廣府文化之--煲湯

cengsan

　煲湯不同滾湯。滾湯易，煲湯難。廣東館子的特色正在於煲湯而非滾湯。若乎滾湯，則四川菜蘿蔔肉片，湖南菜雞湯滾生魚片，皆不輸於粵廚，甚且可謂淩駕其上。

許多人以為煲湯乃易事，將一應配料齊齊下煲，加水煲之哉，便以為是煲湯矣，一旦煲四五個小時，便自稱「老火靚湯」焉，真的笑煞人也。要煲一煲靚湯，湯料如何整治乃第一要務。例如節瓜煲豬肉，節瓜是橫切抑或直切，都有學問。又如煲節瓜，必須去瓜仁，而煲老黃瓜則須帶瓤，連瓜仁一齊煲。倘一部通書看到老，便不知煲湯的竅妙。

用江瑤柱煲瘦肉，煲至火路足，須將瘦肉用筷子拆散，再文火煲之，然後湯始無瑤柱的腥味。倘只將豬肉切件來煲，湯雖鮮，必仍帶腥。若加胡椒辟腥，那麼整煲湯就立刻變質，由滋陰變成燥火。這類知識，光靠看食譜來煲湯的主婦，一定不識，因為連寫食譜的人，煲出來的湯都未必靚也。

 

 

王亭之

飛鳥

捞埋一齐褒可能破坏晒啲营养成份不单止，重可能好鬼拗味。冇益

tonybean

煲湯確實係一門學問，營養豐富，滋補養顏，老少咸宜～

 

燒肉係熱氣嘅，但系做成「冬瓜炆火腩」就變咗聚火

外外星人

煲三炖四

中医讲究：补不足而泻多余

不关云和月

听闻老火汤冇乜益，少喝为妙。

我阿媽個女

聽講，女人要綁住男人個心，就一定要識煲湯~~~

正所謂老婆靚湯，湯靚就老婆正~~~~

所以，我煲湯係有一手嘅~~~

外外星人

九阴真经开篇第一句就系：天之道，损有余而补不足。

而家新生代对中医理论知之甚少，下下以为营养第一，殊不知中医讲究嘅系：君臣佐使，常变裁化，配伍得当；攻补有度，攻不伤正，补不碍邪。

话老火汤冇营养、冇益，系未参透阴阳调和，五行相生相克之理。

Jean

至鍾意廣（粵）式嘅靚湯~~~~非常之入味！

廣府之煲湯文化確係令人稱絕！

外外星人

Jean系识饮识食

 

讲饮、讲食、讲排场，梗系外外星人最似样！（加返呢句先）

[ 本帖最後由 外外星人 於 2008-7-2 13:10 編輯 ]

cingsan

一般少婦煲嘅，少飲為妙！！都唔落得肚嘅…阿媽級人物先至正…起碼廿年經驗…

我阿媽個女

原帖由 外外星人 於 2008-7-2 13:08 發表 Jean系识饮识食   讲饮、讲食、讲排场，梗系外外星人最似样！（加返呢句先）

 

E~！E~！有我份添喔~！！

o0o冰茶ooo

原帖由 cingsan 於 2008-7-2 14:53 發表 一般少婦煲嘅，少飲為妙！！都唔落得肚嘅…阿媽級人物先至正…起碼廿年經驗…

 

甘啊妈级个廿年经验都系由少妇时代开始啦。。。唔通个阵煲出黎都倒晒咩。。。

外外星人

原帖由 o0o冰茶ooo 於 2008-7-14 14:39 發表   甘啊妈级个廿年经验都系由少妇时代开始啦。。。唔通个阵煲出黎都倒晒咩。。。

 

少妇都可以有经验嘅，自细跟阿妈学咪得啰！ 饮得落肚唔好嘥吖嘛！