《撥亂反正》之二十：雞翼、雞髀/肶 Vs 雞翅、雞腿

highyun

　　某兩間美國快餐店，喺廣東所開分店幾乎上千，可謂豬籠入水。賺錢有道唔緊要，但入鄉唔隨俗，教壞細路，就實在可惡：點解唔叫“麥辣雞翼”、“香辣雞翼”而叫“麥辣雞翅”、“香辣雞翅”，點解唔叫“板燒雞髀漢堡”、“香辣雞髀堡”而叫“板燒雞腿漢堡”、“香辣雞腿堡”呢？
　　先睇個“翼”，歷史悠久，古雅之至：
　　《長恨歌》：在天願作比翼鳥，在地願爲連理枝”
　　《莊子．內篇．逍遙遊》：“北冥有魚，其名為鯤。鯤之大，不知其幾千里也。化而為鳥，其名為鵬。鵬之背，不知其幾千里也；怒而飛，其翼若垂天之雲。”
　　……
　　至於“腿”，本身表意籠統，“雞腿”究竟指雞髀呢？抑或雞腳（雞爪）呢？所以粵語通常唔會講“腿”，以免誤會。
　　可悲嘅係，連廣東人自己都開始睇唔起自己嘅語言，噉嚟自美國嘅連鎖店，又點會同你珍惜呢？

[此帖子已經被作者於2007-7-21 1:56:27編輯過]

Jake_ct

因為國家文化局之類嘅東西，會明確要求統一常用字詞吖嘛。廣府人用字生僻，所以要“叮”走，冇得留低。

卢总

虾仁又喺庶长他人志气，灭自己威风嘞！

须知道，家下外敌入侵，好多嘢最后拍板嘅都系一啲不知所谓嘅人；而下面执行嗰班唔系冇权冇势，就系冇胆匪类，又或者系无知。

不过若然我遭遇呢种情况就一定会纠正之！睇下系佢哋恶定我有理！

auyeung

以下是引用highyun在2007-7-20 21:28:54的發言：
　　較壞細路，就實在可惡：點解唔叫“麥辣雞翼”、“香辣雞翼”而叫“麥辣雞翅”、“香辣雞翅”，點解唔叫“板燒雞髀漢堡”、“香辣雞髀堡”而叫“板燒雞髀漢堡”、“香辣雞髀堡”呢？
　　　　可悲嘅係，連廣東人自己都開始睇唔起自己嘅語言，噉嚟自美國嘅連鎖店，又點會同你珍惜呢？

較壞細路。。。“較”壞。。。

點解唔叫“麥辣雞翼”、“香辣雞翼”而叫“麥辣雞翅”、“香辣雞翅”，點解唔叫“板燒雞髀漢堡”、“香辣雞髀堡”而叫“板燒雞髀漢堡”、“香辣雞髀堡”呢？

有咩唔同？

可悲嘅係，連廣東人自己都開始睇唔起自己嘅語言，噉嚟自美國嘅連鎖店，又點會同你珍惜呢？

似曾相識！！！

蝦仁有更新囉噃。。。好事嚟嘅，得閒寫返兩篇先。。。

釘橋。。。

auyeung

以下是引用卢总在2007-7-21 1:01:54的發言：

虾仁又喺庶长他人志气，灭自己威风嘞！

须知道，家下外敌入侵，好多嘢最后拍板嘅都系一啲不知所谓嘅人；而下面执行嗰班唔系冇权冇势，就系冇胆匪类，又或者系无知。

不过若然我遭遇呢种情况就一定会纠正之！睇下系佢哋恶定我有理！

聽住先啦