大家可唔可以幫下我？

ngan

大家好，第一張post係度。我係加拿大，我好中意中文ga所以有學！
最近我打中文，想搵套自己識用ge輸入法，畀我搵到黎呢度。但係好可惜，dl左呢度ge輕鬆先發覺唔識打，開頭諗唔明點解，之後先知度原來自己用開ge唔係同一套拼音方案，我用開香港政府方案，一時轉唔到。我想問下大家有冇採用香港政府方案ge廣東話拼音軟體？

睇到呢到大家應該好奇怪我點打中文，其實我只係用緊 http://www.cantoneseinput.com/ 網上ge輸入法，但係我想用一套可以唔實上網都可以打ge。大家可唔可以幫下我？多謝閱讀此post！

[ 本帖最後由 ngan 於 2008-1-19 13:52 編輯 ]

Lucciora

見過你所講嘅輸入法，係一位香港人寫嘅，不過係收費軟件

廣州人喺圖盧茲

如果你用嘅作業系統以下呢幾種嘅話，或者我嘅方法幫倒你：

１）ｗｉｎｄｏｗｓ　ＸＰ或者ｗｉｎｄｏｗｓ　ｖｉｓｔａ

你可以用喺粵協輸入法模塊嘅其中一個專題微軟ｏｆｆｉｃｅ２００７繁體中文版輸入法，呢套輸入法可以用喺所有語言版本嘅ｗｉｎｄｏｗｓ作業系統入便。但有啲字體會顯示唔出嚟，要添加香港政府增補字符集，呢個字符集嘅功能同缺點，你可以喺安裝前先去香港微軟嘅官網嗰度睇吓。

 

２）Ｍａｃ　Ｘ　ＯＳ　１０.４以後版本

基本上唔存在輸入法唔可以使用香港政府拼音方案問題，因為香港政府增補字符集已經加入咗喇。要使用粵語拼音方案，就將語言介面改為繁體中文，然後喺輸入法調整輸入方案就得喇，如果仲係唔識嘅話，打電話到你當地嘅蘋果公司客戶服務熱線問問喇！

 

３）Ｌｉｎｕｘ　Ｕｂｕｎｔｕ或者其他版本

呢個作業系統就比較麻煩尐喇，你先要將語言設定為繁體中文安裝。然後，再下載一套ＳＣＩＭ輸入法嚟安裝，佢嘅拼音方案好似係使用香港政府拼音方案。然後，再安裝香港政府增補字符集。你可以喺香港政府一站通呢個網站下載，Ｌｉｎｕｘ嘅增補字符集唔似微軟版本嗰個噉樣，會同已有字符集衝突。可放心使用！

 

希望以上資訊會幫倒你喇！！

dada

有一個 CantoInput﹐重打得多字過 CantoneseInput。

下載 1.08 版﹕ http://home.comcast.net/~jbmbweb/cantoinput/index.html

唔使安裝﹐解壓後得到 CantoInput.jar ﹐就可以直接打開（需要 Java）。