[討論]究竟而家重有冇人鍾意beyond啲歌？ - 第2頁 - 粵語歌室 Cantonese Music Hall - 粵語協會

Wai 發表於 2007-7-13 02:32:57

<DIV class=quote>以下是引用殺人王在2007-7-12 17:25:39的發言： 
睇來你都算遲認職BEYOND. <二樓後座>係一隻唔錯嘅碟,碟嘅整體風格同後期嘅BEYOND顯得比較柔軟.如果真係BEYOND迷會發現呢隻碟入邊係有驚喜嘅. 呢隻碟有幾首歌好明顯係為家駒而寫,因此曲調比較憂傷."總有愛"同"仍然是要闖"呢兩首歌都唔錯,歌詞延續BEYOND一向嘅精神,曲調旋律有家駒在世嘅風格,係新.BEYOND時代同舊.BEYOND時代兩個層面嘅接軌之作.碟內兩首情歌"傷口"同"愛得太錯"尚屬過關,不過比起家駒以前嘅"喜歡你","情人"等經典情歌,似乎重有一段距離."祝你愉快"呢首歌係家強為記念忘兄嘅憂傷之作,九六年演唱會此曲一出,全場落涙.
<BEYOND的精彩>好似已經係新BEYOND時代嘅第三隻碟?歌還可以,但係就係曲目小咗D.當年呢隻碟雖然得五首歌,但係入邊嘅BEYOND小册字卻令人感動,而且"想你"呢首歌重買揯廣告添,記得亞視重將"太空"作為中國申奧嘅歌曲?碟內五首歌,"活著便精彩"作為主打,而且我認為呢首歌的確係一首好歌,同第一隻碟嘅"總有愛" "仍然是要闖"一樣係有延續舊.BEYOND風格嘅歌,曲調有一種以前家駒在世時嘅滄桑感,歌詞亦一如即往有BEYOND不屈嘅精神.其他嘅歌,我認為只不過係95年家駒死後第二隻大碟嘅風格. 
95年嘅大碟<SOUND>
可能聽慣家駒風格嘅歌會對呢隻碟嗤之以鼻,但係無可否認,此碟係我最愛嘅BEYOND大碟之一!如果話家駒死後嘅第一隻大碟為照顧廣大BEYOND歌迷同商業因素,重有遺留些許"家駒"痕迹嘅話,我諗,95年呢隻碟嘅BEYOND終於涅槃成"新BEYOND"!大碟嘅風格從過去BEYOND嘅"勵志" "滄桑"式一轉而成"憤怒"(有人話有BEYOND八年代初期嘅風格,但我認為兩者要表達嘅嘢有明顯嘅唔同).<SOUND>入面嘅歌係"真.搖滾",由初頭世榮個人嘅DRUM SOLO(鐵馬騮)開始就展現出來,全碟曲風偏向metal rock,"鐵馬騮(純音樂)→"教壞細路"→"聲音"→"困獸鬥"→"逼不得已"→"幻覺"首首震撼,一直ROCK到底,就連入邊兩首慢歌"嘆息"同"CRYING"裏邊嘅電結他都編曲得比較激昂.由歌曲嘅旋律同歌詞上睇,呢隻碟表達咗BEYOND三子對社會嘅不滿(又或者係樂壇?),主打歌"聲音"同"困獸鬥"兩首歌唱得聲沙力歇,歌詞重有一鼓政治嘅味道,發泄感十足.除咗ROCK之外,碟內嘅"缺口","阿博"同"門外看"都係我好鍾意嘅歌(BEYOND FANS應該知道"阿博"到底係邊個喇).此類型歌曲多數都係貫中寫出來嘅,可以睇得出貫中喺音樂上有著同家駒很不一樣嘅個人風格,而且佢都有一定嘅音樂天聰. 
對留戀舊BEYOND時代嘅歌迷又或者從商業上來講,呢隻碟無疑係失敗嘅,因為佢擺脫咗家駒最後嘅影響,完全唔理會買碟嘅歌迷嘅需要.但係亦都係由呢隻碟開始,貫中,家強同世榮用自已嘅聲音唱出新嘅BEYOND,就算批評又好,嘲笑又好,佢地始終係用自己嘅聲音唱出自己,用自己嘅雙手寫下自己嘅歌.沒有家駒嘅BEYOND,承受太多嘅壓力,一步一艱辛,但係,佢地終於踏出喇. 
97之後
96年嘅演唱會雖然無咗家駒,但係依然非常成功!CONCERT嘅結尾,場面動人之極,可稱經典.可能係乘著演唱會嘅成功,之後推出嘅<請張手放開>亦買得唔錯.呢隻碟封面係卡通,歌曲無<SOUND>嘅"憤怒",轉變得有D商業(可能係入邊用情歌來做主打,同埋有一首為動物協會而寫嘅歌--歌名為"誰命我名字")值得一提嘅係一首叫"舊曆"嘅音樂,雖然入邊係無歌詞,但係用心去聽一樣可以了解BEYOND到底要表達D乜. 
之後BEYOND三子到99年解散之前,每年都有推出過一隻碟,<驚喜>→<不見不散>(正!!)→<GOOD TIME> <驚喜>呢隻碟我個人感覺一般,特別印像深刻嘅歌只有主打歌"驚喜","回家"同"霧"呢三首歌.但係由呢隻碟開始,BEYOND開始做出一D新嘅嘗試,就係喺ROCK中加入電子元素!因此部分歌雖然聽上去好一般,但係都有一種好fresh嘅感覺.與此同時,BEYOND都推出咗一D將家駒嘅舊歌自己重新翻唱,重新編曲,一樣加入咗電子風格.(如國語大碟<這裡那裡>) 其實由<不見不散>呢隻碟開始BEYOND三子嘅曲風都無乜點變,而貫中嘅音樂創造能力亦逐漸超愈世榮同家強,上文曾經提過嘅貫中作品"阿博","門外看"重有<BEYOND的精彩>裏嘅"太空"同埋我好歡喜嘅大碟<不見不散>入面嘅"星期天","蚊"都有著好強烈嘅"貫中"風格.佢嘅作品有時會好激昂,但係更多嘅時候係特點係"喺旋律輕快嘅曲調下用低沉嘅嗓子配合幽怨頽廢嘅歌詞"唱出.本來"輕快"同"幽怨"好難喺同一首歌結合,但係貫中嘅作品卻好巧妙咁將佢地融合喺一齊,而且重産生咗唔錯嘅"化學反映"("星期天","十八"為例). 散BAND前嘅大碟<GOOD TIME>,老實講呢隻碟我有D失望,並唔係話呢隻碟差,而係用BEYOND樂隊名義出嘅碟,反而變成貫中嘅"個人表演",碟中出色嘅曲目多由貫中所作如"十八","洗衣粉","進化論"同"荒謬".(或者貫中嘅成長同才華都係佢地散BAND嘅原因之一) 
96-99期間,BEYOND三子一樣推出過國語專輯,不過其實係同樣嘅歌,只不過係國語版.95年嘅<愛與生活>98年嘅<這裡那裡>.而98年都推出過一隻EP<打不死>(轟天炮4主題曲),商業之作...... 值得一提嘅係<真的BEYOND>系列,入面全部都係以前BEYOND嘅原聲舊作又或者係佢地練歌嗰陣嘅聲帶(好多都係未公開嘅),重有幾首家駒無公開嘅作品(我只收1-3輯,唔知重有無) 
千禧年之後,BEYOND三子再次碰頭,以家駒舊作"抗戰二十年"為主題掀起全球演唱會嘅序幕.不過呢首歌雖打著家駒嘅旗號,但係曲風都係以前"不再猶豫"嘅延續而已,而家駒嘅歌都未必首首係經典.不過演唱會以家駒"同場演出"為買點係好成功嘅. 
BEYOND嘅舊作,我嘅熟悉程度不亞於呢度嘅任何一個人,自己都有好多BEYOND嘅唱片.可能我同粵協部分"BEYOND FANS"有D唔同,佢地多數係只聽舊歌,但係我新舊都有聽,而且新舊嘅BEYOND都愛. 家駒嘅死,我都覺得好遺憾同無耐,但係佢畢竟已經去咗,而且以後都唔會再返,亦都無可能再為我地寫出更好嘅歌.但係BEYOND嘅精神還在,BEYOND其他三人還在. 
有人認為93年之後嘅BEYOND無需討論,而呢D人當中,又有幾多個真係細心去感受過佢地嘅音樂呢?又或者,喺粵協嘅BEYOND FANS太小喇,搵唔到共鳴(好多稱自己為BEYOND FANS嘅人其實只不過係"家駒FANS"又或者係"偽BEYOND FANS"---嗰D聽一兩首BEYOND嘅歌,感覺有D共鳴就出來舉牌嘅人,呢D人根本就唔懂BEYOND嘅音樂同佢地音樂背後嘅靈魂)
香港樂壇容得落遍地嘅商業垃圾同千篇一律嘅幼稚情歌,卻裝不下沒有家駒嘅BEYOND!
香港粵語樂壇早喺家駒在世嘅時候就病咗,而家家駒走咗咁耐喇,市場上一樣允斥劣質嘅粵語音樂,幼稚嘅明星同歌曲.粵語歌嘅創作人,唱片公司故然有責任.但係廣大嘅粵語歌聽眾呢?如果市場唔係有呢個需求,唱片公司又點會咁專注於呢種音樂?(大陸人稱香港為"文化沙漠",音樂上我認為咁樣稱香港樂壇一D都唔過分). 將心比心,93年之後BEYOND嘅音樂比起一D劣質嘅"流行音樂"又如何呢?係咪比某幼稚嘅歌星更加"幼稚"???如果用某人所講嘅話,失去家駒嘅"BEYOND三條友"係廢人嘅話,咁而家功成利就嘅幼稚歌星又算得係咩呢?咁嗰D攞外國嘅歌曲改兩下然後寫上自己嘅名嘅創作人又係咩呢?香港樂壇容得落遍地嘅商業垃圾同千篇一律嘅幼稚情歌,卻裝不下沒有家駒嘅BEYOND!咁嘅情況底下,粵語歌衰落係必然嘅!試問而家粵語樂壇有靈魂嘅音樂又有幾多?唔通粵語歌真係靠網絡上一D識填幾個詞,會改幾個曲嘅人來救?來撑? 
 PS:平日甚少來呢個版玩,見有BEYOND嘅帖過來趁下熱閙,算係喺呢個版留低自己嘅腳毛,"報答"SAMKONG"投我會員之星一票..哇哈哈哈哈...... 
 </DIV>

殺人王呢張帖講中我嘅感受。
我係好遲先開始聽Beyond，好似係97年嗰排，《想妳》（嗰時電視臺日日都播呢隻MV）。《活着便精彩》呢啲歌，我就開始鍾意聽佢哋。
當然之前亦睇過家駒時嘅beyond嘅節目。同《喜歡你》，《天空開闊》。。。。。。啲碟。
《驚喜》呢張碟，嗰時電視啲告白買得好勁。『這是誰的路。。。。。』啲歌詞好寫實。
加上佢哋開始加入一啲音樂元素，好似你講嘅迷幻，電子，大膽咗好多。當時香港樂壇，得佢哋開始堅持玩呢類（另一隊LMF前身，亦係我好鍾意嘅亞龍大。）。嗰時我聽開AMK，佢哋喺89-90年代初先出道，但都玩嘅嘢前衛好多。亦同當時嘅beyond有比較。所以當時嘅《驚喜》呢張碟喺主流同indie中徘徊，幾實驗嘅碟。我幾鍾意呢啲嘢。嘗試新嘢，先會有進步，有驚喜。
同你一樣，我都好鍾意《不見不散》呢隻碟，概念上嚟講成熟咗好多。亦睇得出佢哋分到位置，阿paul啲唱嘅嘢同家強嘅可以相互配合，一重一和。歌詞亦好有主見，唔會太過偏向潮流，偏向媒體。做咗佢哋想做嘅嘢。世榮好穩，亦有表現。
《Goodtime》，畀我嘅感覺係佢哋有啲停留喺創作上。歌詞上好多回歸現實。
當時香港重有邊隊band堅持呢啲嘢。亞龍大冇咗，變咗LMF。AMK，回歸前就解散。樂隊風格亦開始轉返indie，地下。亦可以話係返返以前beyond地下嘅年代，一個循環。
之後我都係聽返beyond《驚喜》，《不見不散》呢幾張碟。煲返AMK啲碟。
音樂有時會停留，有啲歌，係作畀第二個十年嘅人聽。
[此帖子已經被作者於2007-7-12 19:04:12編輯過]

auyeung 發表於 2007-7-13 04:37:14

<DIV class=quote>以下是引用highyun在2007-7-10 23:21:53的發言： 
93年之後嘅beyond已經唔係beyond，嗰三條友冇咗家駒之後形同廢人。
我以前寫過呢篇懷念家駒嘅文章，遲嚟嘅朋友可能錯過咗：
<A href="http://bbs.cantonese.asia/dispbbs.asp?boardID=110&ID=8&page=17">http://bbs.cantonese.asia/dispbbs.asp?boardID=110&ID=8&page=17</A> </DIV>

睇咗你篇文，冇乜共鳴。
可能同我此刻心情有關。。

殺人王 發表於 2007-7-13 04:56:28

WAI少果然係浸過鹹水嘅人,接觸過西洋音樂,遠離咗香港樂壇呢個咁烏煙漳氣嘅地方,見識的確唔同.94年之後嘅BEYOND鼎住家駒離去嘅衰痛,做出一D佢地應該做嘅嘢同音樂.而呢D喺西方係理所當然嘅音樂,但喺香港卻少不免被套上"另類"兩個字!而家,堅持咗咁多年嘅BEYOND終於倒下,佢地真係散咗BAND.
往年六月三十日,唔少論壇都有記念家駒嘅帖.我同在天嘅家駒同在世嘅BEYOND三子一樣,喺電腦旁默默地睇佢地懷念(有時甚至係對新BEYOND嘅蔑視)並無參與討論.嗰D未真正深入了解BEYOND後期嘅歌卻滿口"垃圾"嘅人,喺我眼中都只不過係一班同幕後造星,制造劣質音樂,一同扼殺樂壇嘅凶手而已!!沒有你地嘅支持,呢個市場又點會搞成咁!?
粵協人少少,我喺呢度亦都唔否認----我,真係好憎你地! 我上邊嘅POST都講過 "家駒畢竟已經去咗,而且以後都唔會再返,亦都無可能再為我地寫出更好嘅歌.但係BEYOND嘅精神還在,BEYOND其他三人還在." 作為一個聽BEYOND嘅歌長大嘅人! 作為一個真正愛著BEYOND(無論新舊)嘅歌迷! 最痛苦嘅事唔係家駒離去,唔可為我地寫出更好嘅歌! 而係 喺"BEYOND嘅精神還在,BEYOND其他三人還在"嘅情況底下,BEYOND卻不能再為愛佢地嘅歌迷地寫出更好嘅歌. 喺"BEYOND嘅精神還在,BEYOND其他三人還在"嘅情況底下,被一班曾經愛過佢地嘅"樂迷"無情地抛棄!
呢種類似"塵世間最痛苦的事不是找你不到,而是你在我旁邊卻不知道我愛你"嘅痛,嗰D"偽BEYOND FANS"又點會了解!又點會明白!!
BEYOND最後都要散,我唔甘心!!!我為香港樂壇感到悲衰!!
[此帖子已經被作者於2007-7-12 21:00:11編輯過]

UngooChan 發表於 2007-7-13 05:24:56

好與唔好通常體現喺被人嘅認同程度，直到而家，家駒嘅作品依然廣為流行，而佢過身之後嗰啲，不提也罷。冇錯，三人的確精神可家，家駒死後忍住傷痛重可以堅持咁耐，無奈能力有限，除咗靠食老本不斷翻唱以前嘅歌（甚至改成國語版再搵多次錢）之外，佢哋自己創作嘅歌，基本冇咩人認同。當然，任何種類嘅音樂都有人會欣賞，鍾意後Beyond時代嘅歌嘅人一樣有，但唔鍾意嘅人絕對無罪，佢哋大多都係因爲太鍾意家駒時期嘅beyond，所以後期嘅變質beyond畀大家太大嘅反差，正所謂愛之越深，恨之越切。
　　另外，想講嘅就係，討論要理性，對事唔對人，有人鍾意，有人唔鍾意，樓上唔需要用到“憎”呢個詞，亦唔應該主觀噉斷定，唔鍾意新beyond嘅就唔係真正嘅beyond迷，噉會傷害大家感情。相較之下，阿Wai嘅討論理性好多，係從音樂方面討論，講自己點解鍾意後期嘅歌。
[此帖子已經被作者於2007-7-12 21:32:14編輯過]

殺人王 發表於 2007-7-13 05:37:56

我所"憎"嘅係對一D未曾了解過新BEYOND嘅歌嘅人卻滿口"垃圾"嘅人,絶對唔係針對論壇入邊唔鍾意後期BEYOND嘅人.
我POST講得好清楚,當然,如果真係有人係自己對號入座我亦都無辦法.
關於討論我一直都好樂意,唔係都唔會打咁長嘅POST出來.但係我所講嘅,亦都係我要表達嘅.
我都唔相信一個"憎"字會破壞"感情".畢竟大家有大家嘅立場,而且大家都係成年人有自己嘅想法.
 
[此帖子已經被作者於2007-7-12 21:42:00編輯過]

Wai 發表於 2007-7-13 05:44:47

<DIV class=quote>以下是引用殺人王在2007-7-12 20:56:28的發言： 
WAI少果然係浸過鹹水嘅人,接觸過西洋音樂,遠離咗香港樂壇呢個咁烏煙漳氣嘅地方,見識的確唔同.94年之後嘅BEYOND鼎住家駒離去嘅衰痛,做出一D佢地應該做嘅嘢同音樂.而呢D喺西方係理所當然嘅音樂,但喺香港卻少不免被套上"另類"兩個字!而家,堅持咗咁多年嘅BEYOND終於倒下,佢地真係散咗BAND.
往年六月三十日,唔少論壇都有記念家駒嘅帖.我同在天嘅家駒同在世嘅BEYOND三子一樣,喺電腦旁默默地睇佢地懷念(有時甚至係對新BEYOND嘅蔑視)並無參與討論.嗰D未真正深入了解BEYOND後期嘅歌卻滿口"垃圾"嘅人,喺我眼中都只不過係一班同幕後造星,制造劣質音樂,一同扼殺樂壇嘅凶手而已!!沒有你地嘅支持,呢個市場又點會搞成咁!?
粵協人少少,我喺呢度亦都唔否認----我,真係好憎你地! 我上邊嘅POST都講過 "家駒畢竟已經去咗,而且以後都唔會再返,亦都無可能再為我地寫出更好嘅歌.但係BEYOND嘅精神還在,BEYOND其他三人還在." 作為一個聽BEYOND嘅歌長大嘅人! 作為一個真正愛著BEYOND(無論新舊)嘅歌迷! 最痛苦嘅事唔係家駒離去,唔可為我地寫出更好嘅歌! 而係 喺"BEYOND嘅精神還在,BEYOND其他三人還在"嘅情況底下,BEYOND卻不能再為愛佢地嘅歌迷地寫出更好嘅歌. 喺"BEYOND嘅精神還在,BEYOND其他三人還在"嘅情況底下,被一班曾經愛過佢地嘅"樂迷"無情地抛棄!
呢種類似"塵世間最痛苦的事不是找你不到,而是你在我旁邊卻不知道我愛你"嘅痛,嗰D"偽BEYOND FANS"又點會了解!又點會明白!!
BEYOND最後都要散,我唔甘心!!!我為香港樂壇感到悲衰!! </DIV>
  
冇咗靈魂人物嘅樂隊，仍然咁堅持落去。只可惜個環境好難畀佢哋生存。 
Beyond呢個名太大，好多時被人定咗形。冇一個好舞台畀佢哋發展落去。各自發展可能會好啲。起碼唔使背住咁大個名。 
Beyond喺地下走到主流，當時香港樂壇有好多樂隊，而家都冇晒。 
Beyond前期影響咗好多地下樂隊走出台前。而家反而都沒落晒。冇呢個市場，冇呢個包容。 
本來我都唔想跟呢張帖（講咗話只討論家駒嘅Beyond)。 
我睇到你嘅寫嘅嘢。諗真啲，點解冇多幾隊好嘅樂隊畀我哋聽呢？而係要講以前嘅Beyond，唔通而家嘅Beyond唔得？答案係唔係，只係有冇呢個心去聽。歌曲係好個人感覺嘅嘢，但係專輯嘅概念，佢哋製作嘅心意，係可以聽得出，睇得出。 
佢哋唔係唔得。佢哋嘅碟，咁多張都有概念，睇得出佢哋要做得好，做好Beyond呢個名。我今晚聽返佢哋啲歌，新舊對照，聽得出，過渡期裏便佢哋嘅努力，Beyond風格嘅延續，表達佢哋要做嘅嘢，到成個樂壇嘅轉型，佢哋嘅妥協，到最後嘅而家。 
聽返佢哋嘅呢首歌，我感動。家強佢哋嘅努力，也許係佢哋嘅寫照： 
『看一看天地到處太昏暗』 
『越渴望傳奇深呼吸空氣』 
『懸崖臨近了敢於衝過生死』 
『這個世界太多界限我要愛到更加燦爛』 
『即使這犧牲太大愛得痛快』 
<H1> </H1>
[此帖子已經被作者於2007-7-12 22:34:07編輯過]

使君子 發表於 2008-11-8 14:23:11

千万不要忽略了Beyond幕后的最重要作词人：刘卓辉<div> </div><div> </div><div>遥远的东方 辽阔的边疆 还有远古的破墙 前世的沧桑 后世的风光 万里千山牢牢接壤 围着老去的国度 围着事实的真相 围着浩瀚的岁月 围着欲望与理想 迷信的村庄 神秘的中央 还有昨天的战场 皇帝的新衣 热血的樱枪 谁都甘心流连塞上 围着老去的国度 围着事实的真相 围着浩瀚的岁月 围着欲望与理想(叫嚷) 朦着耳朵 那里那天不在听到在呼吼的人 朦着眼睛 再见往昔景仰的那样一道疤痕 留在地壳头上 无冕的身躯 忘我的思想 还有显赫的破墙 谁也冲不开 谁也抛不低 谁要一生里流浪 围着老去的国度 围着事实的真相 围着浩瀚的岁月 围着欲望与理想叫嚷 朦着耳朵 那里那天不在听到在呼吼的人 朦着眼睛 再见往昔景仰的那样一道疤痕 留在地壳头上 朦着耳朵 那里那天不在听到在呼吼的人 朦着眼睛 再见往昔景仰的那样一道疤痕 留在地壳头上 </div>

彼岸花 發表於 2008-12-11 14:49:24

佢地d舊歌(有家駒個陣)幾好聽~<IMG alt="" src="http://bbs.cantonese.asia/images/smilies/default/loveliness.gif" border=0 smilieid="28">

頁: 1 [2]

粵語協會's Archiver