關於粵語在綫字典嘅建議

danielairy

粵語文字化可以話係由互聯網普及之後先成為每個人都要諗嘅問題,尤其係想用粵語寫blog,講msn同喺論壇留言.大家嘅粵字寫法唔同,係正常嘅事.我覺得粵字嘅發展應該用約定俗成嘅規則,而家話邊個字係現代粵語正字仍然言之尚早.所以,我建議將粵語在綫字典裡面嘅"常見錯寫"項改為"其他寫法"或者"亦作"之類,因為到目前為止冇人有咁大權威可以話人寫錯.

Lucciora

其實呢，我哋都有諗過，但工作量太大，而且有啲字衆說紛紜，各持己見，比較難辦

huang

原帖由 danielairy 於 2007-10-18 09:22 發表 粵語文字化可以話係由互聯網普及之後先成為每個人都要諗嘅問題,尤其係想用粵語寫blog,講msn同喺論壇留言.大家嘅粵字寫法唔同,係正常嘅事.我覺得粵字嘅發展應該用約定俗成嘅規則,而家話邊個字係現代粵語正字仍然言之 ...

 

約定俗成嘅規則都要睇下邊啲先得！如果啲人因為懶或者其它原因將個「嘅」字用「既」代替， 你可以睇下呢個字嘅使用率！ 唔知呢個當唔當約成俗成呢？？

danielairy

其實我地揀做代表嘅字已經表示咗我地覺得咁寫最好啦.懶人寫法唔收錄就得啦.
不過有人嘅寫法有佢嘅道理.好似有人反對口字邊做字,覺得係一種唔負責任嘅造字法,所以連啲字都寫做"的",因為粵語嘅的字只係詞語先有,唔會造成混亂.好似呢啲咁真係有排抝.

danielairy

第二個建議,唔想開新版喇
粵語在綫字典有冇諗過收錄埋一個字嘅其他發音?
例如"唔"可以讀n4/ng4,奀可以讀nan1,扤可以讀zat1,拗可以讀naau3...
有啲可能係我嘅錯音,但係同字同意思但係音差少少嘅都唔少.