[轉貼]大澳

desmond

大澳响香港新界大嶼山西部，係香港剩低最出名嘅漁村；條村一部分响大澳島上。大澳嘅水鄉風情好特別，所以有花名「香港威尼斯」。

大嶼山上嘅主部分，一條水道向西、北岔開，大澳島就係响岔流上面。大澳地形好特別，大部分响河岸上面，靠兩條行人橋連埋。島上對住南中國海嘅西、北部無人住。

大澳附近嘅考古遺址──鹽田遺址，可以追溯到石器時代；但係固定又查到嘅人類部落就只有三個世紀嘅歷史。以下係證實唔到嘅傳聞：第一、大澳係好多走私同海盜行動嘅基地；第二、涌口可以防禦到暴風雨；第三、呢道有一個好隱蔽嘅地方。响附近，分流有條要塞响1729年就起好，用嚟保衛珠江嘅航運。走私槍、煙葉同毒品，以至偷運人蛇出入中國大陸，呢啲非法行動家下周不時重見到。

16世紀，佛朗機人（即係而家嘅葡萄牙人）嚟到中國南部沿海，曾經佔領過大澳一帶起補給據點，後嚟响屯門一帶畀明朝軍隊打走咗。呢件事歷史叫做屯門海戰。當時嘅據點，居民叫佢做「番鬼塘」，一直叫到而家。

英國人嚟香港時，大澳叫做蜑家村。國共內戰同戰後，大澳做咗中國大陸走難來香港嘅人嘅重要落腳點。移民裏面，漢族通常會留响大澳。唔單只咁，大澳都吸引咗香港嘅其他民系，好似鶴佬人同埋客家，佢地都响度住落嚟。

近呢幾年，大澳嘅漁業越做越唔掂，村民淨係靠打魚都好難搵食，於是轉行做咗海產加工。大澳之所以出名都係因為咁。島上面只係剩低一間公立學校教緊書，好多後生仔大個咗都走晒。

2000年7月2號，有場大火燒咗大澳沙仔面90幾間棚屋，對漁區嚟講好大件事。有關方面盡力執返靚大澳，但係現家剩低落嚟好多係臨時營房同埋熔熔爛爛嘅棚屋。

大澳有名佢叫「香港威尼斯」。大澳响離島上面，離嘈雜嘅市區好遠，比較少受到都市化嘅影响，所以重保留咗早期香港嘅漁村風貌。大澳風景好靚，水道上面嘅高架屋──棚屋，就係漁民嘅屋企。河、涌好有秩序咁穿插响一排排嘅古老棚屋建築群裏面，烘托出一種好特別嘅漁鄉風情。

大澳傳統嘅鹹魚、蝦醬同魚肚好出名。嚟到大澳，遊客會聞到好大浸嘅海味味。

大澳同大嶼山本島之間曾經起過橫水渡，亦都係大澳嘅特色之一，但係而家已經淘汰咗。

就算喺2000年7月2號發生過大火，大澳重係香港人同遊客嘅旅遊熱點。水道上面嘅棚屋，重滲透住醒神嘅漁村氣息。嗰度嘅女人管理嘅橫水渡（又叫做繩橋），以前幾受遊客歡迎，而家已經畀鋼造嘅步行橋──橫水橋取代咗。

遊客嚟到大澳，鹹魚、茶果、蝦醬同魚肚都係佢地想揀嘅手信，喺舖頭同中心大街兩邊都有得賣。

幾十蚊就租到架細船，村民會揸架船帶遊客喺水道上面穿插，同埋去大海游覽下。為咗睇中華白海豚，好多遊客都會去大澳體驗下水鄉嘅旅程。值得一提嘅係，船去到大海，因為好近珠江，所以遊客嘅手機可以接收到中國大陸嘅訊號。

遊客重可以欣賞嗰度嘅自然風貌，大澳响鹹淡水交界嘅位置，所以附近有好多紅樹林。唔單只咁，重吸引咗唔少招潮蟹响呢帶生活。

 

[此帖子已經被作者於2007-6-6 17:43:42編輯過]

殺人王

用粵白話文寫成嘅介紹文章?

果然係正宗嘅"粵語文庫"

highyun

有冇人用白話寫文介紹下廣東？

lhk

好想前往遊覽，多謝介紹~~

南汉

澳，是闽粤地区常见的地名，一般是近海、近水的地区。

Wai

以下是引用highyun在2007-6-6 20:49:25的發言：
有冇人用白話寫文介紹下廣東？

廣東，簡稱粵，係中國南方。現為中華人民共和國嘅一個省，叫廣東省。廣東位於南嶺以南，南海之濱。同香港、澳門、廣西、湖南、江西、福建等地方接壤；同海南隔海對望。廣東係廣州係佢省會。廣東喺語言風俗、歷史文化等方面都有著自己嘅一面，與中國北方地區有好大嘅唔同。而呢幾年，廣東亦成為中國最發達嘅省份之一。廣東同佢旁邊嘅廣西淵源深厚，而廣字就係源於佢地自晉朝都係跟位同一行政區廣州。

歷史

秦朝以前，廣東係越族人聚居之地，稱為百越地，被中原人當做野蠻人嘅地方。周夷王八年建立的楚庭，成為廣東地區嘅中心。秦始皇33年統一嶺南後建郡，嗰陣屬南海郡。漢初趙佗據嶺南三郡稱南越國，建都番禺即今廣州)。廣東成為南越國政權地頭。元鼎六年，漢武帝平南越，開番南海郡。元封五年被收入交州。

三國至隋唐

三國吳黃武五年，分交州合浦以北地段，大約依家廣東地區，叫做廣州。晉及南北朝就保住呢嗰名。隋文帝在位時，廢哂所有郡，起廣州總管府。仁壽元年因避太子楊廣嗰名就改為番州。大業三年復置南海郡，屬番州。唐武德四年復置廣州，初為總管府，後改都督府。貞觀元年置嶺南道。乾元元年，罷嶺南道採訪使，改設嶺南節度使，僅轄今廣東地區。咸通三年嶺南分東、西二道，今廣東屬嶺南東道。

五代及宋元

唐末諸藩崛起，南漢國在嶺南立國，廢嶺南道。而廣東成為南漢政權的中心地區，直轄於南漢朝廷。宋太祖開寶四年平南漢廢其建制，復置嶺南道。宋至道三年設廣南東路，為今日廣東省名之出處。元至元十五年屬江西行中書省，並設立廣東道宣慰使。

明清到近代

明洪武二年5月改廣東道為廣東行省。洪武九年7月廣東行省為廣東承宣佈政使司，通稱廣東省。清為廣東省，受兩廣總督管轄。1911年11月9日，廣東省宣佈獨立，成立軍政府，成為中華民國轄地。1916年7月6日改為文人政府。其後多次成為孫中山先生反北洋政府運動嘅大本營。1926年11月10日省政府改稱省國民政府。陳濟棠主政期間(1929年-1936年)，廣東經濟、文化、交通同埋城市建設有顯著發展。

1938年10月21日至1945年8月15日，部份地區（包括廣州、佛山、中山、江門、東莞、寶安、惠州等地）淪入日軍手中。1950年6月27日，中國人民解放軍攻佔珠海萬山群島，全省落入中國人民共和國手中。

解放後，省政府沿用國民政府的制度省政府，叫，但後來改咗做省人民政府。1968年2月21日，廣東政府因文化大革命跟風改名廣東省革命委員會。1979年叫番省人民政府。

中華人民共和國建國以後，廣東行政區域縮咗，包括將懷集由廣西劃入廣東，就將欽州、防城港、北海撥入廣西，後來又將海南島獨立建省等。

地理

廣東周圍有福建、江西、湖南、廣西、海南、澳門、香港。地處中國南部，北依南嶺山脈、東北為武夷山脈，南臨南海，海岸線3368公里（不含島嶼海岸線）。全境地勢北高南低，北部、東北部和西部都有較高山脈，中部和南部沿海地區多為低丘、臺地或平原，山地和丘陵約占62%，臺地和平原約占38%。主要山脈有蓮花山、羅浮山、九連山、青雲山、滑石山、天露山、雲霧山、雲開大山，多呈東北至西南走向，並與海岸線平行。集水面積在100平方公里以上的幹支流河道共有640條，分屬珠江和沿海諸河水系，主要為東江、北江、西江和韓江；境內多年平均降水量1774毫米。參閱：廣東地理

行政區劃

廣東底下有21個地級市，54個市轄區、23個縣級市、41個縣同埋3個自治縣

地級市： 廣州 中山 珠海 深圳 茂名 肇慶 惠州 潮州 汕頭 湛江 江門 佛山 韶關 東莞 汕尾 陽江 河源 梅州 清遠 揭陽 雲浮

縣級市： 英德 臺山 開平 普寧 羅定 高州 高要 鶴山 四會 增城 廉江 恩平 從化 連州 雷州 樂昌 陽春 吳川 興寧 化州 陸豐 信宜 南雄

民族與民系

廣東古為百越之地，民族成分複雜多樣。隨著歷史上漢族人嘅不斷南遷，民族間不斷融合，如今廣東以漢族人占絕大多數，少數民族有瑤族、壯族、苗族、黎族、佘族等。

節選自 維基百科 http://zh-yue.wikipedia.org/wiki/%E5%BB%A3%E6%9D%B1