粵語"冇"是否源自"無"?

HKCantonese

粵語"冇"是否源自"無"?

卢总

我睇就未必！

好简单，中国人造字最简要系简单易明。

「有」字里面嘅「月」其实系指肉，一嚿中间有纹理、有肋骨嘅肉，中间嗰两划就系指啲肋骨——家阵冇咗中间嗰两划，噉就唔成为一嚿肉，是为「没有」、「无」，因此就成为「冇」嘞。

中二仔

盧總講嗰個就係字形~

而來源係無,多數人都贊成

嶺南散人

不過在四邑片粵語中，「無」讀[mu]，「冇」讀[mo]，兩者是截然不同的。

 

另外，高陽片粵語亦同此理，故不應單獨以廣府片之讀音相近而論證命題。

紫凤凰

無本身有兩個讀音，一個為mu，即本來音，mo應係由天竺傳入嘅轉讀，例如唐朝時期「南無阿彌陀佛」個「無」字在唐朝時期就讀mo，但平時卻是讀mu。

 

而今日「南無阿彌陀佛」的「無」仍然讀mo，而普通話此處的正確讀音亦為mo，作陽平調。所以不奇怪。

zach1225

"冇"是后起的俗字,好晚才有这个字. 表示"无"的意思很多方言都读"mao",按照转音规则粤语读"mou". 所有应该就是"无".

中二仔

原帖由 嶺南之南 於 2008-4-20 21:50 發表 不過在四邑片粵語中，「無」讀[mu]，「冇」讀[mo]，兩者是截然不同的。   另外，高陽片粵語亦同此理，故不應單獨以廣府片之讀音相近而論證命題。 ...

[mo]音其實係[mou]音省聲,而[mou]同[mu]係同部.

嶺南散人

原帖由 紫凤凰 於 2008-4-20 23:46 發表 無本身有兩個讀音，一個為mu，即本來音，mo應係由天竺傳入嘅轉讀，例如唐朝時期「南無阿彌陀佛」個「無」字在唐朝時期就讀mo，但平時卻是讀mu。   而今日「南無阿彌陀佛」的「無」仍然讀mo，而普通話此處的正確讀音亦為mo，作 ...

這個解釋有一定的見地，但又怎麽解釋化州話中「冇[mao]」同「無[mou]」的區別呢？

紫凤凰

原帖由 嶺南之南 於 2008-4-22 18:12 發表 這個解釋有一定的見地，但又怎麽解釋化州話中「冇[mao]」同「無[mou]」的區別呢？

 

爾個問題就要研究ou與ao嘅關係啦，但係好可惜我唔係爾方面嘅專家，答唔到你點解ou與ao會形成轉讀。

羊城惜花人

兩個字頂多算係近音近意，然而，用法上有好大區別。例如你會唔會將「無聊」、「無厘頭」寫作「冇聊」、「冇厘頭」啊？

南汉

原帖由 紫凤凰 於 2008-4-20 23:46 發表 無本身有兩個讀音，一個為mu，即本來音，mo應係由天竺傳入嘅轉讀，例如唐朝時期「南無阿彌陀佛」個「無」字在唐朝時期就讀mo，但平時卻是讀mu。   而今日「南無阿彌陀佛」的「無」仍然讀mo，而普通話此處的正確讀音亦為mo，作 ...

如此类推似乎不妥。南方方言普篇都有广东话的冇，在其他南方方言中冇与无的韵母完全不同，所以这些地区没有人会误以为本字是无。广府人「组、早」不分，所以会产生这样的误会。古代汉语也有这个词，一般写作「毛」。

紫凤凰

南漢先生其實應該考慮到北方的該字該詞有可能發生大變，但由於同屬一源，所以能夠形成嚴格的對應關係。

 

當然粵語本身亦有可能變，但問題是目前比較認可的是吳語存聲，粵語存韻的說法，所以如果組、早音同，我覺得這更可能是古代就已有的同音字，當然並不代表與現在同音。

 

所以我個人認為北方的ao音可能是由u或ou變化。但是如何變化就不清楚。

紫凤凰

原帖由 南汉 於 2008-4-22 20:32 發表 如此类推似乎不妥。南方方言普篇都有广东话的冇，在其他南方方言中冇与无的韵母完全不同，所以这些地区没有人会误以为本字是无。广府人「组、早」不分，所以会产生这样的误会。古代汉语也有这个词，一般写作「毛」。 ...

 

還有一點要注意的是，粵語雖屬南方方言，但是粵語也很北，個人認為研究粵語不能僅限於南方方言的對比。

嶺南散人

原帖由 紫凤凰 於 2008-4-23 00:08 發表   還有一點要注意的是，粵語雖屬南方方言，但是粵語也很北，個人認為研究粵語不能僅限於南方方言的對比。

此話怎講

紫凤凰

原帖由 嶺南之南 於 2008-4-23 12:21 發表 此話怎講

 

 

因為粵語有啲嘢的確同南方欠同，但與北方卻同。

 

廣東向來係個大熔爐，落來嘅人不僅有南方嘅人，亦有北方嘅人。所以冇可能所有嘢都係由南方影響，亦都有北方影響。

卢总

原帖由 中二仔 於 2008-4-20 04:15 PM 發表 盧總講嗰個就係字形~ 而來源係無,多數人都贊成

有咩根据话「冇」字嘅来源系「无」啊？有几多人赞成啊？

唔通周街啲人话「酷儿」系读「箍儿」，你都觉得冇问题？

中二仔

原帖由 卢总 於 2008-4-23 16:15 發表 有咩根据话「冇」字嘅来源系「无」啊？有几多人赞成啊？唔通周街啲人话「酷儿」系读「箍儿」，你都觉得冇问题？

我不朽都以為「冇」來自「無」係公認添.......

你問有咩根據??

1.同韻

2.同母

只不過係類似「銘」字咁變一變調..

 

如果執著喺某些次方言韻母[-a-]介音,無聊之極.

另外,孔仲南喺<廣東俗語考 序>已經表明「無呼作母。合呼作憾。返呼作翻。勿呼作米。尋聲者無從下筆。於是而生安白造之俗字出焉。」

 

另外「酷兒」讀成「箍兒」同本主題無關.....

當然,問題好大,不過有少少離題.

嶺南散人

原帖由 紫凤凰 於 2008-4-23 15:00 發表     因為粵語有啲嘢的確同南方欠同，但與北方卻同。   廣東向來係個大熔爐，落來嘅人不僅有南方嘅人，亦有北方嘅人。所以冇可能所有嘢都係由南方影響，亦都有北方影響。 ...

閣下能不能擧些例子來看看呢？

紫凤凰

原帖由 嶺南之南 於 2008-4-23 18:44 發表 閣下能不能擧些例子來看看呢？

 

廣州係大熔爐，爾個唔使點講啦啩。

 

考古證實，廣東喺隋唐兩漢嗰時有好多胡人落來打工，而且兩宋時期的確有好多北方移民南遷。

 

而且我個人觀點係粵語脫胎自官話，所以跟官話分離比較遲嘅語言之一，所以唔應該但同其他南方方言比，亦要同官話比。

南汉

原帖由 紫凤凰 於 2008-4-23 00:07 發表 南漢先生其實應該考慮到北方的該字該詞有可能發生大變，但由於同屬一源，所以能夠形成嚴格的對應關係。   所以如果組、早音同，我覺得這更可能是古代就已有的同音字 ...

研究本字需要深厚的音韻學基礎。不過恕我直言，你明顯沒有學過音韻。與其靠猜測來討論，不如實際些去多看書。