設為首頁收藏本站

粵語協會

 找回密碼
 註冊

QQ登錄

只需一步,快速開始

掃一掃,訪問微社區

搜索
熱搜: 活動 交友 discuz
查看: 6199|回復: 19

[分享]許冠傑經歷靈異怪事(於粵語協會論壇首發!)

[複製鏈接]
發表於 2007-6-3 09:14:29 | 顯示全部樓層 |閱讀模式

《歌神許冠傑經歷靈異怪事》 (於粵語協會論壇首發!)
(編輯、整理:Samkong

請注意:該文帖所包含之圖片與文字內容,版權歸粵語協會論壇所有;未經同意,請勿隨意於其他網站上轉載.


阿Sam喺歌、演、藝方面嘅成就,甚至家庭、生活等嘅方方面面,相信論壇中嘅各位朋友都唔會感到陌生

,而若然講到阿Sam遇到過嗰啲離奇靈異之事,估計大家就知之甚少嘞。


所以,今日小弟就專題同各位介紹一下呢方面嘅情況。資料主要來源於本人收藏嘅1980年代香港甚有名氣

、而且好暢銷嘅靈異類雜志《香港猛鬼集》喺1986年對阿Sam作嘅專訪內容,於訪問中,阿Sam憶述、透露咗一啲

鮮為人知嘅事件,係關於其親歷之靈異怪事!睇過阿Sam嘅呢啲經歷,你或許頗有啲驚栗感及覺得不可思

議。小弟歸集呢啲關於研究Sam嘅珍貴資料,平日一般極難喺其他網站或書籍中搵得到,小弟本住分甘同

味之宗旨,扐出嚟與各位分享一下。跟住落嚟呢,自然就係請諸位看官開始靜心細閱以下內容嘞......

 

[分享]許冠傑經歷靈異怪事

[分享]許冠傑經歷靈異怪事


 

[分享]許冠傑經歷靈異怪事

[分享]許冠傑經歷靈異怪事

[此帖子已經被作者於2007-6-3 2:56:15編輯過]
發表於 2007-6-3 09:17:50 | 顯示全部樓層
  熱切期待Sam版鬼古。
 樓主| 發表於 2007-6-3 09:17:56 | 顯示全部樓層

雜志中以一問一答、圖文并茂嘅形式陳述,“S”代表阿Sam,而“H”就代表《香港猛鬼集》雜志之首席記

者“喜多郎”先生。

H:阿Sam,你行走江湖咁多年,相信亦曾經遇見過一啲“鬼鬼怪怪”嘅事情,可以同廣大讀者講講?


S:我確實曾經遇到過,而且聽其他人講過嘅亦都唔少,但我係個天主教徒,本來係唔會相信有“鬼”呢

樣嘢嘅存在。不過我一直以來就確信,如果一個人做咗錯事,就必然有邪魔附於其身體之內;此外,我會

相信呢個世界上的確有靈魂嘅存在。


H:噉你曾經遇到嘅呢類怪事又係點嘅呢?


S:記得好多年以前,外出拍電影,我哋一行人入住當地一間酒店,所有嘅工作人員每人獲安排各住一個

房間。某晚深夜,正當各人熟睡之際,突然卻聽到有人高聲叫喊,仲見到四周有好多煙霧添。我當即就被

驚醒咗,開頭仲以為係發生火燭,於是第一時間沖出房間,睇睇究竟發生咗乜嘢事。我行出走廊,果然見

到煙霧彌漫。當時,同住喺酒店嘅其他工作人員及住客都跑咗出各自嘅房間嘞,你估佢哋嘅第一個反應係

點?


H:有煙就必然有火,我諗大家肯定係立即到處搵火源,睇下有冇辦法盡快撲救啦,我講得啱唔啱先?


S:哈哈,真醒目,噉都畀你諗到!大家四圍咁搵啲煙霧嘅來源,搵啊搵,終於發現,原來啲煙正係從走

廊盡頭嗰間房散發出嚟嘅!


H:哦?!


S:於是我哋走過去大力拍門,睇下有冇人應,如果冇人應門嘅話,大家就打算撞門入去。點知拍咗幾下

門啫,裏面就有個男人開門,睇佢個樣,瞓到睡眼惺鬆,仲愕咗然噉問我哋做乜拍佢門,正當我哋想問佢

屋內係咪發生火燭時,怪事就出現嘞。


H:噉你哋係咪見到有幾條恐龍正喺度噴火?又或者見到有啲半人半獸嘅怪物喺度食緊嘢啊?


S:傻嘅!唔單止唔見到有火啦,就連走廊上嗰啲煙霧都突然消失得無影無蹤,直頭好似幻海奇情噉款!

之後我哋查咗好耐,依然毫無頭緒,直到現在都仍然係一個謎啊。


H:確實又幾令人費解啵!噉除咗呢件事之外,你仲有乜嘢古怪兼恐怖嘅遭遇?


S:有啊,仲有一件怪事添!你知道啦,我係第一個喺紅館開Show嘅香港歌手,而當時(1983年)呢件怪

事就發生喺其中一晚嘅演唱會上......


H:哦?


S:你知啦,企喺臺上面演唱嘅人,要比幾百支水銀燈射住,臺下嘅觀眾睇我就當然睇得清楚,但我就因

為被強光射住對眼,無法睇到觀眾嘅樣。想知道佢哋嘅反應熱烈程度,就惟有依賴掌聲多寡嚟判斷。有一

晚,我正企喺臺上演唱,忽然發現咗一件怪事。我發覺喺漆黑一片嘅觀眾席上,竟然比我見到有一個女歌


迷,我都話咗啦,我喺臺上面唱歌,本來係睇唔到臺下嘅觀眾嘅,但真係奇怪嘞,呢個女仔,我就零零舍

舍只係見到佢一個,就算坐喺佢前後左右嗰啲歌迷,都因為臺下太黑,我只能見到佢哋個影啫。


H:會唔會係燈光師見到嗰個女仔個樣生得省鏡,專門打支燈過去比你睇佢,醒一下你啊?


S:當初我都以為係燈光師有意將燈光打埋去嘅,但都冇理由專門用燈光照足佢全場啩?而且覺得啲光都

唔似係打燈,直情就好似......係個女仔自己身上發出嚟嘅!


H:有冇咁勁啊?噉坐喺個女仔旁邊嗰啲人,如果亦見到如此情形,仲唔一早就被嚇死咩?我唔信!


S:我都有噉諗過啊,所以我趁間場換衫之際,問咗好幾位工作人員,問佢哋有冇見到呢個女仔,佢哋都

異口同聲噉答:“冇見到”。夠恐怖啩?我開始有啲心驚嘞,但跟住就依然要走出臺繼續唱歌,而嗰個女

仔,仲依然坐喺度。我當時諗,因為只係我一個人見到呢個女仔,所以坐喺個女仔旁邊嗰啲人咪唔識得驚

囉!直至唱完,我立即返入到後臺,當聽到歌迷大嗌“Encore”,我又走出臺上之時,嗰個女仔卻已經消

失得無影無蹤。當晚演唱會完畢之後,有工作人員告知我,佢話剛才佢曾經專門到該座位睇過,發覺該座

位係空置,佢又專門查詢過票務部,原來嗰一堆180元票價嘅座位,全都滿晒,惟獨只有嗰一個座位嘅票

冇人買!因此,事件就更加顯得撲朔迷離嘞!


H:噉後來你仲有冇再次見到過呢個女仔呢?


S:冇啊,我後來就一直都冇再次見過佢嘞。到底呢個女仔係人抑或係鬼?究竟件事係點嘅呢?---我都無

從解釋!


H:阿Sam嘅奇怪遭遇,的確係非常之不可思議!

請注意:該文帖所包含之圖片與文字內容,版權歸粵語協會論壇所有;未經同意,請勿隨意於其他網站上轉載.

[此帖子已經被作者於2007-6-3 2:47:55編輯過]
發表於 2007-6-3 09:28:36 | 顯示全部樓層
  三更半夜,睇到鷄皮都起埋,精彩。多謝Samkong君共享!
發表於 2007-6-3 18:31:27 | 顯示全部樓層

咁恐怖...毛管都栋笃企~~~

多谢S兄带来咁醒神既猛料.....

發表於 2007-6-3 18:52:19 | 顯示全部樓層

好耐未睇過鬼故喇。阿Sam嘅奇遇,認真不可思議。

多謝Samkong嘅分享。

發表於 2007-6-3 21:42:15 | 顯示全部樓層

好彩我係日头先睇啫,宿舍重唔止我一個,諗落現場覺得有啲怕,不好唔係好信~

雖然係有啲怕,梗係啦,鬼故用嚟嚇人有啲驚都好正常,不過我都係唔係好信。

哈哈

[em07]
發表於 2007-6-4 02:15:23 | 顯示全部樓層
我始终都係唔信,权当故事罢了。
發表於 2007-6-4 03:07:58 | 顯示全部樓層
成間房淨係開住一盞台燈(夠晒氛圍喇啩),再者因為天氣緣故,除大赤膊,背脊不禁有一絲涼意~
發表於 2007-6-4 04:31:21 | 顯示全部樓層

SAMKONG 兄! 还有吗? 甘少的,  唔够印啊!

不够恐怖!

SAMKONG 兄!你信有鬼吗?

發表於 2007-6-4 05:06:36 | 顯示全部樓層

真係几有惊栗感!

發表於 2007-6-4 05:41:10 | 顯示全部樓層

多謝Samkong先,我對呢啲神怪嘢最感興趣架喇!

想問兩個問題:1、文章中嘅全粵語係經過你處理抑或原來就有? 2、有冇插圖睇埋?

 樓主| 發表於 2007-6-4 06:29:28 | 顯示全部樓層
以下是引用albert007在2007-6-3 20:31:21的發言:

SAMKONG 兄! 还有吗? 甘少的,  唔够印啊!

不够恐怖!

SAMKONG 兄!你信有鬼吗?

因編輯自原刊物,篇幅內容就得咁多。另外,本人認為鬼神呢類嘢,自古有云:信之則有,不信則無;本人未曾親歷,難言相信與否。

 樓主| 發表於 2007-6-4 06:36:08 | 顯示全部樓層
以下是引用highyun在2007-6-3 21:41:10的發言:

多謝Samkong先,我對呢啲神怪嘢最感興趣架喇!

想問兩個問題:1、文章中嘅全粵語係經過你處理抑或原來就有? 2、有冇插圖睇埋?

1、內容編輯自原刊物,原文亦係用粵語。
2、因雜志上所附嘅小插圖又多又細幅,掃描起上嚟甚麻煩,清晰度亦欠佳,故放棄。

發表於 2007-6-4 07:18:46 | 顯示全部樓層

哇`Samkong又有好资料!!!辛苦晒!!!

讲真呢段访问够晒恐怖.世界上真系有好多无法解释既野.

發表於 2007-6-4 19:17:19 | 顯示全部樓層

嘩~~Samkong呢次嘅好嘢,我已經等待好耐喇,今日終于等到。

紅磡的確有唔少鬼古傳聞,想當初一入讀離紅舘一天橋之隔嘅理工大學就有所聽聞。

不過呢個古仔真係鮮爲人知......

發表於 2007-6-4 20:31:24 | 顯示全部樓層

0甘怪!!!

系晤系真0既呀??

离奇!!

重有多谢S兄!!!

發表於 2007-6-17 00:00:21 | 顯示全部樓層

平生不作亏心事,夜半敲门也不惊!

遇到灵异事件之嘛,并冇咩好惊嘅!

我都写过出嚟添啦,不过重未写完!

發表於 2007-6-22 20:08:43 | 顯示全部樓層
嘿嘿,平生不做亏心事,半夜敲门都冇有使惊啦。
發表於 2007-7-9 10:02:43 | 顯示全部樓層

怎么下载

 

您需要登錄後才可以回帖 登錄 | 註冊

本版積分規則

粵語協會官方網站
網友發帖之言論,純屬個人意見,與本會立場無關

手機版|Archiver|粵語協會    

GMT+8, 2022-5-22 02:00 , Processed in 0.236195 second(s), 28 queries .

Copyright © 2003 - 2021 Cantonese Association. All Rights Reserved. 粵語協會 版權所有

快速回復 返回頂部 返回列表