|
有人話「跂」（站立）係「企」嘅本字。應該啱啱相反﹐「企」係「跂」嘅本字。
–「企」唔係廣東人造嘅字﹐漢語都有「企鵝」、「企盼」之類。
– 甲骨文已經有「企」﹕  。（林義光《文源》﹕「人下有足跡﹐象舉踵形。」）
– 甲骨文冇「跂」﹐甚至冇「支」﹐簡文先有「支」。
–「跂」係形聲字。許慎話「企」係形聲字﹐其實應該係會意字。甲骨文雖然已經開始有形聲字﹐但係比會意字少好多。
–《爾雅》有「企」冇「跂」﹕「鳧鴈醜﹐其足蹼﹐其踵企 。」
–《說文解字》﹕「企﹐舉踵也。從人止聲。」﹐「跂﹐足多指也。從足支聲。」
《詩經．國風．衛風．河廣》有一句「誰謂宋遠，跂予望之。」不過﹕
– 段玉裁《說文解字注》﹕「企﹐舉歱也。……企或作跂。衛風曰：跂予望之。」
– 朱駿聲《說文通訓定聲》﹕「企﹐……詩跂予望之。以跂為之。」
– 馬敘倫釋「跂」﹕「詩跂予望之。楚辭九歎章句引作企﹐是跂亦企之或體。」
《詩經》一句唔係證據。《詩經．頌．魯頌．閟宮》有一句﹕「白牡騂剛、犧尊將將。」呢個「剛」﹐公牛﹐其實係「犅」。甲骨文已經有「犅」﹕  。
按﹕「剛」  同「犅」 都有啲關係。朱岐祥認為「剛」本義係「宰殺網獲的野獸﹐作以獻祭。」「犅」應該都係﹐不過特指牛。
| 
發表於 2008-4-18 16:25:52
發表於 2008-4-18 17:43:57