|
今日畅谈广州话嘅内容系顺应Ｉｓａｂｅｌｌａ嘅要求，讲下我哋经常都会讲嘅两句说话，亦都系
好容易讲错、用错嘅两句说话。 出外食饭或者购物嘅时候，要埋单嘞，经常会听见啲侍应生或者售货员讲：唔该几多几多钱。 错！错！错！大错特错！ 日常生活当中，我哋少不免会得到人哋送赠一啲物件或者给予帮助： 喺英文里面，向人道谢、表示感激，通常会讲“Ｔｈａｎｋｓ”或者“Ｔｈａｎｋ ｙｏｕ”——
如果感谢嘅程度比较深就会讲：“Ｔｈａｎｋ ｙｏｕ ｖｅｒｙ ｍｕｃｈ！” 日文就有分敬体同简体，敬体会话“ありがとうございます”，简体就话“どうも”，对平辈或者
晚辈讲“どうも、ありがとう”或者“どうも”就可以嘞，最客气嘅讲法就系“どうも、ありがとうご
ざいます”。 普通话就得“谢谢”，最多喺后面嗰个对象词上面落些少功夫，用“你”或者“您”去区分对方受
尊敬嘅程度——可见角乳嘅文化系几咁贫乏！ 但广州话就好唔同嘞！广州话向人表示感谢，唔同嘅场合，唔同嘅情景，有唔同嘅讲法。 如果人哋帮你手做嘢，或者你麻烦咗人哋，咁你就应该讲“唔该”，例如：唔该递支笔畀我；唔该
借借；唔该你帮手斟杯水；唔该借问声，呢个地方应该点去…… 如果人哋送咗一啲嘢畀你，你可以讲“多谢”——例如，如果你生日，我送本书畀你，你可以同我
讲“多谢”；或者你去完旅行返嚟，带咗一啲当地嘅特产手信畀我，我都应该同你讲声“多谢”…… 咁好嘞，好似上述要埋单嘅时候，应该点讲呢？ ——冇错，应该讲“多谢”！因为喺单交易里面，我哋给予对方一个成交嘅机会，仲有金钱，所以
应该讲“多谢”——多得我哋畀机会佢赚钱。 最简单嘅例子就系，你畀钱个乞儿，佢都唔会话“唔该”，只会讲“多谢”。 但现实有好多时候，有啲人喺某啲环境下，系唔识得点样讲嘅，下面就简单举一下例子，大家各自
去体会。 比如喺人屋企食饭，食完一碗之后，主人家通常都会好热情咁帮你装过一碗，呢个时候，我哋应该
讲咩呢？——答案应该系“唔该”。虽然碗饭系主人“畀”我哋食嘅，算系“给予”，但个实质就系，
个主人只不过系“帮”我哋装碗饭啫，我哋由于对人哋屋企嘅架步唔熟悉，需要人哋嘅帮忙，所以应该
讲“唔该”。当然，当我哋享用完呢餐饭之后，可以讲“多谢你餐饭”或者“多谢你嘅招呼”。就好似
如果你畀碗饭个乞儿或者露宿者食，佢都会同你讲声“多谢”一样。（哈哈哈！） 好嘞，换转喺外面嘅食肆食饭又点呢？如果你要攞菜牌嚟睇、点餸、冲茶、添饭、换毛巾、叫埋单
……都应该叫“唔该”，而唔系“多谢”。因为呢餐饭唔系食肆嘅老板或者员工畀你食嘅，佢哋只不过
系喺你食饭嘅过程当中为你提供服务，给予帮助。到你埋单找数嘅时候，佢哋重要同你讲“多谢”添。 喺日常生活当中，对于人哋给予嘅帮助，我哋有时都可以讲“多谢”嘅，但系就要睇环境啰，而且
喺“多谢”后面，通常都会有个宾语。例如，而家我就要多谢大家帮我投票嘞！虽然表面上，系我麻烦
咗各位投我嘅票，但实际上我系“得到”咗大家嘅信任同支持，系你哋“给予”咗我动力，所以我应该
“多谢”咁多位一直以嚟对我嘅支持、鼓励同批评，等我可以不断进步！请大家继续支持我，不断帮我
手投票啊！你哋嘅每一票都系咁关键咖！唔该晒！ 我哋平时用多啲“唔该”、“多谢”等呢类礼貌用语，可以拉近人与人之间嘅距离，增添社会祥和
气氛。但系如果唔识用，乱咁讲嘅话，就好容易会闹笑话。如果喺旧时，唔识得正确使用“唔该”同埋
“多谢”，系会被视为无礼，或者系冇家教嘅。因此我哋要留意：“唔该”同“多谢”系有分别嘅！ | 
發表於 2007-2-22 22:52:10
發表於 2007-2-23 02:36:09
發表於 2007-2-23 11:19:34
發表於 2007-2-25 06:48:02
賤到出汁