釣泥鯭

李四

剛聽香港電台第二台問：
香港的士行業所謂『釣泥鯭』係乜意思、出處係點？

主持人講錯咗個出處。考下大家，有冇人知道？
十月三十一日晚開估！！

barryshawn

詞源

「泥鯭的」一語最初源自釣泥鯭此項活動。釣泥鯭與一般釣魚稍為不同，因泥鯭習慣成群覓食，有見及此，有人便以八捋鈎（即將八隻魚鈎同時繫在魚線上）來釣魚，不時會一次過釣到好幾倍的泥鯭。於是的士業內便以此情形借喻部份的士司機的此類行為，叫作「釣泥鯭」，而又引伸出「泥鯭的」一詞。

 

 

「泥鯭的」（全稱「泥鯭的士」，有時稱作「泥的」）是香港的士（香港的計程車）的非法載客模式之一，開始於1980年代，指的士司機在不遵守計程器收費的情況下接載多名各不相識的乘客前往相若目的地以另收一個指定價錢。乘客一般只需付比平常少的價錢，司機則可收取多人的付費而得到比平時多的收入。

 

香港以外地區

「泥鯭的」是香港對此類不按咪錶載客計程車的稱呼，然而世界各地如中國大陸、台灣部份地區亦有相似的情況。在中國大陸，一般被媒體稱為「拼車」或「合乘」，如「拼計程車」、「拼的士」、「合乘計程車」、「合乘的士」等。在廣東珠三角一帶，又俗稱「買位」，通常是每個城市都有幾個的士聚集的地方，一般是招攬長途客，等滿了3-4個乘客時便開車，譬如在廣州的洛溪橋附近、珠海的上沖檢查站、中山的博愛醫院附近也有。甚至連英國北愛爾蘭的貝爾法斯特也有這種情?發生。於繁忙時間，在主要道路(尤其 Lisburn Road 及 Ormeau Road)的嚴重交通擠塞以致巴士班次變得非常不準時；和星期日的巴士，鐵路班次疏落，都為北愛爾蘭的泥蜢的士造就了「絕佳」的「生存空間」。

這些現象一般出現在市區地方，兼有熱鬧夜生活的地方，看準日間公共運輸的不足以形成，同時也需要有一批對前往相近目的地有需求的乘客。但是，不少城市在深夜仍可提供可合法議價的出租車服務，因而杜絕了此問題。

李四

香港電台個主持人就係講呢個答案。
唔好意思，答案錯！！
再估！！

李四

居然冇其他答案，唔通呢個問題真係咁難？延期一日至開估！！
比少少貼士大家，泥鯭的（泥鯭的士）係海底隧道開通之後至出現，最初只係過海的士（即九龍去香港，或香港去九龍）。

李四

雖然冇人估，但係都要開估

話說香港未有海底隧道前，香港島的士好少過九龍，九龍的士亦好少過香港島，所以港區司機唔熟九龍路，反之，九龍司機亦唔熟港區路。海底隧道通車，的士過海（即由香港島過九龍或由九龍過香港島）後，司機都會想返對面海，但空車返去會白交隧道費。所以佢地會冚旗停喺銅鑼灣、灣仔、旺角、佐敦固定地點等客過海，由於搭的士過海唔平，為咗想吸引乘客，司機諗到點到點每位乘客收費，例如旺角去灣仔，每位收十五，齊五個乘客就開車。
呢啲的士由於都係載客過海，大家都叫『過海』的，司機大佬講下講下，再演變成『吊泥鯭過海』，後來大家就叫呢啲的士做『泥鯭的』。至於『吊泥鯭過海』係乜？識廣東粗口就知點解。