喺粵協發表高論，係咪應該自覺用粵語行文？

粵嚟粵掂

喺粵協發表高論，係咪應該自覺用粵語行文？

 

尤其係“管理階層”，係咪應該以身作則嚟弘揚我哋嘅母文呢？

柳寻风

语言文字只系用嚟表达自己嘅情感。。。个人认为只要清楚同准确表达自己嘅意思就得喇。。。汗喔，尽量啦。。。

huang

其實呢個要睇下係乜嘢情況同場合先得嘅。

护粤人士

正規同公開場合一定要用粵語, 就系咁簡單.

中二仔

喺粵協發表高論喎,自然唔用都唔得啦.

大雄

重使讲，肯定要喇！

gboss

既然我有权用粤语行文，何解冇权去用书面语？再唔係用番文都得咖，我思故我在；我思う、故に我あり；Cogito, ego sum；Je pense, donc je suis……唔係咩吖！

余OK

　　豈止要用粵語行文？自己做得嚟嘅，都應該採用最清純嘅「雅言」，而唔係赤化過嘅粵音普語，一齊行動！

xiss

我係選擇咗「一定要」嘅，但係我嘅態度係：
1。要求自己喺絕大多數情況下使用繁體粵文，喺部分情況下使用簡體粵文，喺少數情況下使用正規書面語，全力杜絕使用撈語嘅情況。
2。對於他人，不強求對方用繁體字，對方偶然使用正規書面語時不干涉，對方長期唔用粵文時加以關注，對方使用撈語立即加以勸止！！

以上態度基於：
1。粵人唔單止應該喺口頭上講粵語，即使喺書面語時亦都應該使用粵文，因爲一種語言嘅書面化係一種語言走向現代化規範化嘅首要條件。
2。但基於粵文尚未得到官方正式承認，喺日常正式場合唔使用正規書面語的確係強人所難，所以粵人冇可能亦都冇必要同正規書面語劃清界限。因爲正規書面語作爲一種通用工具，如果粵人唔考慮實際情況盲目排斥，只會令到自己固步自封，且亦都與粵人傳統嘅「實用主義」相悖。其次，正規書面語喺整個中華文化圈裏面嘅通用語言，唔係撈人專屬，粵人作爲中華民族嘅一員，亦都唔應該唔去學習好掌握好自己國家嘅通用書面語。
3。撈語既非全中華民族所屬，亦非正規書面語，更非粵文化之所屬，所以粵人完全冇必要亦都完全冇理由去學習或者使用撈語。

Jean

呢幾個選項，我無從落手，所以我唔選。

我嘅觀點為：唔好將目標宗旨定為要求，每人根據自己能力盡力即可。

呢處嘅成員應當包容各區嘅人士，而唔單止粵語區。除咗以粵語為母語之士，其他人嘅粵語能力各不相同，所以對於非粵語區人，以「盡力以粵語行文」要求之較為妥當。即使係粵語區人士，我相信各人嘅行文水平同文字修為都有落差，只要不停學習就會進步，盡力即可。

丹尼王子

我就覚得版友発言就最好唔一定啦，因為可以令到更多唔識/唔多識粵語の網友都可以参与！！ 從而更能推広到粵語文化！！ [ 本帖最後由 丹尼王子 於 2009-8-16 06:05 編輯 ]

逸定軒

法西斯啊吓，人地中意用咩就用咩

 

 

对一华

除非有比较确定的正字，不要动不动就加一个口字。

myforum

點樣投票架