發生咗咩嘢事喇，好感動，喊住咁講「高弟，我家陣無家可歸喇，不如，我哋一齊生活喇。」點知高弟撒手兼令頭，話：「唔得架...我係乞兒嚟架咋..照顧自己都有問題..點可以畀到幸福你喎..再加上..我乜都冇..得個乞兒竇..你住唔慣架..」「唔驚喇，我捱慣苦架！」阿香話，呢個時候，佢覺得心口好似有嘢eng住,佢摸摸下,發現有對金耳環,佢估到係財主阿媽畀佢嘅陪葬品,佢對高弟話:「高弟，不如我哋攞佢嚟做本錢，做啲生意仔，我哋有粥食粥，有飯食飯！」高弟畀佢嘅真誠感動咗..跟住孭咗阿香落山。</FONT></P>
<P><FONT face=PMingLiU><BR> 佢哋兩個成親之後，開咗個檔攤仔，生意重好好添，後來變埋富豪。嗰個財主死咗之後，家道中落，高弟就買咗佢間大屋，而且喺呢條街度買咗好多屋，分畀啲冇屋嘅窮人住。後來啲人為咗紀念佢，就將呢條街嘅名改咗做高弟街。</FONT></P>
<P> </P>
<P><FONT face=PMingLiU> 重有一個傳說就係，有個秀才經過此處，覺得「高弟」好俗，改為「高第」。</FONT></P>
<P> </P>
<P> </P>
<P><FONT face=PMingLiU>高第街內--許地,廣州第一家族。</FONT></P>
<P><FONT face=PMingLiU><BR> 許地係許氏族人聚居嘅地方，自從19世紀初許拜庭喺呢度定居之後，兩百年嚟許氏家族名人輩出。魯迅先生嘅太太--作家許廣平女士，粵軍總司令許崇智，同埋紅軍將領許卓，重有，許祥光，許炳榛..所以，有「近代廣州第一家族」之稱。但係<FONT color=darkorchid><STRONG>呢啲輝煌,查實已經慢慢咁淹沒喺呢條繁華嘅商業街之內....</STRONG></FONT></FONT></P>
<P> </P>
<P> </P>
<P><IMG src="http://www.c020.com/bbs/attachmentu/Mon_0810/3_421_f931f94417fe045.jpg" border=0><IMG src="http://www.c020.com/bbs/attachmentu/Mon_0810/3_421_9c8ca4461ed5aa0.jpg" border=0></P>
<P><IMG src="http://www.c020.com/bbs/attachmentu/Mon_0810/3_421_d283f9fde20fa5b.jpg" border=0></P>
<P><FONT face=PMingLiU><IMG src="http://www.c020.com/bbs/attachmentu/Mon_0810/3_421_06a6f9d201a6c38.jpg" border=0> </FONT></P>
<P><FONT face=PMingLiU><IMG src="http://www.c020.com/bbs/attachmentu/Mon_0810/3_421_69faf0e4043b7e3.jpg" border=0> </FONT></P>
<P><FONT face=PMingLiU> (ps:呢篇嘢係之前見到許地搞成咁,有感而發寫嘅,不過冇影相,所以,圖片係search返嚟..)</FONT></P>
<P> </P>
<P><FONT face=PMingLiU> 講起許廣平,講起魯迅,令我諗起之前睇過關於魯迅對廣東話嘅一段..<BR>《在鐘樓上（夜記之二）》<BR>「這兩句有時也有用。那是我已經搬在白云路寓屋里的時候了，有一天，巡警捉住了一個竊取電燈的偷儿，那管屋的陳公便跟著一面罵，一面打。罵了一大套，而我從中只听懂了這兩句。然而似乎已經全懂得，心里想：「他所說的，大約是因為屋外的電燈几乎<FONT face="Trebuchet MS" color=darkorchid><STRONG>Ｈａｎｂａｒａｎ</STRONG></FONT>被他偷去，所以要<FONT face="Trebuchet MS" color=darkorchid><STRONG>Ｔｉｕ－ｎａ－ｍａ</STRONG></FONT>了。」于是就仿佛解決了一件大問題似的，即刻安心歸坐，自去再編我的《唐宋傳奇集》。 」<BR></P></FONT>
[ 本帖最後由 思覺失調 於 2008-10-15 21:08 編輯 ] 破落到令人不敢回憶 曾經嘅風光 楼主辛苦晒！ 不過阿香個傳説好明顯係流 <P>原帖由 <I>南汉</I> 於 2008-10-18 21:05 發表 <A href="http://bbs.cantonese.asia/redirect.php?goto=findpost&pid=113494&ptid=12888" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 不過阿香個傳説好明顯係流 </P>
<P> </P>
<P>顏志圖講嘅,流唔流我無從考究..聽係咁聽囉.</P> <P>原帖由 <I>南汉</I> 於 2008-10-18 21:05 發表 <A href="http://bbs.cantonese.asia/redirect.php?goto=findpost&pid=113494&ptid=12888" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 不過阿香個傳説好明顯係流 </P>
<P>何以见得？</P> <P>「啲乞兒見到阿香年輕貌美，就乘機搏懵,搞到阿香縮都縮唔切,分又唔係,唔分又唔係。」</P>
<P> </P>
<P>啲乞兒都幾狼死～～～</P>
<P> </P>
<P> </P>
頁:
[1]