|
為方便我寫兼方便你睇，將原文譯作粵語版ffice ffice" />
心中的紅綠燈
唔單止一個人，連一個城市嘅心中都應有盞紅綠燈
——題記
廣州係全國最早引入西醫嘅城市，但當內地某啲人話中醫係偽科學，應該廢除嘅時候，走出嚟維護中醫嘅仲係廣州（詳情請於網上搜索“廣州宣言”）
呢啲就係廣州文化嘅特徵，面對外來文化會打開綠燈，但當危害到祖宗留落嚟嘅嘢時，會毫不猶豫地打開紅燈，
呢個令我諗起近牌廣州文學界最紅嘅一人——廣州日報記者文遠竹。佢“紅”並唔係因為佢啲文章寫得精彩，相反，係因為佢寫啲嘢犯咗眾憎，講咩嘢“推普誓要吞下廣州這塊硬骨頭”。陳揚老師對此評論曰：“方言唔係普通話嘅敵人，請推普工作者唔好將方言當成普通話嘅敵人。”講真，如今嘅推普早已違反咗方便人民群眾交流嘅初衷，而演化成要消滅方言嘅霸王行為。
根據《聯合國公民權利與政治權利國際公約》使用母語係基本人權，即係話你可以叫我講普通話，但唔可以唔畀我講我嘅母語，千祈唔好同我講話中國人嘅母語都係普通話，《現代漢語詞典》對“母語”嘅詮釋係：“一個人最初學會的語言，一般情況下係某地標準語或方言。”
相信如果推普可以溫柔啲嘅話，廣州係會好樂意為佢開綠燈嘅。（寫到呢度，啱好踩住600字條線，想收筆，又驚佢話我唔夠字數，就加多咗句）呢個亦都係孔夫子“過猶不及”嘅道理。
後記：大家都知我講嘢簡潔，而且一向懒慣，寫多個字都嫌嘥力，所以篇嘢就確係簡短咗啲。其實我本來係預咗寫小說嘅，當然唔係寫而家啲垃圾小說，係仿照明清體寫。（就好似我話寫詩，唔係寫而家啲垃圾詩，而係寫唐詩一樣。）寫小說既可以表現文學性，又可以體現思想性，喺考場上要攞高分一啲都唔難，而且我思路已經諗好晒，只係套唔到題目，有機會整理埋出嚟供大家點評！
[此帖子已經被作者於2007-6-18 22:30:06編輯過]
| 
發表於 2007-6-19 06:24:59
發表於 2007-6-19 07:20:15