粵語文庫名家專欄每日更新宣告休刊
<P> 喺過去嘅半年時間裏邊，在下每日起早貪黑，堅持更新港臺名作家嘅專欄文章，每個專欄冇一篇漏網，從未間斷過圖片剪切、加水印、發帖。雖則辛苦，但每有沾沾自喜時，試問放眼大千網絡，何人有此種堅持（當然就粵協論壇嚟講，Dada堅持每日更新與粵語有關之古詩詞實屬難得），亦總算達到考驗自己耐力嘅目的。</P><P> 天下無不散之筵席，由於在下為兩餐計，閒暇時間查實極少，頻於應付種種事務未免勞心竭力，當於適當時候歇息癱唞吓，值新版論壇運行之時，名家專欄暫且忍痛話別。雖則難捨難離，然所有過往需用粵幣購買嘅帖子現時免費公開瀏覽，亦未嘗唔係一份厚禮。對於過去有支持過名家專欄嘅版友，在下尤表感激。當諸君睇帖嘅時候，若蒙閣下想像到曾有條傻友喺處有過半年嘅堅持，即可謂「金風玉露喜相逢，便勝卻人間無數」。</P>
<P> PS：在下會繼續關注新論壇嘅運行，粵協係我網上嘅家，一個對家有承擔嘅人就算喺外邊點漂泊流浪，總有一顆戀家嘅心，但願對粵文化懷有深厚感情嘅會友亦如是，以粵協為網上精神家園且時常呵護珍愛之。</P> <P>OK喺呢半年嚟嘅堅持真係難得，你轉載嘅專欄好有taste, 啱晒我嘅口味。</P>
<P> </P>
<P>多謝你轉載咗咁多正嘢畀我哋睇。</P>
<P> </P>
<P>事業真係好重要。</P>
<P> </P>
<P>等你得閒嗰時，再轉載啲好文章我哋睇喇。</P>
<P> </P> <P>辛苦了．无比感谢开拓了我的视野．转载了你的文章，开始，或者一直没有经过你的同意，真是很抱歉．</P>
<P> </P>
<P>祝你一切都好．</P>
<P> </P>
<P>在事业辉煌的那一刻，如果能够再传些文章上来，则是更加功德无量．</P>
<P> </P>
<P>谢谢你！</P> <P>OK做咩搞到告別儀式噉啊？</P>
<P>休刊都好嘅，辛苦咗耐，你都係時候休息下。</P>
<P>而且每日都有新朋友加入，連載嘅精彩文章容量咁多，大家都需要時間慢慢消化。</P>
<P>最重要嘅係多謝你份大禮，希望大家好好珍惜，唔好浪費OK一番心血啦。</P>
<P>最後祝你一切順心。</P>
<P> </P> 雖然唔情願見到休刊呢個消息，不過你堅持咗咁耐，辛苦咗咁耐，確實要休息下。 我好明白「勞心竭力」呢句話。其實我自己都起過退意﹐經過上個月傷心之旅﹐更加冇晒心機。不過﹐我見每日都有幾十個人睇個帖﹐放棄亦都好可惜﹐唯有繼續撐落去。<BR>希望你繼續關注粵協﹐OK﹖ <P> 本嚟諗住唔每日更新就隔日或隔幾日先更新，放輕啲、輕鬆啲，但其實噉樣更加唔好，冇咗連續性，更唔符合我對喜歡做嘅事皆追求完美嘅性格，乾脆休咗佢，亦標誌一個奮鬥時期嘅ending，後人有冇可能延續此種奮鬥甚至超越之就拭目以待喇。</P>
<P> 另外，陶傑早前嘅專欄文章我會繼續收集齊並陸續補充完整。</P>
頁:
[1]