２００８年５月７号《南方都市报》

卢总發表於 2008-5-8 01:01:22

<DIV class=detailtitle align=left>行得正,企得正</DIV>
<DIV class=detailtitle align=left> </DIV>
<DIV class=detailtitle align=left>广州旧影 □梁小丹 　　口述、相片提供:周桂芬 　　拍摄时间:1963年 　　拍摄地点:珠江边 　　1950年,我就出嚟揾食打工,喺一间叫做巧机嘅影相铺,同个私人老板做杂工。第一个月嘅工资就系得三个银钱。嗰阵一个银钱就系一万,啫系而家嘅一蚊鸡。后尾个老板娘见我识字,可以开单影相,就加多一个银钱畀我,一个月就四个银钱喇。做杂工,乜都要做,担水、煮饭、洗衫、搞卫生。嗰阵,河南呢边到处都系烂地,相铺系冇水龙头嘅,担水要去到好远,一日担成十几廿担水,而且重要担上四楼,楼梯又企。不过,好彩嗰阵后生,重有气有力。 　　而喺1952年,我就参加咗工会组织——店员工会,属于商业系统——做女工委员。到咗1953年,我就直情脱产去学习,唔做嘢,全心全意噉搞工会。嗰阵,我初中毕业,有啲文化,口才亦唔错,各方面做嘢都好积极,又有管理能力,重经常帮啲有困难嘅群众解决问题,甚至夫妻纠纷都要出面做思想工作,十足十而家嘅妇联噉,所以冇几耐,组织就提拔我为海珠区嘅女工主任。由嗰时开始,我就经常喺几千人面前上台讲话喇,而家谂起,都觉得嗰阵嘅自己好威水啊:) 　　后来,又去咗饮食服务管理部做干部。不过冇几耐又调咗去商业局,搞整社。人民公社成立之后,就去咗搞托儿所,做群众教师。由于我对群众工作比较熟悉,组织见我唔怕牺牲个人利益,喺机构调整嗰阵,又将我喺商业局调咗出嚟,调去海燕摄影店做经理。嗰阵嘅海燕系海珠区最大嘅影相铺。 　　我影呢张相嗰阵,就已经系经理喇。呢张相系喺珠江边影嘅,我身后嗰座就系海珠桥喇。以前,海珠桥嘅中间系可以向上打开,等啲大船顺利通过口架。不过喺1938年,就畀日本仔炸烂咗,整返好之后嘅海珠桥,中间已经唔可以打开,连埋咗一齐喇。 　　嗰阵其实都几乱下口架,我做咗经理冇几耐,就开始「文化大革命」喇。嗰阵阶级斗争系好犀利嘅,分咗地总派同旗派。呢两个派啲人成日互相揾对方嘅缺点,一有机会就捉住唔放。嗰阵,两公婆系唔同派嘅都有好多,成日打交嗌交,离婚都唔少。而就喺海燕影相店入面就已经有两个派喇,地总派啲人总好啲,旗派啲人就乱噉嚟,成日抄人哋啲档案,话要交咩「黑资料」喔。有一次有个女人带咗成班人,去我间海燕度,咩嘢都抄,抄到乱晒先肯走。 　　嗰阵,有个学徒仔同会计,系都要我加入旗派。噉我佗住个女,就冇返去开会。后来,56日产假之后,我返翻工,依然乜都唔参加,佢哋有事冇事就叫我去斗其他人。我最讨厌呢啲嘢,最后干脆做咗中间派,乜都唔理。好彩我乜都冇参加啫,嗰阵有个理发嘅,牙擦擦噉去参加旗派,最后,又咪畀人扚咗去劳改。 　　嗰阵你都唔好话唔惊啊,因为我成分唔好,系地主后代。实情我屋企就系资本家,我老窦系做生意嘅,我两个大佬都系搞革命,所以我屋企应该系革命家庭。但系嗰阵,边有人当你咁多吖,你成分唔好,就要畀人攞去批斗。我哋单位重有两个男经理,屋企又系地主出身,其中一个啊,畀人扚咗去中山纪念堂斗啊,斗得几辛苦啊,最后重畀人压咗返乡下。 　　好彩我平时行得正企得正,只有做多唔做少,又抵得谂,不贪不婪,连我老公去影居民证相,都系开正单叫个师傅影口架,一分钱都冇畀少。所以,旗排嗰帮人嚟抄嘢,乜都抄唔到,如果唔系,早就畀人斗死咗喇,重有今日咩! </DIV>
<DIV class=detailtitle align=left> </DIV>
<A href="http://www.nanfangdaily.com.cn/epaper/nfds/content/20080507/ArticelB12002FM.htm">http://www.nanfangdaily.com.cn/epaper/nfds/content/20080507/ArticelB12002FM.htm</A>

卢总發表於 2008-5-8 01:19:15

1950年,我就出嚟打工揾食,喺一间叫做巧机嘅影相铺,同个私人老板做杂工。第一个月嘅工资就系得三个银钱。嗰阵一个银钱就系一万,即系而家嘅一文鸡。后尾个老板娘见我识字,可以开单影相,就加多一个银钱畀我,一个月就四个银钱嘞。做杂工,乜都要做,担水、煮饭、洗衫、搞卫生。嗰阵,河南呢边到处都系烂地,相铺系冇水龙头嘅,担水要去到好远,一日担成十几廿担水,而且重要担上四楼,楼梯又企。不过,好彩嗰阵后生,重有气有力。［一般讲说话嘅语序系「打工揾食」，而唔系「揾食打工」。］ 　　而喺1952年,我就参加咗工会组织——店员工会,属于商业系统——做女工委员。到咗1953年,我就直情脱产去学习,唔做嘢,全心全意噉搞工会。嗰阵,我初中毕业,有啲文化,口才亦唔错,各方面做嘢都好积极,又有管理能力,重经常帮啲有困难嘅群众解决问题,甚至夫妻纠纷都要出面做思想工作,十足十而家嘅妇联噉,所以冇几耐,组织就提拔我为海珠区嘅女工主任。由嗰时开始,我就经常喺几千人面前上台讲话嘞,而家谂起,都觉得嗰阵嘅自己好威水咖:) 　　后来,又去咗饮食服务管理部做干部。不过冇几耐又调咗去商业局,搞整社。人民公社成立之后,就去咗搞托儿所,做群众教师。由于我对群众工作比较熟悉,组织见我唔怕牺牲个人利益,喺机构调整嗰阵,又将我喺商业局调咗出嚟,调去海燕摄影店做经理。嗰阵嘅海燕系海珠区最大嘅影相铺。 　　我影呢张相嗰阵,就已经系经理嘞。呢张相系喺珠江边影嘅,我身后嗰座就系海珠桥嘞。以前,海珠桥嘅中间系可以向上打开,等啲大船顺利通过口架。不过喺1938年,就畀日本仔炸烂咗,整返好之后嘅海珠桥,中间已经唔可以打开,连埋咗一齐嘞。 　　嗰阵其实都几乱下口架,我做咗经理冇几耐,就开始「文化大革命」嘞。嗰阵阶级斗争系好犀利嘅,分咗地总派同旗派。呢两个派啲人成日互相揾对方嘅缺点,一有机会就捉住唔放。嗰阵,两公婆系唔同派嘅都有好多,成日打交嗌交,离婚都唔少。而就喺海燕影相店入面就已经有两个派嘞,地总派啲人重好啲,旗派啲人就乱噉嚟,成日摷人哋啲档案,话要交咩「黑资料」喔。有一次有个女人带咗成班人,去我间海燕度,咩嘢都摷,摷到乱晒先肯走。 　　嗰阵,有个学徒仔同会计,系都要我加入旗派。噉我佗住个女,就冇返去开会。后来,56日产假之后,我返返工,依然乜都唔参加,佢哋有事冇事就叫我去斗其他人。我最讨厌呢啲嘢,最后干脆做咗中间派,乜都唔理。好彩我乜都冇参加啫,嗰阵有个理发嘅,牙擦擦噉去参加旗派,最后,又咪畀人扚（？）咗去劳改。 　　嗰阵你都唔好话唔惊啊,因为我成分唔好,系地主后代。实情我屋企就系资本家,我老窦系做生意嘅,我两个大佬都系搞革命,所以我屋企应该系革命家庭。但系嗰阵,边有人当你咁多吖,你成分唔好,就要畀人攞去批斗。我哋单位重有两个男经理,屋企又系地主出身,其中一个啊,畀人扚（？）咗去中山纪念堂斗啊,斗得几辛苦啊,最后重畀人押咗返乡下。 　　好彩我平时行得正企得正,只有做多唔做少,又抵得谂,不贪不婪,连我老公去影居民证相,都系开正单叫个师傅影口架,一分钱都冇畀少。所以,旗派嗰帮人嚟摷嘢,乜都摷唔到,如果唔系,早就畀人斗死咗喇,重有今日咩!

卢总發表於 2008-5-8 01:23:33

广州播客第268期

同声同气 □阿展专栏 　　1.有钱有得讲,冇钱口慷慷。银根松动少少就好嘞。 　　——陈SIR读到股市有望红五月的新闻时这样说。 　　2.甲:W即系水嘅意思,W.C即系「揸水」咁解。(W就是水的意思,W.C就是「放水」。) 　　乙:W.C系抽水呀,唔系「揸水」呀,李小龙话斋:「我读得书少,你唔好呃我。」(W.C是抽水,不是放水,李小龙说过:「我读书少,你不要骗我。」) 　　甲:你估打麻将咩?屎坑抽乜嘢水呀?(又不是打麻将,厕所抽什么水?) 　　乙:抽水马桶呀,坐喺度嗰啲呀。(抽水马桶,就是坐的那种。) 　　甲:茶楼厕所边有咁好招呼呀?(茶楼厕所哪有这种设备?) 　　乙:W.C就系呢个意思。(W.C就是这个意思。) 　　甲:乜嘢意思都好,点都好过「胎裂」咁难听。(什么意思都好,都没有「胎裂」那么难听。) 　　——两个老茶客在议论日后英文对厕所的统一叫法。 　　3.少女:你知唔知乜嘢系劈腿呀?(你知道什么叫劈腿吗?) 　　少男:唔知,劈酒我就知。(不知道,「劈酒」我就知道。) 　　少女:即系一脚踏两船呀。(就是一脚踏两船。) 　　少男:畀我知道你劈腿,我就劈死你。哈哈。(让我知道你劈腿,我就劈死你,哈哈。) 　　——巴士上一对少男少女在打情骂俏。
 
<A href="http://www.nanfangdaily.com.cn/epaper/nfds/content/20080507/ArticelB12003FM.htm">http://www.nanfangdaily.com.cn/epaper/nfds/content/20080507/ArticelB12003FM.htm</A>

卢总發表於 2008-5-8 01:27:03

1.有钱有得讲,冇钱口「慷慷」。银根松动少少就好嘞。 　　——陈SIR读到股市有望红五月的新闻时这样说。 　　2.甲:W即系水嘅意思,W.C即系「揸水」噉解。(W就是水的意思,W.C就是「放水」。) 　　乙:W.C系抽水呀,唔系「揸水」呀,李小龙话斋:「我读得书少,你唔好呃我。」(W.C是抽水,不是放水,李小龙说过:「我读书少,你不要骗我。」) 　　甲:你估打麻雀咩?屎坑抽乜嘢水呀?(又不是打麻将,厕所抽什么水?) 　　乙:抽水马桶呀,坐喺度嗰啲呀。(抽水马桶,就是坐的那种。) 　　甲:茶楼厕所边有咁好招呼呀?(茶楼厕所哪有这种设备?) 　　乙:W.C就系呢个意思。(W.C就是这个意思。) 　　甲:乜嘢意思都好,点都好过「胎裂」咁难听。(什么意思都好,都没有「胎裂」那么难听。) 　　——两个老茶客在议论日后英文对厕所的统一叫法。 　　3.少女:你知唔知乜嘢系劈腿呀?(你知道什么叫劈腿吗?) 　　少男:唔知,劈酒我就知。(不知道,「劈酒」我就知道。) 　　少女:即系一脚踏两船呀。(就是一脚踏两船。) 　　少男:畀我知道你劈腿,我就劈死你。哈哈。(让我知道你劈腿,我就劈死你,哈哈。) 　　——巴士上一对少男少女在打情骂俏。

卢总發表於 2008-5-8 01:29:22

9·26　不妒忌,不贪求

□子野专栏 　　【原文】子曰:「衣敝缊袍,与衣狐貉者立而不耻者,其由也与!‘不忮不求,何用不臧!’」子路终身诵之。子曰:「是道也,何足以臧!」 　　【译文】孔子话:「着件残旧嘅棉袍,同啲着名贵皮褛嘅人企埋一齐而一啲都唔觉得丢架嘅人,可能就得仲由一个喇!《诗经》上边讲:‘不妒忌,不贪求,行为点可能唔好呢?’」子路(仲由)听咗,就成日读呢两句诗。孔子就话:「只系噉,重未够好噃!」 　　【栋笃】有细心嘅读者辗转问我,寻日点解唔见栋笃讲下9·25,直接就系9·26?其实9·25嘅内容「主忠信,毋友不如己者,过则勿惮改」,喺1·8入边已经出现过,呢度系重复咗。《论语》入边重有几个地方系噉口架,讲咗再讲,费事有呃稿费嘅嫌疑喇,咔咔。 　　讲读书,子路可能冇颜回、子贡等同学咁叻。但系佢有佢嘅优点:忠诚、坦率、重情义、守诺言。就算孔Sir做得唔啱,佢亦都够胆讲,一啲都唔畀面(比如「子见南子」)。孔Sir唔止一次噉赞过子路,有啲我哋讲过,喺后面嘅内容重有。 　　就算着件残旧嘅棉袍,同啲着名牌皮草嘅人企埋一齐,子路都唔会妒忌人哋,更加唔会谂到就算先畀首期再「按揭」亦要买返件嚟着——孔Sir引用《诗经》嘅诗句嚟赞佢:不忮不求,何用不臧。如果孔Sir活多两千年,佢亦可能喺《雷锋日记》入边揾一句话嚟赞阿由仔:「‘在工作上,要向积极性最高的同志看齐；在生活上,要向水平最低的同志看齐。’仲由同志是这样说的,也是这样做的。」 　　阿由仔听到老师噉赞佢,梗系开心到咩噉喇。但系,老师赞佢,佢应该讲:「这都是在老师您的崇高人格感化下取得的一点点成绩,其实我做得还不够,还要更好向老师和颜回等同学学习,争取更大进步!」佢唔单止冇噉讲,重又系「闻之喜」(见5·7),今次重将孔Sir赞佢嘅诗句成日挂喺口边。噉就弊喇,佢唔知孔Sir至憎啲唔谦虚嘅人咩?果然,孔Sir知道咗,即刻就收返佢嘅话喇:「你以为噉就好好咩?重争好远添!」 　　呢啲就叫做「给点阳光你就灿烂,给点颜色你就想开染坊」喇。 
 
<A href="http://www.nanfangdaily.com.cn/epaper/nfds/content/20080507/ArticelB12004FM.htm">http://www.nanfangdaily.com.cn/epaper/nfds/content/20080507/ArticelB12004FM.htm</A>

卢总發表於 2008-5-8 01:35:29

【原文】子曰:「衣敝缊袍,与衣狐貉者立而不耻者,其由也与!‘不忮不求,何用不臧!’」子路终身诵之。子曰:「是道也,何足以臧!」 　　【译文】孔子话:「着件残旧嘅棉衲,同啲着名贵皮褛嘅人企埋一齐而一啲都唔觉得丢架嘅人,可能就得仲由一个喇!《诗经》上边讲:‘不妒忌,不贪求,行为点可能唔好呢?’」子路(仲由)听咗,就成日读呢两句诗。孔子就话:「只系噉,重未够好噃!」 　　【栋笃】有细心嘅读者辗转问我,寻日点解唔见栋笃讲下9·25,直接就系9·26?其实9·25嘅内容「主忠信,毋友不如己者,过则勿惮改」,喺1·8入边已经出现过,呢度系重复咗。《论语》入边重有几个地方系噉口架,讲咗再讲,费事有呃稿费嘅嫌疑啦,咔咔。 　　讲读书,子路可能冇颜回、子贡等同学咁叻。但系佢有佢嘅优点:忠诚、坦率、重情义、守诺言。就算孔Sir做得唔啱,佢亦都够胆讲,一啲都唔畀面(比如「子见南子」)。孔Sir唔止一次噉赞过子路,有啲我哋讲过,喺后面嘅内容重有。 　　就算着件残旧嘅棉衲,同啲着名牌皮草嘅人企埋一齐,子路都唔会妒忌人哋,更加唔会谂到就算先畀首期再「按揭」亦要买返件嚟着——孔Sir引用《诗经》嘅诗句嚟赞佢:不忮不求,何用不臧。如果孔Sir活多两千年,佢亦可能喺《雷锋日记》入边揾一句话嚟赞阿由仔:「‘在工作上,要向积极性最高的同志看齐；在生活上,要向水平最低的同志看齐。’仲由同志是这样说的,也是这样做的。」 　　阿由仔听到老师噉赞佢,梗系开心到咩噉啦。但系,老师赞佢,佢应该讲:「这都是在老师您的崇高人格感化下取得的一点点成绩,其实我做得还不够,还要更好向老师和颜回等同学学习,争取更大进步!」佢唔单止冇噉讲,重又系「闻之喜」(见5·7),今次重将孔Sir赞佢嘅诗句成日挂喺口边。噉就弊嘞,佢唔知孔Sir至憎啲唔谦虚嘅人咩?果然,孔Sir知道咗,即刻就收返佢嘅话嘞:「你以为噉就好好咩?重争好远添!」 　　呢啲就叫做「给点阳光你就灿烂,给点颜色你就想开染坊」嘞。

卢总發表於 2008-5-8 01:37:03

08.最高级疑问(二)

□粤语协会专栏 　　【情景】上一期讲的两个最高级疑问句,还有另一种表达形式。 　　【例句】A:今日升幅最大嘅系边只股票?(今天升幅最大的是哪只股票?)B:唔知道。 　　A:你最钟意食嘅水果系乜(嘢)?(你最爱吃的水果是什么?)B:未谂到。(还没想到。) 　　【解释】「最×嘅系+边+量词/乜(嘢)」这种句式,与上一期的刚好相反,把提问的对象放在最后面。回答中的「未谂到」比「唔知道」稍为婉转一点,因为可能等一下会「谂到」。 
 
<A href="http://www.nanfangdaily.com.cn/epaper/nfds/content/20080507/ArticelB12005FM.htm">http://www.nanfangdaily.com.cn/epaper/nfds/content/20080507/ArticelB12005FM.htm</A>

卢总發表於 2008-5-8 01:45:21

【情景】上一期讲的两个最高级疑问句,还有另一种表达形式。 　　【例句】A:今日升幅最大嘅系边只股票?(今天升幅最大的是哪只股票?)B:唔知道。 　　A:你最钟意食嘅水果系乜(嘢)?(你最爱吃的水果是什么?)B:未谂到。(还没想到。) 　　【解释】「最×嘅系+边+量词/乜(嘢)」这种句式,与上一期的刚好相反,把提问的对象放在最后面。回答中的「未谂到」比「唔知道」稍为婉转一点,因为可能等一下会「谂到」。 ［「最×嘅系+边+量词/乜(嘢)」呢种句式表达好有问题！因为冇人会话「最Ｘ嘅系边乜」。］
 
　　唔系我认叻，以后凡系呢啲噉嘅教材，最好揾澄教署正字局常委执过冇问题先好攞去发！

卢总發表於 2008-5-8 01:47:12

制定政策咪净系拍后尾枕

街坊话事 □Pippo阮 　　今次「五四」青年节有个新规定:14岁至28岁青年将放假半日。但系呢个规定实际执行同监督起身好似不尽如人意,有人笑称系「拍后尾枕」式决策。 　　据了解,国家旅游局全国假日办当时话由于青年节本身具有纪念意义并针对部分人群,唔属旅游节日,因此放假半日「尚无执行措施」。本来呢半日假系得到国务院法制办同意嘅,不过该办工作人员却表示佢哋净系「负责公文文书的往来答复」,所以唔负责执行同监督；跟手又将「实施步骤等细节」呢个波踢咗畀团中央。到劳动保障部门喇,相关人士又讲:只有全民放假嘅节日,加班先享受加班费待遇,「五四」嗰日返工冇加班费嘅。同时具体执行情况佢哋都唔系好清楚。 　　噉嗰啲喺青年节前充满期望嘅后生,心入面可能就会吟吟噚噚:既然放假冇任何执行措施,我哋返工又唔当OT,即系咪可以理解为,呢个假可放可唔放,主要系睇阿头开唔开心?噉睇嚟除咗嗰啲喺休假等福利方面「争先向前」嘅公务员,可享受放假待遇嘅人估计都冇几个嘞。 　　一项决策法规如果一开始提出,就显得缺乏严谨；进入执行监督程序后,有关部门又互相卸膊,斗扯猫尾,甚至听任下面嘅部门自行解释变通,各自为政。噉搞法,新策一系就形同虚设,一系就被当做儿戏,好快会被遗忘。 
 
<A href="http://www.nanfangdaily.com.cn/epaper/nfds/content/20080507/ArticelB12006FM.htm">http://www.nanfangdaily.com.cn/epaper/nfds/content/20080507/ArticelB12006FM.htm</A>

卢总發表於 2008-5-8 02:01:32

今次「五四」青年节有个新规定:14岁至28岁青年将放假半日。但系呢个规定实际执行同监督起身好似不尽如人意,有人笑称系「拍后尾枕」式决策。 　　据了解,国家旅游局全国假日办当时话由于青年节本身具有纪念意义并针对部分人群,唔属旅游节日,因此放假半日「尚无执行措施」。本来呢半日假系得到国务院法制办同意嘅,不过该办工作人员却表示佢哋净系「负责公文文书的往来答复」,所以唔负责执行同监督；跟手又将「实施步骤等细节」呢个波踢咗畀团中央。到劳动保障部门嘞,相关人士又讲:只有全民放假嘅节日,加班先享受加班费待遇,「五四」嗰日返工冇加班费嘅。同时具体执行情况佢哋都唔系好清楚。 　　噉嗰啲喺青年节前充满期望嘅后生,心入面可能就会吟吟（Ｘ）噚噚:既然放假冇任何执行措施,我哋返工又唔当OT,即系咪可以理解为,呢个假可放可唔放,主要系睇阿头开唔开心?噉睇嚟除咗嗰啲喺休假等福利方面「争先向前」嘅公务员,可享受放假待遇嘅人估计都冇几个嘞。［」吟「字无论系音，定系义，都唔啱。］ 　　一项决策法规如果一开始提出,就显得缺乏严谨；进入执行监督程序后,有关部门又互相卸膊,斗扯猫尾,甚至听任下面嘅部门自行解释变通,各自为政。噉搞法,新策一系就形同虚设,一系就被当做儿戏,好快会被遗忘。

外外星人 發表於 2008-5-9 03:13:49

原帖由 卢总 於 2008-5-8 01:45 發表 <A href="http://bbs.cantonese.asia/redirect.php?goto=findpost&pid=79521&ptid=10102" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　【情景】上一期讲的两个最高级疑问句,还有另一种表达形式。　　【例句】A:今日升幅最大嘅系边只股票?(今天升幅最大的是哪只股票?)B:唔知道。　　A:你最钟意食嘅水果系乜(嘢)?(你最爱吃的水果是什么?)B:未谂到。( ... 
 
唔会唔又系执错字粒啊？

外外星人 發表於 2008-5-9 03:17:42

原帖由 卢总 於 2008-5-8 02:01 發表 <A href="http://bbs.cantonese.asia/redirect.php?goto=findpost&pid=79523&ptid=10102" target=_blank><IMG onclick=zoom(this) alt="" src="http://bbs.cantonese.asia/images/common/back.gif" onload="attachimg(this, 'load')" border=0></A> 　　今次「五四」青年节有个新规定:14岁至28岁青年将放假半日。但系呢个规定实际执行同监督起身好似不尽如人意,有人笑称系「拍后尾枕」式决策。　　据了解,国家旅游局全国假日办当时话由于青年节本身具有纪念意义并 ... 
 
吟吟（Ｘ）噚噚
 
佢想表达嘅意思我睇得明白，不过，正字呢？

頁: [1]

粵語協會's Archiver