鍾意Leon嘅幾出電影

Wai

我係Leon嘅Fans，我聽過佢嘅歌，睇過佢嘅戲，我冇百份百話佢啲歌好正，佢帶畀我哋Leon's Fans嘅係一樣回憶，一種態度。Leon拍嘅電影，我睇過（前期都係為咗睇偶像，之後係睇佢嘅進步），佢每出電影都有進步。從《墮落天使》，《甜密密》，《半生緣》，《玻璃之城》，《三更》，《雙雄》，到拍緊嘅《梅蘭芳》我都有睇，有留意。

 

睇電影，講個人角度，但係演繹技巧係可以講嘅。

 

Leon喺《墮落天使》開始接觸文藝戲劇，演繹個人創作嘅文藝電影講求演員嘅演繹要有立體感，譬如話 『眼神』，『講對白嘅速度』『同其他角色嘅交流，同劇本節奏嘅配合』，佢開始識得控制。Wong Kar Wai對Leon係讚賞嘅，佢用到Leon，Kar Wai佢睇得出Leon有種好cool同埋神秘嘅feel，喺眾多演員裏便係搵唔到，得Leon有。導演嘅觸覺係好個人，但係做出嚟嘅效果好主體。識得搵啱演員，畀演員有空間發揮，有空間發揮想像力。Leon有今日嘅演技，Wong Kar Wai畀咗機會佢，相反，亦係Leon識得點樣珍惜。

 

到《甜密密》，陳可辛啲電影拍出嚟嘅人物係好細膩，好識得觸摸人物嘅心理。佢揀Leon就係覺得Leon有種憂鬱同內斂嘅氣質，Leon今次喺電影度都控制得好好，劇情演繹得貼切，好接近主角嘅情感。最後嗰part同Maggie Cheung嘅對望，簡單直接得嚟啱好帶出好平實，喺外國見返自己鍾意過嘅人嘅感情。

 

到《雙雄》，Leon嘅演技得到影評人嘅贊同，當然係攞佢嚟同《無間道3》嚟比喇。《無間道3》Leon做嘅角色就係要目冇表情，對應返佢角色嘅內心戲同埋劇情嘅結構，一冷一熱。Leon喺《三更》發揮得最好，嗰年《金馬獎》畀佢攞，唔係啲評委另類，台灣啲電影評委好注重角色人物嘅內涵，從內心表現出來嘅麻木，呢啲演技好難做到出嚟。Leon經歷過咁多出電影發揮到。

 

嚟緊嘅《梅蘭芳》，我都好期待，咁耐嘅排練同訓練京劇，相信黎明可以揣摩到角色嘅神髓。陳凱歌都係時候回歸返文藝劇喇。媒體嘅批評造型，反而更多空間畀Leon發揮。

 

電影帶畀觀眾嘅係想像空間同思考空間，少咗人入戲院，少咗大螢幕嘅空間，內涵係空洞。

 

 

Wai

[此帖子已經被作者於2007-8-11 7:25:51編輯過]

大陆灿

我家姐及20岁前嘅我亦係Leon嘅Fans,食Fing头丸听Leon嘅歌Hi到爆炸。