[轉帖]廣州話搞笑歇後語（未修改版）
鼻哥窿担遮-----鼻毛(避无)可避茅厕点灯-----找屎(死)
成吉思汗打仔-----大汗耷细汗
阿茂整饼----无果样整果样
水瓜打狗----唔见紧桷
年三十晚谢灶──好做唔做
灶头抹布──咸湿
灶君上天──有果句讲果句
寿星公吊颈──嫌命长
陈年中草药──发烂渣
灶君跌落镬──精（蒸）神
阿崩叫狗──越叫越走
阿崩养猫──转性
卖鱼佬──有声（腥)气
卖鲩鱼尾──搭嘴
细佬哥剃头──就快就快
肥佬着笠衫──几大就几大
神台猫屎──神憎鬼厌
南无佬跌落粪坑──无晒符
屎忽窟生疮──无眼睇
咸蛋滚汤──心都实晒
瓦檐狮子──叻到满
跪地喂猪母──睇钱份上
床底破柴──撞晒大板
老婆担遮──阴功（公）
投石落屎坑──激起公愤（恭粪）
火烧猪头──熟口熟面
天堂尿壶──全神贯注
老公泼扇──凄（妻）凉
撒路溪钱──吸引死人
黄皮树了哥──唔熟唔食
亚聋送殡──唔听你支死人笛
湿水棉花──无得弹
狗上瓦桁──有条路
十月芥菜──起晒心
肥婆坐屎塔──tup tup 撼
纸扎下巴──口轻轻
屎坑关刀──文（闻）又唔得，武（舞）又唔得
鼎湖上素──好斋
火烧旗杆──长叹（炭）
飞机打交──高斗
海底石斑──好瘀（鱼）
鸡食放光虫──心知肚明
山草药──up得就up
番鬼佬月饼──闷极（moon cake）
非洲和尚──乞（黑）人憎（僧）
潮州二胡──自己顾自己（gegegugege)
断柄锄头──无揸拿
猫儿洗面──系甘意
棺材铺拜神──想人死
蒸生瓜──神神地
阿兰嫁阿瑞---类斗类
无耳藤o急---靠托
屎坑关刀---无张利
神仙放屁——不同凡响
生虫拐杖——靠唔住
番薯跌落灶——该煨
老公泼扇——凄（妻）凉
和尚担遮——无法（发）无天
单眼仔睇老婆---一眼睇哂
水兵对水手----水斗水
阿兰嫁啊瑞----大家累斗累
周身刀---冇张利
隔年通胜----唔值钱
幡杆灯笼-----照远唔照近
三元宫土地------锡（爱惜）身
陆文庭睇相----唔衰螺黎衰
白云山一担泥-----眼阔肚窄
年晚煎堆-----人有我有
厨房阶砖-----咸湿
秀才手巾----包书（输）
十月蔗头-----甜到尾
风吹皇帝裤浪－－孤鸠寒
倒挂腊鸭－油嘴滑舌
抬棺材甩裤－失礼死人
雷公劈豆腐－稳软的来虾
鱼片粥－岩岩熟
火麒麟－周身瘾
生虫拐杖－靠吴住
阿超着裤－谷住来
右边新屋无得住 - 左nine住晒
Re:[轉帖]廣州話搞笑歇後語（未修改版）
『风吹皇帝裤浪－－孤鸠寒』em3:
Re:[轉帖]廣州話搞笑歇後語（未修改版）
哈哈,細個成日講嚟玩,而家好少玩囉~~~Re:[轉帖]廣州話搞笑歇後語（未修改版）
itxu2k在2005-07-24 22:16:17說道：『风吹皇帝裤浪－－孤鸠寒』em3:
有少少唔明呀~~~
第一個字點黎??? em17:
Re:[轉帖]廣州話搞笑歇後語（未修改版）
kathy在2005-07-28 17:34:43說道：itxu2k在2005-07-24 22:16:17說道：『风吹皇帝裤浪－－孤鸠寒』em3:
有少少唔明呀~~~
第一個字點黎??? em17:
“孤家寡人”
Re:[轉帖]廣州話搞笑歇後語（未修改版）
如果係繁體就好喇。Re:[轉帖]廣州話搞笑歇後語（未修改版）
以前成日听人讲，依家都五系几记得啦～而且已经无乜后生仔识啦～Re:[轉帖]廣州話搞笑歇後語（未修改版）
“鼻哥窿担遮-----鼻毛(避无)可避”鼻歌竉擔遮點樣可避法呀？唔明。
Re:[轉帖]廣州話搞笑歇後語（未修改版）
以前广州台有个节目《妙语连珠》宋韶光主持，专讲粤语歇后语又出咗四本同名书籍，详尽讲解每个粤语歇后语嘅来龙去脉
Re:[轉帖]廣州話搞笑歇後語（未修改版）
樓上：我有齊嗰幾本書。。。Re:[轉帖]廣州話搞笑歇後語（未修改版）
贡献出来scan咗佢
或者打出来论坛啦
Re:[轉帖]廣州話搞笑歇後語（未修改版）
潮州二胡──自己顾自己（gegegugege)番鬼佬月饼──闷极（moon cake）
好有趣~~ em5:
Re:[轉帖]廣州話搞笑歇後語（未修改版）
轉成繁體------------
廣州話搞笑歇後語
鼻哥窿擔遮-----鼻毛(避無)可避
茅廁點燈-----找屎(死)
成吉思汗打仔-----大汗耷細汗
阿茂整餅----無果樣整果樣
水瓜打狗----唔見緊桷
年三十晚謝灶──好做唔做
灶頭抹布──鹹濕
灶君上天──有果句講果句
壽星公吊頸──嫌命長
陳年中草藥──發爛渣
灶君跌落鑊──精（蒸）神
阿崩叫狗──越叫越走
阿崩養貓──轉性
賣魚佬──有聲（腥)氣
賣鯇魚尾──搭嘴
細佬哥剃頭──就快就快
肥佬著笠衫──幾大就幾大
神台貓屎──神憎鬼厭
南無佬跌落糞坑──無晒符
屎忽窟生瘡──無眼睇
鹹蛋滾湯──心都實晒
瓦簷獅子──叻到滿
跪地餵豬乸──睇錢份上
床底破柴──撞晒大板
老婆擔遮──陰功（公）
投石落屎坑──激起公憤（恭糞）
火燒豬頭──熟口熟面
天堂尿壺──全神貫注
老公潑扇──淒（妻）涼
撒路溪錢──吸引死人
黃皮樹了哥──唔熟唔食
亞聾送殯──唔聽你支死人笛
濕水棉花──無得彈
狗上瓦桁──有條路
十月芥菜──起晒心
肥婆坐屎塔──tup tup 撼
紙紮下巴──口輕輕
屎坑關刀──文（聞）又唔得，武（舞）又唔得
鼎湖上素──好齋
火燒旗桿──長歎（炭）
飛機打交──高鬥
海底石斑──好瘀（魚）
雞食放光蟲──心知肚明
山草藥──up得就up
番鬼佬月餅──悶極（moon cake）
非洲和尚──乞（黑）人憎（僧）
潮州二胡──自己顧自己（ge ge gu ge ge）
斷柄鋤頭──無楂拿
貓兒洗面──系咁意
棺材鋪拜神──想人死
蒸生瓜──神神地
無耳籐o急---靠托
神仙放屁——不同凡響
生蟲枴杖——靠唔住
蕃薯跌落灶——該煨
老公潑扇——淒（妻）涼
和尚擔遮——無法（髮）無天
單眼仔睇老婆---一眼睇哂
水兵對水手----水斗水
週身刀---冇張利
隔年通勝----唔值錢
幡桿燈籠-----照遠唔照近
三元宮土地（神）------錫（愛惜）身
陸文庭睇相----唔衰攞黎衰
白雲山一擔泥-----眼闊肚窄
年晚煎堆-----人有我有
廚房階磚-----鹹濕
秀才手巾----包書（輸）
十月蔗頭-----甜到尾
風吹皇帝褲浪－－孤鳩寒
倒掛臘鴨－油嘴滑舌
抬棺材甩褲－失禮死人
雷公劈豆腐－搵軟的來蝦
魚片粥－啱啱熟
火麒麟－週身癮
阿超著褲－谷住來
右邊新屋無得住 - 左nine住曬
Re:[轉帖]廣州話搞笑歇後語（未修改版）
唔係幾明:瓦簷獅子──叻到滿
狗上瓦桁──有條路
三元宮土地（神）------錫（愛惜）身
白雲山一擔泥-----眼闊肚窄
火麒麟－週身癮
阿超著褲－谷住來
老婆擔遮──陰功（公）
噉:冇老婆擔遮係唔係冇陰功啊?
重有:
水草命----賤粽
减肥减到上面----下巴輕輕
Re:[轉帖]廣州話搞笑歇後語（未修改版）
试下解释部分鼻哥窿担遮-----鼻毛(避无)可避，可以同突出来嘅鼻毛遮太阳或者雨
瓦簷獅子──叻到滿，嗰啲石狮子通常起喺瓦顶最边嗰度，虽然好有煞气，但系都好牙烟，所以用叻到“men3”
狗上瓦桁──有條路，狗逃走嗰时一般唔会爬上瓦桁，因为一般无路走，如果爬，就预先知道有条路可以走
三元宮土地（神）------錫（愛惜）身，好似以前三元宫嘅土地系用锡来整嘅
火麒麟－週身癮，成身毛，有着晒火，就好似点着咗啲火药引噉啰
水草命----賤粽，缠（意绑，音同贱）粽系水草嘅用处
减肥减到上面----下巴輕輕，原装应该系：纸扎下巴——口轻轻
Re:[轉帖]廣州話搞笑歇後語（未修改版）
superjill在2005-12-07 00:41:40說道：试下解释部分鼻哥窿担遮-----鼻毛(避无)可避，可以同突出来嘅鼻毛遮太阳或者雨
瓦簷獅子──叻到滿，嗰啲石狮子通常起喺瓦顶最边嗰度，虽然好有煞气，但系都好牙烟，所以用叻到“men3”
狗上瓦桁──有條路，狗逃走嗰时一般唔会爬上瓦桁，因为一般无路走，如果爬，就预先知道有条路可以走
三元宮土地（神）------錫（愛惜）身，好似以前三元宫嘅土地系用锡来整嘅
火麒麟－週身癮，成身毛，有着晒火，就好似点着咗啲火药引噉啰
水草命----賤粽，缠（意绑，音同贱）粽系水草嘅用处
减肥减到上面----下巴輕輕，原装应该系：纸扎下巴——口轻轻
多謝解譯~後邊嗰兩句係我聽我老竇講嘅~知道咩意思~衹不過唔知係唔係眞係有噉嘅歇後語~
Re:[轉帖]廣州話搞笑歇後語（未修改版）
歇后语其实有好多，等我补充几个搞笑嘅：茅根竹——借水（蔗水）
马骝生臭狐——吾系人甘味
隔夜茶——吾赌（倒）吾安乐
阎罗王探病--------问你死未
Re:[轉帖]廣州話搞笑歇後語（未修改版）
老婆擔遮──陰功（公）噉:冇老婆擔遮係唔係冇陰功啊?
哈哈~~妙~~~ em5:
頁:
[1]