[求助][討論]

滙賢恭會

《香港语言学学会粤语拼音方案》仲有兩個韻母點解釋?？“en”韻母同“oet”韻母，輕鬆粵語都用唔到?！！！???

JUMPSEY

呢兩個韻母喺口語中存在，但係喺流傳落嚟嘅漢字中冇邊個係發呢兩個音嘅，係典型嘅有音無字嘅韻母。因為有音無字，所以喺以輸入漢字嘅輕鬆粵語輸入法度就用唔上喇，但係喺討論詞彙發音嘅時候重係有作用嘅。

比如 en，依家諗到嘅有一個英語音譯詞send，比如“到時send個簡訊畀我”，呢個send就係呢個韻母。

oet，可以諗到一啲擬聲詞，比如“豬ngoet6”，當中嘅ngoet6就係豬嘅叫聲。另外重有表示物體快速運動帶起嘅風聲，比如soet6, coet6, coet2等。

滙賢恭會

多謝晒！

噉，呢度仲有嗰問題，「円」字喺輕鬆粵語輸入法係係點樣可以打出來嘅？唔該