“巧合”嘅粤语讲法係kiu2，字点写？

芬1012

上次你哋好似讲过“巧合”嘅粤文讲法，係“桥”字音嗰个，即kiu2，而家唔记得咗，请大家赐教。

Yucky豕

见你问起~顺便问埋~意思为[计谋~idea]嗰个[kiu2]字点写?~

NGF

“巧合”嘅kiu2字應該都係寫“巧”吧。應該算係異讀音。

highyun

如果系表示“巧合”嘅kiu2，就应该系“巧”， 如果系表示“计策”嘅kiu2，就应该系“桥”。

NGF

highyun在2005-11-29 09:23:20說道：[br]如果系表示“巧合”嘅kiu2，就应该系“巧”， 如果系表示“计策”嘅kiu2，就应该系“桥”。

第二個有無證據證明先？？我就覺得唔應該用“橋”字啦。。完全都無關繫嘅。。。

蟲子

ngf在2005-11-29 16:48:10說道：[br][quote]highyun在2005-11-29 09:23:20說道：[br]如果系表示“巧合”嘅kiu2，就应该系“巧”， 如果系表示“计策”嘅kiu2，就应该系“桥”。

第二個有無證據證明先？？我就覺得唔應該用“橋”字啦。。完全都無關繫嘅。。。[/quote] 我見啲電影字幕係用"橋"噃,不過一時間諗唔起啲政據, em3:

highyun

ngf在2005-11-29 16:48:10說道：[br][quote]highyun在2005-11-29 09:23:20說道：[br]如果系表示“巧合”嘅kiu2，就应该系“巧”， 如果系表示“计策”嘅kiu2，就应该系“桥”。

第二個有無證據證明先？？我就覺得唔應該用“橋”字啦。。完全都無關繫嘅。。。[/quote] 计策本身就系助你成功或者帮你解困嘅桥梁啦，点会冇关系？

Anl

“諗計”又叫做“度橋”，呢個係“橋”字，我都支持。 至於“巧合”係用返“巧”字，不過就將佢讀成kiu2，而家冇辦法都惟有噉樣用住先，反正寫出嚟唔會引起誤會，最多係有人唔識讀嘅啫。 不過巧字有三個意思：①靈敏②虛浮③適好 除咗①②解釋之外，表示“適好”嘅就讀 kiu2 ，相信唔會好難分。 下面例句屬第三種解釋。 例：乜咁巧(kiu2)呀，又撞到你。(這麼巧合，又碰上你。) 例：咁啱得咁巧(kiu2) (非常的巧合) 好彩粵語冇人講“巧(haau2)合”，而單用“巧(kiu2)”啫。

superjill

可以再讲下认为巧合嘅粤语读法用“巧”（桥）嘅原因嘛？ 广州话词典用：跷 广州方言词典用：窍 同时都各自组词：～妙 两本都无讲出处 ngf 计策用“桥”可以解释得通，汉语里面就有一个词：桥段，你识解呢个词，就明白应该系用“桥”

NGF

ngf 计策用“桥”可以解释得通，汉语里面就有一个词：桥段，你识解呢个词，就明白应该系用“桥”

橋段一詞並不能說明問題，而且橋段一般係指比較經典或者流行嘅電影表現手法。佢可以係一種敍事方式，例如故事發生嘅時間順序重新排列組合嘅橋段；亦可以係一啲特定嘅場景，例如“定時炸彈總係會係最后一秒終止”嘅橋段；佢重可以同電影類型聯用，例如“一驚一乍”嘅驚悚片橋段或者“最后決鬥”嘅西部片橋段等。。。 ps:唔知有無打錯字，如果有請指明。。

Anl

ngf在2005-11-30 11:32:47說道：[br] 橋段一詞並不能說明問題，而且橋段一般係指比較經典或者流行嘅電影表現手法。佢可以係一種敍事方式，例如故事發生嘅時間順序重新排列組合嘅橋段；亦可以係一啲特定嘅場景，例如“定時炸彈總係會係最后一秒終止”嘅橋段；佢重可以同電影類型聯用，例如“一驚一乍”嘅驚悚片橋段或者“最后決鬥”嘅西部片橋段等。。。 ps:唔知有無打錯字，如果有請指明。。

梗係有錯字，兩個“最後”都錯打成“最后”。 superjill講嘅“橋段”可能係單指“計謀”，“橋段”重有其它意思，呢個或者唔係佢要討論嘅範圍，唔好扯得太遠。 广州话词典用：跷 广州方言词典用：窍 同时都各自组词：～妙 两本都无讲出处 至於講到“蹺”字，係“蹊蹺”，同“巧”無關。“竅”則係“竅門”、“開竅”，係“要點”、“孔穴”噉解，都係同“巧”無關。

highyun

ngf在2005-11-30 11:32:47說道：[br] 橋段一詞並不能說明問題，而且橋段一般係指比較經典或者流行嘅電影表現手法。佢可以係一種敍事方式，例如故事發生嘅時間順序重新排列組合嘅橋段；亦可以係一啲特定嘅場景，例如“定時炸彈總係會係最后一秒終止”嘅橋段；佢重可以同電影類型聯用，例如“一驚一乍”嘅驚悚片橋段或者“最后決鬥”嘅西部片橋段等。。。 ps:唔知有無打錯字，如果有請指明。。

你所讲嘅“比較經典或者流行嘅電影表現手法”只系“桥段”嘅引伸义，本义系“计策，谋略”。如果你竟认为“桥”唔适合，请问你有咩更加好嘅字举出嚟？

NGF

highyun在2005-11-30 18:41:01說 你所讲嘅“比較經典或者流行嘅電影表現手法”只系“桥段”嘅引伸义，本义系“计策，谋略”。如果你竟认为“桥”唔适合，请问你有咩更加好嘅字举出嚟？

首先我覺得“橋段”一詞本身只能應用於我之前所講嘅情境，所以嗰個先係“橋段”嘅本意，而非妳所講嘅引申意。再者“橋”字字解本無計策之意。 另外我覺得用“巧”亦無不妥，我查過“巧”字嘅字字解，有“巧計”一詞，解作：高明巧妙的計策；亦有“巧計多端”一詞。 “巧”字字解來源：http://www.imagecode.net/asp.net/dict.aspx （在【查找】處輸入“巧”字，點擊查找）

NGF

從“巧計”一詞可以睇岀，“巧”字有高明之意。 而“好kiu2”亦有解作高明之意，所以我認為用“巧”字亦無不妥，再者“巧”字本就有“kiu2”的讀音。“橋”字就只有”kiu4“嘅讀音。

highyun

1、你所讲：“我查過“巧”字嘅字字解，有“巧計”一詞，解作：高明巧妙的計策；亦有“巧計多端”一詞。” “巧”作为“巧计”，解作“高明巧妙的計策”当然系冇问题，但“巧”只系“高明巧妙”，永远都唔可以代替“计”充当“计策”嘅意思。 2、你讲“再者“橋”字字解本無計策之意。” 冇错，本义的确冇，但我之前已经讲过，计策本身就系助你成功或者帮你解困嘅桥梁，“桥”解作计策可以系作为引伸义。 3、你讲“而“好kiu2”亦有解作高明之意，所以我認為用“巧”字亦無不妥，” “好桥”嘅意思系“高明的计策”，“高明”嘅意思在于个“好”字，而唔系“桥”字，如果我讲“你度嗰条正屎kiu2”，唔知重系咪赞你嘅计策好高明呢？所以我觉得你嘅逻辑理解能力非常不妥。 4、“巧”系形容词，“桥”系名词，“度kiu2”个“kiu2”系名词。 上面讲得非常清楚喇，我唔会再回呢篇。

Yucky豕

有人讲[巧妙]有人讲[kiu2妙]~由此而看似应作[巧]~ 到于意思为[计谋~idea]嗰个[kiu2]字~ [窍]音近~[窍门]解[重点、精点、突破点]~[度kiu2]指[谂办法、(解决问题)突破点]~所以用[窍]亦似有理~ [过桥抽板]指[打完斋唔要和尚]~解作向人请教后𡁻完松~一说[过kiu2]即[过两招]~有啲关系噉噃~所以都似啱~

Anl

“噍完鬆”唔好寫錯。 豬兒講嘅“巧妙”有人係講kiu2妙。可能都係呢個巧字啱。

NGF

anl在2005-12-03 19:31:32說道：[br]“噍完鬆”唔好寫錯。 豬兒講嘅“巧妙”有人係講kiu2妙。可能都係呢個巧字啱。

噍完鬆原來係噤寫嘅。。。 睇嚟個"橋"都係無得再拗咖啦。。。 呢張帖都可以完結啦。。。雖然已經走咗題。。哢哢。。。

Yucky豕

寻日又谂到[过桥]gwo3 kiu4可能本身就解行[过]条[桥]~引申出gwo3 kiu2[畀个意见]~而且素来都有口语变声例子(如:银[行]hong4->工[行]hong2)~所以啊啦举双手赞成用[桥]字~ em6:

superjill

ngf 你话桥段嘅本义就系你所讲嘅，我唔系好认同 虽然你话桥字基本无得拗，但系我都想试下将佢讲清楚 点解我会拿“桥段”来引出“桥”字来表示“计” 将桥段两个字拆开——“桥”同“段”，解释唔到“比較經典或者流行嘅電影表現手法”嘅意思，大概呢个解释你系上网查啩 其实“桥”可以解作文学作品嘅事件、主要故事嘅策划或者设计；剧情结构（参考同义词“情节”嘅解释），作为“计”嘅引伸义，一啲都唔过分 “段”就系指时间嘅一节 至于单独读成kiu2，系因为粤语对某类字音变嘅结果 “桥段”我喺两本唔同编者嘅现代汉语大词典揾唔到，都问过人普通话无呢个词 所以你揾唔到“桥”嘅本义系计谋，一啲都无出奇 而我喺两本粤语词典揾到，分别解作：剧情结构、电影情节 当然，两本粤语词典都有提到“桥”呢个字可以解作计谋、办法啦 同埋“桥段”系有广州人（包括我）话系广州话来嘅