卢总教识字：系、係、喺

卢总

　　卢总教识字？有冇搞错？

 

　　冇搞错！当然系冇搞错啦！随住时代嘅发展，「正字运动」嘅推进，「卢总有嘢讲」同埋「粤语协会」越来越多人认识，越来越多人加入广州话同粤文化嘅研究、推广、普及嘅行列当中，呢个正系我哋所希望嘅。不过可惜在，好多人经常写错字、乱用字，睇到人啼笑皆非，有时甚至可以用「惨不忍睹」嚟形容！卢总身为「错字误音澄教署」正字局常委，为咗改变呢种局面，觉得好有必要开一啲专题，教育各位应该点样正确用字。因此就有呢个「卢总教识字」嘅专题诞生，呢个专题将会归入去「畅谈广州话」里面，希望各位多多支持啦！

 

　　喺广州话里面，通常都比较少讲「是」，一般会讲「系」，例如「确系如此」。

 

　　有时啲人会写个「係」字－－有冇错呢？如果你通篇都系繁体字嘅话噉就冇错，否则你就系犯咗「简繁混用」嘅错误。噉即系话，「係」字乃表示「是」嘅「系」字嘅繁体。大家以后唔好再捞乱嚟用嘞！

 

　　另外一个我哋经常会用到嘅，就系个「喺」字嘞。「喺」字读「系」嘅第二声，系表示「在」嘅意思，有时啲人会用个「响」字。所以当你见到「我喺广州人」嘅时候，你会有咩感觉？「我在广州人」？咩意思啊？无厘头啰！错啰！唔系重有咩啊？

 

　　所以希望大家睇完呢篇教程之后，唔好再犯呢啲错误，唔好再周围话自己「喺广州人」，否则，人哋真系唔知你想点！

卢总

「卢总教识字」今日系第一次出街，希望大家以后对呢个专题多多捧场，并且唔好再乱用字、写错字！

 

http://general-lo.blogcn.com/diary,12002957.shtml

用心宁听

支持呀```

其实啲人可能唔系唔知，祗系觉得好睇先至用!

但系就唔知点解啲人咁钟意用形近字`````

 

卢总

补充一下：

「喺」字嘅拼音系「ＢＥＩ」或者「ＸＩ」，五笔系「ＫＷＴＩ」，仓颉系「ＲＯＨＦ」，粤拼轻松输入法就系「ＨＡＩ６」。

[ 本帖最後由 卢总 於 2007-11-18 11:31 編輯 ]

紫凤凰

呵呵，越來越多人識會唔會係因為「廣告做得好，錢銀有排數」。

卢总

「广告」就冇乜点做，因为我哋唔系地产商、汽车制造商、食品制造商……

如果你发动多啲人一齐捐钱支持呢个文化保护推广事业嘅话，相信啲钱银系有牌数嘅－－但系我哋数完钱之后，会继续将呢啲钱投落去呢个文化事业里面，而唔系袋入自己个袋里面！

卢总

原帖由 用心宁听 於 2007-11-17 04:48 PM 發表 支持呀``` 其实啲人可能唔系唔知，祗系觉得好睇先至用! 但系就唔知点解啲人咁钟意用形近字`````  

 

个原因我分析咗一下，你睇下我讲得啱唔啱－－

 卢总教识字：吾、唔、晤、悟、梧、吴、五、５……

http://general-lo.blogcn.com/diary,12023890.shtml

粵嚟粵掂

原帖由 卢总 於 2007-11-17 21:18 發表 补充一下：「喺」字嘅拼音系「ＢＥＩ」或者「ＸＩ」，五笔系「ＫＷＩＴ」，仓颉系「ＲＯＨＦ」，粤拼轻松输入法就系「ＨＡＩ６」。

 

我喺度再補充：

 

港版粵拼「喺」字嘅拼寫係「ＨＡＩ６」；而撈話拼音則係「ＢＥＩ」或者「ＸＩ」。

粵嚟粵掂

原帖由 卢总 於 2007-11-17 22:08 發表 「广告」就冇乜点做，因为我哋唔系地产商、汽车制造商、食品制造商…… 如果你发动多啲人一齐捐钱支持呢个文化保护推广事业嘅话，相信啲钱银系有牌数嘅－－但系我哋数完钱之后，会继续将呢啲钱投落去呢个文化事业里面，而唔系袋 ...

 

呢樣嘢我會信嘅。

huang

原帖由 卢总 於 2007-11-17 21:18 發表 补充一下：「喺」字嘅拼音系「ＢＥＩ」或者「ＸＩ」，五笔系「ＫＷＩＴ」，仓颉系「ＲＯＨＦ」，粤拼轻松输入法就系「ＨＡＩ６」。

 

盧總你錯嘞

 

五筆碼係 kwti

卢总

嗯，改咗，多谢提醒！

羊城惜花人

仲有個「繫」都好多人搞錯~

合格豬

真係好實用啊，喺到等緊你下次教識字。

rocketsgoods

原帖由 卢总 於 2007-11-17 22:08 發表 「广告」就冇乜点做，因为我哋唔系地产商、汽车制造商、食品制造商…… 如果你发动多啲人一齐捐钱支持呢个文化保护推广事业嘅话，相信啲钱银系有牌数嘅－－但系我哋数完钱之后，会继续将呢啲钱投落去呢个文化事业里面，而唔系袋 ...

點解你打 「有牌」嘅，唔係應該打「有排」咩？我睇香港電影啲字幕好似係咁。