|
有錢還錢，沒錢唔畀面！——G肉佬（2007年6月8日）
間歇嘅陣雨沖唔走廣州嘅悶熱，風扇吹出陣陣生豬肉嘅腥味，重夾雜住些少我身上嘅汗臭。於是我走咗出去市場門口透涼。
市場外面，一部紅色嘅「趕絕外母型」（兩座）跑車經過，車裡面條冚家富貴係盈盈嘅前任男友，今次可能會嚟還錢畀盈盈了掛。我借咗部單車跟住佢尾，因為已經同盈盈約好，唔還錢，就畫花佢部車！
盈盈係同我由細玩到大嘅朋友之一，佢雖然都算係個靚女，但性格就好男仔頭，細個嗰陣就鐘意同我哋班男仔玩僕匿匿。我記得我重同佢打過交，結果我塊面損咗成個星期，幾乎破相。但其實佢個人幾爽朗、幾活潑嘎，又沒乜架子，做朋友真係一流。
至於佢嘅感情生活，就認真遇人不善喇，就攞啱先呢個死仔嚟講，初時條友想做生意，盈盈就周圍籌錢畀佢，幫咗佢唔少。點知條友後屘同第個女嘅搭上咗，分手就沒提過還錢嘅事。但盈盈當時為咗條友借落人唔少錢，包括我都借咗啲畀佢，雖然後嚟盈盈逐啲還返畀我，但我一直沒要到，而且重決定同佢出返呢啖氣。
部車就停喺盈盈屋企樓下，我同盈盈發短信，知道條友想約佢食餐飯道個歉就算數，世上邊有咁著數嘅樹！大耳窿話齋：欠債還錢，天經地義！於是我又發條短信叫盈盈拖住佢先，然後喺附近鋪頭買咗只螢光綠噴漆，又係發揮我藝術天份嘅時候喇，哈哈。呢度嘅保安仔個個都買我怕，識死嘅都唔敢篤我背脊，乾脆借尿遁。我今次就喺部車度畫咗只前所未見咁醜嘅烏龜，而且紅襯綠，真係醜到篤！不過勝在同車嘅主人夾啊，大家都咁醜啫！
By the way：我最憎人借錢唔還嘎喇，但原嚟呢個世界好多呢啲人個喔，有啲表面重好風光添，邊個估到其實佢掙落人周身債啊！
[ 本帖最後由 gboss 於 2008-11-13 15:35 編輯 ] | 
發表於 2007-7-27 22:41:47