|
|
發表於 2005-1-11 18:51:42
|
顯示全部樓層
Re:2004樂壇至爛金草莓頒獎典禮
|
2004樂壇至爛金草莓頒獎典禮
嚴正聲明:
本網頁內容純粹攪笑(覺得唔好笑既可以唔睇)，並無立意侵犯或侮辱任何人之意，如有得罪，作者願致上萬二分的歉意．今年再接再厲，請所有人唔好咁認真，帶多點幽默感來睇．放鬆下啦香港人！
警告:
以下以粗鄙手法批評香港樂壇既另一面，含不雅反感成份，內容低俗，會令人產生不安，敬請家長陪同子女收看，如執著或看不開者，敬請立即離開，多謝合作．
評審：我地會以歌曲既音律/編曲/歌詞質素/受歡迎程度/大眾口碑/歌手質素/演繹/人氣/緋聞同埋個"樣"等等無關痛癢既野作為大會指標．
不過．．．評審既決定其實全無公平公信可言，睇唔順眼就會送過獎俾佢，無得上訴，大會亦擺到明係黑箱作業，係絕對既偏激同主觀，為踩而踩，對人不對事，粗鄙低俗，有咩不滿搵鄭大班都無用．唔順超呀，咪撚睇囉，哇哈哈～～～～
俞崢的話:2004年係香港繼續難過既一年~~(又停5秒)，今年金草莓比上一年更激烈，有多好新面孔俾我地笑餐飽，我地既樂壇真係要多謝呢班友仔帶唔少歡樂俾我地，可惜既係，今年亦有不少有'實力'既歌手離我地而去，正確一ｄ係佢地已絕跡樂壇，我地根本搵唔到佢地黎領獎．所以我講明，唔出席既歌手 係唔會俾獎佢既．．．．(掌聲．．．．．)，今年我地有１５１個獎，比新城１０７個豬肉獎仲多，大家唔洗爭．
好喇好喇，今年我地好榮幸，能請到當時得令既奀豬肉醃既幾位主角，為我地做開場嘉賓，有請幾位．
皇后: 要學識點樣嬴得最多，就要係度金草莓學識點樣去輸，呢班人終於明白咩叫大勢已去喇！
如妃: 要入到金草莓並唔係ｄ咩本事，要全身而退，你條星途先可以活得長久．由始至終都係得番呢班人係度鬥，過去係，而家係，將來亦都係．
玉塋: 我永遠都唔會輸！今年竟然無我份，下年我一定翻唱'白恤衫'黎過．
爾淳: 對付男人最上乘方法係求而不得，入金草莓最上乘既方法係入耳不得．
安茜: 做岩既唔會有獎，但做得唔好既反而會俾個獎你．
孫大人: 以後小主呢把楚楚可憐既歌聲，對住下官就可免則免．如果我可以打得醒你地既，我會！
孔大人: 不如就咁算喇，呢套戲講左成年好q悶，多講無謂．
好!多謝各位主子，即來大撚推介，爛歌廿大2004，登！登！登！櫈！：
陰質呼咳，音樂扮聾，專業爛歌推介２００４:
第２０位：兼職綁匪 (主唱: eo2)
推介原因：當今最霉既男子組合之一實會俾番d成績過大家睇既，人地外國boy band個個都風生水起，只有香港既就搞到件件陽痿咁．今年依舊爛歌風格，大搖大擺咁製造噪音，仲扮埋綁匪咁唔知想rap定想唱既演繹，實行要為呢個樂壇出一分力，老笠大眾正常既聽覺．
第１９位：即影即友 (主唱: 陳冠希)
推介原因：又係器官既拿手好戲，中英文都講唔正又黎rap過，首歌音又爛搞到連rap都走音埋．最慘係連佢公司都對佢唔放心，請左兩隻un眼非常既騎呢蘇傍住佢，驚死佢唔掂咁，結果衰埋一堆，首歌要3隻猩猩咁多做乜？
第１８位： 平凡明星 (主唱: cookies)
推介原因：以為'大家歸瘦'已經係曲奇四癲既登峰造極之作，點知年尾流流再補多飛，有無搞錯呀，聖誕時節播首賀年歌，洗唔洗快成咁呀，係唔係驚住下年要解散唱唔切呀．雖然你地係超級平凡既9線明星，不過學人玩中國feel，結果旋律歌詞只得一個字：悶．
第１７位：女人味 (主唱: twins)
推介原因：不得不承認呢兩隻樂壇奇葩功力真係勁過 survivors既參賽者，立足到而家確係久經陪訓．不過兩隻講野都痴脷筋既小妹妹，都係唱番倉鼠俱樂部比較順耳一ｄ．得果31a學人唱女人味，仲要rap埋問你死未，定力少ｄ都嚇到你入廠，係考驗大眾eq既超世作品．
第１６位： 像你 (主唱: 梁詠琪）
推介原因：呢首歌保持狐狸琪一貫可有可無既水準，仲加多幾句唔岩key既演繹，將首歌唱到鬼五馬六，究竟係唔係真係你自己作架．一首爛歌再配合佢既摧殘，體無完膚得黎都無乜驚喜，因為一向佢既作品都唔可以有咩期望，gigi乍喎，gigi喎，你以為邊個呀，gigi呀， 仲想點先？
第１５位： 黃 (主唱: 謝霆鋒)
推介原因：檸檬近年水準下滑到連自由行都嫌佢娘，人氣有如黃河之水一瀉千里，技窮到見晒底．除左大陸市場外，價值真係霉過柑桔檸檬，ｄ緋聞炒黎炒去都係得幾味，試問唔學下人唱番首中國人歌唔通真係要坐以待斃咩．
第１４位：殺戮戰場 (主唱: 黃家強)
推介原因：哥仔你d rock歌已經out到可以係uncle ray節目到播喇，仲冥頑不靈咁死唔斷氣，唱左十幾年都無變過既．首歌本身已夠晒un耳，俾你嗌多兩嗌絕對係錦上添花，將難頂指數推至高峰．
第１３位：cool住你 (主唱: 方力申)
推介原因：小方除左合唱歌外，首首都石沉大海發晒霉，黐住果件大粒瘡都已經夠晒霉，估唔到單拖仲衰多兩錢重．今次快歌黎講都算係極品，又係聽多一次都嫌多．
第１２位：對不起不是你 (主唱: 陳慧琳)
推介原因：世界傑青谷底天后今年迴光反照，可能人氣已低都無可能再低，但仍然得閒掟番一兩首爛歌黎攝下場．對不起不是你依舊貫徹悶到噴飯既質素，包你聽完十幾次都唔會覺得聽過．當然吳國敬既班底都係功不可沒！
第１１位：別舔傷口 (主唱: 黎明)
推介原因：新一代谷底天王既力作，可以安全咁接到阿王既棒．復出後人氣直插谷底．歌曲十年如一咁悶不在話下，估唔到泥濘天王唱左十幾年歌仲可以keep到把雞仔聲果下好野，佢唱得辛苦時，我地又聽得辛苦，真係想攬住一齊死？拍你既戲啦，唱咩歌丫．
第１０位：ah-oh (主唱: 朱茵)
推介原因：淨係朱茵呢兩個字就已值入十大喇，連阿paul都無眼睇，當無事發生過就知佢呢隻大碟既歌有幾震撼．經過佢flat８度既蹂躪後， 無幾多首歌可以順利錄到音，呢首係今年被注目既滄海遺珠，加上朱朱既全新唱腔演繹，大家要好好珍惜．
第９位：萬歲 (主唱: 陳小春)
推介原因：春爺作品又點會無份，今年順利打入十大．來來去去就係得萬歲，折磨世人既煩音又再一次喧嘩，絕對係試練人體極限既極好教材，真係爛人爛歌都要向佢跪地求饒，萬歲萬萬歲．
第８位：樓上樓下 (主唱: 羅金榮)
推介原因：呢位與黃子華數有淵源既哥仔，年年都帶給我地目瞪口呆既作品，有如洪水猛獸既金榮叔叔今年再下一城，嚇到大小電台全面禁播，可惜乃人氣極度不足而只得掹車邊入到十大，論實力應該唔會比三甲金曲輸蝕．
第７位：chichuachua (主唱: 容祖兒)
推介原因：年尾進步得最神速既歌手都非大牙肉莫屬，攻勢由年頭就開始，不過狂谷十幾首歌但都做晒冰鮮雞．好少少都算係食番'世上只有'呢ｄ溫情廣告歌，人氣一度紅燈告急，即時年尾補一q黎首震撼十足既芝華華，佢要話你知：我唔會辜負公司對我既一番'陪肉'．
第６位：坦克車 (主唱: shine)
推介原因：今年十分刮目相看既作品，好難想像到世上有咁驚世既作品存在．論實力絕對唔會輸比今年金曲，可惜阿齋又係地位不夠先淪落第６位，新晉組合有咁既成績已經唔易，相信wyman無良既填詞實在功不可沒．
第５位： 開大 (主唱: 楊千嬅)
推介原因：洩晒氣既千化久唔久就會黎金草莓打個轉，今年唔知係唔係食餃子食到懵左，嘔首令人乍舌既怪歌，由旋律到歌詞已去到９唔搭８之化境，似乎要力追谷底天后，誓要大小通吃．
第４位：波友 (主唱: 梁漢文)
推介原因：係就係食正世界杯條水，但都唔駛唱到咁難聽，絕對係一級災難歌．好在娘炳佢自己都知衰，首歌唔會錄碟，無謂獻世，叫做有d自知之明，好過"球迷奇遇記"囉，總算為樂壇做番件好事．
第３位：砌你 (主唱: 郭富城)
推介原因：阿王已身為谷底天皇，由於近年產量極少，粒粒歌都必定受金草莓注目．今鋪又唔令大家失望，一如已往都係悶到嘔泡之傑作，一於再創癲峰．真係唔怕生壞命，至怕首歌改個咁既名，真係越聽越想'砌'你．
第２位：乜都盞love hk no.1 (主唱: 薛家燕)
推介原因：家燕姐已經玩厭左名古屋月餅同熨衫，誓要係今屆取一席位．搣甩德尊大王仍然氣勢磅礡．估唔到家燕姐唱左幾十年，風格都係咁一致地驚嚇，仲好配合自由行既口味添，真係用心良苦．
2004至尊金曲：嗱嗱聲 (主唱: 譚詠麟,李克勤)
推介原因：譚伯伯同黑人每年都必定整鑊杰既大家歎吓，今年繼左鄰右里再下一城，一聲"嗱"就知咩叫大師級喇，技驚四座到無人能敵，又將其他嘍囉通通拋開，真係實至名歸，其他咩新四大天皇自動自覺彈開喇．
至爛勁爆女新人王:
今年女新人王競爭空前咁激烈，惡戰連場，連長頸鹿都話要886，大熱roadshow娜姐同夢夢都要死開，究竟邊三個可以成功突圍呢？
銅獎: 董敏莉 (歌曲: 飲食男女)
點解得獎: 望足成年都唔容易記得佢個樣，連歌都係咁，無論佢唱幾多次都唔會令你記得佢唱過咩歌，呢招先勁．雖然連新城呢ｄ垃圾獎都有半個，但都改變唔到佢俾人放棄晒既事實，拍多次四葉草都急救唔到架喇，真係陰公．
銀獎: 鄧穎芝 (歌曲: 玻璃鞋之粉碎三角琴)
點解得獎: 橫睇掂睇我都覺得佢好似我屋企件菲傭，星期日跌左佢係中環一定搵唔番．初初以為佢係實力派，點知派台第一首歌已令人目定口呆，將classics同rap玩crossover，仲配合fing頭舞，原來可以咁震撼，聽一次都好夠，其他既你留番黎自己使喇．菲芝絕對係未來最有前途既金草莓新人之一．
金獎: 依沙啤嗱 (歌曲: 愛到底)
點解得獎: 絕對係最炙手可熱既女新人王，新世紀既至top秘密武器，極級新一代樂壇災難．14歲就開始接受陪訓，比佢師姐余米高更上一層樓，長相更似狐狸扮人，歌曲更破格地爛．但同佢同門唔同既就係佢把聲岩岩相反地sharp高８度，由愛到底就開始'鍊'住把雞仔聲扮可愛少女叫床，再配合佢晚晚乖既嚇人蛇舞，誓要將佢咁多年陪訓成果盡情咁show俾大家睇，可謂驚天地泣鬼神之超新星．
至爛勁爆男新人王:
今年男新人得果幾件鬥瓜鬥臭，不過今時今日要係呢個樂壇拎番個金草莓獎都唔係咁易，起碼要'鍊'得嬴以下三個驚世之材先得．
銅獎: 徐偉賢 (歌曲; my bonnie)
點解得獎: 望落去似三張幾野而家先係新人，嚴重超齡仲核突過師兄，樣衰衰扮李雲迪上身咁勁咪做番幕後囉，無謂幾十歲人先同d後生仔爭啦，呢個世界係咁現實架喇，有料無樣幾十歲人先發到圍果件叫張偉文呀，你再等多廿年喇細路．
銀獎: 吳彤 (歌曲: victorian)
點解得獎: 不實不華既種子新人，馬面長髮扮木村look你而家仲有無outｄ呀，一個李雲迪仲唔夠呀!又係懶有才華但成年死來死去都係得果一兩首歌，無改錯名，真係'唔應同'，'零舍唔同'．
金獎: 房祖明 (歌曲: 邊走邊唱)
點解得獎: 似許願私生子多d既小成虫，全靠遺臭萬年既父蔭，係全無對手既情況下勇奪本獎，年頭一跑出就將其他小輩遠距離拋開，果然係一邊暴走一邊俾人唱，極速成為爛到爆既新人王．不論外型加歌曲，都係以反感作為宣傳賣點，一於要同佢老豆拍住上，但唔明點解佢老豆又頂得順佢個仔痴晒脷筋扮猩猩，乜又唔怕影衰中國人咩，一門雙賤香港真係家門不幸喇．
至爛勁爆兒童新人組合:
cream (歌曲: 渺小的我)
點解得獎: 本來以為隻依沙啤嗱15歲出道破晒紀錄架喇，點知原來仲有再細d既，佢公司擺明有心挑戰我地對未成年兒童既忍受能力，真係收賣人命．未發育就發明星夢，好心就俾d心機讀下書啦，扮無波既美少女戰士好嘔心架！細路就話唔識諗姐，都唔明佢地d阿媽諗乜！不過最難理解係佢地究竟想打咩market呢，唔通真係想孌童歌曲化？
至爛勁爆混合新人組合:
優異獎: 范姜明月@涉谷縱橫 (歌曲: 上海偷情)
點解得獎: 條女怪怪雞雞咁，仲夾住兩隻妖怪仔，出道咁耐都仲係攝埋一二邊，而家有番一兩首歌plug吓先出黎選吓新人．歌本身都麻麻，最謀殺係d歌詞，不過算喇，偽日本人d中文係咁上下，對佢地有期望果個都係short short地既．
金獎: ping pung (歌曲: 我話事)
點解得獎: 件餅茄脷雖然發晒臭，但未散都唔洗咁快過第二檔丫，但奇就奇在呢d咁既餅碎都有本事兩band發展，大家話呢個樂壇幾咁吹乒乓．你咪以為真係你話事先得架，首歌得一個嘈字，吵耳非常，聽到大眾火都黎埋．
至爛勁爆女新人組合:
優異獎 : sam's angel (歌曲: 繼續微笑)
點解得獎: 一班臨時拉夫既死'靚'妹，行行企企食飯幾味，絕對係花瓶中既花瓶，不過係殘花敗柳果隻．但人地抵得頸俾阿sam哥污辱仲樂在其中你地又唔恨得咁多，起碼都做過一刻歌手，紅館喎，以後呢一世都無乜機會上到，而家仲唔訓盡咩．
金獎: 女生宿舍 (歌曲: 全女打)
點解得獎: 當初twins已經唔係咁分得到，跟住又黎隊cookies，可以話9個有8個都認唔到，到今時今日仲要行女子組合呢條路，係都搵d靚d啦！４件女子監獄貨色既姐姐，連twins都後生過佢地喇，出道會唔會遲左十年呀，跳舞跳到抽筋慢半拍，方唔係坐監等出道等到骨頭都硬晒咩，陰公，真係難為左佢地，不過仲難為左我地，完全係視覺災難．
至爛勁爆男新人組合:
優異獎: bliss (歌曲: 失落奧斯卡)
點解得獎: 一睇佢地兩個個樣就知係實力派啦， 兩個成員高度足足有一尺距離，風格直頭係swing照單執藥，人地都摺埋喇，仲copy人地．係度失落奧斯卡唔緊要，一定唔會失落金草莓．
金獎: i love you boy'z (歌曲: 個頭痕唔痕呀?)
點解得獎: 唔明呀！呢個咩世界黎架，咁既款都出到碟！！黐晒線架喇！最慘就係d歌得個俗字但又一d都唔好笑果吓樣衰．果兩隻大頭怪嬰望多兩眼都想反胃喇，都莫講聽得晒佢地唱既歌，絕對係挑戰人體官能忍受既極限，我地一定要集體告佢間唱片公司收買人命．
網上勁屌爛歌:
銅獎: 夢路 (主唱: 容祖兒)
點解得獎: 大牙肉今年plug既歌多到幾隻碟都放唔晒，但無幾多首成功hit到．呢隻騎騎呢呢既歌又係當中發霉作品之一，成隻街市婆咁去扮性感尤物，喂，未入黑，未係時候開工呀！
銀獎: beautiful people (主唱: 鄭中基)
點解得獎: 睇見"我要做model"既造型，加上佢獨特既唱腔，oh!！no！今鋪依舊訓到盡，仲訓得好直添，泊到個好碼頭又點姐，咪一樣要唱埋d垃圾歌．
金獎: 去邊度 (主唱: boy'z)
點解得獎: boy'z出道至今最訓身之作，雖則佢地既歌一向都係咁上下，無咩可以期望，但今次呢首歌真係進步左好多，成功令大家由噴飯惡化到噴血．呢隻歌既market係岩十二歲樓下果d mk仔聽架咋，年紀大少少都無可能聽得明，或者歌名改叫'死去邊度'，'去邊度死'可能會更貼切．
手機sms最打笆爛歌:
銅獎: 白日夢之戀 (主唱: 戴夢夢)
銀獎: 笨 (主唱: 吳日言)
金獎: 蠢 (主唱: 梁洛施)
點解得獎: 三個曯目極品新人，一個發白日夢，一個死蠢，一個衰笨....真係人如其(歌)名 ，唔死都無用，唱出時下三失青年既心聲，相信可以傳頌萬世，成為不可多得既反面教材．
phone投最想炳爛歌:
銅獎: 可以幾愛 (主唱: 官恩娜)
點解得獎: 咩黎架！曲律已經衰到貼地，加個咁既歌名，再加個咁既人，真係頂唔順喇！今年好多嗱，呢隻娜算係風頭之一，比sam哥猛抽水都笑逐顏開，拎住個out到爆既斑馬喼扮晒開心就知佢幾咁識撈．全首歌既歌曲極九唔搭八，無人會知佢想講乜，不停可以幾愛，可以不愛，但又出奇地同戇戇地既ella姐非常配合，互相呼應．
銀獎: 886 (主唱: 薛凱琪)
點解得獎: "肥婆3講4，若嫌淫味不夠濃．．．．．"唉．．呢ｄ歌點唱得落口，真係唔知長頸鹿掙扎左幾耐先肯唱呢首歌．．．我諗佢錄完之後自己都打冷震，不過佢身為樂壇既新一代垃圾，當然唔會令人家失望，一於用佢次次唱live都一定走音走到唔知去邊既功力，再配合william hung教佢既獨特奇異抽搐相撲手舞步去訓成演繹，就連mk仔都打個凸，相信ssp仔會幾鍾意既．
金獎: 晚晚乖 (主唱: 梁洛施)
點解得獎: 極級驚嚇作品，咁恐怖既歌唔係咁易搵到，不論曲，詞，歌手演繹都係頂級大師級既水準．嗱姐真係一次比一次堅，公司對佢既支持真係唔可以睇少，氣勢比佢師姐絕對有過之而無不及．呢首歌唔係人人都可以表達到咁激既效果，一定要配合嗱姐既狐狸面加泰式賣笑蛇舞先掂架．你地睇佢晚晚幾乖，一定暱埋係人地張床度，佢真係由個心度唱出黎架．
新星撩打至爛大獎(男)：
師兄 (主唱: 劉浩龍)
點解得獎: 嚴重過氣超齡新人，同佢同期既都已身為樂壇大哥大姐，不過差唔多成卅歲人先黎做新人唔係咩稀奇事，人地上年'菜一碟'都係咁喇，不過你首歌師兄又係爛左ｄ，新人第一plug既歌黎講都算難聽得幾過份，都唔知係唔係俾人有心整蠱．雖然明明唱得唔差，都唔好扮eason扮得咁過份丫，好鬼老套囉，０５醫神復出後，你唔轉型仲有掟企？成日宣傳反盜版，但偏偏就咁多a貨，呢個樂壇遲早玩完．
新星撩打至爛大獎(女)：
superstar (主唱: 林子瑄)
點解得獎: 簡宜係依沙啤嗱死敵，首歌係為佢度身訂造既．佢係娛樂圈年資比依沙啤嗱仲要長，由４年前y2k到今年一屋兩家三姓人，都完全睇唔出佢原來係一個歌手，隱藏實力功夫一流．佢一出場連鷹王培育左幾年既秘密災難都唔係佢果皮．絕對係今年度集合柏芝聲線，余米高舞姿，黃e汶演繹於一身既重點女新人，係咁學人玩蛇舞superstar，真係連隔夜飯都嘔埋出黎，最慘係佢跳到苦瓜乾咁既面口，好似迫良為娼咁，呢方面就唔夠阿嗱咁專業喇．
至爛飛躍進女歌手:
銅獎: 黃馨 (得獎歌曲: 烏鴉)
點解得獎: 懶到隻積咁全年得兩三首歌，淨係一味識扮佢既偶像，但一扮王菲就注定呢生都霉到落谷底，而家王菲都摺埋喇，你而家先係度依依哦哦，咦咦也也，媽媽叉叉，你仲唔死得咩，你想扮人定扮烏鴉先 ?你其實都好適合唱８８６，下年如無意外你都會同我地拜拜囉．
銀獎: kary (得獎歌曲: 殺她死)
點解得獎: 擺明就係餅碎，唱左咁耐相信都無幾多個人知道kary既中文名，個樣十足十猿猴但竟然可以一人食兩家荼禮，呢頭cookies做商場show，果頭又見ping pung上電視直播．除非有個孖生姊妹啦，如果唔係咁趕法，真係有錢都冇命享呀！唔通想殺死她？
金獎: 鄭希怡 (得獎歌曲: 花多眼亂)
點解得獎: 余米高一向都係災難級數歌手，今年雖然有d腳軟放緩但氣勢依然，係無咩budget之下仍首首歌都係頂級水準，令各位唔只岩岩食完既野可以嘔，連隔夜既都可以一嘔再嘔．米高姐又係運用佢低16度既拿手好戲奪命催殘本來已經都好爛吓既歌，唱到首歌有一半以上根本聽唔到佢唱乜．加上一味係到 oh boy！ oh boy！ 唔好話我地心邪，但真係勁覺得似叫床聲，配合唔男唔女既訓身演繹，又再將佢既恐怖事業一再推至另一高峰．
至爛飛躍進男歌手:
銅獎: 鄧健泓 (歌曲: 甜蜜租約)
點解得獎: 做佢就好喇，咁鬼清閒，仲要比原子彈飛埋，大把私人時間喇．一年之中就係得一套劇加兩首歌．最大既成就咪就係tvb紅星陸運會贏到個跳遠銀牌囉！gold label入面個個都撈到風生水起，佢就攪到要解約咁滯，都算霉得前無古人，唔通．．．得罪左paco？咁你以後都唔洗撈喇，可以光榮引退，或者考慮番去做兒童節目都仲有條血路噃．
銀獎: 余文樂 (歌曲: 南拳)
點解得獎: 本來佢今年可以生還冇得拎金草莓架喇，霉足整個年頭，年尾先算有首似樣少少既歌，又點會放過年尾標埋金草莓尾會既機會呢？即時整番首南拳，等大家一路聽一路打．呢首歌扮晒玩周杰倫feel既功夫歌，喂，人地先話覺得佢d歌悶喇，你而家仲行人條舊路，慘就慘在你姐手姐腳咁耍埋ｄ花拳繡腿，唔好咁虐待我地好嘛．
金獎: 葉文輝 (歌曲: 私家歌)
點解得獎: 個樣都擺低唔講喇，費事越講越眼冤，但都唔好唱d咁娘既歌丫，新城興架？成年都唔知係唔係食左屎黎，成日閪口閪面，好似嬲左成村人咁．唱黎唱去又係得果幾首，仲要俾人當晒透明，一唔唱韓版歌就跌watt跌到谷底，你究竟幾時先肯封棺架，反正新城以外就只有金草莓先會俾獎你，無謂拖咁耐等大家好黎好去，起碼我地好過d先丫．
至爛兒歌歌手大獎:
李紫昕姐姐
點解得獎: 把聲高音到爆咪仲樣柒柒，橫睇掂睇紫昕姐姐都係同李華月一個餅印，仲要大家都係姓李，都唔知係兩姊妹定係改過個名借屍還魂！每次見佢係兒童節目出現都會錯覺係做緊咸片，片中仲有好多小朋友添架陰公，搞到我地好似變態孌童咁，你做下好心摺埋把喇，放過ｄ細路仔喇．
至爛兒童歌曲大獎:
建立信心在香港 (主唱: 陳以誠醫生)
點解得獎: 見圖，連極度白痴既穿屎都忍唔住笑，就知呢位醫生有幾掂喇，睇怕周星馳都睇漏左眼．其實呢位醫生係唔係醫精神科架．
至爛廣告歌曲大獎:
銅獎: 京都念慈奄 (主唱: 楊千嬅)
點解得獎: "你也叫苦了，我也叫苦了，我也要深切治療......."，首歌咁震慄，真係要送晒我地去icu深切治療，千化今年金草莓狀態大勇，連廣告歌都唔放過，呢個咁惡頂廣告播足一年真係攞膽．
銀獎: 領匯 ba ba ba (主唱: 林一峰)
點解得獎: 領匯攪到咁大攤，都唔知係咪佢腳頭唔好，一味係咁baba到把聲唔男唔女陰陽怪氣，一般人係無可能領會到佢想點，絕對係孿孿峰最唔掂既作品之一．
金獎: 靜心口服液 (主唱: 全港市民)
點解得獎: 呢首歌勁囉，顧及自由行口味而推出，出街後竟然變到幾十個version，污染指數超晒標，成為城中超熱恥笑話題，仲動用到全港市民幫佢宣傳，果然高招．
仆街喇 仆街喇
難聽到嘔小喇叭
呢首日播夜播咁乞兒 聽到嘔血話咁易
頒金草莓比它 需要理由嗎
至爛舞曲大獎:
銅獎: 元神出竅 (主歌: 何韻詩)
點解得獎: 雖然唔明阿詩咁既歌藝當年點解可以嬴到新秀冠軍，但總算多年有阿梅姐護蔭，霉極都有個譜．但今年奉上一首可以聽到人元神出竅既侏羅紀作品，除左難聽仲越唱越高音，但慘就慘在你唱得好鬼勉強，個音唱極都唔到仲接近走音，怕且係元神出竅歸唔到位．
銀獎: 什麼 (主唱: 黎明)
點解得獎: 男人老狗幾十歲仲以劏雞聲做賣點，相信當今樂壇就只有佢一人．呢首歌已經無晒佢多年前既快歌質素，來來去去得幾個煩音聽到想死，估唔到佢摺埋咁耐就係交d咁既貨過我地，全無誠意，仲要加埋你國產feel既紅鏡黃衫激娘造型，天皇(谷底果隻)真係不負眾望．不過你就算唔攞獎都唔洗驚，我地會破例送到你府上．
金獎: 夏意識 (主唱: 郭富城)
點解得獎: 谷底天皇確係屹立不倒，野野都將我地趕盡殺絕，視覺聽覺雙重炮轟．如果大家拎返ｎ年前既"第四晚心情"黎比較，就會覺得佢呢十幾年黎都冇變過，由其係條短到就露蛋蛋既熱褲，同埋縮晒水蝕晒氣既波虖．係暑假檔期死谷爛谷都谷唔起，阿王你唔通仲無'下'台既意識？
至爛合唱歌曲大獎:
銅獎: 星之碎片 (主唱: 楊千嬅＋梁朝偉)
點解得獎: 呢個獎特別頒俾久未蒲頭出歌既偉哥，竟然可以仲有人唱得衰過千化，唱到鬼食泥都唔知佢唱緊乜，呢ｄ真係featuring高手喇．搞到合唱歌都可以好似得千化一個人唱咁，睇怕佢咁大個女都未試過，真係開心死，咁千化你一於送返部''瀟灑的相機''做禮啦．
銀獎: 二零零二的第一場雪 (主唱: 譚詠麟＋刀郎)
點解得獎: 呢個全國第一神秘歌手刀郎梗係要玩神秘喇，咁既款仲唔見光死咩，大陸一向紅埋d唔見得樣，把聲又拆又似下放工人，充滿80年代feel既歌手，但都好過香港果d唔識唱歌既所謂歌手既．拍住幾十歲人都唔化既80年代代表歌手譚伯伯，果然襯到絕，效果一流地老土．
金獎: 去飛 (主唱: 顏福偉＋彭家麗)
點解得獎: "縱有寒流，關心是你..."死！又諗起白花油添，係咪應該比返廣告歌獎佢呢！ anyway.....就算人地自資我地都唔可以幫佢賣廣告既．兩件蛋散出土文物玩雙劍合壁，果然明不虛傳，一開棺就橫掃金草莓各大小獎項，兩件霉到都無幾多個人會記得既歌手，真係唔知邊個累邊個囉．
至爛電視劇歌曲大獎:
銅獎: 烽火奇遇結良緣主題曲《風吹不走笑容》(主唱: 盧巧音)
點解得獎: 隻歌除左娘爆外，仲唱得絕頂難聽，唔知既仲以為求其搵左個唔知咩藝員黎唱咁慳皮添，合家歡時段將我地家爺仔乸一次過強姦，真係前世唔收．
銀獎: 楝篤神探主題曲--《衰邊個》(主唱: 黃子華)
點解得獎: 嚴格黎講呢首都唔算係歌，羅金榮配合黃子華真係將希治閣驚嚇級既歌發揮到淋漓盡致，試問仲有邊個衰得過你先，仲搞到學人出碟添，睇怕你都係唔蝕到仆街唔心息架喇．
金獎: 血薦軒轅插曲《問天》(主唱: 汪明荃)
點解得獎: 阿姐從影從歌以來第一次遭到全面禁播之歌曲，投訴個案破晒電視台30幾年所有紀錄，全年同時段入急症數字全面飈升，就連阿姐fans都頂唔順去電視台抗議，所以呢首歌只係出左街２日就完全消失，大家一定好懷念．一句"問蒼天．．"，食緊飯既就噴飯，未食既就震破晒耳膜，乜阿姐今次咁大整蠱呀．
至爛本地組合:
銅獎: 2r (歌曲: 夾咀型)
點解得獎: 白痴程度直迫穿屎，生存到今時今日又係另一奇蹟，上年年尾盛傳佢地退休點知今年仲死番係度，真係令大家失望．今年零舍多呢d古零精怪歌，d歌詞粗俗到不墈．
例:長瀨瀨或者黑嗎嗎 圓dum the蜜蜂嬲嬲怎去轉
你話呢ｄ叫乜歌詞喇！！
成日話人download唔岩，大姐，你有咩值得比人買先得架．都係冇得救架喇．
銀獎: cookies (歌曲: 大家歸瘦)
點解得獎: kary一個人出兩份糧，比我係stephy同teresa就實唔妥佢喇 ，miki楊愛瑾又唔成氣候，根本呢隊四人cookies就係一個錯誤．肯定佢地4個都不和喇，所以咪搞到次次出場都無次夾囉，4隻野唱親live都撐到四隻角咁遠，跳舞永遠唔會齊，好似無排過咁，咁辛苦痴埋一舊為乜姐，反正一份糧4人分都唔夠洗架喇．唱埋晒d狗屎垃圾歌，大咩家歸瘦丫，不如黎個"四人歸西"算把喇．
金獎: sky (歌曲: 高高地)
點解得獎: 我唔想踩咁盡喇....但係我覺得佢地真係有少少"低低地"，整年除左首兒歌'加奧～加奧'扮貓公叫春外，就係得呢首極品mk貨(歌詞有~~高高地遊旺角，真係活該)．五隻野全年既工作量加埋都唔知夠唔夠陳以誠醫生多．無他既，件件個款已經cam到爆，'零'氣迫人到連無知少女都嚇到走頭，爛歌一首接一首，真係抖都抖唔到氣，相信呢隻歌已奠定左佢金草莓組合班霸之位．
轉型苟延殘喘大獎:
好多６，７線歌手冇碟出就成世暱係無線做二打六做到拎老人牌，無晒歌手既尊嚴咁苟且偷安，我地就為佢地默哀幾秒．．．健在既有排名不分先後：張智霖鄭嘉穎馬浚偉李中希溫兆倫車婉婉趙學而謝天華曹永廉蔣志光呂珊單立文胡諾言歐倩怡陳文媛唐韋琪劉玉翠劉彩玉劉愷威陳山蔥胡蓓蔚王喜鄭敬基譚耀文蘇志威陳松伶，今年又多幾件係威係勢，注定投入無線懷抱，佢地就係．．．．．
銅獎: 李彩樺 (作品: 下一站彩虹／功夫足球)
點解得獎: 從來未反彈過既樺姐梗係好識把握時機，攝下攝都俾佢挖到一首半首劇集歌唱吓，但又係首首無noise，有無人認得係佢唱都成問題．專心扮下花瓶可能仲襟擺既，如果太勉強係樂壇磨爛蓆都係無乜好下場，都係及早回頭算數喇．
銀獎: 李逸朗 (作品: 一屋兩家三姓人／十兄弟)
點解得獎: 好好地一個偶像派歌手折墮到扮半智障型既低能仔，仲要扮後生十年，都夠晒陰公．點知谷底未算低，仲有套十兄弟監製睇中佢，一於去盡佢，實行殺出條白痴血路，大家要為佢加油．
金獎: 羅敏莊 (作品: 血薦軒轅／一屋兩家三姓人／烽火奇遇結良緣／天涯俠醫／娛樂大搜查)
點解得獎: 義莊姐今年真係無得頂，全年超過半數日子都可以見到佢既踪影，都未計纖體特輯，都市閒情同旅遊節目d行行企企，齋係佢d劇就多過當今一線姐仔．套血薦軒轅仲要唔聲唔聲變左女主角，戲份仲多過pizza姐同白痴崎，都咪話唔訓到盡，恭喜佢成功轉型，你可以同歌手身份永別喇．
變臉反轉豬肚大獎:
變臉唔係個個得，要係霉谷打滾番咁上下先學得識，睇下今年邊個變得最樣衰？
銅獎: 王秀琳mango (作品: 我和彊屍有個約會3)
點解得獎: 一個女人俾人拒絕到咁既地步仲可以點，夠膽死反咬人地一啖搵亞視當家小生過橋做新聞，又唔知自己已貴為扒王之王，況天佑一句"我食蕉都唔食芒果"一針見血，至今仍為人津津樂道．
銀獎: 傅佩嘉 (歌曲: 魔女の吻)
點解得獎: stephen真係多得呢個魔女唔少喇，為左佢搞到同兄弟打交兼反目仲入埋雪櫃，但一個屈尾十條女扮失憶，閃得快過快閃黨，唔係紅顏都可以禍水，呢條女係得既，想一夜成名仲未夠班呢．
金獎: 趙頌茹 (歌曲: 負負得正)
點解得獎: 阿roy一出事就唔認人，連盧巧音都睇唔過眼啦！到頭來咪又係黐埋一堆，衰埋一碟，不過都冇乜可能負負得正架喇，台上台下都可以穩陣地摺埋．
力挽狂瀾嘉許大獎:
年年總係有ｄ歌手霉到烏蠅都唔嬲，都唔捨得離場，實行賴死唔走，繼續霉dum dur，一個屈尾拾又想黎過，但已經油盡燈枯都未識衰，我地都表揚下佢地果份堅毅既精神喇．
銅獎: 蘇永康 (歌曲: 廉價情歌)
點解得獎: 你兄弟唔覺勁都識做下幕後，大哥你就淨係識拍丸，仲想係度賴死．靜悄悄係9月出左隻新歌+精選，不過都冇乜人知架喇，最後佢亦都會靜悄悄咁消失於樂壇之中，直到永遠．．．阿門．
銀獎: 顏福偉 (歌曲: 奔向明天)
點解得獎: 人地大把錢，我地就要受d難架喇，慘得過人地又有錢又雄心壯志咩．一日白花油唔執，我地到時到候就要活受罪，好鬼準時架，今回搵埋個過氣歌手報到即時刮起全民一級戒備訊號，偉哥白花油，點.....滴在龜頭呀？
金獎: 陳紀匡 (原名陳建穎) (歌曲:2號院)
點解得獎: 呢個足球新星風頭勁到爆囉，無論遭到幾多白眼都死唔離場，連名都轉埋勢要再戰樂壇，真係衰一鋪都仲未知衰，連輸36圈都未食過一鋪雞糊．人氣一直陷入谷底未開過棺．同佢同期唱打開天空個kelly都已經貴為谷底天后喇，佢梗係想爬過kelly頭，實行做新生谷底茄呢啡王．
復出無望嘥氣大獎:
谷住啖氣痾屎唔出既歌手又係年年都有，咪話唔眼冤，但復出都要揀岩時晨，否則難產就仲爛過上一世，真係墮左佢好過囉．
銅獎: 湯寶如 (霉到無作品)
點解得獎: [湯寶如將會復出樂壇，於11月推出新曲加精選唱片。這次她投資了2、30萬做製作，由環球發行。早前陳慧嫻有感唱片銷量不理想而心灰，她自言不會給自己太大壓力，她出唱片全因喜歡音樂及想完成心願，明年更會斟洽開演唱會]
呢段新聞係7月登既，而家．．．．都係算罷啦．
銀獎: 呂方 (歌曲: 心靈感應)
點解得獎: 香港市場容納唔到純實力派架，況且香港呢個樂壇都唔好恨啦，影衰自己添呀，阿dodo姐又唔係養你唔起，收手罷喇．
金獎: 彭家麗 (歌唱: 雨過天青--足秤老婆八兩夫主題曲)
點解得獎: 教唱歌教到幾乎乞米既家麗姐姐今年終於死番出黎，可惜泊錯碼頭顏福偉伯伯，不論合唱歌或唱電視劇主題曲都仆到直一直，仲要陰公到俾人扑(頭)，真係屋漏兼逢連夜雨，黑開都黑得有紋有路，不如買番支白花油定下驚算喇．
死唔斷氣陰魂不散大獎:
當大家以為一ｄ災難已煙消魂散之際，上天又點會俾大家咁好過呢，今年賞賜你地3件元老紅灣半島，唔明點解拆極都拆唔到既，真係仲慘過禽流感翻兜．
銅獎: 黃和興 (歌曲: 自作孽)
點解得獎: 前zen主音阿興哥究竟要衰幾多次先肯收手呢?今年又夾住首悶到爆既自作孽上台，完全講出左佢自作孽既心聲，你唔好再以為你大佬阿paul會睇你先得架，佢仲有隻爛豬茵纏身呀．
銀獎: 達明一派 (歌曲: 寂寞的人有福了)
點解得獎: 其實聽盧海鵬唱撻成一塊仲好啦，起碼都有啖笑先啦．復出後變本加厲地怪異，達叔都係拍戲既可塑性高d．以為咁多年可以逃離達明攻擊，點知今年香港的人有難了．
金獎: blue jeans (歌曲: 豈有此理)
點解得獎: 幾個阿叔舊曲新唱又俾佢地a到錢，但最慘既係隊中最"靚仔"既單立文都飛走埋，得番幾件戴住老夫子年代攣假髮既阿叔係咁un un下，好q惡頂喎．
側目至爛歌曲演繹大獎:
要催殘一首歌唔係個個得，無番咁上下功力同長時間既浸淫都發揮唔到效果架，呢d咁難能可貴，驚世既歌手又點能唔褒獎下佢地呢．
銅獎: 肥貓最強 (主唱: 林一峰/at17/周國賢/薛凱琪)
點解得獎: 要林一峰壓低把聲扮man；又要繼續忍受薛小姐扮cute，你話幾難頂喇！擦到火花喇你地．
銀獎: 心照 (主唱: 鄭伊健)
點解得獎: 其實伊麵都好心照自己既歌藝與前途，復出第一擊就唱出自己心聲，不過仍然同以前一樣唱得咁衰，究竟羅記釘蓋前係唔係真係有教過你唱歌架．
金獎: 紅花會 (主唱: 鄭融)
點解得獎: 首歌本身好好地，俾佢蹂躪完後就不堪入耳，全首歌個key就唔岩佢唱，搞到死唔斷氣鬼夜哭咁，好心唔好咁虐待觀眾丫，爛容小姐．
榮譽獎: 溫室／算數 (主唱: 盧巧音)
點解得獎: 呢個獎永遠都係陰姐囊中物，佢既存在，印証左人係墮落，享受折磨既生物．只要俾陰音係咁兒蹂躪過既歌，任何好歌都頓變極品，爛歌就更加如虎添翼喇，真係好鬼專業．
roadshow特約金草莓主持大獎:
銅獎: 林子瑄 (歌曲: 一對)
點解得獎: kiki呢隻癌細胞已擴散到巴士，有如冤鬼纏身，絕對係漠視所有人既感受，我地都係認命把喇，請自備一對耳塞先好搭車呀．
銀獎: viann (歌曲: jump)
點解得獎: 影子歌手viann姐姐佢真係有唱歌架，鈴聲都有得download，問你死未 ．
金獎: 官恩娜 (歌曲: 上岸)
點解得獎: ella心諗:如果阿sam年年開演唱會都搵我做嘉賓既話 ，咁我就可以上岸唔駛撈喇，我唔怕俾人抽水架．冇錯，今年金草莓最熱推介第一位就係我既"上岸"．
東方魅力(star east特約)金草莓大獎:
校長真係校長，兩下散手間公司話執就執，一手栽培既學生淪為棄嬰，果然係香港樂壇既教父，有教無類，仲勁過尹兩燦呀．
銅獎: e-kids
點解得獎: 已經散左半截既未成年智障組合，又奇蹟地捱多一陣，雖然連人都換埋，但仍然都係咁樣衰，star east摺埋後一直成為孤兒仔，無人問津，幾經辛苦先挖到一首歌唱下，但已入土為安，點搞都係嘥心機捱眼訓．
銀獎: 陳文媛
點解得獎: bobo姐今年都算坎坷囉，被人飛埋不特只，黑到連公司都執埋，真係痴邊個死邊個，好彩電視台多閒錢，又俾你死到d行行企企食飯兩味既節目，你都算還得神落架喇．
金獎: 李籠怡
點解得獎: 完全死氣既tiffany姐全年都無蒲過頭，潛到連人肉佈景板都無得撈，究竟有無人知佢而家葬左係邊樹呢？一個謎，一百萬問題黎架，好深．
金草莓最有前途'唱k仔'／'可加分'／'忘我'歌手大獎:
銅獎: 吳浩康
點解得獎: '唔做莊'今年都死好命架喇，俾差佬斷到正都諗住佢即時可以執包袱返歸，但又俾佢年尾迴光反照，不過聲勢已沉左一大半，之後係點就要睇佢下年造化喇．
銀獎: 陳見飛
點解得獎: 飛姐歌唱事業都已烏呼哀哉，但原來佢轉左行做戲，臉皮成尺厚，俾人捉到正都死口唔認拍丸，仲話自己有女主角做，工作唔受影響，你地話幾好戲呢，真係好鬼死pro．
金獎: 周永恆
點解得獎: 呢d咪叫專業囉，鏡頭前扮晒痛改前非，一拎轉面咪意見接受，規舉照舊．公眾人物黎講佢都算衰得有紋有路囉，衰完一鑊又一鑊，誓要將自己前途玩盡為至，嫌食完丸仔再醉酒鬧事都未夠候，仲要俾人告恐嚇，拍幾多電視洗底都無用喇．得廿歲仔就咁多經歷，真係羨慕死人喇．
惱人生果金草莓歌曲大獎:
銅獎: 柚子 (主唱: 趙頌茹)
點解得獎: 正版"臭四"都殞落，翻版貨"阿瘀"繼而都殺入絕路．首歌低b得可怕，專程為阿yu度身訂造打氣，但佢唔爭氣，拍完個電視都抓唔到半隻插曲唱吓，係時候宣佈壽終正寢．
銀獎: 髮調橙 (主唱: 關心妍)
點解得獎: 真係懷念'擔心妍'岩岩出道時既歌，而家人氣長插谷底，連歌都一首比一首攞命，髮調完橙後，仲可以杏加橙．
金獎: 士多啤梨蘋果燈 (主唱: twins)
點解得獎: 死死氣氣咁唱到一輪咀，rap到好似講粗口咁．歌名就幾健康，但隻歌就聽覺污染度奇高，本來已為下陷緊穿屎事業再踩多兩腳．
金草莓唔o岩數歌曲大獎:
銅獎: 四喜臨門喜迎春 (twins，boy'z)
點解得獎: 爛歌超時空世紀既初型，4隻野低低能能似足天線得得b．由年頭就開始折磨觀眾，唔怪得我地衰足一年喇．雖然無左班霸依沙啤嗱坐陣，但仍然實力十足．
銀獎: 一加一 (主唱: 胡杏兒)
點解得獎: 今年樂壇都已經夠晒霉，乞兒姐姐又要黎踩多兩腳，玩埋一份．不過表現麻麻又學人唱live，驚嚇度滿分，你都係死番去拍公仔劇算喇．
金獎: 一比一 (主唱: 黎明)
點解得獎: 大家一開始千祈唔好聽錯以為果d係假音黎呀，果d係走音黎架．大佬你學人玩假音都要睇下自己咩料先得架，你俾我地抖抖得唔得？爛歌極品一輪輪咁強攻，仲上晒身超水準咁高音爆咪演繹，你摺埋左咁耐先復出都唔洗一次過咁報仇丫．
金草莓"異"數歌曲大獎:
銅獎: 一二三上海灘 (主唱: 黃耀明)
點解得獎: 明哥既作品一向都唔係迷幻到唔知佢想唱乜，就係懷舊到幾十年前．今次變本加厲，唱完翡翠劇場又唱上海灘，洗唔洗咁擦鞋呀，明哥真係識得利用資源宣傳．
銀獎: 2月14的約會 (主唱: 林嘉欣)
點解得獎: 雖然係鹹魚翻生，但究竟有無人真係記得佢係歌手？林仆親全年真係有plug過幾首歌架，只不過每首悶到爆廠，唱到拉牛上樹咁，電台電視台自動ignore左乍．
金獎: 512愛你 (主唱: 吳日言)
點解得獎: yan姐出馬又點會空手而回呢，放吓冷氣對yan姐黎講簡直係輕而易舉之事．歌曲照舊佢可有可無既平凡風格，只不過係難聽少少之嘛，問題唔係好大．你地睇幾多人鍾意食菇就知佢唔係浪得虛名喇．
公益金草莓慈善歌曲十強:
紫醉金迷 (主唱: 陳慧琳)
點解得獎： 越漏氣鬆弛既歌手就越鐘意呢種百老匯式歌舞，上年谷底天王隻水手裝與機關鎗已經搞到民怨四起，今年就輪到天后．阿姐熱咖啡再加金光燦爛徐小鳳既造型，直頭殺晒喇，呢種年代仲有d咁既野睇真係好野．
前所未見/閣樓 (主唱: 陳慧琳)
點解得獎：人家"我的驕傲"上年大hit，今年斬多四兩既"世上只有"都仲有三分釘，以為行呢ｄ溫情廣告歌就實食冇黐牙，可惜世青天后又學人整首"前所未見"，點知一谷還有一谷深，最後都係得返個吉，一d都唔hit，仲要一歌兩詞前後腳上呢吓就值得攞獎喇，諗住plug到謝後又再plug過，超級賴皮．
真功夫 (主唱: 麥浚龍)
點解得獎：史提芬京驚嚇電影歌曲化，完全令人窒息之作，馬面juno偶有呢d級數既佳作，停滯左大半年先開始有首歌唱下，就嗱嗱聲搞首爛歌撐下場，真係好功夫．
告一段落 (主唱: 周國賢)
點解得獎：根本就係無歌藝，唱到陰陰沉沉直頭就係男版余米高，好似哮喘發作咁，無晒尾音．好多個音其實都唔知佢想點，來來去去沉悶非常，聽幾多次都唔會好記得佢唱過d咩，慢版情歌黎講都算好唔掂，都係快快趣告一段落令大家好過d.
生日快樂 (主唱: eric kwok)
點解得獎：從來都未諗過原來聽生日歌可以咁難受．．．％＾％＆）＄＃＠＾＃＊（％
超時空接觸 (主唱: twins/boys'z/粱洛施)
點解得獎：嫌平時4隻天線低低b都未夠，再加多隻多餘既妖狐獸添，真係痴痴呆呆坐埋一台，un耳指數爆晒燈，we嘩鬼叫程度仲衰過d兒歌．
眼紅館 (關智斌kenny@boy'z)
點解得獎：咩"哦嘻ho"呀，搞到首歌核核突突都夠晒衰喇，仲要比kenny死唔斷氣咁扮假音，唱得咁恐怖都俾公司拎黎plug，我係steven都眼紅喇．
點解問點解 (主唱: 吳日言)
點解得獎：旋律本身就無咩問題，但邊有歌咁唔老黎架，yan姐由頭開始就不停咁唱錯錯錯，唱慘況，唱埋葬，'怎會輸'都唱左十幾次，賭波賭馬既聽完呢隻歌真係衰足一年．
sos (主唱: 容祖兒)
點解得獎：歌名真係同首歌配合，歌詞仲幫我地成勢咁哎救命，真係體貼．大牙肉一瘦番少少就出黎show扭腰，但塊面推極都係16:9，其實同盧婉茵又有幾分相似，呢首咁虐待既歌怪唔得知可以做到纖體歌喇．
明天請早 (主唱: 許志安)
點解得獎：又係果種k型情歌，悶唔悶架姐!? 成日以為自己好掂，其實就犯眾憎，睇住身邊ｄ朋友一個一個離佢而去，都仲唔反省下，又係冇得救架喇！明天請早返歸啦！
黎到呢個階段，相信大家都有ｄ眼訓架喇，我地今年特別請到一位得獎歌手為我地表演，大家以熱烈既掌聲歡迎"羊癲嬅"．
癲嬅：好開心第一次黎到呢個頒獎禮做表演嘉賓，大家唔洗戥我擔心架，我一唱唔掂就會扮咳扮喊或者喪笑架喇．送比你地我既新歌"小淫大賤"同"處處訓"．
小淫大賤－－唱出狼虎女仕ons既心聲
天天只需一隻幼幼手指 便已直接碰到了'g'那兒
若試換上青瓜 逐漸有feel似蕩婦般賤
心中很想得到野性的撚 入秘密處逐吋逐吋進出極易
在明日開始 哺在'老蘭'每件試
成條街的男人 如禽獸笑淫淫
往後發現陽具極細 不幸運
毛未出的巨根 硬了得果數十秒 un兩un 不要恨
訓下來 擘開腿 早已滴滿西水
也無壯丁獻身願陪睡
再回頭 也只許 求男人仆到去
再含再吹個口極疲累
根本天生一個好性婊子 讓我遇上六吋巨炮幹這大事
能從頭開始 射落腳趾我願試
名大撚的男人 還在每日扮型
卻是女士沉淪慾愛的陷阱
還未扯先射精 就算碌撚再大也 洩了氣不會fing
插入來已出水 不夠硬更空虛 那條軟撚至今亦沉睡
到後來也不舉 原來一早死去
你還說今晚只是疲累
我們最終買支大陽具
處處訓－－唱出無奈接客搵錢貼仔既心聲 (歌曲中段副歌開始)
要客等 比佢屌鳩都有份 鬼殺大叫幫佢含
性病滿身都要忍 攪到個"西"鬼咁痕
生客當水魚猛昆 反過被佢起勢擒
小費兩條鬼咁奀 以後要識揀客人
我...寧願和情人做愛(靚仔兼有型 六吋撚的確勁）
而他餐餐軟飯多高興ｏｈｏｈ...(見錢亂咁fing 我手袋冇淨)
為了他 任佢揸 起勢揸猛揸見他 完全沒有話停(我對波真堅挺)
未帶bra 整撻罅 比佢攪到對波最終都變形
谷鬼氣屌那星
太天真 比靚仔呃錢騙心 走到旺角搵客人
多個馬欖街角等 兩舊五味抵到暈
衰到企街真發瘟 一晚做滿七個人
先夠貼仔cheap到咁 怪就怪當初太笨
我...名墮蓮做牛做馬（被貴利佬老強 問媽媽生借糧）
從今朝朝每夜火海過ｏｈｏｈ....(去花都過場 夠騷的老娘)
為養家 通處趴 生意差兩蚊照加還被熟客詐型(已著得閃閃"令")
換個bra call阿媽
今晚要返中國城
＿＿＿＿＿＿＿＿＿＿＿＿＿＿＿＿＿＿＿＿＿＿＿
多謝大家，呢個時候將時間交返比大會，thank you
侮辱歌曲憤怒大獎:
我我我我我有胸部 (主唱: i love u boy'z)
點解得獎: 兩隻姥姥扮相都已滿晒分，夠晒攞命，唱埋呢d低能仔歌簡直就塗炭生靈．但最令人反感係佢連弱勢社群都唔放過，唱到鬼五馬六咁去譏諷同志，實行同社會反歧視意識唱反調．你地都算衰得緊要囉，連自己都歧視，你就算有胸部都無用啦，都無腦既．
金草莓copycat大獎:
銅獎:香港地 (主唱: 陳冠希)
點解得獎: 極度疑抄tupac既to live and die in la，rap部份你話似唔似都冇得好講，因為首首rap歌都係咁上下架喇，不過副歌真係好鬼死似囉．而且猩猩王根本都唔係香港大，學咩人唱香港地噃！
銀獎:愛是最大權利 (主唱: ping pung)
點解得獎: 明明抄足misia既'忘記如西飛翔的小鳥'咁濟，竟然仲死撐扮原創，面皮真係有成呎厚，個吹乒乓成員，即係雷頌德細佬jerry仲話「其實每首歌只有七粒音符，有相似係無可厚非」，呢ｄ咁既廢話都嗡得出，抄歌呢家野真係要向佢大佬慢慢學喇．
金獎:有點邪 (主唱: 蔡一傑)
點解得獎: 今年肥到成隻豬既爛面'菜一碟'死唔斷氣之作，最樣衰係學人玩舊酒新瓶，將ｎ年前周啟生既超爛作品'淺草妖姬'再返兜，當年呢首歌已列作一級國家危險物品，今年佢仲連名都改埋就當新歌咁唱，面懵到爆，直頭當各大觀眾死既．無晒market都唔洗咁玩我地丫．佢ｄ咁既妖邪歌就連同志都唔buy，不如同摺埋左既王喜結伴撲蝶玩繡花好過喇．
激突至爛可怕mv大獎:
陳慧琳 (phone 殺令)
點解得獎: 斥資一百萬既mv原來就係扮kill bill，仲要係中環大街大巷攞景都已經晒核突，cheap唔緊要，落咁重本都可以拍到咁cheap就唔係個個得．不過谷底天后係佢'星期五檔案'既年代就好鍾意係海皮，爛天台，舊貨倉拍mv，今次算好豪架喇．但最嘔心都係佢擘到手震震既日本殺手造型同舞姿，果然係谷底一姐，驚嚇程度都係一級，絕無欺場．
至爛電影主題歌曲大獎:
我是貓 (古巨基)
點解得獎：八哥眼巨呢哥哥超級作狀就係人都知，今次係度扮cute扮弱智就完全勁到爆晒燈，一路聽一路令人毛骨悚然，怪聲怪氣得黎仲難聽過ｄ兒歌，驚嚇指數直達十級．
至爛宣傳歌曲效果大獎:
來去豁然－tvb雅典奧運主題曲 (主唱: 奧運六星)
點解得獎: 6隻無乜muscle既仔又唔跳得又唔唱得，奧運時節仲要日播夜播，真係靠害．
1.林峰真係以為自己係歌星，乜主題曲插曲都爭住唱．其實有時間就攪攪自己d頭髮同個樣啦，再整就好似michael jackson咁下陷架喇．有d野都係要靠自己，利夫人都幫唔到咁多加嘛．
2.馬國明年紀都唔細架喇，仲學ｄ後生仔跳跳下，小心骨頭呀，留意下自己d皮膚啦！
3.黎諾懿又係異數，六星之後又變十二新力量，淪落到主持兒童節目，越做越多但越做越cheap，睇黎無記對佢都處半放棄態度咯．
4.陳鍵峰唔係member丫嘛，知喇，仲話做譚伯徒弟，唔通想衰埋一堆？
5.黃宗澤真係史上出鏡率最高既茄呢啡，逢show必有但谷極都係8,9線，真係嘥心機捱眼訓喇．
6.羲羲當扎小生一睇就知臨時拉夫做六星喇，同林峰撞到正排親一齊都咀妙妙，何必呢．
至爛編曲大獎:
銅獎: 四月生日 (主唱: 梁詠琪)
點解得獎: 嘩～琪姨除左識娛樂大家外，仲識虐待大家，搖籃曲既妢娩歌都可以改篇黎唱既，洗唔洗去到咁盡呀，做兒歌都嫌悶喇，做下好心，作唔到歌咪買囉，你都買慣架喇，定係ｄ錢去晒貼你碗麵搞到咁慳皮呀．
銀獎: 蘭花草 (主唱: 葉蒨文)
點解得獎: 玩民族歌中西crossover，結果咪搞到好似阿姐你咁，人唔似人，鬼唔似鬼囉．一味係度依依哦哦，搵班細路扮叫床聲，真係大既唔好教壞細．
金獎: 先苦後甜 (主唱: 梁洛施)
點解得獎: 編曲條友真係懶到出汁，求其抄番'天使的禮物'個編曲就搞掂，離晒大譜，收得人工就做番ｄ野，抄都唔好咁揚丫，真係食濕米，依莎啤嗱既班底果然係高人一線，不過公司上下個個都要接客確係忙ｄ，大家請見諒．
至爛作曲大獎:
藍奕邦 (常言道）主唱: 劉德華
點解得獎: 呢首完全係極級催眠曲喇，試問有幾多個人可以正正常常咁聽得晒首歌呢，未到最後都悶到訓著晒，連劉華自己都幾乎訓得著．作歌呢位新人鞋抽王個樣已經唔討好，估唔到佢內涵仲勁，咁q悶既歌都拎得出黎獻世，仲衰過n年前羅記首"孔子曰"，果然藝高人膽大，前途無可限量，怕且佢下年連幕後都無得撈喇．
至爛填詞大獎:
因葵 (好睇）主唱: 黃伊汶
點解得獎:
何況讓我好睇 何況做到好睇
如若你想好好睇 如若你想好好睇睇
睇得心有蟻
呢度節錄左32個字，究竟有幾多人明佢講緊乜？黃伊汶加因葵真係大師級既金鑽組合，鑊鑊作品都令人極度期待，今次真係又無令人家失望，二人交足功課，發揮佢連'淋直'同'why聞'都要死開一二邊既實力，再配合伊蚊做番佢戲中如花既絕讚演繹，真係眾望所歸喇，完全係無對手情況下再勇奪薯榮．
至爛翻唱歌曲大獎:
eric kwok (歌曲: 煙霧離漫)
點解得獎: 以為已經摺得好實下既郭生，無啦啦又死番出黎唱佢既遺作，係咁兒改少少歌詞就攞返黎唱，都可見佢爛到入心入肺，山窮水盡，乜你唔係好有米既咩？你唔係又想學阿福伯自資虐待我地嘛，你已經成功糟蹋左你既作品喇，求求你唔好糟蹋埋我地既聽覺好噃．
金草莓崇高口水大碟獎:
鄭秀文 (大碟: sammi vs sammi )
點解得獎: 新谷底天后近年都無咩歌好唱，襯仲有少少沙挖，就嗱嗱臨炒番碟口水歌a錢．今次簡直係癲瘋破格之作，誓要將死左既人由棺材激死跳番上黎．相信此作係史上最失敗之翻唱傑作．每一首歌唱到鬼煉咁，好似鬧交多過唱歌，咁好中氣不如去打功夫喇，呢種kungfu style既演繹真係打爛晒杜麗莎飯碗呀．相信佢都係諗住學呀彭羚出完隻告別翻唱碟，完成自己既心願後，從此告別樂壇．
金草莓至尊大碟獎:
twins (大碟: girl power)
點解得獎: 一向穿屎既碟都有一半既歌都只係用黎儲夠數，絕不能有咩期望．今次再接再厲乘勝追擊，一隻碟入面有4首歌要rap，佢地梗係唔記得左自己講野都痴脷筋，plug得上台既就網羅左'女人味'，'丟架'同'拍住上'三首丟盡架既爛歌，都可算穿屎出道至今最攝人之大碟，更係全年最搵笨既大碟．
金草莓至爛精選大碟獎:
優異獎: 梁詠琪＋鄭伊健 (大碟《我鍾意＋discover》)
點解得獎: 兩公婆前後腳咁出精選碟，鬼咩，唔夠錢洗，又係時候搵大家著數，但兩件人氣都見底，今鋪都算係患難見真情，不過你地出幾多精選都無乜用架喇，無人buy就係無人buy，咪見人地出你地又出先得架，係時侯收山喇．
金獎: 郭富城 (大碟《城意三部曲》)
點解得獎: 3cd單碟價，3cd單碟價，係3cd單碟價呀．．．賤賣睇見都心酸囉，但係咁平都無用啦，谷底天皇d歌連網上都無人download，十cd單碟價都去唔到貨啦，無謂製造咁多cd垃圾喇，仲唔環保過紅灣半島呀．
金草莓眼冤封面大碟獎:
林保怡 (大碟: 夢迴慾孽)
點解得獎: 見圖，死未？完全停留係７０年代既風格，難得佢仲自得其樂，霎眼仲以為係保怡扮緊"新鮮人"裡面既智障小朋友．無budget用劇照咪算囉，唔洗咁嚇大家丫麻．
金草莓至爛演唱會大獎:
銅獎: 關心妍 《i am ready關心妍演唱會2004》
點解得獎: 一個冇人聽既演唱會;一首冇人識既演唱會主題曲(i am ready)
幫佢改過個名先－－i am ready to retire 關心妍告別演唱會，咁樣可能多d人買飛．
銀獎: 陳小春 《陳小春夜生活演唱會》
點解得獎: 史上最受難既演唱會，小春袋都開得成concert都算係近世紀最不可思議事件之一，唔明點解有人肯俾錢活受罪，樣衰歌爛都開到concert，章魚城，你有希望架．
金獎: 許冠傑 《許冠傑演唱會》
點解得獎: 完全係a錢既show，sam叔擺明唔夠錢洗又出黎搵食，扮晒洗怨氣，其實就係黎吸屍氣，但廣大市民又心甘情願咁俾佢吸，真係吹佢唔脹．唔明點解世上有唱歌唱得咁難聽既歌神，相信佢認第二難聽，無人敢認第一，如果係'作歌既神'唔該講清楚ｄ丫，教壞細路呀．
金草莓勁屌唱作人大獎:
阿慈 (歌曲: 蔡惠玲)
點解得獎: 陰魂不散既阿慈姐姐果一份堅持，確係唔係一般人可以理解，年年自資出歌蝕到入肉都唔在乎，真係窮ｄ都唔掂呀．今年慈姐仍然騷半胸唱佢超實力話題之作，難為佢一把年紀仲訓得咁盡，唱出轉行做蔡惠玲ol(唔係office lady呀，係old lady噃)既心聲，可惜一ｄ共嗚都無，繼續仆直，我地一定要大大力支持佢．．．入金草莓呀．
金草莓free fall人氣大獎:
陳奕迅 (歌曲: 數字人生)
點解得獎: 醫神今年真係完全失救，歌唱事業有如人肉打樁機直墮谷底，莫講個影，就連聲都唔見埋．如果唔係有一張林子祥致敬大碟，佢就一首上榜歌都冇.....可憐!拍多多戲都唔夠個老婆買兩袋衫....慘！連奶粉錢都無行，真係一屋餓死三個人喇．
金草莓a貨大獎:
a貨祖兒
點解得獎: 祖兒已經夠晒樣衰，好翻唔翻，老翻隻大牙肉，仲要揭露左祖兒本身真正既職業，阿羊生點會咁易放過你？即時下達格殺令，做左一次封面後連影都唔見埋，真係自己唔衰攞黎衰囉．
潮爆至爛造型恐怖大獎:
(男) juno
點解得獎: 見圖，乞兒雞頭伴t骨排，唔洗食飽晒喇 ，實至名歸，做佢形象指導份人工真係易賺，阿豬阿狗都識做喇．
(女) 吳日言
點解得獎: 見圖，512yan姐個八兩金紅姑頭完全抄足潮爆金雞造型，連造手口型不都自覺地跟到足，得喇，係人都知你係喇，唔洗咁揚既．
樂壇雷霆班霸大獎:
蠅皇娛樂有限公司
點解得獎: 呢間公司撐起左半個金草莓天下，年年出盡奶力支持樂壇，量產嘔吐型垃圾新血，從未令大家失望過，今年旗下歌手：大牙肉，穿屎，余米高，依沙啤嗱，gay'z，謝檸檬，吳做莊，郭生同i love you gayz等等粒粒都係金草莓天皇巨星，就連跳水運動員都被睇中，就知班霸既陪訓事業係幾咁周詳．黎緊呢年絕對唔會放慢腳步，繼續栽培極品打入世界市場，我地就睇下佢地下年有咩重點新人先－－黃榕和雷凱欣.
[17/12太陽日報]蠅皇新進女星黃榕和雷凱欣，雖然擁有天賦的好身材，但她們卻惜肉如金，誓死不拍三級片，因為怕嫁唔出！(我信架，拍過三級片想搵老闆要都難啦！)
起初仲以為睇緊風月版．．．
到呢個揭曉大獎既緊張時候，為左緩和大家腦充血既氣氛，我地就請今晚本大會既兩組壓軸嘉賓黎個表演，首先有請穿屎同佢地既新歌－－老鼠味．
老鼠味－－（原曲女人味）唱出老鼠安既featuring既偉業 （鳴謝 麻甩仔慷慨提供）
from rat to andy, how come you so greedy ?
a rat called andy, knows how to cheat ladies !
開始懂得老鼠怎去害人
開始懂得老鼠安好似牛糞
開始覺得要公審這賤人
開始覺得老鼠安需要自刎
行為衰得離奇
擰轉背靠害你
合唱變 featuring
一鋪將你撟起
老鼠味 太攻鼻
為博?金奬出賣你
慌你唔死
老鼠的低庄低過人
下下出奸招好冇品
偷呃拐騙 佔人便宜 逢人刮一筆
老鼠安 cheap 都 cheap 過人
老鼠安專職 "蝦" 女人
現在讓大眾驗證老鼠怎去鬥李克勤
from rat to andy, how come you so greedy ?
a rat called andy, knows how to cheat ladies !
好喇，聽完人地點唱佢，我地就請番當時人即場獻唱回應喇，有請老鼠安同deanie姐上台鬥瓜鬥臭，請鼓掌．
人心不足－－(原曲美中不足) deanie姐終極訓身一擊之作 （鳴謝 麻甩仔慷慨提供）
主唱 : 葉德嫻 featuring 老鼠安
葉 : 回去 , 仲唱盞自討沒趣
葉 : 為個奬又博懵下去
葉 : 入你的廚房吹水
葉 : 再午睡
鼠 : 成日針對 , 又有乜野樂趣 ?
鼠 : 合唱歌變和唱認真濕碎 !
葉 : 仲未賠罪 , 實在冇規舉 !
葉 : 因乜你咁仆街咁賤格咁衰 !
鼠 : 係你先信任我 !
葉 : 就當我遭遇橫禍...
葉 : 何解我會信老鼠安 ?
葉 : 唔念下當初點哀求 ? 是那樣傍惶 ?
葉 : 沒我做輔助 , 點 hit 到隻歌 ?
鼠 : 但你都冇罵我 !???
葉 : 難道我拂袖離座 ?
葉 : 留低你這自私傢伙 !
葉 : 餘孽太多 ~
葉 : 又未肯死喎 ~ !?
鼠 : 唔怕 ! 我繼續唱壓軸
葉 : 下次你要再搵幫手...
葉 : 咪預我 !
04至爛金草莓本地極級女歌手:
銅獎: 鄭希怡 (花多眼亂/心眼)
點解得獎: 余米高上年如日中天就搶左個男歌手獎，今年變番人妖再攞埋個女歌手獎，災難依然仲升埋級，雖然成為'姨姨豬'棄將但仍然發揮虐待世人本色，用佢低左16度既key起勢咁喃嘸oh-boy，聽到人火都黎埋，極度挑戰大眾既忍受程度，傑作一首接一首，總之聽你唔死都五勞七傷．世上有歌手如此，希望大家唔好後悔生於呢個年代．
銀獎: 關心妍 (假使我漂亮/無痛失戀/髮調橙/慘得過我)
點解得獎: 人氣慘過玩過山車既阿jade，一年霉過一年，俾公司雪完都未解凍又再雪過，破晒藝人連續被雪藏既紀錄．年頭告別演唱會仆到直，年中大碟又蝕到趴，新歌死谷難谷都無人騷，寫真集胎死腹中，就連信用卡都被人盜用埋，真係越窮越見鬼，成為新生代既冰封天后．明知自己慘過dee dee即刻食住個勢整番首"慘得過我"，極度應景，打算生葬自己，可惜已無人有時間為佢瞻仰遺容．
金獎: 盧巧音 (美麗在唱歌/算數/溫室/風吹不走笑容)
點解得獎: 陰姐去年己對呢個獎虎視眈眈，可惜去年未成氣候，經過一整年重整，陰姐果然氣勢如虹，今年勁plug幾首歌都無聲無氣，plug邊首就死邊首，死亡命中之高都算係歌手之冠，人氣沉到落谷底幾百米，仲霉過岩岩出道果陣時．唱左咁多年歌，歌藝不但無進步仲越黎越衰，聽襯佢既live簡直係嚴刑銬問咁攞命．明明係rock友又係度扮唱商業情歌，搞到不倫不類，係時間清醒下喇陰姐，金獎你應得既．
04至爛金草莓本地極級男歌手:
銅獎: 鄭伊健 (心照/內傷)
點解得獎: 伊麵滿身係內傷都應該心照喇，又係唱歌唱左十幾年都無進步，形象十年前古惑仔到而家都無變過，消失左幾年後復出仲衰過以前，plug咩歌都無咩人知，以為拍戲過氣就唱返歌食老本，點知無情情成為新一代谷底透明人，差唔多四十歲人先黎衰收尾都咪話唔慘情，最難為係隻芝芝要養番佢轉頭，好可憐啊．．．．
銀獎: 郭富城 (夏意識/野草/砌你)
點解得獎: 谷底天皇終於搞得成佢個告別演唱會，臨葬前挖得幾多得幾多，小美有靈有性都會戥佢開心，放下心頭大石．天皇上年開始就絕跡晒所有大小頒獎典禮，無宣佈唔攞獎都可以達到預期效果，食力非凡前無來者．今年再乘風破浪繼續為加添爛歌而努力，為谷面雪上再加霜．不幸既係仲有另一天王氣勢一時無兩，整到谷底城唔可以獨攬金草莓做大嬴家，可惜！
金獎: 黎明 (一比一/不可一世/一言為定/別舔傷口)
點解得獎: 首首歌都有一字，就知佢幾咁恨做一哥啦，今年終於恨到喇！人地劉華就攞其他獎攞到手軟，佢都唔輸蝕，一樣空降橫掃金草莓．四大天王就只有佢有實力同谷底城鬥過你死我活，以為佢已光榮引退，可惜摺埋一排又死灰復燃，換過一身out爆造型再戰深坑，為挽頹勢攻擊排山倒海，野野都技驚四坐玩歌劇爆咪，不論快歌慢歌都係用同一個音'鍊'住喉嚨咁叫，無乜邊首歌入得耳，拍既廣告又係同以前"阿may式"一個屎眼度痾出一樣，唉．．．
亞太區至爛金草莓本地女歌后:
鄭欣宜 (歌曲: 想飛)
點解得獎: 千呼萬喚始出來！用幾百萬搣脂搣到去加拿大真係識推動經濟．"呢d野可以食架！．．"呢句話次次聽佢講親都好心寒，造作到佢老豆都自嘆不如．曾幾何時肉騰騰扮britney spears，而家仲有埋自己歌，樂壇和平左咁耐，估唔到欣宜又延續佢阿媽四朵金花既震慄攻勢．相信佢首歌改名叫"想死"就比較貼切d．不過提一提你，當年陳漢詩減肥減到黐左線，小心ｄ啦！唔好搞到思覺失調，妄想自己真係一件識飛既靚女先得架，拜託．
亞太區至爛金草莓本地男歌皇:
謝霆鋒 (歌曲: 快)
點解得獎: 係香港已臭名遠播，人氣，聲譽已滑到見底既檸檬，星途簡直係坐以待斃，今年依舊叫人留意佢既音樂，但依舊事非比佢既作品更有可塑性，可惜緋聞炒完又炒都係無咩聲氣，打算頻頻出國語歌力保大陸人氣，不過仍然繼續仆直，連過氣既菲嬸都一腳伸開佢．上年就開快車，累人坐監；今年就打王伯昭打到爭ｄ俾人告，害人訓醫院．呢個害人精由香港攪到返大陸單單都大大鑊，絕對足以係亞太區封王；期待佢下一年又有咩新攪作．
音容宛在致敬大獎:
張佩金 (原名: 張鎧潼/張寧) (歌曲: hey囍)
點解得獎:今年唔得好多賀年歌，呢首係其一，可怕級數絕對係今屆大熱．可惜某個報榜dj聲稱今年只有一首賀年歌(四喜臨門喜迎春)，完全當張小姐死既．估唔到一個月後真係機乎死得，搞到甩皮又甩骨，撞車後執返條命仲話想復出，真係服得佢好緊要，淨係呢份堅持已經值得攞返個獎．祝佢早日復出之後仲好似你首歌既歌詞咁，"旺到爆起"喇！
死台聯頒至爛傳媒大獎:
許志安 (歌曲: 美中不足)
點解得獎: 今年隻隻歌都plug唔起，人氣唔夠又冇hit歌就搵deanie姐姐過橋都唔係第一次架喇，今次仲要衰到明明係合唱歌，葉德嫻變左做大配角，獨吞播放率，想係所有頒獎禮食盡獨唱同合唱歌，手法卑劣，俾傳媒踼爆仲理直氣壯，連deanie姐姐都睇唔過眼潤佢兩野，佢都得架喇．冇獎攞會死咩，幾十歲人都唔化架！唔怪得比人叫老鼠安啦，做埋ｄ野都零舍鬼鬼鼠鼠！為左力谷頹勢，罕有高調地廢嗡佢同臭四既過氣戀情，聲淚俱下扮晒性情中人，新碟咪一樣順利仆到直一直．連人地金牌運動員劉翔都飛起你，臨時改搵古巨基合唱，你知掟就摺埋自己塞入個喼到，無謂獻世啦！你d過氣老死等緊你架．
04年度至尊榮譽金草莓歌曲大獎:
04祝福你 (許冠傑+全港歌手)
點解得獎: 屌！悶撚到爆既典型災難歌，娘爆程度同七八十年代既歌係無咩分別，歌神果然係歌神，仲要冚家一齊咁上，同你玩包抄．唱完又無錢分，d歌手都係俾面求其唱完走人．本身香港就唔係好慘，但就俾你地唱到好鬼死慘，好彩大家都知衰，首歌播左一陣就徹底咁消聲匿跡，真真正正咁為廣大香港市民著想，做番件04年最好既好事．
嗜英殿堂國恥金針草莓大獎:
譚詠麟 (歌曲: 披著羊皮的狼)
點解得獎: 校工伯伯年年語不驚人誓不罷休，而家唔玩鬧濱崎步喇，轉死性讚人喎，搞個新四大天皇你仲有無樣衰d呀，搞到人地尷尷尬尬，d後生仔都頂你唔多順但又唔係好敢兜口兜面飛插你，怕你老人痴呆發爛渣又再嗡三嗡四，神憎鬼厭．除左年紀心智永遠停係25歲，終日幻想自己係天山童老外，連風格一樣都係停滯係佢最風光既80年代，可惜又驚而家自己已無晒市場，終 日周圍黐，但伙拍件件都係極品．今時今日仲煩到隔一日就會打一個電話去香港直播，好似乜叉都關佢事咁，極級奄悶謀殺，絕對係國家一級保護元老，免得對外洩漏荼毒世人．
殿堂至尊榮譽全球華人金草莓大獎:
william hung (歌曲: 蘋果加玫瑰，令你更嬌麗)
點解得獎: 係美國懶紅，直捲全球都唔知算係為華人爭點光，定係失禮街坊，最慘仲要回流返香港，嚇到阿婆失失慌．樂壇，電視，電影，廣告全面無情咁通殺，風頭一時無兩，就連家燕姐都無奈地話佢cute．
佢最大既成就就係宣傳反歧視，顯示就算有唐氐綜合症都可以做歌手出唱片．
佢既存在，推翻晒所有以往既審美標準，為而家樂壇果d所謂垃圾歌手打左支強心針．
佢既驚人抽筋舞姿，係show off佢平時做物理治療既成果．
佢既事業，係印証左世上母愛係幾咁偉大，就算個仔成廿幾歲人都同佢一齊跟出跟入，為佢回應外間一切既問題．
佢既成功，係揭示左世人享受墮落，潛伏極嚴重集體性自虐傾向既事實．
佢既光芒，'燦'眼到令全球華人都無法抬頭．
雖然各方逃亡潮持續高企，但仍不損william小朋友既地位，佢絕對係本世紀最令人難忘既超班新星．相信有一日如果真係有複製人"多莉"，都會同佢情況不遑多樣．
完，多謝觀賞．再見．
大撚仔版權，歡迎翻印
後筆:
寫了好幾天,確是有一點冗長,希望大家不會覺得太悶,
看金草莓就好像看一般八掛雜誌那樣,點閱今年另一面的樂壇,
笑過了就算了,不要太認真,否則傷身.
當然,我創作了一篇公開性的批評,也自當有被人批評的覺悟,
同樣,身為藝能界的公眾人物,相信也應該有接受批評的能耐.
雖然整個樂壇都給批評了,但也只是想皆大歡喜,
上年有讀者批評為什麼有些歌手沒獎,
說我是偏袒某幾個我自己喜歡的歌手,
也說我只是針對某幾個人,我有點百詞莫辯,
今年只有盡我的能力,希望諷刺得來,也有一點平均,
結論是有點像新城,但請勿見怪.
今年也收到不少投訴,
但相對上年有真正音樂人,作曲人用icq來把我怒罵數天,
罵到狗血淋頭,今年受到的指責也不算是什麼.
我寫的原意不是攻擊任何人,
just for fun,希望大家明白.
有些人會覺得我某些評論很沒point,
但什麼批評才是有point是很玄的吧.
一個歌手的歌藝,年資,年紀,外貌,身形,歌曲,班底,演繹,舞台演出,工作量,態度還是形象?
觀點各有不一,就好像不同宗教的人,
在討論究竟是耶穌,佛祖還是真神阿拉才是真正的神一樣,
就算討論數千回合,相信也不可能得出什麼結果.
這是很主觀的,因為各人價值觀不一.
有些人說到要糾正我的觀念,
希望大家分得出需要糾正的是我?是社會?還是應該糾正自己,去接受殘酷的現實?
要糾正的,是否這一個只著重包裝的樂壇?
要糾正的,是否現在不講求歌藝,只求外表的時代 ?
要糾正的,是否追求視覺效果的表演,而不是歌曲本身的欣賞的觀念?
要糾正的,是否一個情歌泛濫,沒有其他歌曲類型生存的空間?
要糾正的,是否那間年年盛產某一類偶像歌手的娛樂公司?
我才不是那麼偉大到企圖去改變這個社會,
但當今樂壇的現實確是如此,
我也不是神人,我寫此文的出發點只是大家開心,
至少希望不要損人而不利己吧.
什麼是值得欣賞,什麼是值得批評也是一件極主觀的事,
最紅的歌手也有討厭他的人存在,
最霉的歌手也有他的支持者.
我的創作也只是用平常心,
以我有限的認知,身旁各方的一點大眾共識,
以抵死一點的手法表達出來.
盡管主觀,但也希望盡量寫得公平客觀一點,
但相信也不需要到舉行一個公投吧.
有人覺得我批評師兄說得太過份了,
但我也很想了解他的fans,你我是喜歡他的外型,聲線還是歌曲?
相信外型總有一點點的關係吧?
如不是,為何你們不喜歡e-kids呢?
平心而論,論歌藝聲線e-kids的青蛙仔確是不錯的,
上年度也有首"玩玩具"也真的不錯,
為何沒有好像你們說"思覺失調"般的街知行聞呢?大家心裡有數吧.
如我要迫你們戀上了e-kids,是糾正你們對歌手外觀的歪念,你們會接受嗎?
一切都是主觀的喜好,
只要是喜歡的人,任何更有point的批評,對你來說都是沒point的.
你不喜歡的,也懶理得批評是如何的沒point.
說真的,我家的老媽,老爸現在最喜歡聽的是張偉民和胡美儀,
什麼是今年橫掃新人金獎的師兄?對她們來說根本不值一看.
什麼是街知行聞的"思覺失調"?不要天真她們會聽過.
不同的人,也會主觀地把他眼前喜歡的,變成理所當然,
而忘記了什麼是現實:
唱片不賣得就是不賣得,
谷底就是谷底,
人氣下滑就是人氣下滑,
28歲才競逐新人獎是大了點就是大了一點,這就是現實,也是事實,
雖然消極,我們就要是學習接受現實.
請看開一點.
說起了現在的香港樂壇,
說真的我不喜歡,除了音樂類型太狹窄外,
(當然香港市場太小了,不能勉強可包容到什麼音樂種類)
但連歌詞都已去到情歌泛濫的地步了,
十首歌有九首歌都是情歌的,
沒有辦法吧.k歌,情歌就是最賣錢的,這也是現實.
對我來說,大熱的"小城大事","艦隊","愛與誠"等等只是好聽,
我也會唱會聽,但未去到我會欣賞的地步.
問心的,我十分欣賞藍奕邦的作品,(一個被我在金草莓批評得十分狠的歌手)
"熱帶魚","自知知明","世界這樣大"等等除了旋律不錯外,
歌詞真的是十分有意思,很特別,
比一些所謂唱到街知行聞的情歌其實還來值得欣賞,
當大家還沾沾自喜那些歌曲是金曲,那些歌曲是如何橫掃各大小獎項,
其實我也會替香港音樂感到悲哀.
可惜的是我認識的人,多數都不喜歡這個新人,
絕多數的人似乎地不太在意他的音樂,
為什麼?我估計這和他的外貌有關吧,這就是現實.
結果,那管我自己喜歡與否,我也把我對外間一切對他的負面感覺,
一一作為批評,這個金草莓就是以這方向完成的.
什麼歌手才值得金草莓催殘,其實也是很玄的.
我也好喜歡joey,但如果我說我也十分喜歡twins,(2組我也踩到很盡的歌手)
大家會否覺得我也很膚淺?接近三十歲人也喜歡聽twins的歌是否很低能?
但可說你知,我喜歡就是喜歡,懶理其他外間對她們的負面新聞,
所有人對她的負面感覺,也不會損我喜歡的程度.
這是對我自己的信心.
我常和朋友說,我就是喜歡twins的白痴.
很多人一看到被'神'化的偶像被攻擊,就會義無反顧地為他挽不平,
其實是對自己的欣賞沒有信心,
當有和自己的觀點相反的人出現,就會擔心會動搖自己的信心.
好像我也喜歡濱崎步,但她出道至今的負面新聞多的是,
身邊的朋友都接受不了她的'雞仔聲',
她常常被報導態度差,又被揭穿曾當過三陪女郎,
她的男友長瀨又極度討厭,現在事業又見頂,
但是,喜歡就是喜歡,我不會在意其他的事,看過就算了.
我說了什麼多,其實就是強調了現實.
由細到大我都不喜歡聽梅艷芳的歌,
還覺得'慾望野獸街'等作品是十分可怕,
但梅艷芳沒有好歌嗎?絕對不是,盡管我不喜歡,我也會欣然接受,
梅艷芳絕對是至今樂壇最具代表的女歌手,
是最多支持者的香港歌手之一,作品深入民心,
雖然我從來都不喜歡那低沉雄厚的聲線,
但不得不承認梅艷芳是香港最能發出舞台光芒的巨星.
這就是現實.
isabella等歌手才值得批評?
我們憑什麼呢?
客觀的現實話給我們知,她的fans可不少.
大家對她的批評是否過於主觀?
'慾望野獸街'其實比'晚晚乖'好不了哪裡.
哪些是好歌,哪才是爛歌,各有不一的看法,
就正如金草莓,有人會很喜歡,也有人很討厭.
既是如此,大家何不輕輕鬆鬆地看金草莓,
當作茶餘飯後的一則笑話?
也許大家觀點不一,
在現今充滿歧視的年代,我們不可求同存異?
也不可能做到雅俗共賞?
雖然我的文筆只是班門弄斧,但咬文嚼字又有何難?
我會看娛樂版,同樣也會看港聞,
我會看鏗鏘集,同時我也會看獎門人,
我平時喜歡看書,但我也十分喜愛看四級片,
我會收歛的表達,但也會識寫粗口的破罵.
低俗,賤格就是金草莓的賣點,
粗鄙不起就是我的失敗,
沒有看清聲明,堅持虐待自己的不是我,
究竟誰是最賴皮的呢?
批評別人其實是一件極其容易的事,
正如大家要批評我,也是極度容易的事,
但當我發覺,要批評150次,原來也不易的,
由其要蹂躪自己其實也都很喜歡的歌手.
由一開始的寫作,就會知無論怎樣寫也不能取悅到所有人,
甚至明知會得罪很多人,
因為大家都總是喜歡聽好說話,就算明知是謊話.
支持我寫下去的,是一班金草莓的fans.
最後,再多一次,多謝大家浪費時間看我的廢話.
|
|
發表於 2005-1-7 05:55:21