粵語嘅復數

芬1012

以前有人話粵語冇復數形式，滿大人就有。大家都知道啦，滿大人嘅復數形式就係喺個名詞或者代詞后邊加個「們」字，而呢個「們」字喺古文入邊其實係冇嘅，究竟幾時造咗呢個「們」字出嚟嘅呢？就真係佢哋至知嘞。

 

滿大人嘅「們」字一般只可以用喺「人」或者「擬人」嘅詞后邊，譬如：人們，同志們。「雞們」、「老鼠們」，或者都得嘅。「車們」、「桌們」、「東西們」，就唔得咖呵。

 

粵語喺對于人嚟講，如果係對住眾人講嘢，就會講「各位女士、各位先生」，「諸位」、「咁多位」。當然，如果係人稱代詞，就係「你哋、我哋、佢哋」啦。

 

而對于所有嘢，一般嘅、最簡單最易學嘅，就係喺名詞前邊加個「啲」字，乜嘢名詞都得。

 

「啲人」、「啲車」、「啲枱」、「啲牛」、「啲嘢」……

 

—— 你揾緊乜嘢啊？

—— 啲牛。（我揾緊啲牛。）

JUMPSEY

係複數，唔係復數。

芬1012

多謝更正。

vfshurmher

支持~~~~~~

cyqing

粵語嘅表達的確係比普語更加豐富！

芬1012

而家搭車，聽到啲報站器係噉講嘅：乘客們，請你們從后門落車（甚到有啲講成係「下車」添），噉樣講係錯嘅。

 

應該噉講至啱：請要落車啲乘客從后門落車。

highyun

原帖由 芬1012 於 2007-10-28 21:17 發表 而家搭車，聽到啲報站器係噉講嘅：乘客們，請你們從后門落車（甚到有啲講成係「下車」添），噉樣講係錯嘅。   應該噉講至啱：請要落車啲乘客從后門落車。 ...

 

報站呢啲嘢，只要講清楚問題嘅話，越簡短越好，如果你喺香港，只會聽到「請從後門落車」。講多無謂。

中二仔

"哋"卽係等字

李四

原帖由 芬1012 於 2007-10-28 21:17 發表 而家搭車，聽到啲報站器係噉講嘅：乘客們，請你們從后門落車（甚到有啲講成係「下車」添），噉樣講係錯嘅。   應該噉講至啱：請要落車啲乘客從后門落車。 ...

『后』門落車？？
係唔係『帝』門上車？

小狼

其實個「們」字應該大約係五四時期先產生嘅， 對應西方語言嘅複數格， 不過只係喺代詞之後先用得， 即係「我們」、「你們」、「他／她／牠／它們」。 最多加多個不定指嘅「人們」。

「老師們」、「同學們」、「同志們」等， 學者指出係錯誤嘅， 只不過上面（大陸地區）用得太濫嘞" border="0">

至於「貓們」、「雞們」，就算係擬人化，都一樣好怪雞。

中二仔

們字至少明朝就有.

<正字通>都有載............

你眞係覺得全國都有人用嘅辭會咁遲出現???