《2007許冠傑大球場Live》及《香港粵語流行曲展覽》盛況報道
<P><FONT color=black>2007年12月15日及16日，小弟與幾位粵語流行曲愛好者及Sam Hui嘅Fans前往香港，先後參觀咗《歌潮.汐韻--香港粵語流行曲的發展》展覽，以及去咗睇《2007許冠傑香港大球場Live》，回想起親歷呢兩大盛事，仍覺將繞梁N日，回味無窮，有好嘢，當然唔可以獨食，皆因獨食無味吖嘛，經過一番緊張整理，現在終可擺上嚟，與各位同好作一個圖文并茂嘅盡情分享，分甘同味。呢個帖嘅圖片較多，成個報道嘅過程，就仿如睇一本公仔書（連環圖）噉款，所以大家真係要畀啲耐性慢慢欣賞先得。</FONT></P><P>以下將按照本次盛況之日程安排順序一一作介紹：</P>
<P> </P>
<P><FONT color=deepskyblue>先此聲明：本人於該帖子中所帖出之全部圖片及照片，件件皆親手拍攝或掃描（雖然此2項技術都係麻麻地，但100%保證絕不竊取他人之照片及圖片），亦希望各位尊重原創者嘅辛勤勞動及版權所有，喺未<FONT color=cyan>獲</FONT><FONT color=magenta>粵語協會論壇</FONT>允許嘅情況下，切勿將該帖子所包含之<FONT color=red>圖片</FONT>與<FONT color=red>文字資料</FONT>轉載到其他網站，多謝合作！</FONT></P>
[ 本帖最後由 samkong 於 2007-12-22 01:03 編輯 ] <P>15號下午，食完午飯，大家就相約到位於沙田嘅香港文化博物館，一同參觀《歌潮.汐韻--香港粵語流行曲的發展》展覽。<BR>到沙田火車站落車後，步行廿分鐘就嚟到咗呢度--建筑風格甚為古雅嘅香港文化博物館（呢張係門票，10文有咁多嘢睇，增長到咁多見識，當然係超值！）：</P>
<P></P> <P>展廳門口：</P>
<P></P> <P>睇嗰本資料介紹,又確實幾吸引--內容係將香港粵語流行曲從1950年代至今嘅發展里程,分多個區間做詳細介紹(包括各個時期一啲經典嘅人物、歌曲、唱片等等都作咗一個全面、深刻嘅回顧。）。</P>
<P></P>
<P> </P>
[ 本帖最後由 samkong 於 2007-12-19 01:24 編輯 ] <P>呢張係隨門票贈送嘅已故巨星<FONT color=cyan>羅文</FONT>嘅紀念明信片：</P>
<P></P> <P>雖然話明場館內係唔允許拍照，但一鋪嚟到，冇理由就如此空手而回咖,點都希望影番幾張有紀念價值嘅照片先甘心，於是就偷偷地......</P>
<P>快快手就影低咗好幾張，喺當中精選出以下呢兩張益下街坊啦：<BR>第一張係當年阿Sam獲得白金唱片獎嘅呢張《財神到》白金唱片，第二張係阿Sam喺1987年及1992年演唱會上穿著過嘅演出服，同埋當時所使用過嘅結他（呢啲咁珍貴嘅物品，係阿Sam專門借出畀呢個展覽會用咖）！</P>
[ 本帖最後由 samkong 於 2007-12-19 14:53 編輯 ] <P>睇完展覽兼食完晚飯，又陪兩位初次到港嘅Sam Fans去行下星光大道......一到步啫,佢哋就立即四圍咁搵阿Sam嘅手印嚟拍照留念.</P>
<P></P> <P>跟住落嚟要介紹嘅，仲使問咩,當然就輪到重頭戲---「2007許冠傑香港大球場Live」啦，16號下午2點鐘左右,同埋幾個Fans嚟到香港大球場門口，就一於影番張合照，紀念一下呢個咁經典嘅時刻先~~</P>
<P>照片中嘅六人，全部都喺本論壇有ID，分別係：<FONT color=cyan>maiqin</FONT>、<FONT color=cyan>samkong</FONT>、<FONT color=cyan>歌神粉絲</FONT>、<FONT color=cyan>highyun</FONT>、<FONT color=cyan>samsing</FONT>、<FONT color=cyan>玉琳瑯</FONT>（排名不分先後嘎，請勿隨意對號入座啊，哈哈）</P>
<P></P>
[ 本帖最後由 samkong 於 2007-12-19 01:54 編輯 ] 除咗上面嗰張照片上嘅人員以外，隔咗冇幾耐啫，又喺門口碰見本論壇嘅另外幾個老友ID，包括：<FONT color=cyan>藍色街燈</FONT>、<FONT color=cyan>kun6769</FONT>、<FONT color=cyan>霍春恒</FONT>、<FONT color=cyan>威仔</FONT>等等，不過一時唔在意，冇影番張相留念添，有啲可惜~~
[ 本帖最後由 samkong 於 2007-12-19 01:55 編輯 ] <P>呢次驗票都好嚴格，尤其係VIP票，要過幾層關卡先行到草皮座位，位置，唔使講嘢啦，靚到痹啊，喺B3區，緊帖住個T字臺，無論睇SHOW嗰時拍照，抑或同阿Sam握手，呢個簡直就係超級風水位，靚到冇得彈！</P>
<P></P> <P>一入場，阿Sam嗰部噴咗藍色豹紋嘅坐架，就顯得特別搶眼，於是又有人話要影相嘞~~</P>
<P></P> <P>原來8舊水嘅VIP票，仲有一份份量認真重磅嘅紀念品送添，哈，確實值回票價啊！</P>
<P></P> <P>呢份紀念品當中，最頭號嘅，就梗係藍色精美紙盒入邊裝住嘅嗰啲嘢啦~~</P>
<P></P> <P>藍色精美紙盒入邊裝住嘅有兩樣嘢，首先就係呢張集Sam大球場Live嘅拍攝花絮、Sam開SHOW之前召開記者招待會嘅片段以及前段日子Sam謝票巡游等嘅一啲經典內容嘅紀念DVD，呢張碟係唔公開對外發售咖，非常珍貴！</P>
<P></P> <P>藍色精美紙盒入邊裝住嘅另一物品，亦認真唔少嘢————————係一套共10款展現阿Sam各個時期珍貴照片嘅罕有明信片（張照片影得唔好，第日補返影過先得），同上面介紹嗰張DVD一樣，呢套明信片，大會只贈送畀持VIP門票嘅Fans，冇得公開發售咖。<IMG alt="" src="http://bbs.cantonese.asia/images/smilies/default/tongue.gif" border=0 smilieid="7"> </P>
<P></P>
<P> </P>
[ 本帖最後由 samkong 於 2007-12-19 02:32 編輯 ] <P>呢本場刊，表明咗重視環保嘅主題，當中印有阿Sam嘅新歌《藍天消失了》嘅歌詞，喺演唱會當中，Sam會叫大家睇住啲歌詞同佢一齊唱呢首歌仔（講真，其實在場嘅大多數人，唔使睇都哼得出啲詞）。</P>
<P></P> <P>呢本紀念冊，就可謂圖文并茂，主要係介紹阿Sam嘅音樂成就。都好值得收藏~~</P>
<P></P> 阿Sam及其偶像貓王皮禮士利嘅紙牌，以及熒光棒、拍拍，都係演唱會不可缺少嘅搞High現場氣氛嘅工具嚟嘎。 <P>臨近入閘嗰時，見到有個場內攤位有如此優惠傳單，原來有書賣喔~</P>
<P></P> <P>原來係阿Sam嘅新書---《此時此處--許冠傑》！</P>
<P></P>