gzshuzha 發表於 2008-10-3 12:12:27

【原创】国庆节，逼地铁。

【原创】国庆节，逼地铁。<br>&nbsp;&nbsp; 从晓港站落地铁，未试过逼到上唔到车嘅，国庆节先会咁。好在车密，再嚟一架就逼到上去。车厢入面人声嘈杂，本地人好少，净系听到角落头有人用广州话细细声埋怨：「都话唔好出嚟同人逼嘎啦，最衰你！」<br>&nbsp;&nbsp; 大多数人好似唔系好介意咁逼，佢哋用各自乡音大声讲嘢，兴奋写晒响块脸度。我差啲笑咗出来，有人以为我识听佢哋啲乡下话，停晒落来望住我。其实系我突然谂起有人咁样形容人多：「车厢里一眼望去尽是鲜花与牛粪。」<br>&nbsp;&nbsp; 旁边有人用手机听歌，「让我欢喜让我忧... ... 」我识听，周华健唱嘅。唱咗两句，车厢广播响起，海珠广场到嘞，又有好多人逼上嚟，好似有一句广州话专门形容呢种形势，啊，系嘞：「透气都痛！」<br>&nbsp;&nbsp; 心谂：如果日日要返工，又日日都咁逼就惨嘞。其实，人人心目中嘅悲惨生活都唔同，有人就话：「所谓悲惨生活就是白天看中国股票，晚上看中国足球。」佢哋可能唔知道，有人仲夸张，法国大文豪维克多.雨果名著《Les Misérables》，中译本将书名译成《悲惨世界》，原文并冇世界两个字，系译者加上去，大家睇完故事，喊得一句句，于是拍烂手掌，呢个书名真系译得好呀。<br>&nbsp;&nbsp; 车厢广播又响，公园前卒之到嘞，松晒，普通话，粤语，最后仲有英文，「Please watch the gap between the train and the&nbsp; platform.」点解唔系好似香港同新加坡咁，用「Mind the gap」呢？返嚟查下「喂鸡」百科，原来美国纽约地铁长岛线都系用「Watch the gap」，仲特别强调真系有乘客跌落条罅，出咗事后，佢哋就四维挂晒呢句话嘅警告牌。<br>

[ 本帖最後由 gzshuzha 於 2008-10-3 13:57 編輯 ]

普君南拆遷居民 發表於 2008-10-3 13:39:27

如果嚟逼地鐵嗰班人嚟廣州純粹為咗旅遊，過完國㷫就走返外省，噉就逼啲都冇所謂。可惜。。。。

蛋糕仔 發表於 2008-10-3 14:46:30

<P>有得逼下都好啊，我住佛山架，重未有地鐵出街鬼咁麻煩！</P>

gboss 發表於 2008-10-3 21:06:49

<P>原帖由 <I>蛋糕仔</I> 於 2008-10-3 14:46 發表 <A href="http://bbs.cantonese.asia/redirect.php?goto=findpost&amp;pid=111108&amp;ptid=12677" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 有得逼下都好啊，我住佛山架，重未有地鐵出街鬼咁麻煩！ </P>
<P>&nbsp;</P>
<P>&nbsp;</P>
<P>而家整緊啦，遲啲你就可以體驗到咩叫「時間是擠出來的」，尤其你趕時間嗰陣。</P>
<P>&nbsp;</P>
<P>By the way：「所谓悲惨生活就是白天看中国股票，晚上看中国足球。」呢句我鍾意。</P>
頁: [1]
查看完整版本: 【原创】国庆节，逼地铁。