找回密碼
 註冊

QQ登錄

只需一步,快速開始

搜索
熱搜: 活動 交友 discuz
查看: 12500|回復: 11

[其它] 搜索個索字應該點讀?

[複製鏈接]
發表於 2009-12-10 15:36:50 | 顯示全部樓層 |閱讀模式
粵語搜索個索字應該點讀?生活上系廣州大家都讀「suo」,但我睇電視好多人都讀「sa」,雖然聽唔慣讀「sa」,不過想問下大家搜索正音應該點讀?
發表於 2009-12-10 22:10:10 | 顯示全部樓層
廣州人讀「搜索」個「索」係讀 SOK,而唔係把「梳」SO,更加唔係「SUO」。此其一。

香港人讀「搜索」個「索」係讀SAAK,而唔係玩泥「沙」SAA,更加唔係「SA」。此其二。

正音啊?照正讀開書嘅人嚟講,呢隻字就

做名字就SOK, 例如 「繩索」「線索」
做動字就SAAK, 「搜索」「索取報名表格」同埋

當你去買嘢嗰陣, 畀個事頭婆「開天索價」嗰陣, 好多人都以為係讀「開天殺價」,
査實唔係,殺價係買家做嘅嘢,有乜理由賣家會「殺價」, 賣家係「索價」讀做「SAAK價」。

不過市井之徒両個音就打亂嚟用,加上廣州被普通話汚染咗咁多年,講出嚟嘅廣東話都唔多純正架啦。


發表於 2009-12-16 19:52:55 | 顯示全部樓層
畀楼上噉样讲一讲,又有啲感觉喔~~~~~~~
發表於 2009-12-17 16:08:06 | 顯示全部樓層

原帖由 馬萬千 於 2009-12-10 22:10 發表 廣州人讀「搜索」個「索」係讀 SOK,而唔係把「梳」SO,更加唔係「SUO」。此其一。香港人讀「搜索」個「索」係讀SAAK,而唔係玩泥「沙」SAA,更加唔係「SA」。此其二。正音啊?照正讀開書嘅人嚟講,呢隻字就做名字就SOK, 例如 「 ...

大師不愧係大師啊~~~~

發表於 2009-12-18 09:22:04 | 顯示全部樓層
擄人勒索,勒索saak?
發表於 2009-12-18 11:54:33 | 顯示全部樓層

原帖由 neolite 於 2009-12-18 09:22 發表 擄人勒索,勒索saak?

 

其实马万千嘅解释并非全对

 

根据《康熙字典》嘅解释,「索」字凡与绳有关嘅都读sok3音,而凡与求有关嘅都读saak3音

 

而「擄人勒索」嘅「勒索」一词嘅本义系源自收紧绳子

 

故此「勒索」嘅「索」字虽系动词,但仍须读作sok3音

 

又比如「将个绳结索紧D」嘅「索」字,虽然系动词,但由于与绳子有关,故仍须读sok3音

 

即系话,「索」字只要与绳子有关,无论名词,又抑或动词,都须读作sok3音,而非saak3音

 

 

發表於 2009-12-18 12:39:19 | 顯示全部樓層

原帖由 神七咁早 於 2009-12-18 11:54 發表   其实马万千嘅解释并非全对   根据《康熙字典》嘅解释,「索」字凡与绳有关嘅都读sok3音,而凡与求有关嘅都读saak3音   而「擄人勒索」嘅「勒索」一词嘅本义系源自收紧绳子   故此「勒索」嘅「索 ...

馬萬千原文係「呢隻字,就做名就SOK, 例如 『繩索』『線索,做動就SAAK,『搜索』『索取報名表格」。

 

既然「而『勒索』嘅『勒索』一詞嘅本義係源自收紧绳子」,呢個「索」就應該係名,讀SOK。

 

而呢個「『将个绳结索紧啲』嘅『索』」,應該系動字啩。但系呢個點讀咧?額,有待高人指點迷津嘞。

 

[ 本帖最後由 寶寶 於 2009-12-18 12:52 編輯 ]
發表於 2009-12-18 12:54:56 | 顯示全部樓層
經神七一提,我發現同繩有關嘅都係sok,求有關嘅先係saak。多謝前面兩位嘅指教!
發表於 2009-12-18 12:56:25 | 顯示全部樓層

原帖由 寶寶 於 2009-12-18 12:39 發表 馬萬千原文係「呢隻字,就做名字就SOK, 例如 『繩索』『線索,做動字就SAAK,『搜索』『索取報名表格」。既然「而『勒索』嘅『勒索』一詞嘅本義係源自收紧绳子」,呢個「索」就應該係名字,讀SOK。   ...

 

「勒索」一词系并列词组,而并非动宾词组

 

「勒索」嘅「勒」「索」二字均为动词,本义系解作勒紧,索紧

 

 

 

[ 本帖最後由 神七咁早 於 2009-12-18 13:33 編輯 ]
發表於 2009-12-18 14:17:46 | 顯示全部樓層
原帖由 寶寶 於 2009-12-18 12:39 發表 馬萬千原文係「呢隻字,就做名字就SOK, 例如 『繩索』『線索,做動字就SAAK,『搜索』『索取報名表格」。   既然「而『勒索』嘅『勒索』一詞嘅本義係源自收紧绳子」,呢個「索」就應該係名字,讀SOK。   而呢個「『 ...


雖然神七今次引用嘅亦都係僅僅只有《康熙字典》嘅解釋以及神七自己依次而對粵語讀音推測。

但係由于同我哋嘅日常發音習慣切合,有發音習慣佐證,所以我覺得神七嘅講法可以考慮下
發表於 2009-12-18 16:18:14 | 顯示全部樓層

原帖由 xiss 於 2009-12-18 14:17 發表 雖然神七今次引用嘅亦都係僅僅只有《康熙字典》嘅解釋以及神七自己依次而對粵語讀音推測。但係由于同我哋嘅日常發音習慣切合,有發音習慣佐證,所以我覺得神七嘅講法可以考慮下 ...

嗯嗯。

 

發表於 2009-12-18 16:20:43 | 顯示全部樓層

原帖由 神七咁早 於 2009-12-18 12:56 發表   「勒索」一词系并列词组,而并非动宾词组   「勒索」嘅「勒」「索」二字均为动词,本义系解作勒紧,索紧      

額,原嚟系噉~多謝指教。

其實平時都系聽到啲人讀勒索SOK嘅。。。

您需要登錄後才可以回帖 登錄 | 註冊

本版積分規則

Archiver|手機版|粵語協會

GMT+8, 2024-3-19 13:41 , Processed in 0.054257 second(s), 20 queries .

Powered by Discuz! X3.5 Licensed

© 2001-2024 Discuz! Team.

快速回復 返回頂部 返回列表