取消漢字嘅弊端

dulp

取消漢字嘅弊端:

 

1. 好多同音異義字無法區分, 如果要用粵文寫嚴謹嘅學術著作, 呢個問題好大.

2. 失去文化傳承. 大量中文古籍喺Mandarin誕生之前已經存在咗幾千年, 渠哋並非專屬於Mandarin. 比Mandarin更接近古漢語嘅粵語有乜理由自動放棄繼承權呢?

如果取消漢字, 諸如《大粵文化史話》、《每日一句與粵語有關之古詩詞》呢類大作, 粵人自己都睇唔明, 點辦? 到時粵人畀人笑冇文化, 都唔知點反駁.

3. 粵語(Cantonese Language)由漢字同粵音組成, 取消漢字即系摧殘粵語.

4. 粵人全部變文盲, 要重新學過, 代價好大.

其它, 請各位補充.

有D人仲系受洗腦宣傳影響, 以為另立一個民族、廢除漢字, 就可以保護粵音. 睇下西藏同雲南啦, 系無可爭議嘅少數民族嘞啩, 咪一樣系Mandarin橫行?! 你就算符合曬CCP定嘅標準又點? 渠會同你講道理咩?

其實同一民族都可以有好多種語言, 聯合國都正式承認粵語系 Language 啦!

本來我哋應該一致對外抵抗Mandarin嘅, 而家內部有人話要廢除漢字嚄, 搞到又要同渠哋辯論一餐, 浪費時間精力、削弱自己嘅力量.

要保護粵語, 就應該多D去喚醒群眾. 搞埋D咩廢除漢字根本係有害無益. 就算你廢除曬漢字兼且認正自己系越族, 咁又點? CCP照對你推普!

英國、美國、加拿大、Australia等國都用英文, 但渠哋都系獨立嘅國家, 點解?

問題嘅本質喺邊度, 唔通仲睇唔清?

芬1012

漢字有大把資源，十幾億人支持，你驚犋會消失咩，不如擔心下越音好過啦。

 

冇人話要取消漢字，亦都冇人有能力取消，OK？

 

你有冇試過正正經經用粵文粵音發過一條手機短信呢？係唔係噉咖：「距地D細路黎佐呢度，又去佐果度」？

唔知有冇人笑你呢又？

 

你試下唔睇電腦，用枝筆寫你上便嗰篇嘢試下，睇下邊個即刻變文盲？（你唔好唔記得你已經學咗幾十年咖喇）

huang

原帖由 芬1012 於 2007-12-13 14:28 發表 漢字有大把資源，十幾億人支持，你驚犋會消失咩，不如擔心下越音好過啦。   冇人話要取消漢字，亦都冇人有能力取消，OK？   你有冇試過正正經經用粵文粵音發過一條手機短信呢？係唔係噉咖：「距地D細路黎佐呢度，又去佐果度 ...

滙賢恭會

應該係可以嘅，就睇有冇人去做一個可以適應各種型號嘅手機粵語字輸入法軟件裝返入手機去

walkman2k

如果取消咗漢字, 粵人學語文都會成為嚴重問題!!

滙賢恭會

原帖由 walkman2k 於 2007-12-13 19:31 發表 如果取消咗漢字, 粵人學語文都會成為嚴重問題!!

 冇錯啦，漢字係東方嘅文化，東方人應該要保護自己嘅文化，要俾到自己傳統嘅文化行上現代先至係我哋東方人嘅驕傲！證明東方人亦都有能力！如果東方人嘅文字跟西方人行西方化，就實在係講唔過去喇！

粵嚟粵掂

對撈嚟講，取消漢字嘅唯一弊端：就係佢好難再對非撈話區進行文化滲透同文化控制，從而影響佢哋喺呢啲地方嘅殖民根基！

粵嚟粵掂

原帖由 dulp 於 2007-12-13 11:41 發表 英國、美國、加拿大、Australia等國都用英文, 但渠哋都系獨立嘅國家, 點解?

 

 

 

妳識講呢句嘢就得喇！

 

妳點解又唔識將呢句嘢笠落「中國」度呢？

 

粵(Cantonese)；閩(Hokkienese)；臺(Taiwanese)；福(Foochowese)；甌；吳(Wu)；贛(Gan)；湘(Hunanese)；徽；川；晉；秦；齊；魯；燕；趙；魏；楚；宋；涼；滿洲 ...... 都係講「漢語」嘅，噉點解佢哋係都要綁埋一齊？唔可以好似英、美、加、澳、紐噉分開各自獨立成國呢？！！

 

 

粵嚟粵掂

原帖由 滙賢恭會 於 2007-12-19 23:18 發表  冇錯啦，漢字係東方嘅文化，東方人應該要保護自己嘅文化，要俾到自己傳統嘅文化行上現代先至係我哋東方人嘅驕傲！證明東方人亦都有能力！如果東方人嘅文字跟西方人行西方化，就實在係講唔過去喇！ ...

 

 

 

噉請問閣下：越南，泰國，緬甸，印尼，馬來西亞，寮國，柬埔寨，菲律賓，蒙古，西藏，印度，孟加拉，尼泊爾，斯里蘭卡，不丹，又算係乜方呢？

粵嚟粵掂

原帖由 walkman2k 於 2007-12-13 19:31 發表 如果取消咗漢字, 粵人學語文都會成為嚴重問題!!

 

 

如果取消咗「漢字」, 粵人學「漢語文」都會成為嚴重問題！

 

呢個當然喇！之但係我哋係粵民族嚟啵！點解要學漢族殖民者嘅語文呢？！！

 

我哋呢一脫同我哋嘅上一脫人係自細被迫要接受漢族殖民者嘅奴化教育，要被迫接受佢哋嘅語音，佢哋嘅文字，唔通我哋好希望我哋嘅下一脫又好似我哋噉咩？