[討論]究竟而家重有冇人鍾意beyond啲歌？

auyeung 發表於 2007-7-8 22:56:38

究竟而家重有冇人鍾意beyond啲歌，呢嗰問題我一直好有疑問？
如果你係鍾意beyond嘅話，你又瞭解佢哋幾多？你又有幾多隻佢哋嘅唱片？收藏咗幾多佢哋嘅演唱會視頻？
你擁有佢哋最早嘅cd係邊隻？有佢哋最早嘅演唱會係邊一年？佢哋有邊啲英文歌？
以上所有疑問識嘅麻煩解答！我會跟帖補充。

殺人王 發表於 2007-7-8 23:10:54

當然有....
不過鍾意同收藏好似有D唔同

samkong 發表於 2007-7-9 00:15:04

Beyond樂隊嘅歌，一直以來都非常喜愛。自己算唔上係Beyond嘅鐵桿Fans，有關Beyond嘅嘢，一般嘅了解就冇問題，但唔算得係好詳盡。 至於Beyond出過嘅正版嘅黑膠唱片、CD唱片及VCD、LD影碟，就粗略統計過一下，自己都有接近50張嘅存貨。其實更主要系因為喜愛聽歌而收藏佢哋啲影音出版物。 我最早擁有beyond第一張CD，就係當年喺香港買嘅《再見理想》專輯。我有佢哋最早嘅演唱會LD影碟系“87超越亞拉伯演唱會”。 英文歌主要集中喺早期（1988年之前），小弟比較熟悉及喜歡嘅就有《long way without friends》、《Myth》等幾首.
[此帖子已經被作者於2007-7-9 0:15:39編輯過]

lhk 發表於 2007-7-9 01:33:44

Samkong同Highyun應該都算得上對Beyond有研究~~~

znzzd 發表於 2007-7-9 10:01:06

找地方下载啊！

auyeung 發表於 2007-7-9 22:24:30

<DIV class=quote>以下是引用samkong在2007-7-8 16:15:04的發言： Beyond樂隊嘅歌，一直以來都非常喜愛。自己算唔上係Beyond嘅鐵桿Fans，有關Beyond嘅嘢，一般嘅了解就冇問題，但唔算得係好詳盡。 至於Beyond出過嘅正版嘅黑膠唱片、CD唱片及VCD、LD影碟，就粗略統計過一下，自己都有接近50張嘅存貨。其實更主要系因為喜愛聽歌而收藏佢哋啲影音出版物。 我最早擁有beyond第一張CD，就係當年喺香港買嘅《再見理想》專輯。我有佢哋最早嘅演唱會LD影碟系“87超越亞拉伯演唱會”。 英文歌主要集中喺早期（1988年之前），小弟比較熟悉及喜歡嘅就有《long way without friends》、《Myth》等幾首. </DIV>

samkong都算唔話得架喇！數吓手指，竟然比我重多！
samkong買到83年嘅《再見理想》，簡直無法形容，真係好珍貴！我一直覺得最難買就係《再見理想》呢張專輯！87嗰場演唱會你係ld版？噉又係邊版先？完整版or rip版？
《myth》呢首歌好悽慘。。
samkong可否將自己嘅收藏稍為透露吓？當然share就更加好啦！
再補充。。

Yuok 發表於 2007-7-9 23:33:19

<DIV class=quote>以下是引用auyeung在2007-7-9 14:24:30的發言： 

samkong可否將自己嘅收藏稍為透露吓？當然share就更加好啦！</DIV>
　　你想分享Samkong嘅收藏碟經驗，上次聚會就唔應該放飛機臨尾熬底。

auyeung 發表於 2007-7-10 00:10:10

你又知我甩底？上次上次，咁多次上次，鬼知你講邊次？
係想睇吓邊啲我係冇嘅，唔係要經驗。。。

samkong 發表於 2007-7-10 03:07:18

《再見理想》專輯，係Beyond樂隊首張自資作品，因當時仍未成名,未有唱片公司與其簽約，Beyond成員喺艱苦嘅經濟環境之下，仍堅持不怠，走有自己特色嘅音樂創作之路，來以實際行動證明一個道理------“是金子，終將閃亮”------最終達到光輝彼岸！

samkong 發表於 2007-7-10 03:24:04

《再見理想》專輯，係Beyond樂隊首張自資作品，因當時仍未有唱片公司與其簽約，Beyond成員喺艱苦嘅經濟環境之下，仍堅持不怠，走有自己特色嘅音樂創作之路，來以實際行動證明一個道理------“是金子，終將閃亮”------最終達到光輝彼岸！ 80年代香港歌手演唱會嘅正版LD大影碟，全部都唔系完整版，都僅系抽選晚會嘅一啲主要歌曲收錄入張LD而已（一張LD嘅雙面播放時間，加埋一起一般亦在90-100分鐘以下，唔可能有真正意義嘅所謂“完整版”），《87超越亞拉伯演唱會》張LD亦唔例外。 PS：張LD封面太大，當時是用掃描儀只掃到封面嘅一部分。仲有，因涉及收藏品繁多，不便盡錄，小弟擬於不久將來喺個"SAM珍藏網"<A href="http://www.samkong.cn/">www.samkong.cn</A>內增加（除SAM以外嘅）“其他歌手收藏”欄目，敬請關注！THANKS！

Wai 發表於 2007-7-10 03:28:39

我記得我係從《二樓後座》後先開始好鍾意噉聽佢哋啲歌。
《Beyond得精彩》，《請將手放開》，《驚喜》，《不見不散》，《Goodtime》，係我幾鍾意嘅碟。
最記得佢哋出《驚喜》呢張碟嗰時好型。

斯巴滔 發表於 2007-7-10 07:03:16

“二楼后座”，应该系家驹仙逝后出嘅第一张beyond嘅3人组合专辑，冇咗家驹之后嘅beyond乐队唱嘅歌，好难再唤起兴趣去听。

auyeung 發表於 2007-7-10 08:10:51

回覆wai，93年後嘅歌不作討論。。。
原因好簡單。。

香城浪子 發表於 2007-7-10 20:19:37

人各有所好啦,不過我自己就更喜歡家駒時期既beyond.

Wai 發表於 2007-7-11 03:50:31

<DIV class=quote>以下是引用auyeung在2007-7-10 0:10:51的發言： 
回覆wai，93年後嘅歌不作討論。。。
原因好簡單。。</DIV>
你張帖開頭又冇話佢哋幾時啲碟先畀講。而家先嚟話93年啲歌唔作討論。
早響呀嘛，就唔使覆。

auyeung 發表於 2007-7-11 05:09:06

<DIV class=quote>以下是引用Wai在2007-7-10 19:50:31的發言： 
你張帖開頭又冇話佢哋幾時啲碟先畀講。而家先嚟話93年啲歌唔作討論。 
早響呀嘛，就唔使覆。 
 </DIV>
發帖嗰時係諗住講93之前嘅歌，點知發咗唔記得講！失策。。
同埋諗住大家都會係有共識係講舊歌，點知你獨樹一幟嘅啫。。。

samkong 發表於 2007-7-11 06:13:34

<DIV class=quote>以下是引用斯巴滔在2007-7-9 23:03:16的發言： “二楼后座”，应该系家驹仙逝后出嘅第一张beyond嘅3人组合专辑，冇咗家驹之后嘅beyond乐队唱嘅歌，好难再唤起兴趣去听。</DIV>
同感！總覺得有家駒嘅beyond才算得係真正嘅beyond。

highyun 發表於 2007-7-11 07:21:53

93年之後嘅beyond已經唔係beyond，嗰三條友冇咗家駒之後形同廢人。
我以前寫過呢篇懷念家駒嘅文章，遲嚟嘅朋友可能錯過咗：
<A href="http://bbs.cantonese.asia/dispbbs.asp?boardID=110&ID=8&page=17">http://bbs.cantonese.asia/dispbbs.asp?boardID=110&ID=8&page=17</A>
[此帖子已經被作者於2007-7-10 23:55:35編輯過]

auyeung 發表於 2007-7-12 11:52:00

<DIV class=quote>以下是引用samkong在2007-7-9 19:24:04的發言： 
《再見理想》專輯，係Beyond樂隊首張自資作品，因當時仍未有唱片公司與其簽約，Beyond成員喺艱苦嘅經濟環境之下，仍堅持不怠，走有自己特色嘅音樂創作之路，來以實際行動證明一個道理------“是金子，終將閃亮”------最終達到光輝彼岸！ 80年代香港歌手演唱會嘅正版LD大影碟，全部都唔系完整版，都僅系抽選晚會嘅一啲主要歌曲收錄入張LD而已（一張LD嘅雙面播放時間，加埋一起一般亦在90-100分鐘以下，唔可能有真正意義嘅所謂“完整版”），《87超越亞拉伯演唱會》張LD亦唔例外。 PS：張LD封面太大，當時是用掃描儀只掃到封面嘅一部分。仲有，因涉及收藏品繁多，不便盡錄，小弟擬於不久將來喺個"SAM珍藏網"<A href="http://www.samkong.cn/">www.samkong.cn</A>內增加（除SAM以外嘅）“其他歌手收藏”欄目，敬請關注！THANKS！
 <img src="attachments/dvbbs/2007-7/20077919234381239.jpg" border="0" onload="if(this.width>screen.width*0.7) {this.resized=true; this.width=screen.width*0.7; this.alt=\'Click here to open new window\nCTRL+Mouse wheel to zoom in/out\';}" onmouseover="if(this.width>screen.width*0.7) {this.resized=true; this.width=screen.width*0.7; this.style.cursor=\'hand\'; this.alt=\'Click here to open new window\nCTRL+Mouse wheel to zoom in/out\';}" onclick="if(!this.resized) {return true;} else {window.open(\'attachments/dvbbs/2007-7/20077919234381239.jpg\');}" onmousewheel="return imgzoom(this);" alt="" /> <img src="attachments/dvbbs/2007-7/2007791924299968.jpg" border="0" onload="if(this.width>screen.width*0.7) {this.resized=true; this.width=screen.width*0.7; this.alt=\'Click here to open new window\nCTRL+Mouse wheel to zoom in/out\';}" onmouseover="if(this.width>screen.width*0.7) {this.resized=true; this.width=screen.width*0.7; this.style.cursor=\'hand\'; this.alt=\'Click here to open new window\nCTRL+Mouse wheel to zoom in/out\';}" onclick="if(!this.resized) {return true;} else {window.open(\'attachments/dvbbs/2007-7/2007791924299968.jpg\');}" onmousewheel="return imgzoom(this);" alt="" /> </DIV>
80年代香港歌手演唱會嘅正版LD大影碟，全部都唔系完整版，都僅系抽選晚會嘅一啲主要歌曲收錄入張LD而已（一張LD嘅雙面播放時間，加埋一起一般亦在90-100分鐘以下，唔可能有真正意義嘅所謂“完整版”），《87超越亞拉伯演唱會》張LD亦唔例外。--我有兩隻VCD，一隻有後台片段，一隻冇，我嘅完整版係指有後台片段個隻！播放時間大約1個鐘多啲！後台片段見到亞paul喫菸。。。
到時我會去撐吓你場。。。記得通知。。。

殺人王 發表於 2007-7-13 01:25:39

<DIV class=quote>以下是引用Wai在2007-7-9 19:28:39的發言： 
我記得我係從《二樓後座》後先開始好鍾意噉聽佢哋啲歌。
《Beyond得精彩》，《請將手放開》，《驚喜》，《不見不散》，《Goodtime》，係我幾鍾意嘅碟。
最記得佢哋出《驚喜》呢張碟嗰時好型。
 </DIV>
睇來你都算遲認職BEYOND. <二樓後座>係一隻唔錯嘅碟,碟嘅整體風格同後期嘅BEYOND顯得比較柔軟.如果真係BEYOND迷會發現呢隻碟入邊係有驚喜嘅. 呢隻碟有幾首歌好明顯係為家駒而寫,因此曲調比較憂傷."總有愛"同"仍然是要闖"呢兩首歌都唔錯,歌詞延續BEYOND一向嘅精神,曲調旋律有家駒在世嘅風格,係新.BEYOND時代同舊.BEYOND時代兩個層面嘅接軌之作.碟內兩首情歌"傷口"同"愛得太錯"尚屬過關,不過比起家駒以前嘅"喜歡你","情人"等經典情歌,似乎重有一段距離."祝你愉快"呢首歌係家強為記念忘兄嘅憂傷之作,九六年演唱會此曲一出,全場落涙.
<BEYOND的精彩>好似已經係新BEYOND時代嘅第三隻碟?歌還可以,但係就係曲目小咗D.當年呢隻碟雖然得五首歌,但係入邊嘅BEYOND小册字卻令人感動,而且"想你"呢首歌重買揯廣告添,記得亞視重將"太空"作為中國申奧嘅歌曲?碟內五首歌,"活著便精彩"作為主打,而且我認為呢首歌的確係一首好歌,同第一隻碟嘅"總有愛" "仍然是要闖"一樣係有延續舊.BEYOND風格嘅歌,曲調有一種以前家駒在世時嘅滄桑感,歌詞亦一如即往有BEYOND不屈嘅精神.其他嘅歌,我認為只不過係95年家駒死後第二隻大碟嘅風格. 
95年嘅大碟<SOUND>
可能聽慣家駒風格嘅歌會對呢隻碟嗤之以鼻,但係無可否認,此碟係我最愛嘅BEYOND大碟之一!如果話家駒死後嘅第一隻大碟為照顧廣大BEYOND歌迷同商業因素,重有遺留些許"家駒"痕迹嘅話,我諗,95年呢隻碟嘅BEYOND終於涅槃成"新BEYOND"!大碟嘅風格從過去BEYOND嘅"勵志" "滄桑"式一轉而成"憤怒"(有人話有BEYOND八年代初期嘅風格,但我認為兩者要表達嘅嘢有明顯嘅唔同).<SOUND>入面嘅歌係"真.搖滾",由初頭世榮個人嘅DRUM SOLO(鐵馬騮)開始就展現出來,全碟曲風偏向metal rock,"鐵馬騮(純音樂)→"教壞細路"→"聲音"→"困獸鬥"→"逼不得已"→"幻覺"首首震撼,一直ROCK到底,就連入邊兩首慢歌"嘆息"同"CRYING"裏邊嘅電結他都編曲得比較激昂.由歌曲嘅旋律同歌詞上睇,呢隻碟表達咗BEYOND三子對社會嘅不滿(又或者係樂壇?),主打歌"聲音"同"困獸鬥"兩首歌唱得聲沙力歇,歌詞重有一鼓政治嘅味道,發泄感十足.除咗ROCK之外,碟內嘅"缺口","阿博"同"門外看"都係我好鍾意嘅歌(BEYOND FANS應該知道"阿博"到底係邊個喇).此類型歌曲多數都係貫中寫出來嘅,可以睇得出貫中喺音樂上有著同家駒很不一樣嘅個人風格,而且佢都有一定嘅音樂天聰. 
對留戀舊BEYOND時代嘅歌迷又或者從商業上來講,呢隻碟無疑係失敗嘅,因為佢擺脫咗家駒最後嘅影響,完全唔理會買碟嘅歌迷嘅需要.但係亦都係由呢隻碟開始,貫中,家強同世榮用自已嘅聲音唱出新嘅BEYOND,就算批評又好,嘲笑又好,佢地始終係用自己嘅聲音唱出自己,用自己嘅雙手寫下自己嘅歌.沒有家駒嘅BEYOND,承受太多嘅壓力,一步一艱辛,但係,佢地終於踏出喇. 
97之後
96年嘅演唱會雖然無咗家駒,但係依然非常成功!CONCERT嘅結尾,場面動人之極,可稱經典.可能係乘著演唱會嘅成功,之後推出嘅<請張手放開>亦買得唔錯.呢隻碟封面係卡通,歌曲無<SOUND>嘅"憤怒",轉變得有D商業(可能係入邊用情歌來做主打,同埋有一首為動物協會而寫嘅歌--歌名為"誰命我名字")值得一提嘅係一首叫"舊曆"嘅音樂,雖然入邊係無歌詞,但係用心去聽一樣可以了解BEYOND到底要表達D乜. 
之後BEYOND三子到99年解散之前,每年都有推出過一隻碟,<驚喜>→<不見不散>(正!!)→<GOOD TIME> <驚喜>呢隻碟我個人感覺一般,特別印像深刻嘅歌只有主打歌"驚喜","回家"同"霧"呢三首歌.但係由呢隻碟開始,BEYOND開始做出一D新嘅嘗試,就係喺ROCK中加入電子元素!因此部分歌雖然聽上去好一般,但係都有一種好fresh嘅感覺.與此同時,BEYOND都推出咗一D將家駒嘅舊歌自己重新翻唱,重新編曲,一樣加入咗電子風格.(如國語大碟<這裡那裡>) 其實由<不見不散>呢隻碟開始BEYOND三子嘅曲風都無乜點變,而貫中嘅音樂創造能力亦逐漸超愈世榮同家強,上文曾經提過嘅貫中作品"阿博","門外看"重有<BEYOND的精彩>裏嘅"太空"同埋我好歡喜嘅大碟<不見不散>入面嘅"星期天","蚊"都有著好強烈嘅"貫中"風格.佢嘅作品有時會好激昂,但係更多嘅時候係特點係"喺旋律輕快嘅曲調下用低沉嘅嗓子配合幽怨頽廢嘅歌詞"唱出.本來"輕快"同"幽怨"好難喺同一首歌結合,但係貫中嘅作品卻好巧妙咁將佢地融合喺一齊,而且重産生咗唔錯嘅"化學反映"("星期天","十八"為例). 散BAND前嘅大碟<GOOD TIME>,老實講呢隻碟我有D失望,並唔係話呢隻碟差,而係用BEYOND樂隊名義出嘅碟,反而變成貫中嘅"個人表演",碟中出色嘅曲目多由貫中所作如"十八","洗衣粉","進化論"同"荒謬".(或者貫中嘅成長同才華都係佢地散BAND嘅原因之一) 
96-99期間,BEYOND三子一樣推出過國語專輯,不過其實係同樣嘅歌,只不過係國語版.95年嘅<愛與生活>98年嘅<這裡那裡>.而98年都推出過一隻EP<打不死>(轟天炮4主題曲),商業之作...... 值得一提嘅係<真的BEYOND>系列,入面全部都係以前BEYOND嘅原聲舊作又或者係佢地練歌嗰陣嘅聲帶(好多都係未公開嘅),重有幾首家駒無公開嘅作品(我只收1-3輯,唔知重有無) 
千禧年之後,BEYOND三子再次碰頭,以家駒舊作"抗戰二十年"為主題掀起全球演唱會嘅序幕.不過呢首歌雖打著家駒嘅旗號,但係曲風都係以前"不再猶豫"嘅延續而已,而家駒嘅歌都未必首首係經典.不過演唱會以家駒"同場演出"為買點係好成功嘅. 
BEYOND嘅舊作,我嘅熟悉程度不亞於呢度嘅任何一個人,自己都有好多BEYOND嘅唱片.可能我同粵協部分"BEYOND FANS"有D唔同,佢地多數係只聽舊歌,但係我新舊都有聽,而且新舊嘅BEYOND都愛. 家駒嘅死,我都覺得好遺憾同無耐,但係佢畢竟已經去咗,而且以後都唔會再返,亦都無可能再為我地寫出更好嘅歌.但係BEYOND嘅精神還在,BEYOND其他三人還在. 
有人認為93年之後嘅BEYOND無需討論,而呢D人當中,又有幾多個真係細心去感受過佢地嘅音樂呢?又或者,喺粵協嘅BEYOND FANS太小喇,搵唔到共鳴(好多稱自己為BEYOND FANS嘅人其實只不過係"家駒FANS"又或者係"偽BEYOND FANS"---嗰D聽一兩首BEYOND嘅歌,感覺有D共鳴就出來舉牌嘅人,呢D人根本就唔懂BEYOND嘅音樂同佢地音樂背後嘅靈魂)
香港樂壇容得落遍地嘅商業垃圾同千篇一律嘅幼稚情歌,卻裝不下沒有家駒嘅BEYOND!
香港粵語樂壇早喺家駒在世嘅時候就病咗,而家家駒走咗咁耐喇,市場上一樣允斥劣質嘅粵語音樂,幼稚嘅明星同歌曲.粵語歌嘅創作人,唱片公司故然有責任.但係廣大嘅粵語歌聽眾呢?如果市場唔係有呢個需求,唱片公司又點會咁專注於呢種音樂?(大陸人稱香港為"文化沙漠",音樂上我認為咁樣稱香港樂壇一D都唔過分). 將心比心,93年之後BEYOND嘅音樂比起一D劣質嘅"流行音樂"又如何呢?係咪比某幼稚嘅歌星更加"幼稚"???如果用某人所講嘅話,失去家駒嘅"BEYOND三條友"係廢人嘅話,咁而家功成利就嘅幼稚歌星又算得係咩呢?咁嗰D攞外國嘅歌曲改兩下然後寫上自己嘅名嘅創作人又係咩呢?香港樂壇容得落遍地嘅商業垃圾同千篇一律嘅幼稚情歌,卻裝不下沒有家駒嘅BEYOND!咁嘅情況底下,粵語歌衰落係必然嘅!試問而家粵語樂壇有靈魂嘅音樂又有幾多?唔通粵語歌真係靠網絡上一D識填幾個詞,會改幾個曲嘅人來救?來撑? 
  
  
PS:平日甚少來呢個版玩,見有BEYOND嘅帖過來趁下熱閙,算係喺呢個版留低自己嘅腳毛,"報答"SAMKONG"投我會員之星一票..哇哈哈哈哈...... 
 
[此帖子已經被作者於2007-7-12 17:50:17編輯過]

頁: [1] 2

粵語協會's Archiver

[討論]究竟而家重有冇人鍾意beyond啲歌？