【原创】唔黄，唔暴力D网，你上呀！？

gzshuzha

    【原创】唔黄，唔暴力D网，你上呀！？
    返屋企途中，遇上相熟嘅麻将友，多口问句：「琴晚又赢唔少啦？」答曰：「唔赢，你玩呀？」（不赢，你会玩吗？）听讲过‘文人多大话’，原来赌仔仲多大话，见过招积嘅赌仔，未见过咁招积嘅。好似赢硬（定）咁。赌仔说话唔当得真，只能一笑置之。
    不过呢句话不由得我谂起呢排网上嘅一句流行语：「很黄，很暴力」，出处就系地球人都知道嘞，本来系中央台为**同信息产业部最近发布嘅《互联网视听节目服务管理规定》进行舆论造势而做嘅一条新闻，点知被D网民响短短嘅十几日内，恶搞成2008年网上第一流行语。
    其实响极端压抑嘅现实生活中，网络呢个虚拟世界，畀数以亿计嘅网民一个发泄嘅地方，好有必要。色情同暴力正系最吸引佢哋嘅地方，「黄」唔使讲嘞，暴力其实主要系「语言暴力」，现实生活中边度都搵唔到一度可以拍咗人地砖头，唔使赔汤药费，又唔使走佬咁爽嘅地方。呢个地方，从某种意义上讲，不知为现实世界嘅「和谐」做咗几多贡献，因为佢舒缓咗好多人嘅愤怒同压力。既然书记都话应该畀人讲真话，咁我想讲番句：唔黄，唔暴力D网，你上呀！？

卢总

咁好嘅文章，你唔好话我知，报社嘅书记话唔准登啊！

gboss

嗰班人識飲識食，就系唔識字……

紫凤凰

原帖由 gboss 於 2008-4-7 14:24 發表 嗰班人識飲識食，就系唔識字……

 

冇人話畀你知，佢哋係一群只識甲骨文嘅人咩？

 

（只識甲骨文的人即活在原始時代的人）

卢总

原帖由 gboss 於 2008-4-7 02:24 PM 發表 嗰班人識飲識食，就系唔識字……

重有就系唔识性！