求正字及学名——「抢屎舰刀」有冇听过？

外外星人

 

南汉或者会知道。

思覺失調

原帖由 外外星人 於 2008-4-13 00:04 發表   南汉或者会知道。

 

你噉樣講，佢好唔好意思出嚟講：『未聽過～～』？

外外星人

原帖由 思覺失調 於 2008-4-13 21:57 發表   你噉樣講，佢好唔好意思出嚟講：『未聽過～～』？

 

未必，佢系东莞人嘛，应该识听识讲。不过，我呢句系唔系东莞话就无从考究嘞。

麻甩佬

原帖由 外外星人 於 2008-4-13 22:02 發表   未必，佢系东莞人嘛，应该识听识讲。不过，我呢句系唔系东莞话就无从考究嘞。

 

東莞麻甩佬未聼過啵！

我係新人，依家喺學校個論壇度推廣粵語，大家畀啲鼓勵喇不如！！！

外外星人

原帖由 麻甩佬 於 2008-4-17 13:19 發表   東莞麻甩佬未聼過啵！我係新人，依家喺學校個論壇度推廣粵語，大家畀啲鼓勵喇不如！！！

 

你系唔系东莞人啊？可能要上咗年纪嘅人先知喇！

 

拍手掌嘅公仔都冇，想鼓励下都唔得？

卢总

原帖由 麻甩佬 於 2008-4-17 01:19 PM 發表   東莞麻甩佬未聼過啵！我係新人，依家喺學校個論壇度推廣粵語，大家畀啲鼓勵喇不如！！！

但你家下唔喺东莞呢！

不过你哋学校有好多我嘅ｆａｎｓ！

雪染情人节

抢屎林刀就听过，好似系一种鱼嘅名，系D涌度好常见，不过就唔知系咪LZ讲嘅果样

思覺失調

原帖由 雪染情人节 於 2008-4-19 00:28 發表 抢屎林刀就听过，好似系一种鱼嘅名，系D涌度好常见，不过就唔知系咪LZ讲嘅果样

 

 

清道夫就聽過…………

外外星人

原帖由 雪染情人节 於 2008-4-19 00:28 發表 抢屎林刀就听过，好似系一种鱼嘅名，系D涌度好常见，不过就唔知系咪LZ讲嘅果样

 

「抢屎舰刀」本来就系乡音，可能我发音唔准确，但系有三个字基本相同，估计你讲嘅同我讲紧嘅系同一样嘢。

外外星人

原帖由 思覺失調 於 2008-4-19 20:50 發表     清道夫就聽過…………

 

有冇可能系同一样嘢呢？其实，我都唔知「抢屎舰刀」个样系点咖！

leis

　　抢屎舰刀？

 

 

舰刀：应该系一种鱼。系啲河冲大把。

 

至于「抢屎舰刀」以前啲人屙咗嘅嘢会直接落河冲，就会一大堆舰刀抢食！

 

你去鱼档口问下有冇舰刀买？　或者去渔具店问有冇舰刀网？

 

 

 

外外星人

原帖由 leis 於 2008-5-12 09:21 發表 　　抢屎舰刀？     舰刀：应该系一种鱼。系啲河冲大把。   至于「抢屎舰刀」以前啲人屙咗嘅嘢会直接落河冲，就会一大堆舰刀抢食！   你去鱼档口问下有冇舰刀买？　或者去渔具店问有冇舰刀网？   &nbs ...

 

当然啦！

heavine

LZ係咪南海人，因为我细个果阵返南海乡下都有听过「强屎喃刀」，係一种好细条嘅鱼仔，田边水沟都会见到

外外星人

原帖由 heavine 於 2008-5-22 14:28 發表 LZ係咪南海人，因为我细个果阵返南海乡下都有听过「强屎喃刀」，係一种好细条嘅鱼仔，田边水沟都会见到

 

我都唔知自己系边庶人，反正呢句话唔系南海音，应该同东莞话有关。

僆仔

原帖由 外外星人 於 2008-4-19 22:15 發表   有冇可能系同一样嘢呢？其实，我都唔知「抢屎舰刀」个样系点咖！

「淋」刀－係一种内河淡水鱼，俾日我拍张相上嚟。

外外星人

好啊！最好整靓张相，顺便可以问埋个学名。