2007年12月25日《南方都市報》

鑊鑊金

广州播客第206期
同声同气
阿展专栏
　　
　　1.甲：点解圣诞节冇假放嘅？(为什么圣诞节不放假？)

　　乙：过重阳节、端午节，鬼佬都冇假放啦。(就像过重阳节，端午节，老外都不放假啦。)

　　甲：呢两个节好似我哋都冇得放啵。(这两个节日好像我们也不放假的。)

　　——两个青年人在中华广场走出来，边走边聊。

　　2.「冬大过年」其实都系揾个理由大家年尾擦多餐啫，冬点大得过年呀，过年放三日假，冬有冇得放吖？(「冬至大过年」其实都是找个理由大家年尾多吃一顿的意思，冬怎能比年大呢？过年放三天假，冬有假放吗？)

　　——冬至当晚，各大酒楼客满，江南大道一酒楼一个街坊散席时这样说。

　　3.父：仲打机？睇下妈咪想食乜嘢啦。(还玩游戏？看看妈妈想吃点什么？)

　　儿：妈咪，我想食虾饺。(妈咪，我想吃虾饺。)

　　——一对夫妻带儿子上茶楼喝茶，坐下后，儿子还在聚精会神地打游戏机，父亲递给他食品卡，让他给母亲拿点心，儿子却这样说。

http://www.nanfangdaily.com.cn/southnews/dd/dsb/B15/200712250687.asp

鑊鑊金

                                                                         广州播客第206期
同声同气
阿展专栏
　　
　　1.甲：点解圣诞节冇假放嘅？(为什么圣诞节不放假？)

　　乙：过重阳节、端午节，鬼佬都冇假放啦。(就像过重阳节，端午节，老外都不放假啦。)

　　甲：呢两个节好似我哋都冇得放噃。(这两个节日好像我们也不放假的。)

　　——两个青年人在中华广场走出来，边走边聊。

　　2.「冬大过年」其实都系揾个理由大家年尾刷多餐啫，冬点大得过年呀，过年放三日假，冬有冇得放阿？(「冬至大过年」其实都是找个理由大家年尾多吃一顿的意思，冬怎能比年大呢？过年放三天假，冬有假放吗？)

　　——冬至当晚，各大酒楼客满，江南大道一酒楼一个街坊散席时这样说。

　　3.父：重打机？睇下妈咪想食乜嘢啦。(还玩游戏？看看妈妈想吃点什么？)

　　儿：妈咪，我想食虾饺。(妈咪，我想吃虾饺。)

　　——一对夫妻带儿子上茶楼喝茶，坐下后，儿子还在聚精会神地打游戏机，父亲递给他食品卡，让他给母亲拿点心，儿子却这样说。

http://www.nanfangdaily.com.cn/southnews/dd/dsb/B15/200712250687.asp

鑊鑊金

冬至点解唔「冻」至

粤讲粤俗
Pippo阮
　　
　　今朝六点几起身，发觉个天好似都重未光噉；揭开日历一睇：噢，又就嚟到冬至喇。

　　冬至系廿四个节气之一。至，有「极」、「最」之意，冬至其实就系「冬季到咗极点」嘅意思。冬至之前，太阳喺天空嘅视轨道系不断噉偏向南去，所以我哋喺北半球嘅人会觉得日头一日比一日短。而冬至之后太阳慢慢返翻北面嚟，日头就长翻。因此呢几日就可能会感觉天光得比较迟。

　　我哋好重视冬至呢个节日，重有句俗话叫「冬大过年」添。以前一早起身各家各户就去劏鸡杀鸭，备好蔬果、酒肉、糕点、汤丸等等用嚟拜祭祖先。依家工作繁忙，生活节奏紧张，可能好多人就唔会搞咁多嘢嘞。不过都尽量一家人聚埋一齐，烧吓衣紙，团团圆圆噉食餐饭。我就好期待呢一日，有咩传统都唔重要，最紧要系有个机会畀大家欢聚：叔伯长辈就讲吓工作、同辈兄妹就倾吓学习……噉先系生活啊嘛。

　　关于冬至，广东重有唔少讲法。好似「干冬湿年」：冬至晴天，春节会有阴雨，冬至落雨，春节多会晴朗。另有「冬在初，冷不多；冬在尾，卖咗黄牛嚟置被。」可见冬至嘅变化对一年嘅气候会有重大影响。不过话时话，点解就嚟到冬至嘞都重唔系好冻嘅？听讲今年12月嘅平均气温系近几年嚟最高嘅，唔少人亦都觉得依家广州越嚟越冇冬天嘅感觉。我哋人类自己搞出嚟嘅温室效应已经越嚟越明显，大自然嘅报应要我哋自己鲠翻。保护环境好紧要，希望以后冬至真系可以「冻至」啦！

http://www.nanfangdaily.com.cn/southnews/dd/dsb/B15/200712250686.asp

鑊鑊金

冬至点解唔「冻」至

粤讲粤俗
Pippo阮
　　
　　今朝六点几起身，发觉个天好似都重未光噉；揭开日历一睇：噢，又就嚟到冬至喇。

　　冬至系廿四个节气之一。至，有「极」、「最」之意，冬至其实就系「冬季到咗极点」嘅意思。冬至之前，太阳喺天空嘅视轨道系不断噉偏向南去，所以我哋喺北半球嘅人会觉得日头一日比一日短。而冬至之后太阳慢慢返翻北面嚟，日头就长翻。因此呢几日就可能会感觉天光得比较迟。

　　我哋好重视冬至呢个节日，重有句俗话叫「冬大过年」添。以前一早起身各家各户就去劏鸡杀鸭，备好蔬果、酒肉、糕点、汤丸等等用嚟拜祭祖先。依家工作繁忙，生活节奏紧张，可能好多人就唔会搞咁多嘢嘞。不过都尽量一家人聚埋一齐，烧下衣紙，团团圆圆噉食餐饭。我就好期待呢一日，有咩传统都唔重要，最紧要系有个机会畀大家欢聚：叔伯长辈就讲下工作、同辈兄妹就倾下学习……噉先系生活吖嘛。

　　关于冬至，广东重有唔少讲法。好似「干冬湿年」：冬至晴天，春节会有阴雨，冬至落雨，春节多会晴朗。另有「冬在初，冷不多；冬在尾，卖咗黄牛嚟置被。」可见冬至嘅变化对一年嘅气候会有重大影响。不过话时话，点解就嚟到冬至嘞都重唔系好冻嘅？听讲今年12月嘅平均气温系近几年嚟最高嘅，唔少人亦都觉得依家广州越嚟越冇冬天嘅感觉。我哋人类自己搞出嚟嘅温室效应已经越嚟越明显，大自然嘅报应要我哋自己鲠翻。保护环境好紧要，希望以后冬至真系可以「冻至」啦！

 

鑊鑊金

失败嘅嗱喳面(《食神》片段)

粤讲粤白
□Ungoo　Chan
　　
　　【剧情】

　　史提芬周喺火鸡姐嘅面档叫咗碗嗱喳面之后，开始狂踩。
　　
　　【对白】

　　史提芬周：碱水面冇过冷河①，所以成碗汤有碱水味。鱼蛋亦都冇鱼味，但系你为咗掩饰，专登加啲咖喱汁将佢做成咖喱鱼蛋，但系噉做太天真嘞，因为你煮嘅时间唔够，咖喱味根本只系喺表面，而冇入到里边，掂到汤之后重要冲走埋。好好地一粒咖喱鱼蛋，畀你整到冇鱼味亦都冇咖喱味，失败！萝卜冇拣过啦，太多渣，失败！猪皮又煮得太腍，冇咬口呀，失败！啲猪红松泡泡，一夹就散，失败中嘅失败！最惨系啲大肠，里面都未通干净，重有嚿屎，你有冇搞错呀？(火鸡埋头做嘢)

　　史提芬周：喂！屎呀喂！……(一连嗌咗三次火鸡先理佢)

　　火鸡：攞去抆咗佢吖②！(递厕纸畀史提芬周)

　　史提芬周：唔好咁幽默好?！我四围唱你有屎口架?！

　　火鸡：唱乜鬼嘢呀！话明嗱喳面③有两嚿屎有几咁奇呀？廿三文呀！

　　史提芬周：你畀我呀？

　　火鸡：嘘！

　　史提芬周：畀下面啦！话晒都食神呀！

　　火鸡：食神？

　　史提芬周：食神！

　　(两人对望良久)
　　
　　【注解】

　　①将煮过嘅食物用冷水或冰水略冲洗一下，再继续炒煮，令其更爽口。过冷河系一种常见煮食方法，特别适合于煮面。

　　②「抆」通常同「屎」搭配，只限用于人身上。戏中火鸡叫史提芬抆条猪肠，系对佢最大嘅讽刺。「屎尿屁」用得适当，都可以搞笑而唔俗。

　　③嗱喳面即杂碎面，包括鱼蛋、猪红、猪皮、萝卜和猪大肠等配料，睇上去纳纳集集，显得好「嗱喳(唔干净)」。

 

http://www.nanfangdaily.com.cn/southnews/dd/dsb/B15/200712250684.asp

鑊鑊金

失败嘅嗱喳面(《食神》片段)

粤讲粤白
□Ungoo　Chan
　　
　　【剧情】

　　史提芬周喺火鸡姐嘅面档叫咗碗嗱喳面之后，开始狂踩。
　　
　　【对白】

　　史提芬周：碱水面冇过冷河①，所以成碗汤有碱水味。鱼蛋亦都冇鱼味，但系你为咗掩饰，专登加啲咖喱汁将佢做成咖喱鱼蛋，但系噉做太天真嘞，因为你煮嘅时间唔够，咖喱味根本只系喺表面，而冇入到里边，掂到汤之后重要冲走埋。好好地一粒咖喱鱼蛋，畀你整到冇鱼味亦都冇咖喱味，失败！萝卜冇拣过啦，太多渣，失败！猪皮又煮得太腍，冇咬口呀，失败！啲猪红松泡泡，一夹就散，失败中嘅失败！最惨系啲大肠，里面都未通干净，重有嚿屎，你有冇搞错呀？(火鸡埋头做嘢)

　　史提芬周：喂！屎呀喂！……(一连嗌咗三次火鸡先理佢)

　　火鸡：攞去抆咗佢吖②！(递厕纸畀史提芬周)

　　史提芬周：唔好咁幽默好?！我四围唱你有屎「口架」（ ?  ）?！

        （呢啲组合嘅字我觉得加个双引号好啲）

　　火鸡：唱乜鬼嘢呀！话明嗱喳面③有两嚿屎有几咁奇呀？廿三文呀！

　　史提芬周：你畀我呀？

　　火鸡：嘘！

　　史提芬周：畀下面啦！话晒都食神呀！

　　火鸡：食神？

　　史提芬周：食神！

　　(两人对望良久)
　　
　　【注解】

　　①将煮过嘅食物用冷水或冰水略冲洗一下，再继续炒煮，令其更爽口。过冷河系一种常见煮食方法，特别适合于煮面。

　　②「抆」通常同「屎」搭配，只限用于人身上。戏中火鸡叫史提芬抆条猪肠，系对佢最大嘅讽刺。「屎尿屁」用得适当，都可以搞笑而唔（不）俗。

                   （ 用「不」可能会好啲）

　　③嗱喳面即杂碎面，包括鱼蛋、猪红、猪皮、萝卜和猪大肠等配料，睇上去纳纳集集（杂杂？），显得好「嗱喳(唔干净)」。

          （用集定杂 ？ 我觉得两个嘅意思都讲得通）

 

[ 本帖最後由 鑊鑊金 於 2007-12-25 21:28 編輯 ]

Lucciora

原帖由 鑊鑊金 於 2007-12-25 21:14 發表 冬至点解唔「冻」至粤讲粤俗Pippo阮　　　　今朝六点几起身，发觉个天好似都重未光噉；揭开日历一睇：噢，又就嚟到冬至喇。　　冬至系廿四个节气之一。至，有「极」、「最」之意，冬至其实就系「冬季到咗极点」嘅意思。冬至之前 ...

 

粵語本身就係用「吓」，用「吖」「啊」「呀」暫時冇明確規定

huang

原帖由 Lucciora 於 2007-12-25 23:20 發表   粵語本身就係用「吓」，用「吖」「啊」「呀」暫時冇明確規定

 

你噉講就唔啱喇！

我唔理你係唔係粵語嘅問題！

整篇文章都係簡體字 你整隻「吓」字出嚟算點？

 

簡體字「吓」係乜意思？

至於「 啊、 呀」 呢啲只要音啱嘅話我係唔會理佢嘅！

 

 

pippo

我都想喺報紙度出繁體，不過唔得啫。