论坛改革建议

卢总發表於 2008-5-19 18:40:52

５月两次嘅群聚相当成功，大家除咗互相认识、联谊两番之外，重增进咗彼此嘅了解，消除咗一啲误会，喺希望网站搞得越来越好嘅基础上，达成咗共识——就系论坛须要改革！以下就系蒐集咗各方意见，综合出嚟嘅结果。
 
　　首先就系拆版。「南粤文化」应该要尽快分拆上市！分拆之后，应该要有专门讲粤剧嘅，讲岭南建筑嘅，讲饮食文化嘅，讲民俗民情嘅……个人建议可以考虑开辟广西、粤西、四邑、客家、潮州……地区专版。
 
　　「休闲娱乐」应该要重组。将「翻唱区」独立出嚟，并改名为「自弹自唱」，一来可以提高大家积极性，二来亦可以建立一个品牌形象。「影视频道」应该独立开嚟，唔应该同「娱乐频道」摆埋一齐，娱乐版应该讲多啲八卦嘢，吸引人流！有人建议应该增加贴图版——因为呢个系最吸引人嘅，冇边个成功嘅论坛冇呢家嘢。所以应该尽快设立，以网聚人气。
 
　　「吹水版」可以扩展为一个分区，里面除咗继续保留「吹水坊」之外，重要开埋情感版（连名都谂好埋，叫「男左女右」——系「包嘅四次方」起咖，我纯粹转述）、医卜星相版、饮食版、供求信息版、灵异鬼故版等。
 
　　而家又有人提出应该增加语音版，记录一啲有可能消失嘅声音，因为有啲讲法用文字系无法表达嘅，一定要用声音或者影像嚟记录、表达先得。不过点样解决文件保留空间问题就比较头痛，所以要群策群力先得！
 
　　虽然供求信息版而家系已经开咗，但系应该将佢嘅功能再进一步扩展，增加埋一啲潮流产品、文化、蒲点嘅介绍，以丰富内容，吸引人潮。另外，如果有人需要帮手搭棚、搭台、搭嘴、帮拖、投票、做调查问卷……都可以喺里面卖广告。岭南人互相帮助，互相扶持，何乐而不为？
 
　　另外，目前论坛系有新人嚟注册，不过多数都系走嚟攞料嘅，一唔系就走嚟捣乱——冇贡献不突止，重要搞搞震添！而好多人嘅主观能动性就调动唔起，主要就系版块太少、内容太窄、话题唔多……所以如果开多啲版，噉就会有多啲选择畀新人，唔使来来去去净得嗰几个人发帖、复帖。
 
　　重有，发挥人嘅主观能动性一个好好嘅做法就系畀嘢佢哋做。除咗开新版之外，就系要安排多啲人一齐嚟参与管理、发展！做咗版主嘅人就会多咗责任，多咗责任就会想多啲人去撑自己个版，就会周围叫啲人注册、发帖、复帖，就会想方设法揾好帖、转发好帖，甚至自己写好帖。喺工作嘅过程中，亦好容易揾到自己嘅不足之处，从而想办法进修提高，对佢本人同网站都有好处。
 
　　根据我多年嘅研究同埋实战成功经验嚟睇，最有成效嘅做法就系揾多啲人一齐嚟「复制努力」——将成功嘅经验同做法不断复制再复制，当数量达到一定嘅时候，质变自然就会发生，蝴蝶效应就会出现，单靠三两丁人系做唔到啲乜嘢出嚟嘅！
 
　　所以大家睇完之后，认真谂下，睇下有咩好嘅建议就补充落去。

卢总發表於 2008-5-19 18:43:10

「吹水版」之所以要扩展为一个分区，并且开埋情感版、医卜星相版、饮食版、灵异鬼故版……等等，系因为逢系呢啲够潮、多人八嘅嘢先会吸引到啲人嚟睇、嚟讲。然后再藉此吸引佢哋去其它版块学习，好过日日无无谓谓学埋晒啲「火星文」、错别字、胶论——对啲错字、别字、错误嘅讲法又可以即时发现，就地正法，唔使周围蔓延，同时又可以藉佢哋去教化其他人，壮大力量。
 
　　同时，每个版应该唔少于两个人做版主。一来可以弥补不足；二来可以调动多啲人嘅主观能动性；三来亦可以喺内部形成良性竞争，不断提高彼此水平。当然，对于好似我呢啲有能力、有水平嘅亦不妨睇多几个版都 冇问题，同多啲人合作过先可以擦出多啲火花。而对于嗰啲冇料或者系疏于版务嘅人，应该褫夺其版主之位，畀其他有能或者愿意出力嘅人嚟做！
 
　　冇人系一生出嚟就识得做呢样嗰样嘅，好多嘢系需要有人去教，自己去学、去试先至会做得好嘅。所以我希望各位如果想为我哋嘅文化、为我哋嘅社群出力嘅，不妨踊跃自荐，落力承担，或者畀多啲建议。

卢总發表於 2008-5-19 18:47:57

先旨声明：本帖系讲正经嘢嘅，吹水嘅唔该过主！无聊、冇意义嘅回复亦唔该过主！否则面斥不雅，后果自负！

vincent10 發表於 2008-5-19 22:16:55

「吹水版」之所以要扩展为一个分区，并且开埋情感版、医卜星相版、饮食版、灵异鬼故版……等等  吹水版分開咁多會5會散得濟啊....
其實可唔可以改革資料版等佢可以下載D粵語童謠啊電影動畫片之類啊....特別係童謠啊買小見小啊家陣....
 如果南粵文化裏面  可以多D嶺南既民間故事就fit晒拉(如五羊傳說之類)

外外星人 發表於 2008-5-19 22:49:24

郊游、爬山、游水、各项运动召集，现时应该摆边个版？如果冇现成，是否可以增版？

卢总發表於 2008-5-19 22:52:19

摆去信息版。改名做「资讯版」或者其它都得。

highyun 發表於 2008-5-20 20:32:39

有啲提議相當好。
有志參與新版塊管理者，不妨提出新開版塊嘅建議，以及自己準備如何打理該版塊。請將你哋嘅申請發嚟呢度跟帖：
<A href="http://bbs.cantonese.asia/viewthread.php?tid=9384&extra=page%3D1">http://bbs.cantonese.asia/viewthread.php?tid=9384&extra=page%3D1</A>

余OK 發表於 2008-5-20 21:29:21

子版唔顯眼

早先唔想拆分太多嘅版（本人最喜歡簡潔唔花哩碌），所以子版嵌喺分版入邊顯得「企理」好多，而且分門別類比較方便，不過因為喺首頁顯示唔夠醒目，有啲子版好少過客會留意到，人氣就唔旺，點樣更加合理拆分整合各版，呢方面的確要諗吓計。

卢总發表於 2008-5-21 02:10:47

原帖由 highyun 於 2008-5-20 08:32 PM 發表 <A target=_blank href="http://bbs.cantonese.asia/redirect.php?goto=findpost&pid=81795&ptid=10277"><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 有啲提議相當好。有志參與新版塊管理者，不妨提出新開版塊嘅建議，以及自己準備如何打理該版塊。請將你哋嘅申請發嚟呢度跟帖： http://bbs.cantonese.asia/viewthread.php?tid=9384&extra=page%3D1 ... 咩叫「有啲提議相當好」？

卢总發表於 2008-5-21 02:13:32

我知，你嘅睾见就系以你个人喜好为大前提吖嘛！
原帖由 余OK 於 2008-5-20 09:29 PM 發表 <A target=_blank href="http://bbs.cantonese.asia/redirect.php?goto=findpost&pid=81812&ptid=10277"><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　早先唔想拆分太多嘅版（本人最喜歡簡潔唔花哩碌），所以子版嵌喺分版入邊顯得「企理」好多，而且分門別類比較方便，不過因為喺首頁顯示唔夠醒目，有啲子版好少過客會留意到，人氣就唔旺，點樣更加合理拆分整合各版，呢方面的確要諗 ...

包包包包吖 發表於 2008-5-23 22:56:40

擺我上臺？~~~
 
 
個男左女右版我申請做版主吖~~最近呢2日有人同我爭吖~~<IMG alt="" src="http://bbs.cantonese.asia/images/smilies/default/mad.gif" border=0 smilieid="11">

外外星人 發表於 2008-5-23 23:01:36

包包包包吖 發表於 2008-5-23 23:16:16

<IMG alt="" src="http://bbs.cantonese.asia/images/smilies/default/sad.gif" border=0 smilieid="2"> 我之前個~~~4只包ID~~唔記得密碼~~兼且~~~摞唔返~~~~~<IMG alt="" src="http://bbs.cantonese.asia/images/smilies/default/mad.gif" border=0 smilieid="11">

外外星人 發表於 2008-5-23 23:37:34

外外星人 發表於 2008-5-24 02:50:21

原帖由 包包包包吖 於 2008-5-23 22:56 發表 <A href="http://bbs.cantonese.asia/redirect.php?goto=findpost&pid=82460&ptid=10277" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 擺我上臺？~~~     個男左女右版我申請做版主吖~~最近呢2日有人同我爭吖~~ 
 
边个同你争喎（如果你真系四只包嘅话）？话明有两个版主吖嘛，你得一个ID，咪畀一个位你啰！<IMG alt="" src="http://bbs.cantonese.asia/images/smilies/default/sweat.gif" border=0 smilieid="10"> 唔通你想坐晒两个位咩？<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> 其实，一听系四只包，我就已经举埋脚趾屘赞成啦！<IMG alt="" src="http://bbs.cantonese.asia/images/smilies/default/victory.gif" border=0 smilieid="14"> 不过而家重未决定开新版，又未轮到表态嘅时候，噉咪谂住迟啲先讲啰！点知你咁心急啫？局住人表态！我唔制，你逼人嘅！嗱，咁恨做，得偿所愿嘅话，要开**，请食饭咖！<IMG alt="" src="http://bbs.cantonese.asia/images/smilies/default/titter.gif" border=0 smilieid="9"> <IMG alt="" src="http://bbs.cantonese.asia/images/smilies/default/lol.gif" border=0 smilieid="12">

我阿媽個女 發表於 2008-5-24 14:23:41

我阿媽個女凸然間啉到個問題：
其實論壇中「悠閒吹水坊」應該改名做「休閒議論坊」。
事關喺吹水坊度，我覺得每個人喺度爭議同討論某個論點（注意，係論點）係多過吹水咯，甚至會爭論到面紅耳赤，差D未大打出手噶啫……
所謂嘅吹水，我覺得應該係會傾D比較生活嘅嘢，係會圍繞個主題，但唔會存在任何嘅爭議，咁先叫吹水吖嘛，性質應該唔一樣係米啊~~~？？

cingsan 發表於 2008-5-24 17:21:23

吹水版冇必要改，妳去改變話題就得喇。不過啲老嘢唔鐘意講生活中嘅嘢……後生仔至與。。。。

cingsan 發表於 2008-5-26 19:56:36

重有，一個版起碼三四個版主。。家陣得一個……少之又少……其他壇嘅嗰啲成村人…

Jean 發表於 2008-5-26 20:02:31

原帖由 包包包包吖 於 2008-5-23 23:16 發表 <A href="http://bbs.cantonese.asia/redirect.php?goto=findpost&pid=82474&ptid=10277" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A>  我之前個~~~4只包ID~~唔記得密碼~~兼且~~~摞唔返~~~~~ 
直接同管理員聯繫，幫你設置番初始密碼，然後你再改吓就得！<IMG alt="" src="http://bbs.cantonese.asia/images/smilies/default/smile.gif" border=0 smilieid="1"> 
 
重有，猩猩~你一陣間話我「出千」，一陣間又話我「出貓」。。。。係咪想害死我<IMG alt="" src="http://bbs.cantonese.asia/images/smilies/default/sweat.gif" border=0 smilieid="10"> 。。。。我邊識喎。。。

[ 本帖最後由 Jean 於 2008-5-26 20:05 編輯 ]

外外星人 發表於 2008-5-26 22:48:51

原帖由 Jean 於 2008-5-26 20:02 發表 <A href="http://bbs.cantonese.asia/redirect.php?goto=findpost&pid=82909&ptid=10277" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 直接同管理員聯繫，幫你設置番初始密碼，然後你再改吓就得！   重有，猩猩~你一陣間話我「出千」，一陣間又話我「出貓」。。。。係咪想害死我。。。。我邊識喎。。。 ... 
 
妳而家咪学识呢两个词啰！讲下笑啫，唔使吓到成身汗。不过，妳真系教晓咗人哋点样恢复返个ID噃，噉就证明我推荐得冇错啦！<IMG alt="" src="http://bbs.cantonese.asia/images/smilies/default/titter.gif" border=0 smilieid="9">

頁: [1] 2

粵語協會's Archiver

论坛改革建议

子版唔顯眼