係「咸」唔係「冚」？
今日睇一本研究欽州粵語嘅書，裡面睇到粵語入邊鬧人「全家X光」嘅字句「冚家鏟（廣州/香港寫法）」，書中以「咸」為「冚」之正寫。「咸」，《唐韻》胡監切。《說文》皆也。《玉篇》悉也。「老少咸宜」中「咸」即「皆」意。
本人亦認為「咸」為本字合理，很有可能係因為粵語廣州音入邊將「長a」發成咗「短a」，繼而有「ham」音。
另外，查字典，「冚」，讀「Kam2」，「方言，盖：把被~好。」
當然，「Kam2被」嘅「冚」也有另一字，,《集韻》感韻，古禫切，「盖也」。
唔知諸君認為「咸」為本字合理否？ 同意，咸字古雅．
頁:
[1]