放假真“梳乎”（關於空調與環保）

羊城惜花人

放假呢幾日比起喺學校，我覺得真係舒服好多，起碼唔使被迫屈喺間空調房入面，吸埋晒啲廢氣。睇到呢度可能唔少人會覺得我不可理喻（當然，熟悉我嘅人唔會。）可能我命賤囉，受唔起空調呢啲咁高級嘅嘢，受咗會折壽咖~~回想起返學嗰幾日，一落課就走上七樓呼吸新鮮空氣，打咗鈴之後先揞住口鼻落返嚟上課，上上吓課有時仲會有呼吸困難嘅感覺，嗰段時間真係連早讀都走上七樓，啫係話，唔係必要嘅話盡量唔留喺課室。就連化學佬都話我哋班二氧化碳（CO2）含量過高，與水（H2O）結合生成碳酸（H2CO3），所以啲空氣比較酸。其實呢啲嘢唔使佢講都知，我都成日叫啲人不如關空調開門窗啦，但一方面我人微言輕，另一方面人哋嗰便人多勢眾，我就孤軍作戰……
有同學問我：“你屋企唔開空調嘅咩？”確實我喺屋企真係唔開空調，就連風扇都好少開，我一直都話：“心靜自然涼。”嗱~你千祈咪話偽科學，我可以用科學（生物學+物理學）嘅角度證實，首先，人嘅心臟係要嚟泵血嘅，心跳得越快（即功率高）血液就流動得越快（即動能大），佢所轉化嘅內能就越大，所以就越覺得熱。
記得我一模嗰時篇作文都係寫關於呢個話題嘅，其中提到，開空調係非常目光短淺嘅解暑方式，雖然室內好次係涼咗，但室外係變得更加熱嘅。物理老師講畀我哋聽“能量係守恆嘅。”所以啲熱其實係冇消失到，只係畀“弗利仰”搬咗出室外而已。照噉推理，喺而家全球都好關心嘅溫室效應上，空調真係“功不可沒‘啊~
我唔單只愛我生活廣州，我都好愛我生存地球，真正嘅環保人士就應該好似我噉，唔開空調、唔開汽車、唔開手機（佢衰在搞到地球啲磁場亂晒大龍，嚴重影響其他生物嘅生存）。諗真啲，唔係唔開咁簡單，而係應該抵制！！ 

本文於2007年6月23日 20时52分發於http://user.qzone.qq.com/264160563/blog/115   今轉到此處

卢总

今个星期六日嘅Ｌｉｖｅ　Ｅａｒｔｈ演唱会你一定唔可以错过，应该叫你啲同学都要一齐关注下：

http://general-lo.blogcn.com/diary,8286206.shtml

Wai

商業社會真係好難唔用冷氣。

外國有啲國家啲民用住宅係木結構，唔使用冷氣。

殺人王

空調美