[轉帖] 新潮廣東話
事先聲明︰祇係會心微笑，絕冇其他意思。新潮廣東話......
1. 我曾聽過人地講：結婚去"動物園" (渡蜜月) ... 取文件要"贈品" (正本)
2. 有冇雷電顯示？(來電顯示)
3. 睇一套歷史式話劇，來自大陸既女演員話：「我唔係一個普通既女人，我係一個call機」 ...其實佢想話：「我係一個歌妓」
4. 我公司有個女人好好笑：
1) 冷係 = 冷氣 2) 唔可必喎 = 唔好迫我 3) 抱子 = 報紙
5. 食屎路=石屎路
6. 先生......我地玩"失蹤"（骰盅）囉......
7. 最怕俾佢地問我："簡典扇" (咁點算)
8."忍忍支係ben" (影印機係邊)...... "死守間係ben" (洗手間係邊)
9. 有朋友係電話公司做，佢話好多人話要將自己部手提電話"出煙" (trade-in)
10. sen山你蝕唔蝕飯？ （先生你食唔食飯）
11. 有個女人問路：sen山，請問"侏儒村"係邊呀？原來"侏儒村" = g2000！
12. 話說n年前有朝早我去麥當勞好有禮貌咁同個賣包既女人講："唔該豬柳漢堡丫"個女人同我講："要蛋呀" 個時我身上無乜錢，我又唔係太鐘意食豬柳蛋漢堡，於是我就好有禮貌回答："唔要蛋喇唔該！" 個女人好勞氣咁講："你要蛋喎！"
我開 始無乜耐性，我答："我唔要蛋喇，我只係要豬柳漢堡咋！"個女人更加勞氣咁話： "要蛋一蛋呀，要蛋十分鐘呀......原來"蛋" = 等
13. 話說某某在電器公司欲購電視機，向售貨員詢問："請問呢部電視機有冇電視框呀" 售貨員莫明奇妙但仍恭恭敬敬地答："有" ..."咁電視框幾多錢呀"？"太太，唔好意思要成架買冇電視框" 某某無奈地離去了。原來電視框 = discount
14. 係一個巴士站度，眾人都等緊巴士，有個女人問另一人："sen山唔該，請問你有冇"生痔瘡"呀？個男人頭都痕埋，原來個女人係想問佢有冇散紙唱！(個時八達通仲未係咁流行)
15. 係街邊賣野食d大陸女人成日話：好"令"既"而蛋"、"牛演"同"支肉演" = 好靚既魚蛋、牛丸同豬肉丸
16. 大家要唔要雀仔按摩.....按完仲可以除... (腳低按摩...鎚...)
17 有次問我同事...有關電腦問題，佢猛咁叫我" y kick"，又唔知佢講咩，問佢又怕佢尷尬，攪左好耐先知，原來佢話：個mouse既right click呀！
18. 我班的陳同學曰："唐山大地浸﹝地震﹞，呢個世界好黑"un"......
19. 尋晚去食潮州野，"ling"住個menu在滷水拼盤究竟有乜食，個伙計就無端端答嘴："哩個老鼠拼盤係冇老鼠鵝，得老鼠蛋、老鼠腸、老鼠豬耳" (老鼠 = 滷水)
20. 我做sales時，向一個女人sale條褲，佢拎起條褲拍埋個身到度，然後問我：條褲有冇隊架？ 我話：下? 女人：條褲有冇隊架？(我真係r晒頭，心諗佢想隊乜?) 然後個女人自己摸下條褲..... 噢！冇隊架！.....到佢行開左，我先諗到原來佢想問：條褲有冇袋！
21. 我阿哥係入境處辦事處到做，成日聽到d人講，身份證叫"新款證"，出生證
叫"畜牲證"
22. 我問：小姐吹頭ar~想點吹？... 小姐：同我推返個言﹗....我心諗推乜鬼言ar???
原來佢係想講 (吹返個形 )......
23. 我：小姐想點剪ar? ... 小姐：師父同我剪得神似d... 我：小姐我己經剪得好神似嫁la... 小姐：唔係神似，係要有神似.... 我：????....後來我先知道佢係話要剪層次......
24. 我：小姐想做d咩色ar?... 小姐：我想做好似森林咁既色.... 我：下??做森林咁既色？... 小姐：係ar....我心諗究竟森林係咩色？佢想要森林d樹(綠)，定d花(紅)既色？於是我就俾個色版佢,謎底終於解開......原來佢係想染(深藍)色ar........
Re:[轉帖] 新潮廣東話
外省同胞关埋门谂出来嘅玩意Re:[轉帖]
我諗其實有唔少係其他粵語方言（譬如佛山話、東莞話等等）嘅正確發音，同廣州話喺發音上面有啲出入啫。例如︰/yu/同/i/音嘅對立。Re:[轉帖] 新潮廣東話
desmond~~~搞錯呀~你無睇過我係文庫個篇???-------->[轉帖]廣東話講唔正之刻骨銘心37句???????????
Re:[轉帖] 新潮廣東話
擺明就冇啦～哈哈！厘清粵語、廣府話、廣州話、「廣東話」嘅概念
<P>根本就冇「廣東話」，又何來「新潮廣東話」？</P><P> </P>
<P>唔熟悉嶺南方言嘅朋友，往往會將粵語、廣府話、廣州話、「廣東話」混為一談，其實彳豦之間係有好大嘅區別，應該嚴格予以厘清。</P>
<P> </P>
<P>粵語：即華語粵方言，包括廣府片、四邑片、羅廣片、高陽片、吳化片、邕潯片、梧州片、勾漏片、欽廉片等等，分布於嶺南即兩廣地區。</P>
<P> </P>
<P>廣府話：即華語粵方言廣府片，包括廣州話、順德話、莞寶話、香山話等。</P>
<P> </P>
<P>廣州話：即華語粵方言廣府片廣州話，包括城內音、西關音、番禺音等等。</P>
<P> </P>
<P>所謂「廣東話」，學術上根本冇該個概念，係一乃人單純以行政規劃區分語言嘅體現，實際上語言分布同行政規劃倂唔重合，所謂「廣東話」該個講法有失科學性同合理性，一般唔提倡使用。</P> 哈哈！！超搞嘢！真係R嗮頭~ <P>原帖由 <I>顺德水蛇粥</I> 於 2005-6-7 10:17 發表 <A href="http://bbs.cantonese.asia/redirect.php?goto=findpost&pid=8829&ptid=1023" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 外省同胞关埋门谂出来嘅玩意 </P>
<P>贊成!!!!</P>
頁:
[1]